Վանաձորում գեներալի հուշարձանի մոտ տեղի ունեցավ հուշ ցերեկույթ նվիրված ՄԵԾՆ ԳԵՆԵՐԱԼԻ ծննդյան 157 ամյակին։
Օրհնանքի խոսքով հանդես եկավ Գուգարաց թեմի առաջնորդ՝ Տ Հովնան եպիսկոպոս Հակոբյանը։
Ելույթներ ունեցան Լոռու մարզպետարանի կրթության վարչության պետ՝ Արամ Գրիգորյանը, անվանի գրող, հասարակական գործիչ, անդրանիկագետ՝ Կարո Վարդանյանը, ԵԿՄ Լոռու մարզի նախագահ՝ Կամո Հովհաննիսյանը, պատմական գիտությունների թեկնածու պատմաբան՝ Արման Բերնեցյանը։ ,,Ինտերկապ,, ԲԿ-ի նախագահ՝ Նորայր Զուլոյանը ներկայացրեց Հայաստանում Բուլղարիայի դեսպանատան նամակ ուղերցը նվիրված Զորավարին։
Եույթներ ունեցան Վանաձորի թիվ 1 և թիվ 8 հիմնական դպրոցների աշակերտները, Իրական դպրոցի ՈՄԱ թիմի ուսանողները։
,,Լոռվա ասպետ,, Էդվարդ Խլղաթյանը ներկայացրեց Լոռվա ասպետների որոշումը՝ Հայրենիքին մատուցած ծառայությունների համար ,,Լոռվա պատվավոր ասպետ,, կոչում շնորհել՝ Նորայր Զուլոյանին, կրծքանշանը հանձնեց ,, Լոռվա ասպետ,, Վանդոս Ղարագյոզյանը։
Գեներալի հուշարձանին ծաղկեպսակ դրեցին Գուգարաց թեմի առաջնորդ՝ Տ Հովնան եպիսկոպոս Հակոբյանը և Արցախյան ազատամարտի երախտավոր հրամանատար, գեներալ լեյտենանտ, «Լոռվա ասպետ» Միքայել Գրիգորյանը։
Միջոցառմանը մասնակցում էին ազատամարտիկներ, մտավորականներ, հյուրեր Երևանից և տարբեր վայրերից, զինվորականներ, ուսուցիչներ, աշակերտներ, Վանաձորի բնակիչներ։
