Ի՞նչ է արտադրողի ընդլայնված պատասխանատվությունը և ովքեր են վճարելու այն բանի համար, որ շրջակա միջավայրն ու մեր առողջությունը վտանգող թափոնները չհայտնվեն աղբավայրում:

Այս հարցերի պատասխանները լայն հանրությանը հասցնելու ուղիները քննարկելու նպատակով հավաքվել էին թափոնների կառավարման ոլորտին առնչվող հասարակական հիմնական խմբերի՝ պետական կառույցների, ՏԻՄ, քաղհասարակության կազմակերպությունների, բիզնես համայնքի և կրթական կառույցների 50–ից ավելի ներկայացուցիչներ և երիտասարդներ: 

«Հանրային իրազեկման և մոնիտորինգի կենտրոն» ՀԿ-ի կազմակերպած «Արտադրողի ընդլայնված պատասխանատվություն․ հանրային իրազեկման գաղափարների աշխատարանի» նպատակն էր ոլորտային դերակատարների մասնակցությամբ ձևավորել և զարգացնել թափոնների կառավարման և Արտադրողի ընդլայնված պատասխանատվության (ԱԸՊ) համակարգի վերաբերյալ հանրային իրազեկման արշավների նախատիպեր:

Արտադրողի ընդլայնված պատասխանատվությունը համակարգ է, որը կոնկրետ ապրանքներ արտադրողներին կամ ներմուծողներին պատասխանատու է դարձնում այդ ապրանքների սպառումից առաջացող հատուկ թափոնների էկոլոգիապես անվտանգ գործածության համար: Դա ենթադրում է հատուկ թափոնների տեսակավորված հավաքում, վերամշակում կամ վնասազերծում և այլ միջոցառումներ: ԱԸՊ շրջանակներում կառավարվող ապրանքների ցանկը սահմանվում է լիազոր մարմնի կողմից:

«Հայաստանում թափոնների կառավարման քաղաքականություն» ծրագրի ղեկավար Հարություն Ալպետյանը հիշեցնում է, որ ԱԸՊ-ն նախևառաջ տնտեսական գործիք է, որը ծառայում է բնապահպանական նպատակների։ Նրա խոսքով՝ այս համակարգը որոշ ապրանքների օգտագործումից առաջացած թափոնների կառավարումը դնում է մասնավոր հատվածի՝ ներմուծողների և արտադրողների պատասխանատվության ներքո։ Այսինքն՝ մասնավորը պատասխանատվություն է կրում ստեղծված թափոնի կյանքի ամբողջ ցիկլի համար։

«Կան խնդրահարույց թափոններ, որոնց ապահով հավաքումը, տեսակավորումը, վերամշակումը կամ ոչնչացումը մեծ ծախսերի հետ է կապված, և այդ ծախսերը ինչ-որ մեկը պետք է հոգա,– նշում է նա և հավելում,– այստեղ գործում է հստակ սկզբունք՝ «վճարում է աղտոտողը», իսկ այս դեպքում այդ աղտոտողները տվյալ ապրանքների ներմուծողներն ու արտադրողներն են, և բեռը բաշխվում է հենց նրանց միջև»։

Նա բացատրում է պարզ օրինակով․ «Ըմպելիքի 1 պլաստիկե շշի ճիշտ գործածությունը կարժենա 2 դրամ։ Եթե որևէ մեկը վճարի այդ 2 դրամը, այդ շիշը չի հայտնվի աղբավայրում՝ առաջացնելով բնապահպանական և առողջապահական հետևանքներ»։

Ալպետյանը նշում է, որ Հայաստանը դեռ հեռու է եվրոպական ստանդարտներից, բայց հիմնական պատճառը ֆինանսական միջոցների պակասն է։ Նրա խոսքով՝ ստանդարտներին մոտենալը նախևառաջ նշանակում է ունենալ ենթակառուցվածք և աշխատող համակարգ, որտեղ անհրաժեշտ է թե՛ բնակչի, թե՛ բիզնեսի մասնակցությունը։ Իսկ պետության դերը, ըստ նրա, վերահսկելն է, օրենքի կիրարկումն ապահովելը և թե՛ բիզնեսի, թե՛ սպառողի համար վստահություն ձևավորելը, որ իրենց վճարած գումարները նպատակային ծախսվում են տվյալ թափոնը ճիշտ կառավարելու համար։

