Փետրվարի 25-ին առեղծվածային դեպք է տեղի ունեցել Լոռու մարզում: Ինչպես հայտնում է ֆոտոլրագրող Գագիկ Շամշյանը, ժամը 16:20–ի սահմաններում «Վանաձոր» բժշկական կենտրոնի շտապօգնության կայանից ահազանգ է ստացվել ոստիկանության Տարոնի բաժին, որ բժիշկների հերթապահ խումբը կանչով մեկնել է Վանաձոր քաղաքի Վարդանանց փողոցի 86 հասցե, որտեղ բարձրահարկ շենքի բակում հայտնաբերվել է տղամարդու դի:

Ոստիկաններն ու քննիչները պարզել են, որ շտապօգնության բրիգադը դին հայտնաբերել է Վարդանանց փողոցի 86 հասցեի շենքի պատից 4.5 մ հեռավորությամբ գետնին ընկած դիրքում՝ գանգի մասում ստացած վնասվածքով: Պարզվել է, որ մահացածը Վանաձոր քաղաքի բնակիչ, 40-ամյա Արման Շահինյանն էր:

Տեղի ունեցածը դժբախտ պատահար է, սպանություն, թե ինքնասպանություն՝ պարզվում է: Գ. Շամշյանի տեղեկություններով՝ մահացած Ա. Շահինյանը Վանաձորում հայտնի էր «Յոժ» մականվամբ և նրան ճանաչում էին որպես ըմբշամարտիկ: Նախկինում էլ եղել է դատապարտված և քրեական աշխարհում հարգանք է վայելել:

Նյութի աղբյուրը` YN.am

Լոռու մարզային վարչության ենթակա ստորաբաժանումներում օպերատիվ տվյալներ էին ստացվել, որ մարզի տարբեր բնակավայրերում պահում կամ կրում են ապօրինի զենք-զինամթերք, ձեռք են բերում, պահում, օգտագործում և իրացնում են թմրամիջոցներ։

Տեղեկությունների հիման վրա ոստիկանությունում հարուցված քրեական գործի շրջանակներում, դատարանի որոշմամբ, քրեական ոստիկանության և Լոռու մարզային վարչության ու ենթակա ստորաբաժանումների ծառայողները փետրվարի 24-ին խուզարկություններ կատարեցին Վանաձոր, Ալավերդի, Թումանյան, Ստեփանավան, Տաշիր, Սպիտակ քաղաքներում, ինչպես և Գուգարք ու Մարգահովիտ գյուղերում։

Ոստիկանությունից հայտնում են, որ միջոցառումները արդյունք են տվել։

«Հայտնաբերվեցին չորս ատրճանակ, ինքնաշեն ինքնաձիգ, որսորդական հրացան, տարբեր տրամաչափի և հրազենների 126 փամփուշտ, նռնակ, նռնակի պայթուցիչ, սառը զենք, մահակ, պլաստամասե տարաներով վառոդ, մեթադոնի լուծույթ, հոգեներգործուն հաբեր, 300 գրամից ավելի մարիխուանայի նմանվող զանգված և այլն։ Բացի այդ, հայտնաբերվեցին մեքենայի մասեր ու տնտեսական ապրանք, որոնք, նախնական տվյալներով, գողացված են։

Խուզարկություններից հետո քրեական ոստիկանության, Լոռու մարզային վարչության ու ենթակա ստորաբաժանումների ծառայողները, ինչպես և մարզը սպասարկող ճանապարհային ոստիկանները ուժեղացված ծառայություն իրականացրին Լոռիում՝ հայտնաբերելով 22 գրամից ավելի մարիխուանայի նմանվող զանգված, սառը զենքեր, մահակներ և այլն։ Ուժեղացված ծառայության ընթացքում բերման է ենթարկվել 52 անձ։ Հանգամանքները նախաքննությամբ պարզվում են»,- նշում են ոստիկանությունից։

Արմավիրի, Սյունիքի, Լոռու և Շիրակի մարզերից ու մայրաքաղաք Երևանից անդրադարձ է արվել հանրային տրանսպորտի խնդիրներին, ուղևորափոխադրումների պատշաճ իրականացման բացակայությանը: ՀՀ-ում դեռևս կան այնպիսի համայնքներ, որտեղ տարիներ շարունակ առհասարակ չի գործում հասարակական տրանսպորտ:

