Այս ի՜նչքան լույս կա այս Վարպետի մեջ, ինչքան իմաստություն, ինչքան շատ լավատեսություն կա նրա մտքերում, գործերում, կենսաընկալման մեջ… Լսում ես իրեն, լսում, և կյանքը կրկին ներկվում է լույսով, երանգներով ու բարությամբ, լսում ես ու …ապրելդ գալիս է:!!!
ԴՐԱԿԱՆ ՄԱՐԴ, ԵՐԿԱՐ ԿՅԱՆՔ ՔԵԶ…
Առաջնորդվելով Սահմանադրության 125-րդ հոդվածի 3-րդ մասով եւ «Ազգային ժողովի կանոնակարգ» սահմանադրական օրենքի 139-րդ հոդվածի 2-րդ եւ 4-5-րդ մասերով՝ պատգամավորների ընդհանուր թվի առնվազն մեկ քառորդը Հանրապետության նախագահի թեկնածու է առաջադրել Վահագն Գառնիկի Խաչատուրյանին:
Այս մասին տեղեկացրին ԱԺ կայքից։
Փետրվարի 2-3-ը, 6-ին սպասվում է առանց տեղումների եղանակ: Փետրվարի 4-ին առանձին շրջաններում, 5-ին շրջանների զգալի մասում սպասվում են տեղումներ:
Քամին՝ հարավ-արևմտյան` 2-5 մ/վ:
Փետրվարի 2-4-ն առանձին շրջաններում սպասվում է քամու ուժգնացում` 18-23 մ/վ:
Օդի ջերմաստիճանը փետրվարի 2-3-ին աստիճանաբար կբարձրանա 2-4 աստիճանով:
Փետրվարի 2-3-ը, 6-ին սպասվում է առանց տեղումների եղանակ: Փետրվարի 4-5-ը սպասվում են տեղումներ:
Հայոց բանակի 30-ամյակին նվիրված միջոցառում Լոռու մարզային գրադարանում: Վերջինս, համագործակցելով Վանաձորի Սարգիս Թևոսյանի անվան պետական պոլիտեխնիկական քոլեջի հետ, հանդեսականի դատին հանձնեց ,,Քերծված սրտեր,, խորգիրը կրող միջոցառումը…
http://migfm.am/
«Դասավանդի՛ր, Հայաստան»-ի հիմնադիր և գործադիր տնօրեն Լարիսա Հովհաննիսյանը և ՀՀ առողջապահության նախարարի առաջին տեղակալի խորհրդական Արազ Չիլոյանը հանիպեցին Լոռու մարզպետ Արամ Խաչատրյանին՝ քննարկելու «Առողջ Հայաստան» հիմնադրամի գործունեության հեռանկարը։ «Հիմնադրամը հավաքագրելու է բժիշկների ու բուժակների, որոնք միջազգային և տեղական մասնագետների հետ վերապատրաստումներ և որակավորումներ անցնելուց հետո երկու տարի ժամկետով գործուղվելու են այն գյուղեր, որտեղ նրանց կարիքը կա: Փորձնական ծրագիրը կմեկնարկի 2023 թվականին Լոռու մարզում»,- ասաց Լարիսա Հովհաննիսյանը։
«Առողջ Հայաստան» ծրագիրը ստեղծվել է մեր Առաջնորդության զարգացման կրթական ծրագրի մոդելի ու փորձի հիման վրա։ Այն առողջապահության ոլորտում նոր շարժում կստեղծի՝ հավաքագրելով բժիշկների և բուժակների և գործուղելով նրանց Հայաստանի և Արցախի գյուղական համայնքներ՝ տեղում ցուցաբերելու մասնագիտական օգնություն մեր համաքաղաքացիներին։
2019 թվականի Ալավերդիում Քաղաքային շուկա է կառուցվել, որի համար 9 մլն դրամ է հատկացեվել ՝ համայնքին տրամադրվող բնապահպանակն սուբվենցիաներից: Քաղաքային շուկան մինչև օրս սակայն, չի շահագործվել ու արդեն նորգաման կարիք ունի: Բացի այդ վերջերս այնտեղ գողություն է կատարվել: Գողություն կատարողները չեն հայտնաբերվել:
Անկյուն գումարած 3, Ալավերդի
ԿԳՄՍ նախարարության աջակցությամբ հայ-իրանական դիվանագիտական հարաբերությունների հաստատման 30-ամյակի շրջանակում Սոս Սարգսյանի անվան «Համազգային» թատրոնը կմեկնի Իրան՝ հյուրախաղերի:
Թատերախումբը կմասնակցի փետրվարի 6-15-ն Իրանում անցկացվելիք «Ֆաջր» փառատոնին. Թեհրանում և Սպահանում կներկայացվի «Լոռեցի Սաքոն» բեմադրությունը:
