նախարար Գնել Սանոսյանն այսօր ընդունել է Հայաստանում Ճապոնիայի արտակարգ և լիազոր դեսպան պարոն Մասանորի Ֆուկուշիմայի գլխավորած պատվիրակությանը:
Նախարարի հետ հանդիպումից հետո դեսպան Մասանորի Ֆուկուշիման և «Հայաստանի_մանուկներ» բարեգործական հիմնադրամի գործադիր տնօրեն Կորյուն Խաչատուրյանը դրամաշնորհային պայմանագիր են ստորագրել։
Ըստ պայմանագրի՝ «Հայաստանի մանուկներ» բարեգործական հիմնադրամին «Լոռու մարզում հասարակական ավտոբուսի տրամադրման ծրագրի» համար «Grassroots Human Security» ծրագրի շրջանակում կտրամադրվի 91,206 ԱՄՆ դոլարի դրամաշնորհային աջակցություն:
Ծրագրի նպատակն է բարելավել Լոռու մարզում տրանսպորտային ծառայությունների և մարզում մարդկանց, այդ թվում՝ հաշմանդամների կյանքի որակը՝ տրամադրելով հաշմանդամներին հարմար ավտոբուս դեպի Վանաձորը Դսեղին միացնող երթուղին: Արդյունքում ավելի քան 5000 մարդ կկարողանա օգտվել ավելի լավ տրանսպորտային ծառայություններից։
Ծրագրի արդյունքում Լոռու մարզի ամբողջ տարածաշրջանը՝ Դսեղից մինչև Վանաձոր, կունենա բարվոք հանրային տրանսպորտային ցանց և հնարավոր կլինի գյուղական համայնքները կապել Վանաձորին և հակառակը։
Կկառուցվեն կանգառներ, վարորդները կվերապատրաստվեն, իսկ տրանսպորտի շարժին հնարավոր կլինի հետևել բջջային հավելվածի միջոցով։

Նա լավագույն արդյունքն է ցույց է գերմանական Կոտբուս քաղաքում կայացած Գավաթի խաղարկության առաջին փուլում: Հենացատկում հայ մարմնամարզիկը վաստակել է 14.983 միավոր ու գրավել առաջին տեղը:

Երկրորդ տեղը զբաղեցրել է ուկրաինացի Նազար Չեպուրնին 14.600 միավորով:

Ավելի վաղ Վահագն Դավթյանը արծաթե մեդալ էր նվաճել օղակների վրա վարժությունում:

Սյունիքում հայտարարված երթուղիների համար մրցույթները չեն կայանում. մարզի համայնքների միջև երթուղային ցանցն ամբողջացված չէ, ուղևորափոխադրումների հարցը շարունակում է օրակարգում մնալ։ #Region5+-ի թողարկումն ամբողջությամբ կարող եք դիտել հետեւյալ հղումներով՝ https://www.youtube.com/watch?v=Zt_zy…

Պետքարտուղարությունը հայտարարել է Մոսկվայում ամերիկյան դիվանագիտական առաքելության անձնակազմի մի մասի կամավոր հեռացման մասին, այս մասին գրում է Ամերիկայի ձայնը։

Փետրվարի 28-ի առավոտյան ԱՄՆ պետքարտուղարությունը հայտարարեց Բելառուսում ԱՄՆ դեսպանատան փակման և Մոսկվայում ԱՄՆ դեսպանատան կարգավիճակի փոփոխության մասին։

ԱՄՆ պետքարտուղարության հայտարարության մեջ ասված է, որ պետքարտուղարությունը փակում է դեսպանատունը Մինսկում (Բելառուս) և հաստատում կամավոր վերադարձ Մոսկվայում ԱՄՆ դեսպանատան ոչ առաջնային անձնակազմի և նրանց ընտանիքի անդամների համար:

«Մենք ձեռնարկել ենք այս քայլերը՝ ի պատասխան անվտանգության մտահոգությունների, որոնք առաջացել են Ուկրաինայի վրա ռուսական ռազմական ուժերի չհրահրված և չարդարացված հարձակման հետևանքով», — հայտնում է պետքարտուղարությունը։

Հայտարարության մեջ նշվում է, որ պետքարտուղարությունն «անընդմեջ կարգավորում է իրավիճակը [ԱՄՆ] դեսպանատներում և հյուպատոսություններում ամբողջ աշխարհում՝ համաձայն իր առաքելության, անվտանգության իրավիճակին և [աշխատակիցների և նրանց ընտանիքների] առողջական վիճակի»։

Տրանսպորտային միջոցների գազաբալոններ տեղադրող և սպասարկող առաջին 5 կազմակերպությունները վկայագրեր ստացան․ դրանցից երկուսը գործելու են Երևանում, երկուսը Շիրակում, մեկը՝ Լոռիում։ Եվս 3 ընկերություն դիմել են Տարածքային և ենթակառուցվածքների նախարարություն՝ լիցենզիա ստանալու համար։

Այս ընկերությունները վկայագրեր կտրամադրեն իրենց մոտ ստուգաչափում անցած մեթանով և պրոպանով շահագործվող գազաբալոններ ունեցող տրանսպորտային միջոցներին։

Օգոստոսի մեկից, առանց այդ վկայագրերի գազալցակայանները իրավունք չեն ունենա լիցքավորել գազաբալոնները։ Կառավարության նոր որոշումն է՝ անվտանգության նկատառումներից ելնելով՝ 2 տարին մեկ պետք է ստուգաչափվեն պլաստմասե փաթույթով, իսկ 3 տարին մեկ՝ մետաղական բալոնները։ Փետրվարի 18-ին գազաբալոնների տեղադրման և ստուգաչափման լիցենզիա ստացած 5 ընկերություններից մեկն էլ գտնվում է Լոռու մարզի Սպիտակ քաղաքում․ լաբորատորիայի տեղակայման համար էլ հատուկ չափանիշներ կան։ Վարորդները կարևորում են գազաբալոնների ստուգաչափման գործընթացը, բայց խնդիրներ են տեսնում։

Ողջ մարզում գործելու է գազաբալոնների տեղադրման և սպասարկման միայն մեկ կայան․ և, ինչպես հայտնի է, յուրաքանչյուր բալոնի ստուգաչափման համար 1-1,5 ժամ է անհրաժեշտ։

Հիմա ամենածայրահեղ վիճակն է՝ ամբողջ բնակչությունը նկուղներում է պատսպարվել: Այս մասին ArmDaily.am-ի հետ զրույցում ասել է Ուկրաինայի Խարկով քաղաքի ՀՀ հյուպատոսի օգնական Համլետ Հովհաննիսյանը

«Ռուսական զորքերը մտել են քաղաքի մեջ: Մոտակա ժամերը որոշիչ են լինելու, ռմբակոծություն, կրակներ ամեն ձև, հիմա մաքսիմալ ուժերի լարումով մարտեր են ընթանում՝ մոտակա ժամերին պարզ կլինի, թե ով կհղթի»,- ասել է Հովհաննիսյանը:

Առողջապահության նախարարությունը տեղեկացնում է, որ փետրվարի 27-ի դրությամբ հաստատվել է կորոնավիրուսային հիվանդության 270 նոր դեպք։

Նախօրեին կատարվել է 3274 թեստավորում։ Գրանցվել է վարակից մահվան 16 նոր դեպք․ ընդհանուր մահվան ելքերը՝ 8449։

1 օրում առողջացածների թիվը՝ 1136։