«Մենք հավատարիմ ենք SWIFT-ից ռուսական որոշ բանկերի անջատմանը: Դա կդադարեցնի նրանց գործունեությունը ողջ աշխարհում և արդյունավետորեն կկանգնեցնի ռուսական արտահանումն ու ներմուծումը»,- ասվում է ԵՀ ղեկավարի Twitter-ի հայտարարության մեջ։ Արեւմտյան երկրները շարունակում են աշխատել SWIFT-ից անջատված բանկերի ցանկի վրա։

Որ բանկերի նկատմամբ նախկինում պատժամիջոցներ են կիրառվել.

ԵՄ — Alfa-bank, Promsvyazbank, Otkritie և Rossiya;
ԱՄՆ — VEB. RF, Promsvyazbank, VTB, Sberbank, Alfa-Bank, Otkritie, Gazprombank, Rosselkhozbank, Novikombank, Sovcombank, MKB;
Մեծ Բրիտանիա — VTB, Promsvyazbank, Rossiya, IS-bank, ChBRR և Genbank;
Կանադա — Sberbank, VTB, Alfa-Bank, VEB: ՌԴ, Օտկրիտիե, Գազպրոմբանկ, Ռոսսելխոզբանկ, Պրոմսվյազբանկ, Սովկոմբանկ:

Որոշումն ընդունվել է ԱՄՆ-ի, Ֆրանսիայի, Կանադայի, Իտալիայի, Մեծ Բրիտանիայի, ԵՀ-ի և Գերմանիայի բանակցություններից հետո։ Գերմանիայի կառավարությունը հայտարարել է, որ «բոլոր ռուսական բանկերը, որոնք արդեն հայտնվել են միջազգային հանրության պատժամիջոցների տակ, և, անհրաժեշտության դեպքում, ռուսական մյուս բանկերը» կանջատվեն SWIFT-ից։

Արևմտյան երկրները չեն բացառում նոր պատժամիջոցների կիրառումը, եթե Ուկրաինայում Ռուսաստանի ռազմական գործողությունը չդադարեցվի։

Եվրամիությունը նախօրեին՝ փետրվարի 26-ին, պատժամիջոցներ սահմանեց Վլադիմիր Պուտինի, վարչապետ Միխայիլ Միշուստինի, ՌԴ ԱԳ նախարար Սերգեյ Լավրովի և այլ ռուս քաղաքական գործիչների և պաշտոնյաների դեմ։ Սահմանափակումներ են մտցվել պաշտպանական արդյունաբերության ընկերությունների նկատմամբ. Բրյուսելն ընդլայնել է ֆինանսական և տեխնոլոգիական սահմանափակումները։

ՄԱԿ-ի փախստականների հարցերով գերագույն հանձնակատար Ֆիլիպո Գրանդին ասել է, որ ավելի քան 150,000 ուկրաինացի փախստականներ այժմ տեղափոխվել են հարևան երկրներ։ Ուկրաինայի բնակիչներին ռազմական գործողությունների պատճառով ուղարկում են Լեհաստան, Հունգարիա, Մոլդովա, Ռումինիա և այլ երկրներ։

«Նրանց կեսը (փախստականները գնացել են.-Կոմերսանտ)՝ Լեհաստան, իսկ շատերը՝ Հունգարիա, Մոլդովա, Ռումինիա և այլ երկրներ»,- ասաց պարոն Գրանդին։

«Ուկրաինայում բնակչության տեղաշարժը նույնպես ավելանում է, սակայն ռազմական իրավիճակը դժվարացնում է դրանց քանակի գնահատումն ու օգնություն ցուցաբերելը»,- ասել է ՄԱԿ-ի ներկայացուցիչը։

Փետրվարի 24-ին Ռուսաստանը հատուկ ռազմական գործողություն է սկսել Ուկրաինայում, որը շարունակվում է արդեն երրորդ օրը։ Դրանից գրեթե անմիջապես հետո Ուկրաինայի արևմտյան սահմաններին մեքենաների երկար շարքեր սկսեցին կուտակվել։ Եվրահանձնաժողովի ղեկավար Ուրսուլա ֆոն դեր Լեյենի խոսքով՝ Եվրամիությունը պատրաստ է «ողջունել և ընդունել» ուկրաինացի փախստականներին։

Հանրային տրանսպորտի խնդիրը Հայաստանի մարզերում. լուծումներն ուրվագծվել են, բայց… թղթի վրա.