Երկու երկրների միջև դիվանագիտական հարաբերությունների հաստատման 30-ամյակի շրջանակում նախատեսվում են նաև մի շարք այլ նախաձեռնություններ: ՀՀ-ում ԻԻՀ դեսպանատան մշակույթի կենտրոնի հետ համագործակցությամբ իրանցի ռեժիսոր Ջոնաս Մոհամադին արդեն նկարահանել է «6.60» կինոնկարը, որը շուտով կներկայացվի հանդիսատեսի դատին:
Ռեժիսոր Անահիտ Աբադը բեմադրում է իրանական էպոսը, «Համազգային» թատրոնում նախատեսվում են իրանական պիեսների թատերայնացված ընթերցումներ: Անդրադառնալու են ժամանակակից դրամատուրգների գործերին, ներկայացնելու են Ֆիրդուսու «Շահնամեն» և այլ ստեղծագործություններ:
«Համազգային» թատրոնը, ի դեպ, հաջորդ տարի հանդիսատեսին կհյուրընկալի թատրոնի նոր շենքում, որտեղ այժմ ընթանում են շինարարական աշխատանքներ:
Հայաստանում էլեկտրաէներգիայի սակագինը այսօրվանից բարձրանում է. բաժանորդները միջինը 4․7 դրամով ավելի կվճարեն սպառած յուրաքանչյուր կՎտժ-ի համար։
Տեղեկացնենք, որ ՀՀ հանրային ծառայությունները կարգավորող հանձնաժողովը դեռեւս նախորդ տարեվերջին քննարկել եւ սահմանել է «Հայաստանի էլեկտրական ցանցեր» ՓԲԸ-ի կողմից սպառողներին վաճառվող էլեկտրաէներգիայի սակագները, որոնք գործելու են այս տարվա փետրվարի 1-ից:
ArmLur.am-ին հայտնի դարձավ, որ սոցիալապես անապահով ընտանիքների (բնակիչ-բաժանորդների շուրջ 11%-ի) համար գործող սակագները կմնան անփոփոխ։
Իսկ ահա ամսական մինչև 200 կՎտժ սպառում ունեցող բնակիչների (բնակիչ-բաժանորդների 55%-ը) համար սակագները կավելանան 1.5 դրամ/կՎտժ-ով, ամսական 201-400 կՎտժ սպառում ունեցող բնակիչների (բնակիչ-բաժանորդների 25%-ը) համար սակագները կավելանան 3.5 դրամ/կՎտժ-ով։ Նշենք, որ մնացած սպառողների համար սակագները կավելանան 5.5 դրամ/կՎտժ-ով։
Սրան զուգահեռ նկատենք, որ հունվարի 1-ից ջրի սակագինը է բարձրացել. 2022 թվականի համար սոցիալապես անապահով բաժանորդների համար սակագինը կմնա անփոփոխ՝ 180 դրամ, իսկ մյուս բաժանորդների համար այն կկազմի 200,47 դրամ:
Գաղտնիք չէ, որ ջրի եւ էլեկտրաէներգիայի սակագների բարձրացումը խիստ բացասական կանդրադառնա քաղաքացու գրպանի վրա: Չէ որ եւ ջրի եւ էլէներգիայի սակագների բարձրացումը հանգեցնելու է թանկացումների հսկայական շղթայի: Բայց միաժամանակ արձանագրենք, որ գնաճը զսպող որևէ քայլ չի անում կառավարությունը:
Հանրապետության տարածքում փետրվար ամսվա օդի ջերմաստիճանը միջինը կազմում է -5…-8⁰C, որը մեկ ⁰C-ով բարձր է հունվարի միջին ջերմաստիճանից:
1-ին տասնօրյակը բնորոշվում է ավելի ցածր ջերմաստիճաններով, հետո ջերմաստիճանն աստիճանաբար բարձրանում է:
Սովորաբար փետրվարը հունվարից տաք է, սակայն տարիների 15-20%-ի դեպքում միջին ամսական ջերմաստիճանը փետրվարին հունվարից ցածր է եղել: Հանրապետության տարածքում հիմնականում դիտվում է ձյուն, բայց հովտային շրջաններում տարիների 20 տոկոսի դեպքում դիտվել է անձրև: Այդ շրջաններում փետրվարին ձնածածկը կազմում է ութից տասնչորս օր:
Նրա բարձրությունը չի գերազանցում յոթ սմ-ը, դիտվում են տարիներ, երբ ձյունը վերանում է փետրվարի 1-ին տասնօրյակին: Հովտային շրջաններում առանձին դեպքերում կայուն ձնածածկ բոլորովին չի առաջանում: Մառախուղով օրերի թիվը փետրվարին միջինը դիտվում է մեկից ութ օր: Մառախուղներ դիտվում են հիմնականում լեռնանցքներում ու ցածրադիր վայրերում: Փետրվարը հունվարի համեմատ առավել քամոտ է, զգալիորեն քչանում է անդորր օրերի քանակը:
Մի անգամ Բորչալուիի ավանի իր մրգատու այգիներ այցելելիս Արամյանցը ուշադրություն է դարձնում խոնավ հողատներում ապրող, իրենց գոյությունը մի կերպ պահպանող հայ գաղթականների կենցաղին: Շատ չանցած, Արամյանցը մի ընդարձակ , բարեկարգ փողոցներով, ոռոգման ջրերով, եկեղեցիով, դպրոցով գեղեցիկ ավան է կառուցում ՝80 ընդարձակ,լուսավոր ու հարմարավոտ տներով ու նվիրում նրանց: Վար ու ցանքսի համար էլ սերմացու ու հողագործական սարքավորումներ ուղարկում: Ի նշան երախտագիտության, նոր ավանի բնակիչները նրա պատվին այն անվանում են Արամաշեն:
Արամյանցի բարեգործությունն ուներ մի յուրահատկություն՝ ազգություն չէր ճանաչում: Արամաշենը կառուցելուն զուգահեռ նա օգնության ձեռք էր մեկնել հարևանությամբ գտնվող թուրքական գյուղերին: Տարբեր ժամանակներում՝ սովյալ հույներին, Բաքվի, Փոթիի բնակիչներին:
Արամյանցը Թիֆլիսի «Ազգային բարեգործական ընկերության» հիմնադիրն էր ու վարչության անդամը: Ներսիսյան դպրոցի մշտական հոգաբարձուն ու հովանավորը:
Արամյանցը Թիֆլիսում մեծ համբավ և համաժողովրդական ճանաչում է ձեռք բերում քաղաքում կառուցած հիվանդանոցով, որն աննապադեպ էր ողջ Կովկասում: Արամյանցը առաջիններից է, որ արձագանքել էր Թիֆլիսի իշխանությունների՝ քաղաքում նոր հիվանդանոց կառուցելու կոչին: 1903թ նա քաղաքագլուխ Արգուտինսկիին հայտնում է հիվանդանոց կառուցելու պատրաստակամության մասին, պայմանով, որ այն կրելու էր իր անունը:
Հիվանդանոցի բացման հանդիսավոր արարողությունը տեղի է ունեցել 1910թ: Սա հիվանդանոցային մեծ համալիր էր՝ կառուցված եվրոպական չափանիշներով: Մասնագետների գնահատմամբ, այն իր շինությամբ և սարքավորումներով համապատասխանում էր ժամանակակից գիտության պահանջներին: Արամյանցը ինքն էր անձամբ Եվրոպայից Թիֆլիս բերել տարածաշրջանում առաջին Ռենտգենյան սարքավորումը: «Արամյանցի հիվանդանոցը» աշխարհի առաջին հիվանդանոցներից մեկն էր, որտեղ հետազոտությունը, բուժումն, անգամ՝ վիրահատությունը կատարում էին անվճար: Ասում են, անգամ բուժանձնակազմի աշխատավարձը անձամբ Արամյանցն էր վճարում իր սեփական գրպանից: Հետագայում տարածքում ավելացել էին նոր հիվանդանոցային շինություններ: «Արամյանցի հիվանդանոցը» հիվանդանոցային համալիրի կարգավիճակ էր ստացել:
Խորհրդային տարիներին հիվանդանոցը վերանվանվել է Կլինիկական թիվ 1 հիվանդանոց, սակայն թբիլիսեցիները այն շարունակել են անվանել «Արամյանցի հիվանդանոց»:
Տարիներ առաջ քաղաքի իշխանությունները տարբեր պատճառաբանություններով հիվանդանոցն ամբողությամբ քանդեցին՝ վերացնելով հայկական հետքը: Զավեշտալին այն է, որ դրանից հետո քաղաքում լուրեր են տարածվում, իբրև հիվանդանոցը Արամյանցի է կոչվել տարածքում արևածաղիկ վաճառող պապիկի անունով:
Վրաստանի խորհրդայնացումից հետո Արամյանցը կորցրել էր ողջ կարողությունը, զրկվել հարստությունից, դիրքից: Նետվել էր իր կառուցած շենքի նկուղը՝ մատնված սովի ու աղքատության: Մահացու վիրավորանքը կոտրել էր այդ պինդ մարդուն: Նա մահացել է 1924թ աղքատության մեջ: Թաղվել է Թիֆլիսի Խոջևանքի հայկական գերեզմանոցում: Հուղարկավորությանը ներկա է եղել քաղաքի գրեթե ողջ բնակչությունը:
