2022 թ․ փետրվարի 19-ին Լոռու մարզի Փամբակ խոշորացված համայնքի Վահագնի բնակավայրում տեղի ունեցան ֆոկուս խմբային քննարկումներ՝ «Քաղաքացու ձայն և գործողություն» մեթոդոլոգիայով, որին մասնակցում էին Վահագնի, Քարաբերդ և Լեռնապատ բնակավայրերի ակտիվիստներ և ակտիվ երիտասարդներ։
Հանդիպման ժամանակ մասնակիցները ներկայացրին իրենց բնակավայրերի խնդիրները, այլընտրանքային զարգացման հնարավորությունները։ Նախատեսվում է նաև ևս մեկ հանդիպում, որի ժամանակ կքննարկվեն ֆոկուս խմբային քննարկումների ժամանակ վերհանված խնդիրները, կդասակարգվեն ըստ առաջնահերթության և կկազմվի գործողությունների պլան այդ խնդիրների հանրայնացման համար, հետապնդելով դրանց լուծումը։
Քանի որ ներկա պահին Փամբակ խոշորացված համայնքի զարգացման 5-ամյա ծրագրի հանրային լսումների փուլն է, առաջարկություն եղավ ֆոկուս խմբային քննարկումների ժամանակ վերհանված խնդիրները ներկայացնել այդ լսումների ժամանակ, որպեսզի դրանք ներառվեն համայնքի 5-ամյա ծրագրում։
Ֆոկուս խմբային քննարկումների մասնակիցների ներգրավումը կազմակերպել էին «Հանի» ԵԿ քաղաքացիական նախաձեռնության հիմնադիր անդամները։