Աշխատարանն իրականացվել է Շվեդիայի կողմից ֆինանսավորվող և Հայաստանի ամերիկյան համալսարանի (ՀԱՀ) Յակոբեան բնապահպանական կենտրոնի կողմից՝ ՀՀ շրջակա միջավայրի և ՀՀ տարածքային կառավարման և ենթակառուցվածքների նախարարությունների հետ համագործակցությամբ իրականացվող «Հայաստանում թափոնների կառավարման քաղաքականություն» ծրագրի շրջանակում: 

Այս եռամյա ծրագրի նախորդ փուլերում Շրջակա միջավայրի նախարարության հետ համագործակցությամբ մշակվել է «Արտադրողի ընդլայնված պատասխանատվության մասին» ՀՀ օրենքի նախագիծ, որը հանրային քննարկում անցնելուց հետո այժմ համալրման և վերջնականացման փուլում է և շուտով արդեն լրամշակված տարբերակով կներկայացվի հանրային քննարկման։ Ոլորտի փորձագետների գնահատմամբ՝ այն զգալի փոփոխություն կմտցնի մեր երկրում թափոնների կառավարման ոլորտում: 

«Ցանկացած նոր նախաձեռնություն, երբ փորձում ենք ներդնել մեր երկրում, շատ կարևոր է, որ առաջնորդվի հանրային իրազեկմամբ, որովհետև միայն օրենք փոխելով չենք կարող գործընթացը առաջ տանել: Թափոնների կառավարումը ՀՀ կառավարության առաջնահերթություններից է: ԱԸՊ համակարգի ներդրումը պարտավորություն է, որը Հայաստանը ստանձնել է ՀՀ-ԵՄ գործընկերության շրջանակում: Գործընթացը մեկնարկել է դեռևս 2023 թվականին: Սակայն իրական աշխատանքը կսկսվի օրենքի ընդունումից հետո, երբ կսկսենք կիրառել այն»,- նշեց ՀՀ Շրջակա միջավայրի նախարարության ռազմավարական քաղաքականության վարչության ներկայացուցիչ Մերի Հարությունյանը՝ կարևորելով այս միջոցառման շրջանակում բազմաշահառու մասնակիցների ընտրության մոտեցումը։

ԱԸՊ-ն թեպետ առաջին հերթին ուղղված է արտադրողներին, սակայն դրա իրականացման համար կենսական նշանակություն ունի հանրության գրագետ, և գիտակցված վերաբերմունքն ու վարքագիծը։ Աշխատարանի մասնակիցները խմբային քննարկումների ձևաչափով համատեղ մշակեցին 4 տարբեր թիրախային խմբերի ուղղված հանրային իրազեկման գաղափարներ, որոնք ավելի ուշ կլրամշակվեն և կտրամադրվեն համապատասխան շահագրգիռ կառույցներին՝ ոլորտում հանրային իրազեկման ծրագրերում կիրառելու նպատակով: 

Առցանց դասընթացներ անցած երիտասարդներն այս անգամ քննարկումները շարունակել են նախարարությունների մասնագետների, ՏԻՄ ներկայացուցիչների, գործարարների և այլ ոլորտային փորձագետների հետ։ Սա մասնակցայնության գործնական օրինակ է, որը ցույց է տալիս, թե ինչու է հանրային նշանակության թեմաներում կարևոր շահագրգիռ կողմերի երկխոսությունը։

Հավելյալ տեղեկությունների համար՝

Մանե Մադոյան

Հեռ.՝ +374 91 700974

Գրեթե մեկ տարվա դադարից հետո Վանաձորի ավագանու նիստը վերջապես կայացավ․

Մարտի 9-ի նիստը անցավ թեժ ու բուռն քննարկումներով:

Մարտի 2-ին, ժամը 10:15-ին Լոռու մարզային օպերատիվ կառավարման կենտրոն ահազանգ է ստացվել, որ Վանաձոր քաղաքի Դեմիրճյան փողոցում տեղի է ունեցել ՃՏՊ․ անհրաժեշտ է փրկարարների օգնությունը։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ բախվել են «Opel» մակնիշի երկու ավտոմեքենա․ 9 քաղաքացի հոսպիտալացվել է բժշկական կենտրոն։

Փրկարարները հոսանքազրկել են ավտոմեքենաները և փակել գազի բալոնների փականները։

‼ Ուշադրություն.

👨‍🔧Պլանային ջրանջատում Լոռու մարզում նոյեմբերի 17/18-ին

🚰«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ պլանային աշխատանքներով պայմանավորված, ս.թ. նոյեմբերի 17-ին ժամը 12:00-ից մինչև նոյեմբերի 18-ը ժամը 23:00-ն կդադարեցվի Լոռու մարզի հետևյալ բնակավայրերի ջրամատակարարումը.

✅Վանաձոր քաղաքի՝ Տիգրան Մեծի, Վարդանանց, Տերյան, Սպանդարյան, Անդրանիկի, Կ. Դեմիրճյան, Խորենացի, Բանյոյի, Բաթումի, Լուսավորիչի, Մոսկովյան, Շիրվանզադեի, Նժդեհի, Մյասնիկյան, Գոշի, Թատերական, Թումանյան, Շիրակացու, Ֆրիկի, Գորկու, Ղուկասյան, Նալբանդյան, Երկաթուղայինների, Լազյան, Էլեկտրաֆիկացիայի, Հյուսիսայինի, Նարեկացու, Թևոսյան, Չարենցի, Ադամյան, Լոռվա խճուղու, Զաքարյան, Ազատամարտիկների, Հերացու, Սանկտ Պետերբուրգի, Րաֆֆու, Կամոյի, Մելիքյան, Այվազովսկու, Արաբկիրի, Տպագրիչների, Բանակի, Միչուրինի, Դպրոցի, Աբովյան, Զորյան, Նիզամի, Չերնիշևսկու, Մանուշյան, Կոմիտասի, Նար-Դոսի, Էմինի, Մառի, Լեոյի, Պարոնյան, Օրու, Հալաբյան, Սայաթ-Նովայի, Մուրացանի, Աղյուսագործների, Ճավճավաձեի, Մարտի 8-ի, Չապաևի, Օրբելու, Կարբիշևի, Աղաբաբյան, Կիլիկիայի, Տաթևի, Լոռվա, Լագեր 8, 9 փողոցների իրենց նրբանցքներով և փակուղիներով, ՋԷԿ C6-6, C6-3, C6-8 տնակների, Աղայան փող. 1-59 /կենտ/, 1-74 /զույգ/ տների, Հակոբյան փող. կենտ համարի տների ու նրբանցքի, Մաշտոցի փող. 1-33 /կենտ/, /զույգ/ տների և նրբանցքի, Կնունյաց փող. 1-61 /կենտ/, 2-44 /զույգ/ տների, 2 շենքի, Իսակովի փող. 1-30 տների, Սունդուկյան 1-15 տների և 1-ին նրբանցքի, Ծատուրյան 1-19 տների, Ստեփանյան 8-16 տների, Լալվարի փող. 1-11 /կենտ/, 2- 24 /զույգ/ տների, Նաիրի փող. 1, 3, 5 շենքերի, Ներսիսյան թաղամասի 1-14 շենքերի և փակուղու 1 շենքի, Երևանյան 64, 66/1, 68, 70, 70/1, 103, 105, 107, 109 շենքերի:

✅Վահագնի, Եղեգնուտ, Վահագնաձոր, Փամբակ, Ձորագետավան, Անտառամուտ, Ձորագյուղ, Ամրակից, Գյուլագարակ, Կուրթան, Վարդաբլուր, Հոբարձի գյուղերի:

💦Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար:

👉 Հարգելի՛ սպառող.
Ջրանջատումների մասին ավելի մանրամասն կարող եք տեղեկանալ veolia.am կայքից հետևյալ հղումով՝ https://bit.ly/3tCbkHa, ինչպես նաև՝ տելեգրամյան ալիքում՝ https://bit.ly/3cMZzrV

Փլուզում Վանաձոր քաղաքում․ դեպքի վայր ենմեկնել ՓԾ մարտական հաշվարկներ(թարմացված)

Նոյեմբերի 3-ին, ժամը 15։56-ին Լոռու մարզայինփրկարարական վարչության ճգնաժամայինկառավարման կենտրոն ահազանգ է ստացվել, որՎանաձոր քաղաքի Տարոն 4 թաղամասի Լեռնայինփողոցի տներից մեկում տեղի է ունեցել փլուզում։

Դեպքի վայր են մեկնել ՆԳՆ ՓԾ մարզայինփրկարարական վարչության օպերատիվ խումբը և հրշեջ-փրկարարական ջոկատներից երկումարտական հաշվարկ։

Պարզվել է, որ տանը շինարարականաշխատանքներ իրականացնելու ժամանակ տեղի է ունեցել տանիքի և առաստաղի մասնակի փլուզում՝ մոտ 20 քմ, ինչի հետևանքով քաղաքացին մնացել է փլատաներում։

Փրկարարները հատուկ տեխնիկայի օգնությամբփլատակներից դուրս են բերել քաղաքացու դին և մոտեցրել դի տեղափոխող մեքենային։

Աշխատանքներին ներգրավվել է համայնքապետարանից մեկ հատուկ տեխնիկա։

Աուդիոնյութ`

Թրաֆիկինգը մարդկանց ազատության, արժանապատվության և կյանքի դեմ ուղղված սարսափելի հանցագործություն է։ Այն խլում է մարդկանց ազատությունն ու արժանապատվությունը։ Այս նյութում ներկայացված է իրական պատմություն, ինչպես նաև խորհուրդներ՝ իրազեկվելու, վտանգները ճանաչելու և պաշտպանվելու համար։ Հատուկ ուշադրություն է դարձված կանանց անվտանգության ապահովմանը, որպեսզի հնարավոր լինի կանխարգելել նոր զոհեր և աջակցել արդեն տուժածներին։

Ծանուցում` թրաֆիկինգի կանխարգելմամբ և զոհերի պաշտպանության միջոցների իրագործմամբ զբաղվում են ՀՀ Ներքին գործերի, Աշխատանքի և սոցիալական հարցերի նախարարությունները, ինչպես նաև մի շարք պետական ու հասարակական կազմակերպություններ։

Սեպտեմբերի 30-ին, ժամը 22։30-ին Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Վանաձոր քաղաքի Կարեն Դեմիրճյան փողոցում տեղի է ունեցել ՃՏՊ․ անհրաժեշտ է փրկարարների օգնությունը։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ Կարեն Դեմիրճյան փողոցի թիվ 1 հասցեի մոտակայքում բախվել են «Opel» և «Toyota» մակնիշների ավտո­մեքենաները։

«Toyota» մակնիշի ավտոմեքենայի վարորդը և «Opel» մակնիշի ավտոմեքենայի ուղևորը տեղափոխվել են բժշկական կենտրոն։

Փրկարարները հոսանքազրկել են ավտոմեքենաները և փակել «Opel» մակնիշի ավտոմեքենայի գազի բալոնի փականը։

Հայաստանի Հանրապետության Ներքին գործերի նախարարության Փրկարար ծառայություն։

Հայաստանում աշակերտական սոցիալական ձեռնարկատիրության զարգացմանն ուղղված առաջին ծրագիրն ամփոփում է արդյունքները: 

Օրերս Երևանում «ՔՈԴԵ Սոցիալական Ձեռնարկատիրության Հաբ» (CODE-SE HUB) ՀԿ-ի կողմից կազմակերպվել էր «Սոցիալական ձեռնարկատիրություն (ՍՁ) և Աշակերտական սոցիալական ձեռնակատիրություն (ԱՍՁ)» ազգային ֆորումը, որը մի կողմից ձևավորել էր հարթակ քննարկելու Հայաստանում աշակերտական ՍՁ–ների զարգացման հնարավորությունները, մյուս կողմից ամփոփում էր նախորդ երեք տարիներին այս ոլորտի զարգացմանն ուղղված ծրագրի արդյունքները: 

Աշակերտական սոցիալական ձեռնարկատիրությունը նոր ձևաչափ է թե՛ կրթական ոլորտում, թե՛ բիզնես միջավայրում: Այն աշակերտների կողմից ղեկավարվող բիզնես գործունեություն է կրթական հաստատությունում (դպրոց, քոլեջ կամ տեխնիկական ուսումնարան): Կուրատորի (ուսուցիչ, ձեռնարկատեր կամ ծնող) ուղղորդմամբ աշակերտներն արտադրում և վաճառում են ապրանքներ կամ ծառայություններ՝ իրական սոցիալական խնդիրներ լուծելու համար: Այս գործնական, նորարարական մոտեցումն աշակերտների համար ապահովում է իրական բիզնես փորձ՝ խթանելով ձեռնարկատիրական մտածողությունը և խնդիրների լուծումը՝ միաժամանակ նրանց զինելով կարիերայի համար անհրաժեշտ հմտություններով:

Ծրագրի իրականացման արդյունքում Հայաստանում ստեղծվել են ԱՍՁ զարգացման միշարք կարևոր նախադրյալներ. կա ՀՀ ԿԳՄՍ նախարարության կողմից հաստատված արտադասարանական կրթության ծրագիր, ստեղծվել է ԱՍՁ կրթական առցանց հարթակ՝ նախատեսված աշակերտների համար և արդեն իսկ ձեռք բերված փորձի հիման վրա կազմվել է մեթոդաբանական ձեռնարկ ուսուցիչների, դասընթացավարների, մենթորների ոլորտով հետաքրքրվող այլ անձանց համար և կարող է դառնալ սոցիալական ձեռներեցների պատրաստման արդյունավետ գործիք:

«Մեր այս ծրագրի թիրախային խումբը 14–18 տարեկան երիտասարդներն են, որովհետև մենք որոշելենք նաև ներքևից սկսել ՍՁ զարգացումը. նրանք ավելի կրեատիվ են և ունեն նոր գաղափարներ: Նրանք արդեն ապացուցել են, որ շատ վաղ տարիքում հնարավոր է մտնել ձեռնարկատիրական ոլորտ և հաջողության հասնել: Մեր նպատակը նորարարություն բերելն է, մտնել այնպիսի ոլորտներ, որտեղ սոցիալական ձեռնարկատիրությունը դեռ զարգացած չէ: Աշակերտական սոցիալական ձեռնարկատիրությունը հենց այդ ոլորտներից է: Ծրագրում ներառված 3 երկրներում ևս՝ Ուկրաինայում, Մոլդովայում և Վրաստանում,  այս ծրագիրն իրակացվում է և արդեն ունենք մեծ հաջողություններ»,– ասում է CODE-SE HUB–ի համահիմնադիր և նախագահ Սուրեն Մխիթարյանը:

Ծրագրի մեկնարկից մինչ այս պահը ներգրավվել են 20-ից ավելի դպրոցներ, որոնց 400-ից ավելի աշակերտներ մասնացել են սոցիալական ձեռնարկատիրության վերաբերյալ սեմինարների և ինտենսիվ դասընթացների, ՍՁ առցանց կրթական հարթակի միջոցով վերապատրաստվել են հարյուրավոր երիտասարդներ, վերապատրաստվել են ավելի քան 20 դասընթացավարներ և ուսուցիչներ՝ աշակերտներին մենթորություն տրամադրելու և ուղղորդելու համար, 7 սոցիալական բիզնես գաղափար մեկնարկի համար ֆինանսական աջակցություն է ստացել: 

«Մեզ համար կարևոր է հայ երիտասարդներին գիտելիքներ, հմտություններ փոխանցելը, որի արդյունքում նրանք կդառնան ակտիվ քաղաքացիներ և հաջողակ ձեռներեցներ, ովքեր կնպաստեն սեփականերկրի զարգացմաանը: Մենք ամեն կերպ խրախուսում ենք նորարարական կրթությունը և հնարավորինս շատ մարդկանց այս էկոհամակարգ ներգրավելը»,— ասում է Հայաստանում ԵՄ պատվիրակության նախագծերի կառավարիչ Դավիթ Ավագյանը:

Ֆորումի ընթացքում առանձին տաղավարներով ներկայացված էին նաև այն 7 ԱՍՁ–ները, որոնց մեծ մասը ծրագրի բոլոր փուլերն անցնելուց հետո այսօր արդեն ունեն արտադրանք կամ ծառայություն են մատուցում և դրանցից ստացած եկամուտն ուղղում են սեփական դպրոցում կամ համայնքում առկա մի շարք խնդիրների լուծմանը: Այսպես՝ մի դպրոցի սաների արտադրած գինու և բնական չրերից պատրաստած շոկոլադների վաճառքից ստացված եկամտով մասամբ վերանորոգվել է դպրոցի մարզադահլիճը: Մեկ այլ դպրոցում աշակերտները մշակել են սեղանի ինտելեկտուալ խաղ, որն արդեն բավականին լայն տարածում է գտել դպրոցականների շրջանում և գնալով ընդլայնվում է, երրորդում վերամշակված հումքից էկոպայուսակներ են արտադրում և այդպես շարունակ:

«Աշակերտական սոցիալական ձեռնարկատիրություն» խմբակի ծրագիրը երաշխավորվել է ՀՀ ԿԳՄՍՆ-ի և ԿԶՆԱԿ-ի կողմից։ Սա նշանակում է, որ ցանկացած դպրոց հնարավորություն ունի պաշտոնապես դիմելու նախարարություն և գործարկելու արտադասարանական ԱՍՁ խմբակը։ Ընդ որում՝ ծրագիրը նախատեսված է ինչպես 8-9-րդ, այնպեսէլ 10-12-րդ դասարանների համար։ Խմբակի համար արդեն դիմել են 15-ից ավելի դպրոցներ, այս գործընթացը շարունակում է, իսկ CODE-SE Hub-ը շարունակում է տրամադրել մեթոդական աջակցություն՝ թե՛ ձեռնարկը, թե՛ առցանց հարթակը հասանելի դարձնելու միջոցով:

«Սա մեզ համար նոր ոլորտ է և շատ աշխատանք ունենք կատարելու: Նախ և առաջ իրազեկման խնդիր ունենք, որովհետև շատ երիտասարդներ չգիտեն՝ ինչ է սոցիալական ձեռնարկատիրությունը: Շատերը մտածում են դա պարզապես բիզնեսի ձև է, սակայն դա բիզնես չէ, այն նախ և առաջ համայնքի ու նրա բնակիչների խնդիրների լուծմանն է ուղղված: Այսինքն՝ այդ բիզնեսը օգտագործվում է որպես գործիք՝ համայնքում առկա խնդիրը լուծելու համար, բայց նաև ունի եկամուտ, որ կրկին ուղղվում է այդ խնդիրի լուծմանը,– ասում է ԿԳՄՍՆ երիտասարդության հարցերի վարչության պետ ԶարաԱսլանյանը և հավելում, որ նախարարությունը ևսիրականացնում է բավականին ընդարձակ ծրագիրամբողջ հանրապետությունում՝ երիտասարդներին իրազեկելու, ինչպես նաև մարզային կենտրոններ բացելուն աջակցելու ուղղությամբ:  

Աշխատանքային խմբերով քննարկումներից բացի միջոցառման կարևոր բաղադրիչներից մեկն էլ նեթվորքինգն էր, որի ընթացքում ֆորումի տեղացի մասնակիցները հնարավորություն ունեցան շփվելու, իրենց փորձը փոխանակելու ու նոր բիզնես կապերստեղծելու Գերմանիայից, Ուկրաինայից, Մոլդովայից և Վրաստանից ժամանած 20-ից ավել ոլորտի ներկայացուցիչների հետ:

***

«Երիտասարդների կողմից ՍՁ և կարիերայի կառավարման գործնական հմտությունների խթանում Ուկրաինայում, Մոլդովայում, Վրաստանում և Հայաստանում՝ նորարարական աշակերտական սոցիալական ձեռնարկությունների (ԱՍՁ) մոտեցման միջոցով» ծրագիրն իրականացվում է Եվրոպական միության համաֆինանսավորմամբ՝ «ՔՈԴԵ Սոցիալական Ձեռնարկատիրության Հաբ» (CODE-SE HUB) ՀԿ-ի և իր միջազգային գործընկերների կողմից: Նախագծի տարբեր փուլերում աջակցություն է ցուցաբերել նաև ՀՀ կրթության, գիտության, մշակույթի և սպորտի նախարարությունը։ 

Հիմնանորոգվում է Վանաձորի Բաղրամյան էստակադան։ Էստակադայի միջոցով Վանաձորի Դեմիրճյան փողոցը միանում է Մ-6 միջպետական ճանապարհին։ Ուղեանցի երկարությունը 160մ է, լայնությունը՝ 14մ։ Ուղեանցի ասֆալտապատման աշխատանքներն ավարտվել են։ Ասֆալտապատվում են նաև կամրջին մոտեցնող ճանապարհները։

Առաջիկայում կկատարվեն գծանշման, կահավորման աշխատանքներ։

Հիմնանորոգումը կատարվում է ՀՀ պետական բյուջեի միջոցներով։