Պետություն-համայնք համատեղ ներդրմամբ իրականացվող սուբվենցիոն ծրագրերի շրջանականերում Լոռու մարզի Սարչապետ խոշորացված համայնքի Պրիվոլնոյե բնակավայրում վերակառուցվում է նախկին վարչական շենքը։ Աշխատանքների ավարտից հետո այն համայնքին կծառայի որպես մանկապարտեզ։

Ծրագիրը մեկնարկել է դեռևս նախորդ տարի, այն այժմ ավարտական փուլում է։ Ծրագրի ընդհանուր բյուջեն` նախահաշվային արժեքով, կազմել է 51 մլն 635 հազար դրամ:

Ընդհանուր պայմանագրային արժեքը կազմել է 47 մլն դրամ, որից 25.85 մլն-ը կազմել է պետբյուջեի ներդրումը և 21.15 մլն` համայնքային:

Ծրագրով իրականացվել է մոտ 200 քառ. մետր մակերեսով շենքի հիմքերի ուժեղացում, կառուցվել է տանիքը, տեղադրվել են դռներ և պատուհաններ, կառուցվել է մամլոգրանիտե հատակ,կատարվել է ներքին և արտաքին հարդարում, անցկացվել է ջեռուցման համակարգ, ներքին և արտաքին ջրամատակարարման ցանց, կոյուղի:
Ծրագրի հիմնական շահառու է շուրջ 870 բնակիչ:

Մարտի 31-ին ՀՀ ԱԺ «Քաղաքացիական պայմանագիր» խմբակցության
քարտուղար, Հայաստան-Չեխիա բարեկամական խմբի ղեկավար Արթուր
Հովհաննիսյանը հանդիպել է ՀՀ-ում Չեխիայի Հանրապետության
արտակարգ և լիազոր դեսպան Բեդրիխ Կոպեցկիի և Երևանում գտնվող
Չեխիայի խորհրդարանական պատվիրակության անդամների հետ:

Հանդիպմանը ներկա են եղել նաև «Քաղաքացիական պայմանագիր»
խմբակցության պատգամավորներ, Հայաստան-Չեխիա բարեկամական
խմբի անդամներ Արփի Դավոյանը և Մերի Գալստյանը:

Հայաստանի Ազգային ժողովում` Արթուր Հովհաննիսյանը ներկայացրել
է Լեռնային Ղարաբաղում ստեղծված իրավիճակն ու Ադրբեջանի վերջին
օրերի սանձազերծած սադրանքները:

«Պայմանավորված աշխարհաքաղաքական զարգացումներով`
Ադրբեջանի ռազմաքաղաքական ղեկավարությունը փորձում է էթնիկ
զտումներ իրականացնել Լեռնային Ղարաբաղում»,- ասել է
«Քաղաքացիական պայմանագիր» խմբակցության քարտուղարը: Նա
անդրադարձել է նաև ադրբեջանական կողմի տարածած ստահոդ լուրերին,
թե իբրև հայկական կողմը ՌԴ-ին է փոխանցել իր հաշվեկշռում եղած չորս
ռազմական ինքնաթիռ, թե իբրև Հայաստանը հրաժարվում է Ադրբեջանի
հետ խաղաղության շուրջ բանակցություններից: «Դա բացարձակ
ապատեղեկատվություն է»,- նշել է Արթուր Հովհաննիսյանը:
Դիմելով չեխ գործընկերներին`«Քաղաքացիական պայմանագիր»
խմբակցության քարտուղարը կոչ է արել հասցեական գնահատական
հնչեցնել խնդրի վերաբերյալ: Նշվել է, որ Հայաստանի Հանրապետությունը
պատրաստ է Ադրբեջանի հետ խաղաղության պայմանագրի շուրջ
բանակցություններ սկսելուն:
ՀՀ-ում Չեխիայի Հանրապետության արտակարգ և լիազոր դեսպան
Բեդրիխ Կոպեցկին նշել է, որ ստացած տեղեկատվությունը փոխանցում են
ի պատկանելույն:
Այնուհետև հանդիպման մասնակիցներն անդրադարձել են երկուստեք
բնապահպանական խնդիրներին, ընդգծել դրանց լուծման
անհրաժեշտությունը: Կարևորվել են նաև երկու երկրների գործարարների
միջև կապերի խթանման ուղղությամբ տարվող քայլերը:
ՀՀ-ում Չեխիայի Հանրապետության արտակարգ և լիազոր դեսպան
Բեդրիխ Կոպեցկին նշել է, որ առանց գործարարների ակտիվ
մասնակցության` հնարավոր չէ լուծել տնտեսական ու բնապահպանական
խնդիրները:
Արթուր Հովհաննիսյանը ողջույններ է փոխանցել Չեխիայի
խորհրդարանում նորաստեղծ Չեխիա-Հայաստան բարեկամական խմբի անդամներին։

Տեղի է ունեցել հեռախոսազրույց վարչապետ Նիկոլ Փաշինյանի եւ ՌԴ նախագահ Վլադիմիր Պուտինի միջեւ:

Վարչապետ Փաշինյանը ՌԴ նախագահին է ներկայացրել Լեռնային Ղարաբաղում ռուս խաղաղապահների պատասխանատվության գոտի ադրբեջանական ստորաբաժանումների ներխուժումից հետո ստեղծված իրավիճակը եւ ցավով արձանագրել, որ իրադրությունը ոչ միայն չի կարգավորվել, այլեւ որոշ տվյալների համաձայն՝ ՌԴ խաղաղապահ զորախմբի պատասխանատվության գոտում հնարավոր են ադրբեջանական ստորաբաժանումների նոր սադրանքներ:

Վարչապետ Փաշինյանը մանրամասներ է ներկայացրել Լեռնային Ղարաբաղի գյուղերի բնակիչներին՝ բարձրախոսներով արվող հայտարարություններով ահաբեկելու, հոգեբանական ճնշումներ գործադրելու Ադրբեջանի գործելակերպի վերաբերյալ:

Նիկոլ Փաշինյանը կրկին ընդգծել է, որ խաղաղապահների ներկայությամբ ադրբեջանական ստորաբաժանումների այս գործողությունները եւ ներխուժումը Լեռնային Ղարաբաղում ռուս խաղաղապահ զորախմբի պատասխանատվության գոտի հարցեր է առաջացնում եւ ՌԴ նախագահին շնորհակալություն է հայտնել այդ իրավիճակի հետաքննություն անցկացնելու հարցին դրական վերաբերմունք ցուցաբերելու համար:

Վարչապետը ՌԴ նախագահին է ներկայացրել հայկական կողմի ակնկալիքը, որ ՌԴ խաղաղապահ զորախումբը միջոցներ կձեռնարկի ադրբեջանական ներխուժած ստորաբաժանումները ՌԴ խաղաղապահ զորախմբի պատասխանատվության գոտուց դուրս բերելու համար:

Երկու երկրների ղեկավարները պայմանավորվել են միջոցներ ձեռնարկել ստեղծված իրադրությունը շուտափույթ կարգավորելու համար: Նրանք երկուստեք կարեւորել են 2020թ. նոյեմբերի 9-ի, 2021 թվականի հունվարի 11-ի եւ նոյեմբերի 26-ի՝ ՌԴ նախագահի, Հայաստանի վարչապետի եւ Ադրբեջանի նախագահի եռակողմ հայտարարությունների լիարժեք իրականացումը:

ՀՀ ԱԺ «Քաղաքացիական պայմանագիր» խմբակցության տնտեսական բլոկի պատգամավորներիս նախաձեռնությամբ մարտի 31-ին տեղի ունեցավ աշխատանքային քննարկում՝ հանրային սննդի վայրերում ծխախոտային արտադրատեսակների օգտագործման սահմանափակումների վերաբերյալ:

Այս մասին ֆեյսբուքյան իր էջում գրել է «Քաղաքացիական պայմանագիր»  խմբակցության պատգամավոր Արուսյակ Մանավազյանը՝ հիշեցնելով, որ  մարտի 15-ից ուժի մեջ են մտել հանրային սննդի եւ այլ վայրերում ծխելու սահմանափակումները:

Դրանից հետո, ըստ պատգամավորի,  ստացվել են մի շարք բողոքներ եւ առաջարկներ որոշ տնտեսվարողներից, մասնավորապես՝ ծխելու մասնագիտացված ակումբների սեփականատերերից: Օրենքի կիրառման հետեւանքով ծխելու մասնագիտացված սրահները փակման եզրին են հայտնվել։

«Նարգիլեի գործարար համագործակցության» միության ՀԿ նախագահ Ժորա Փանոսյանը տեղեկացրեց, որ իրենք առաջարկում են նարգիլե ակումբների համար սահմանել առանձին լիցենզիա, իսկ անհավասար մրցակցային պայմաններից խուսափելու համար պատրաստ են իրենց ակումբներից հանել խոհանոցը եւ վճարել հարկեր:

Հաշվի առնելով հանրության առողջության կարևորությունը չպետք է անտեսել ոլորտի տնտեսվարողներին ու նրանց առջև ծառացած խնդիրները, ի վերջո առողջ տնտեսությունը նույնպես առաջնային է»,-գրել է պատգամավորը:

Հիշեցնենք, մարտի 15-ից  հանրային սննդի օբյեկտներում, այդ թվում՝ բացօթյա (ճաշարաններ, ռեստորաններ, սրճարաններ, բարեր, բուֆետներ և խոհարարական արտադրանքի պատրաստման և իրացման այլ օբյեկտներ), արգելվում է ծխախոտային արտադրատեսակների և դրանց փոխարինիչների օգտագործումը:

Լեռնային Ղարաբաղի Պաշտպանության բանակի դուրսբերումը Արցախից նշանակում է Լեռնային Ղարաբաղից հայերի դուրսբերում և ըստ էության այս պահանջն է, որ Ադրբեջանը ձևակերպում է, կառավարության նիստի ժամանակ ասել է վարչապետ Նիկոլ Փաշինյանը։

«Սրանով  է նաև հիմնավորվում Լեռնային Ղարաբաղը հայկական ամեն ինչից, այդ թվում հազարամյա եկեղեցիների, խաչքարների գրառումներից ազատելու Ադրբեջանի քաղաքականությունը»,-ասել է Փաշինյանը։

Նա նշել է, որ Փառուխի իրադարձությունները փաստում են, որ ԼՂ հայությունը պաշտպանվելու կարիք ունի, այլապես կդառնա ցեղասպանության զոհ։

«Նախկինում մենք առաջարկել ենք լուծումներ, որոնք կնվազեցնեին կամ կբացառեին նման կոնֆլիկտային իրավիճակը եւ կլուծեն ռազմականացված շփման գծի հարցը, նկատի ունեմ Փառուխի հետ կապված իրադարձությունները: Առաջարկի էությունը հետեւյալն է. արձանագրել, ֆիքսել շփման գիծը Լեռնային Ղարաբաղում, արձանագրել կողմերի պարտավորությունը՝ չհատել այդ շփման գիծը, գծի երկայնքով հանել բոլոր մարտական հենակետերը, ստեղծել դեմիլիտարիզացված գոտի եւ պայմանավորվածությունների կատարումն ամրացնել կոնկրետ երաշխիքներով: Այս առաջարկությունը չի ընդունվել, բայց երաշխիքների արդիականությունն ակնհայտ է հատկապես հիմա»,- նշել է վարչապետը:

Ըստ Փաշինյանի՝ ակնհայտ է, որ Ադրբեջանը փորձում է Լեռնային Ղարաբաղի և Հայաստանի Հանրապետության դեմ լայնամասշտաբ հարձակման լեգիտիմություն ձևավորել։