Արտակարգ իրավիճակների նախարարությունը տեղեկացնում է, որ ՀՀ տարածքում կան փակ և դժվարանցանելի ավտոճանապարհներ։

Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց, Քարի լիճ տանող և Բերդ-Ճամբարակ ավտոճանապարհները։

Վարդենյաց լեռնանցքը փակ է կցորդիչով բեռնատարների համար, դժվարանցանելի՝ մյուս տեսակի տրանսպորտային միջոցների համար:

Վանաձոր-Դիլիջան, Վանաձոր-Ալավերդի ավտոճանապարհները և Ստեփանավանի ոլորանները դժվարանցանելի են կցորդիչով բեռնատարների համար։

Սարավան-«Զանգեր» կոչվող հատվածը (մերկասառույց) և Գնդեվազ-Ջերմուկ ավտոճանապարհը դժվարանցանելի են բեռնատարների համար:

Տավուշի մարզի Դիլիջան և Իջևան քաղաքների, Սյունիքի մարզի բարձրադիր հատվածների, Լոռու և Գեղարքունիքի մարզերի բոլոր ավտոճանապարհներին տեղ-տեղ առկա է մերկասառույց:

ԱՄՆ դոլարի փոխարժեքն այսօր՝ մարտի 16-ին, կազմել է 499.04 դրամ՝ նախորդ օրվա համեմատ նվազել է 8.90 դրամով: Այդ մասին տեղեկանում ենք Կենտրոնական բանկի պաշտոնական կայքից։

Եվրոյի փոխարժեքը կազմել է 548.89 դրամ (նվազել է 9.64 դրամով), բրիտանական ֆունտի փոխարժեքը կազմել է 651.50 դրամ (նվազել է 10.65 դրամով), իսկ ռուսական ռուբլու փոխարժեքը կազմել է 4.65 դրամ (աճել է 0.04 դրամով):

Երկու շաբաթից ավելի է, ինչ ընթանում են ռուս-ուկրաինական ռազմական գործողությունները: Այս ընթացքում Ուկրաինան, ըստ ՄԱԿ-ի տվյալների, լքել է ավելի քան երեք միլիոն մարդ:

«Մենք այլ տեղեկատվություն ունենք, որ փլուզումներ կան, շենք-շինությունների կորուստներ կան և  մարմնական վնասվածքներ ստացած հայրենակիցներ ևս կան, որոնք բարեբախտաբար, հիվանդանոցային բուժման կարիք չեն ունեցել։ Բայց այդպիսի ծանր դրվագ միայն նշված ընտանիքի հետ է տեղի ունեցել, որովհետև արկը հարվածել էր ուղիղ տանը»,- հայտնեց Սփյուռքի գործերի գլխավոր հանձնակատարի գրասենյակի սփյուռքի հարցերով բաժնի պետ Հովհաննես Ալեքսանյանը:

Արցախի տեղեկատվական շտաբից տեղեկացնում են, որ մարտի 8-ից ի վեր ՀՀ կառավարության ու ռուս խաղաղապահների աջակցությամբ իրականացվող բանակցությունների շնորհիվ՝ ադրբեջանական կողմն այսօր սկսել է վնասված գազատար խողովակի վերանորոգման աշխատանքները:

«Ուստի, պայմանավորվածության համաձայն՝ գազամատակարարումը կարճ ժամկետում կվերականգնվի, և Արցախի իշխանությունները գործադրում են բոլոր ջանքերը, որ դա տեղի ունենա ժամ առաջ:

Միևնույն ժամանակ, հորդորում ենք բոլոր բաժանորդներին պահպանել զգոնություն և համոզվել, որ գազամատակարարման վերականգնման պահին գազի արտահոսք ու արտակարգ պատահար տեղի չունենա:

Արցախի կառավարությունը հայցում է բոլոր քաղաքացիների ներողամտությունը հարուցված դժվարությունների համար և հավաստիացնում, որ Արցախի առջև ծառացած բոլոր հիմնախնդիրները կարող ենք հաղթահարել մեր միասնականության, վճռականության ու համբերության միջոցով»: