Պեսկով. Մոսկվան Կիևին հայտնել է Ուկրաինայում ՌԴ ԶՈՒ գործողությունը դադարեցնելու պայմանները

312

Ռուսաստանի նախագահի մամուլի քարտուղար Դմիտրի Պեսկովը հայտնել է, որ Մոսկվան Կիևին հայտնել է Ուկրաինայում ռուսական զինված ուժերի հատուկ գործողությունը դադարեցնելու պայմաններ։ Այս մասին հայտնում է РИА Новости-ն։

Նրա խոսքով՝ գործողությունը կարող է ավարտվել «ցանկացած պահի», եթե Ուկրաինայի իշխանությունները կատարեն ռուսական կողմի պայմանները։

Կրեմլի խոսնակն ընդգծել է, որ Ուկրաինան պետք է փոփոխի Սահմանադրությունը և հրաժարվի «ցանկացած բլոկին» միանալու հավակնություններից։ Բացի այդ, նա պետք է ճանաչի Ղրիմը որպես ռուսական, ինչպես նաև Դոնեցկի և Լուգանսկի ժողովրդական հանրապետությունների անկախությունը։

«Մենք փաստացի ավարտում ենք Ուկրաինայի ապառազմականացումը։ Մենք դա ավարտին կհասցնենք… Նրանք (ուկրաինացիները) պետք է դադարեցնեն ռազմական գործողությունները»,- ասել է Պեսկովը:

ԹՈՂՆԵԼ ՄԵԿՆԱԲԱՆՈՒԹՅՈՒՆ

Խնդրում ենք մուտքագրել Ձեր մեկնաբանությունը
Խնդրում ենք մուտքագրել ձեր անունը այստեղ