Շնող խոշորացված համայնքն այևս գազաֆիկացված է (Ֆոտոշարք)
Շնող խոշորացված համայնքի Քարկոփ, Թեղուտ և Շնող բնակավայերն այևս գազաֆիկացված են։ Երկար սպասված կապույտ վառելիքն իրենց բնակարաններում տեսնելը անահասանելի երազանք է եղել տեղի բնակիչների համար․ բնակավայրերը գազաֆիկացված չեն եղել անգամ խորհրդայի տարիներին։
Այսօր Լոռու մարզպետ Արամ Խաչատրյանը ներկա է գտնվել կապույտ վառելիքի՝ բնակավայրեր մուտք գործելուն նվիրված հանդիսավոր միջոցառումներին։ Նա շնորհավորել է բնակիչներին և շնորհակալություն հայտնել ՀՀ կառավարությանը, Շնող խորոշացված համայնքի ղեկավար Դավիթ Ղումաշյանին, «Հայռուսգազարդ» ՓԲԸ Լոռի ԳԳՄ-ի տնօրինությանը այս չափազանց կարևոր ծրագիրն իրականություն դարձնելու համար։ Մարզի ղեկավարն իր խոսքում ընդգծել է ծրագրի ոչ միայն սոցիալական, այլև բնապահպանական կարևորությունը․
-Բնակավայրերի գազաֆիկացումը ոչ միայն հնարավորություն կտա բնակիչներին ավելի քաղաքակիրթ ձևով լուծելու իրենց կենցաղային խնդիրներն, այլև զերծ կպահի տարածաշրջանը անտառահատումներից,-ասաց Ա․ Խաչատրյանը։
Շնող խոշորացված համայնքի գազաֆիկացման ծրագիրն իրականացվել է սուբվենցիոն միջոցներով՝ պետություն-համայնք համատեղ ներդրմամբ։
Ծրագրի պայմանագրային արժեքը կազմել է շուրջ 238 մլն մլն դրամ(որից 142.8 մլն` պետական ներդրում, 95.2 մլն-ը` համայնքային):
Արդյունքում Թեղուտ և Քարկոփ վարչական շրջանների բոլոր՝ շուրջ 300 և Շնող վարչական շրջանի 45 տնտեսություններ գազաֆիկացման հնարավորություն ունեն: Ծրագրի շահառու է շուրջ 1400 մարդ:
Մարզի ղեկավարն այցի շրջանակներում եղավ նաև բնակավայրերի դպրոցներում՝ խոստանալով առկա հնարավորությունների սահմաններում աջակցել կրթօջախները գազաֆիկացնելու և լոկալ ջեռուցման համակարգերով ապահովելու հարցում։