Արմավիրի սահմանամերձ գյուղերում՝ Բագարան, Երվանդաշատ, Տալվորիկ, Արտամեդ, Կողբավան, Վանանդ համայնքներում միջհամայնքային երթուղի չկա արդեն 12 տարի:

Սյունիքում հայտարարված երթուղիների համար մրցույթները չեն կայանում. մարզի համայնքների միջև երթուղային ցանցն ամբողջացված չէ, ուղևորափոխադրումների հարցը շարունակում է օրակարգում մնալ։

Ի՞նչն է խնդիրը, որ հարցը չի կարգավորվում տարիներ շարունակ: Այս հարցի պատասխանը փորձել ենք գտնել՝ երթևեկելով Գյումրի-Ողջի-Մեղրաշատ-Բյուրակն գյուղերի հասարակական տրանսպորտով: Ինչպիսի՞ն է միջհամայնքային երթուղի սպասարկող վարորդի մեկ աշխատանքային օրը:

Երևանում ևս խնդիրը չի կարգավորվել. հանրային տրանսպորտի նոր երթուղային ցանցը պատրաստ է, բայց… միայն թղթի վրա։ Թեև երթուղում հայտնվել են նոր ավտոբուսներ, սակայն դրանց թիվը դեռ բավարար չէ մայրաքաղաքում ուղևորափոխադրումը պատշաճ իրականացնելու համար։

Տարածքային կառավարման և ենթակառուցվածքների նախարարությունից արձագանքում են՝ խնդիրները բոլոր մարզերում լուծելու համար մշակել են միասնական երթուղային ցանց. Ժամկետները, սակայն, անորոշ են:

Վարորդներին այս օրերին հուզող ևս մեկ կարևոր անդրադարձ. ինչպե՞ս է տեղի ունենալու գազաբալոնային սարքերով տրանսպորտային միջոցների շահագործումը, ի՞նչ փորձաքննություն են անցնելու լիցենզավորման համար:

Վրաստանի սահմանը հատելուն վերաբերող որոշ սահմանափակումներ մեղմացվել են, փոխանցում է Aliq.ge-ն։

Ուկրաինայի վրա հարձակման հետևանքով Եվրոպայի խորհուրդն այսօր կասեցրել է Նախարարների կոմիտեում և Խորհրդարանական վեհաժողովում Ռուսաստանի ներկայացված լինելու իրավունքը։ Այս որոշումն ընդունել է Նախարարների կոմիտեն։

Որոշումն ուժի մեջ է մտել անմիջապես։

Եվրոպայի խորհուրդը նաև պարզաբանում է, որ Ռուսաստանի Դաշնությունը շարունակում է մնալ Եվրոպայի խորհրդի անդամ և եվրոպական տարբեր, այդ թվում՝ Մարդու իրավունքների կոնվենցիայի կողմ։

Մարդու իրավունքների եվրոպական դատարանում Ռուսաստանի կողմից ընտրված դատավորը ևս կմնա դատարանում, ՄԻԵԴ-ը կշարունակի քննել Ռուսաստանի Դաշնության դեմ ներկայացված հայցերը։ Նախարարների կոմիտեն, որը Եվրոպայի խորհրդի որոշում կայացնող մարմինն է, տեղեկացնում է, որ կասեցումը ոչ թե վերջնական, այլ ժամանակավոր միջոց է և բաց է պահում հաղորդակցության ուղիները։

Ռուսաստանի Պետդումայի փոխխոսնակ, Եվրախորհրդի խորհրդարանական վեհաժողովում ռուսական պատվիրակություն ղեկավար Պյոտր Տոլստոյը քննադատել է այս որոշումը՝ նշելով, որ «առանց Ռուսաստանի՝ Եվրախորհրդի աշխատանքը կորցնում է իր իմաստը»: