Համաձայն Համաշխարհային բանկի (ՀԲ) 2022թ-ի հունվարյան զեկույցի Հայաստանում տնտեսական աճը 2022թ-ին կլինի 4.8%, իսկ 2023թ-ին` 5.4%:
Հաջորդ տարվա համար նախատեսվող տնտեսական աճի արագացումը ՀԲ-ի փորձագետները պայմանավորում են մի քանի գործոնով։
«Հուսալի մասնավոր սպառումը և կայուն ներդրումային միջավայրը կաջակցեն ներքին պահանջարկին և կփոխհատուցեն շարունակվող հարկաբյուջետային կոնսոլիդացիայի ձգձգումը՝ արագացնելով 2023թ-ին տնտեսական աճը:
Կանխատեսումը պայմանավորված է աշխարհաքաղաքական լարվածության թուլացման և պատվաստումների առաջընթացով, ինչպես նաև սպառողների և բիզնեսի վստահության բարելավմամբ»,-ասված է զեկույցում։