Օգոստոսի 27-ին, ժամը 12։05-ին Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Սպիտակ քաղաքի Շվեցարական թաղամասում այրվում է խոտածածկ տարածք։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։

Հրդեհը մեկուսացվել է ժամը 12։38-ին, մարվել՝ 13։04-ին: Այրվել են խոտածածկույթ և երեք չշահագործվող ավտոմեքենաի թափք։

Օգոստոսի 11-ին, ժամը 19։40-ին Ճգնաժամային կառավարման ազգային կենտրոն տեղեկություն է ստացվել, որ Վանաձոր քաղաքից Սպիտակ քաղաք տանող ավտոճանապարհին տեղի է ունեցել ՃՏՊ․անհրաժեշտ է փրկարարների օգնությունը։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական тоջոկատից մեկ մարտական հաշվար։

Պարզվել է, որ Սպիտակ-Վանաձոր ավտոճանապարհի մոտ 6-րդ կմ-ին բախվել են«Opel» և «VAZ» մակնիշների ավտոմեքենաները։

Մինչ փրկարարների կանչի վայր հասնելը՝ վարորդները և «VAZ» մակնիշի ավտոմեքենայի ուղևորը տեղափոխվել են բժշկական կենտրոն։

Փրկարարները փակել են ավտոմեքենաների գազիբալոնների փականները, հոսանքազրկել «Opel» մակնիշի ավտոմեքենան և իրականացրել ճանապարհի լվացման աշխատանքներ։

Օգոստոսի 8-ին՝ ժամը 10:00-ից մինչև 17:00-ն ընկած ժամանակահատվածում, Լոռու մարզի Սպիտակ համայնքի Կաթնաջուր, Մեծ Պարնի, Ծաղկաբեր, Հարթագյուղ բնակավայրերում, Վանաձոր քաղաքիմի շարք հասցեներում փորձարկվելու են էլեկտրական շչակներ:

Խնդրում ենք չանհանգստանալ։

Լևոն Արոնյանը դարձավ «Freestyle Chess Grand Slam Tour» Ֆիշերի արագ շախմատի մրցաշարի հաղթող

«Շատ ուրախ եմ հաղթելու համար։ Շնորհակալ եմ ընտանիքիս, ընկերներիս և երկրպագուներիս։ Միշտ առաջ»,-գրել է Լևոն Արոնյանը։

Մրցաշարի ընթացքում Արոնյանը տպավորիչ հաղթանակներ տարավ Մագնուս Կարլսենի, Հիկարու Նակամուրայի, Արջուն Էրիգաիսիի և Հանս Մոկե Նիմանի նկատմամբ:

ℹ Լոռու մարզպետի պաշտոնակատար Հովհաննես Ավետիսյանն այսօր՝ հուլիսի 16-ին, ընդունել է բռնցքամարտի մարզիչ, ՀՀ ֆիզիկական կուլտուրայի և սպորտի վաստակավոր գործիչ, ԿԳՄՍ ոսկե մեդալակիր Վազգեն Բադալյանին և կանանց պրոֆեսիոնալ բռնցքամարտի Ասիայի չեմպիոն, «Վազգեն Բադալյան» մարզական ակումբի սան Անահիտ Արոյանին:

Հանդիպմանը մասնակցել են նաև Լոռու մարզպետի աշխատակազմի պատասխանատու պաշոնյաները:

🥇Լոռեցի մարզուհին օրեր առաջ հաղթանակով է վերադարձել Դուբայում անցկացված մենամարտից՝ պրոֆեսիոնալ ռինգում գրանցելով իր կարիերայի 14-րդ հաղթանակը:
Անահիտը Ստեփանավան համայնքի Ամրակից բնակավայրից է:

📍 Հովհաննես Ավետիսյանը կարևորել է Անահիտ Արոյանի և Վազգեն Բադալյանի նվիրումը մարզաձևին, շնորհակալություն հայտնել Հայաստանի և Լոռու մարզի պատիվը միջազգային տարբեր հարթակներում բարձր պահելու համար, ընդգծել մարզական ոլորտի զարգացմանն աջակցելու իր պատրաստակամությունը։

✅ Մարզպետի պաշտոնակատարը շնորհակալագրերով է պարգևատրել կանանց պրոֆեսիոնալ բռնցքամարտի Ասիայի չեմպիոն Անահիտ Արոյանին՝ IBA-24, WBC-24 աշխարհի չեմպիոնական գոտիները նվաճելու համար և նրա մարզիչ Վազգեն Բադալյանին՝ ֆիզիկական կուլտուրայի և սպորտի բնագավառում ունեցած նշանակալի ավանդի և հաղթող սան պատրաստելու համար: Անահիտը կանանց պրոֆեսիոնալ բռնցքամարտի աշխարհի առաջնություններում հաղթանակած Հայաստանի Հանրապետության առաջին կին բռնցքամարտիկն է:

Հանդիպման ավարտին Վազգեն Բադալյանը և Անահիտ Արոյանը շնորհակալություն են հայտնել՝ իրենց ձեռքբերումները բարձր գնահատելու համար։

Հունիսի 28-ին` տեղական ժամանակով ժամը 01:40-ին (Գրինվիչի ժամանակով` հունիսի 27-ին ժամը 21։40-ին) ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40.90⁰ և արևելյան երկայնության 44․28⁰աշխարհագրական կոորդինատներով Հայաստան՝ Սպիտակ քաղաքից 8 կմ հյուսիս, օջախի 10 կմ խորությամբ 2․9 մագնիտուդով երկրաշարժ։

Էպիկենտրոնային գոտում ստորգետնյա ցնցման ուժգնությունը կազմել է 4 բալ:

Երկրաշարժը զգացվել է Լոռու մարզի՝ Սպիտակ քաղաքում, ինչպես նաև Լեռնապատ, Արջուտ, Արևաշող, Դարպաս և Գոգարան գյուղերում՝ 2-3 բալ ուժգնությամբ։

📢 ՀԱՅՏԱՐԱՐՈՒԹՅՈՒՆ

Հարգելի բնակիչներ,

Տեղեկացնում ենք, որ Վանաձորի թիվ 1 հրշեջ-փրկարարական ջոկատի (Երևանյան փողոց 62 հասցեում) տեղադրված շչակը կաշխատեցվի ուսումնական նպատակով, ըստ նախատեսված վարժանքի ծրագրի:

🔊 Շչակի ազդանշանը կհնչի օդային տագնապի տեսքով՝ այսօր’ 📅 հունիսի 27-ին, 🕒 14:00:

Խնդրում ենք պահպանել հանգստություն. այն ընդամենը ուսումնական փորձ է։

🩺Սիրելի՛ բուժաշխատողներ, առողջապահական համակարգի ներկայացուցիչնե՛ր,

ջերմորեն շնորհավորում եմ ձեզ Բուժաշխատողների օրվա կապակցությամբ՝ խորին երախտագիտություն հայտնելով ձեր անձնվեր աշխատանքի, մասնագիտական նվիրումի և մարդասիրական առաքելության համար։
Ձեր ամենօրյա գործը պահանջում է բացառիկ պատասխանատվություն, համբերություն ու հոգատարություն, քանի որ ձեր ձեռքերում, հաճախ բառի ամենաբուն իմաստով, մարդկային կյանքեր են։

Ձեր նվիրումով է, որ մեր մարզի առողջապահական համակարգը շարունակում է կայունորեն զարգանալ՝ ապահովելով որակյալ ծառայություններ և հուսալի աջակցություն մեր քաղաքացիներին։

Լոռու մարզի յուրաքանչյուր բնակչի անունից շնորհակալություն եմ հայտնում ձեզ՝ հատկապես դժվարին ժամանակներում՝ համավարակների, բնական աղետների կամ արտակարգ իրավիճակների պայմաններում, դրսևորած համարձակության, տոկունության և նվիրվածության համար։

Թող ձեր աշխատանքն արժևորվի ամեն օր, թող ձեր ջանքերն ի վերուստ պսակվեն հաջողությամբ, իսկ ձեր ընտանիքներում տիրի խաղաղություն, առողջություն և բարօրություն։

Մաղթում եմ ձեզ ուժ, անսպառ եռանդ, մասնագիտական շարունակական աճ:

#Բուժաշխատողներիօր

Հունիսի 20-ին անցկացվել է Լոռու մարզային զորակոչային հանձնաժողովի նիստը, որը վարել է հանձնաժողովի նախագահ, ՀՀ Լոռու մարզպետի պաշտոնակատար Հովհաննես Ավետիսյանը:

Հանձնաժողովի անդամներն են՝ ՀՀ ՊՆ Վանաձորի ռազմական ոստիկանության բաժնի պետ, փոխգնդապետ Վահան Անտոնյանը, ՀՀ ՊՆ ՀԶԿ Լոռու մարզի զինվորական կոմիսար, փոխգնդապետ Սարգիս Վահրադյանը, ՀՀ ՆԳՆ ոստիկանության ՀՈԳՎ Բազումի բաժնի պետ, փոխգնդապետ Ա.Հարությունյանը, Գուգարքի բաժնի պետ, փոխգնդապետ Մ.Եղշատյանը, Տարոնի բաժնի պետ, փոխգնդապետ Կ.Արզումանյանը, Թումանյանի բաժնի պետ, փոխգնդապետ Ա.Գյուրջանյանը, Ստեփանավանի բաժնի պետ, փոխգնդապետ Գ.Պալյանը, Սպիտակի բաժնի պետ, փոխգնդապետ Ս.Մալաքյանը, Տաշիրի բաժնի պետ, փոխգնդապետ Ա.Չթչյանը, Լոռու մարզպետի աշխատակազմի զորահավաքային նախապատրաստության բաժնի պետ, մարզային զորակոչային հանձնաժողովի քարտուղար Արմեն Հակոբյանը:

Նիստի ընթացքում քննարկվել են 2025 թվականի ամառային զորակոչին ենթակա շարքային կազմի պարտադիր զինվորական ծառայության զորակոչից օրենքով սահմանված կարգով՝ տարկետման (ուսման, ընտանեկան) կամ ազատման իրավունքից օգտվող քաղաքացիներին եզրակացությունների տրամադրման հարցերը:

Քննարկվել են նաև օրակարգային այլ հարցեր:

ℹ ՀՀ պետական բյուջեի միջոցներով իրականացվող «Դպրոցականների ամառային հանգստի կազմակերպում» ամենամյա ծրագրի շրջանակում Լոռու մարզի 300 դպրոցական այս տարի ամառային հանգիստը կանցկացնի Հանքավանում։

Այսօր՝ հունիսի 20-ին, մարզի տարբեր համայնքներից 150 երեխա մեկնեց Հանքավանի «Լուսաբաց» մանկական ճամբար՝ մասնակցելու առաջին հերթափոխին։

Երեխաներին բարի ճանապարհ մաղթեցին Լոռու մարզպետի աշխատակազմի կրթության, մշակույթի և սպորտի վարչության պետ Նաիրա Բարիկյանը, վարչության մասնագետները, պատասխանատու այլ պաշտոնյաներ:

📍 Ողջունելով ճամբարականներին և նրանց ծնողներին՝ Նաիրա Բարիկյանը նշեց, որ պետական աջակցությամբ տարիներ շարունակ իրականացվող այս ծրագիրը նպատակ ունի դպրոցականներին պարգևել ամառային անհոգ առօրյա: Նա երեխաներին մաղթեց անմոռանալի հանգիստ և վառ տպավորություններ։ Ծնողներն իրենց հերթին շնորհակալություն հայտնեցին՝ բարձր գնահատելով պետության աջակցությամբ նման հնարավորության ընձեռումը։

Ճամբարը կգործի 7-13 տարիքային խմբի երեխաների համար՝ երկու հերթափոխով՝ 9-օրյա տևողությամբ։ Առաջին հերթափոխը կանցկացվի հունիսի 20-29-ը, երկրորդը՝ հունիսի 29-ից հուլիսի 8-ը։

ՀՀ կառավարության աջակցությամբ իրականացվող ծրագրում ընդգրկվել են սոցիալական տարբեր խմբերի, ինչպես նաև Լեռնային Ղարաբաղից բռնի տեղահանված ընտանիքների դպրոցահասակ երեխաները։