ԲԱՐԻ ԿԱՄՔԻ ԴԵՍՊԱՆ

Տրվում է Նորայր Զուլոյանին Հայ Բարի Կամքի Դեսպանների կազմակերպության կողմից Իր Մեծ ավանդի համար…

ՀՀ նախագահի աշխատակազմի ֆեյսբուքյան էջում միջազգային հեղինակավոր The Spectator World պարբերականի՝ Հայաստանի վերջին զարգացումների մասին ծավալուն հոդվածից հատված է հրապարակվել: «Լինելով միջազգային ասպարեզում Հայաստանի նշանավոր գործիչներից մեկը, Սարգսյանը երեք տարի առաջ ընտրվեց նախագահի՝ մեծամասամբ արարողակարգային պաշտոնում: Երբ սկսվեց պատերազմը, նա ակտիվացրեց իր լայն միջազգային կապերը՝ աջակցություն ստանալու Հայաստանի համար:

Սարգսյանը պնդում է, որ «ազգային ընկճվածության» այս դժվարին ժամանակահատվածը կարելի է փոխակերպել «ազգային զարթոնքի» հնարավորության: Սակայն Հայաստանի համար վերականգնվելու ու վերակառուցելու համար նախ և առաջ անհրաժեշտ է հրաժարվել «փրկիչներ» փնտրելու իր պատմական սովորությունից և ստանձնել պատասխանատվություն սեփական ապագայի համար, քանի որ որևէ արտաքին աջակցություն չի կարող վերակենդանացնել մի ժողովրդի, որը հրաժարվում է օգտագործել սեփական ուժեղ կողմերը: «Պետք է սկսել սխալները ներսում փնտրելուց: Պետք է ինքդ քեզ բարդ հարցեր տաս և անես անհրաժեշտ փոփոխություններ»,- ասում է Սարգսյանը…»։

Սերբիայի Նովի Սադ քաղաքում անցկացված արագ շախմատի Եվրոպայի մինչեւ 16 տարեկանների առաջնությունն ավարտվել է Հայաստանի ներկայացուցիչ Էմին Օհանյանի հաղթանակով, հաղորդում է Հայաստանի շախմատի ֆեդերացիայի մամուլի ծառայությունը։

Էմին Օհանյանը 9 հնարավորից վաստակել է 7,5 միավոր։ Նա 1 միավոր գերազանցել է երկրորդ տեղը գրաված Մաքսիմ Ցարուկին (Բելառուս)։

https://www.facebook.com/nikol.pashinyan/posts/470296684451638

Հանրապետությունում սուր շնչառական վարակներով ու գրիպով պայմանավորված իրավիճակը շարունակում է լարված մնալ: Մասնագետների գնահատմամբ, թեպետ դեկտեմբերի երկրորդ կեսի համեմատ այս օրերին նկատվում է հիվանդացության որոշակի նվազում, սակայն միևնույն է իրավիճակը շարունակում է անկայուն մնալ: «Դեռ ունենք հիվանդացության բարձր շեմ: Նախորդ տարվա նույն ժամանակահատվածի համեմատ հիվանդացության ցուցանիշը 1.8 անգամ բարձր է:

Կոնկրետ Արարատի և Տավուշի մարզում դիտվում է բարձր, իսկ Երևանում և մնացած մարզերում՝ միջին ինտենսիվության ակտիվություն: Հունվարի 4-ի դրությամբ բժշկական կազմակերպություններում հոսպիտալացված է 592 բուժառու, որի 94 տոկոսը 0-18 տարեկան երեխաներ են: Ասեմ, որ 13 բուժառու գտնվում է վերակենդանացման բաժանմունքում: Նրանց մեծ մասը 0-5 տարեկան երեխաներն են, որոնք շատ ավելի ծանր են տանում հիվանդությունը»,- «Արմենպրես»-ի հետ զրույցում այս մասին նշել է ՀՀ ԱՆ Հիվանդությունների վերահսկման և կանխարգելման ազգային կենտրոնի վարակիչ և ոչ վարակիչ հիվանդությունների համաճարակաբանության վարչության պետ Ռոմելլա Աբովյանը: ՀՀ ԱՆ մանկաբուժության գծով խորհրդատու Սերգեյ Սարգսյանի խոսքով՝ մանկական բուժհիմնարկներում իրավիճակը լարված է:

Դիմելիության մակարդակը միջինից բարձր է: Իհարկե, Ամանորից առաջ սկսված դպրոցական արձակուրդներն իրենց ազդեցությունն ունեցան հիվանդության տարածման որոշակի նվազման վրա, սակայն, ըստ Սերգեյ Սարգսյանի, շարունակում են լարված աշխատել:

«Հիմա արդեն նկատվում է այն միտումը, ըստ որի բուժհիմնարկներ դիմողները վարակվել են տոնական օրերին միմյանց տներ այցելությունների ժամանակ: Բերվում են հիվանդացած երեխաներ՝ սկսած 44 օրականից: Ներկայում շրջանառվում է H3N2 տեսակի գրիպը կամ հոնկոնգյան գրիպը, որի թիրախում 0-5 տարեկան երեխաներն են: Մի քանի օր դիտվում է տենդ, ականջի բորբոքում, կան թոքաբորբի դեպքեր»,-ասաց Սերգեյ Սարգսյանը: Ք

անի որ կորոնավիրուսի և գրիպի ախտանշանները նույնն են, մասնագետները խորհուրդ են տալիս դրանց առկայության դեպքում ինքնաբուժությամբ չզբաղվել, անպայման դիմել բժշկի համապատասխան հետազոտության համար: Մասնագետները նկատեցին, որ սուր շնչառական վարակների գրիպի ժամանակ շատերը զբաղվում են ինքնաբուժությամբ, ինչը բավական բարդացնում է կլինիկական ընթացքը:

Հիվանդները բավական ծանր վիճակում են ընդունվում բժշկական կազմակերպություններ: «Շատ մեծ ռիսկ է այն, որ նշված բուժառուները տան պայմաններում օգտագործում են հակաբիոտիկներ, ինչը պարզապես ցուցված չէ վիրուսային հիվանդությունների համար: Դա ավելի է բարդացնում իրավիճակը»,-ասաց Ռոմելլա Աբովյանը: Մասնագետները հորդորում են պահպանել հակահամաճարակային կանոնները, ժամանակին դիմել բժշկին:

Վերջին 10 օրվա ընթացքում գրիպով պայմանավորված իրավիճակը բավականին կայունացել է, որը կապված է ուսումնական արձակուրդների հետ:

«Հուսով եմ, որ կայունացման հետ նաև կունենանք որոշակի նվազում: Իրավիճակը մահճակալների և ֆոնդի ապահովվածության առումով վերահսկելի է, և մեր հիվանդանոցները պատրաստ են դիմակայել գրիպի շտամի շրջանառությանը: Այս պահին հոսպիտալացված է 595 քաղաքացի`նրանց 95 տոկոսը մինչև 18 տարեկան երեխաներ են:  Գրիպը հիմնականում շրջանառվում է երեխաների շրջանում, ուստի արձակուրդները կնպաստեն, որպեսզի նվազման տեմպը շարունակվի»,- ասաց Ավանեսյանը:

Նախարարի խոսքով` սեպտեմբերից Հայաստանում առկա են գրիպի դեմ պատվաստանյութեր, որոնք կորոնավիրուսի պատվաստանյութի հետ որևէ հակացուցում չունեն:

«Այն բավականին արդյունավետ է և օգնում է, որպեսզի խուսափենք նաև գրիպով հիվանդանալուց և ծանր ընթացքներից»,- ասաց Ավանեսյանը:

2021-ն ավարտվում է՝ թիկունքում թողնելով մարզական բազմաթիվ ստուգատեսներ և ոսկե տառերով գրելով այն մարզիկների անուններրն, ովքեր այս տարի ևս Վանաձորի և Հայաստանի պատիվը բարձր պահեցին։

Վանաձոր քաղաքի 10 լավագույն մարզիկների պատվավոր անվանացանկը գլխավորում  է՝

1․ Բռնցքամարտիկ` Տոկիո-2020 օլիմպիական խաղերի 5-րդ տեղ զբաղեցրած, Փարիզում կայացած օլիմպիական վարկանիշային մրցաշարի բրոնզե մեդալակիր, աշխարհի առաջնության մասնակից, միջազգային մրցաշարի հաղթող, Օլիմպիական հերթափոխի մենապայքարային մարզաձևերի մարզադպրոցի սան, միջազգային կարգի սպորտի վարպետ Արման Դարչինյանը:

Մարզիչ՝  ՀՀ վաստակավոր մարզիչ, միջազգային կարգի մրցավար  Բագրատ Ավոյան, ով ճանաչվել է  նաև 2021թ. Վանաձոր քաղաքի լավագույն մարզիչ:

2. Լավագույն տասնյակի անվանացանկի 2-րդ պատվավոր տեղն է զբաղեցնում մարտական սամբո ըմբշամարտիկ`  Եվրոպայի մեծահասակների առաջնության արծաթե մեդալակիր, ՀՀ մեծահասակների առաջնության հաղթող, աշխարհի առաջնության մասնակից, «Հայաստան» մարզական հասարակական կազմակերպության Ստեփան Սարգսյանի անվան Վանաձորի համալիր մարզադպրոցի սան, միջազգային կարգի սպորտի վարպետ  Մհեր Մերջանյանը: Մարզիչ` Ռոբերտ Ավետիսյան,

3. Լավագույն տասնյակի անվանացանկի 3-րդ պատվավոր տեղն է զբաղեցնում սամբո ըմբշամարտիկ` Եվրոպայի մեծահասակների առաջնության բրոնզե մեդալակիր, ՀՀ մեծահասակների առաջնության հաղթող, աշխարհի առաջնության մասնակից, Օլիմպիական հերթափոխի մենապայքարային մարզաձևերի մարզադպրոցի սան, <<Գագիկ Ղազարյան>> մարզական ակումբի անդամ, միջազգային կարգի սպորտի վարպետ  Արթուր Հակոբյանը:

Մարզիչ՝ աշխարհի հնգակի չեմպիոն, ԽՍՀՄ սպորտի վաստակավոր վարպետ, ՀՀ  վաստակավոր մարզիչ` Գագիկ Ղազարյան:

4. 10 լավագույն մարզիկների անվանացանկի 4-րդ հորիզանակում է սամբո ըմբշամարտիկ` աշխարհի երիտասարդների առաջնության բրոնզե մեդալակիր, ՀՀ երիտասարդների առաջնության հաղթող, Օլիմպիական հերթափոխի մենապայքարային մարզաձևերի մարզադպրոցի սան, «Գագիկ Ղազարյան» մարզական ակումբի անդամ Վանաձորի Հովհաննես Թումանյանի անվան պետական համալսարանի ուսանող, սպորտի վարպետ Գոռ Հարությունյանը:

Մարզիչ՝ աշխարհի հնգակի չեմպիոն, ԽՍՀՄ սպորտի վաստակավոր վարպետ, ՀՀ վաստակավոր մարզիչ` Գագիկ Ղազարյան:

5. Լավագույն տասնյակի անվանացանկի 5-րդ հորիզոնականում է ազատ  ըմբիշ`

բանակայինների աշխարհի առաջնության արծաթե մեդալակիր, ՀՀ մեծահասակների առաջնության հաղթող, ՀՀ մեծահասակների ընտրական մրցաշարի հաղթող, Օլիմպիական հերթափոխի մենապայքարային մարզաձևերի մարզադպրոցի սան, սպորտի վարպետ Մհեր Մարկոսյանը: Մարզիչ՝  Ժիրայր Հովհաննիսյան:

6. Լավագույն տասնյակի անվանացանկի 6-րդ հորիզոնականում է աթլետ` ՀՀ մեծահասակների առաջնության 1500մ վազքատարածության հաղթող, Եվրոպայի փոքր երկրների առաջնության 800մ վազքատարածության 2-րդ մրցանակակիր, Եվրոպայի թիմային առաջնության 800մ վազքատարածության 3-րդ մրցանակակիր, Աթլետիկայի օլիմպիական հերթափոխի մանկապատանեկան մասնագիտացված մարզադպրոցի սան, սպորտի վարպետ Էլլադա Ալավերդյանը: Մարզիչ՝  Գոռ Ներկարարյան:

7. Լավագույն տասնյակի անվանացանկի 7-րդ հորիզոնականում է ազատ ըմբիշ՝ ՀՀ մեծահասակների առաջնության հաղթող, բանակայինների աշխարհի առաջնության բրոնզե մեդալակիր, միջազգային մրցաշարի 3-րդ մրցանակակիր, ՀՀ վաստակավոր մարզիչ Անդրանիկ Հարոյանին նվիրված հուշամրցաշարի հաղթող, Եվրոպայի և աշխարհի առաջնությունների մասնակից, «Հայաստան» մարզական հասարակական կազմակերպության Ստեփան Սարգսյանի անվան Վանաձորի համալիր մարզադպրոցի սան, Վանաձորի Հովհաննես Թումանյանի անվան պետական համալսարանի ուսանող, սպորտի վարպետ Հովհաննես Մխիթարյանը: Մարզիչ` ՀՀ վաստակավոր մարզիչ Ժորա Հովհաննիսյան:

8. Լավագույն տասնյակի անվանացանկի 8-րդ հորիզոնականում է շախմատիստ` Հայաստանի շախմատի 82-րդ առաջնության 1-ին խմբի մրցաշարի հաղթող, «Chess Mood Open» միջազգային մրցաշարում 12-րդ տեղ զբաղեցրած, Շախմատի մասնագիտացված մանկապատանեկան մարզադպրոցի սան, միջազգային վարպետ, Դավիթ Շահինյանը: Մարզիչ`  FIDE-ի մարզիչ Գառնիկ Ներսեսյան

9. Լավագույն տասնյակի անվանացանկի 9-րդ տեղում է սամբո ըմբշամարտիկ` ՀՀ մեծահասակների առաջնության հաղթող, Եվրոպայի առաջնության 5-րդ տեղ զբաղեցրած, աշխարհի առաջնության մասնակից, Օլիմպիական հերթափոխի մենապայքարային մարզաձևերի մարզադպրոցի սան, «Գագիկ Ղազարյան» մարզական ակումբի անդամ, միջազգային կարգի սպորտի վարպետ՝ Արսեն Ղազարյանը:

Մարզիչ` Արսենի հայրը, աշխարհի հնգակի չեմպիոն, ԽՍՀՄ սպորտի վաստակավոր վարպետ, ՀՀ  վաստակավոր մարզիչ` Գագիկ Ղազարյան:

10. Լավագույն տասնյակի անվանացանկը եզրափակում է բռնցքամարտիկ` ՀՀ մեծահասակների առաջնության հաղթող, Եվրոպայի մինչև 22 տարեկանների առաջնությունում 5-րդ տեղ զբաղեցրած, Օլիմպիական հերթափոխի մենապայքարային մարզաձևերի մարզադպրոցի սան, Վանաձորի Հովհաննես Թումանյանի անվան պետական համալսարանի ուսանող, սպորտի վարպետ Վախթանգ Հարությունյանը ` մարզիչ Գևորգ Կոստանյան:

Մեր քաղաքի  լավագույն պատանի մարզիկների  անվանացանկը գլխավորում  է՝

1․ Ազատ ըմբիշ՝  Եվրոպայի  կրտսեր տարիքի պատանիների առաջնության արծաթե մեդալակիր,  ՀՀ  կրտսեր տարիքի պատանիների ընտրական մրցաշարի հաղթող,   ՀՀ պատանիների առաջնության 3-րդ մրցանակակիր, միջազգային մրցաշարի հաղթող, ԽՍՀՄ վաստակավոր մարզիչ Ռուդոլֆ Կարապետյանի և ԽՍՀՄ միջազգային կարգի սպորտի վարպետ Եղիշե Կարապետյանի անվան միջազգային 13-րդ հուշամրցաշարի հաղթող, Օլիմպիական հերթափոխի մենապայքարային մարզաձևերի մարզադպրոցի սան  Արեն Սերոբյանը: Մարզիչ`    ՀՀ վաստակավոր մարզիչ Ժորա Հովհաննիսյան:

2․ Լավագույն պատանիների անվանացանկի 2-րդ հորիզոնականում է բռնցքամարտիկ`  Եվրոպայի կրտսեր տարիքի պատանիների առաջնության արծաթե մեդալակիր, ՀՀ կրտսեր տարիքի պատանիների առաջնության հաղթող, միջազգային մրցաշարերի հաղթող, Օլիմպիական հերթափոխի մենապայքարային մարզաձևերի մարզադպրոցի սան  Արգիշտի Հակոբյանը: Մարզիչ`   Գևորգ Կոստանյան

3․ Լավագույն պատանիների անվանացանկի 3-րդ հորիզոնականը զբաղեցնում է բռնցքամարտիկ՝ Եվրոպայի կրտսեր տարիքի պատանիների առաջնության արծաթե մեդալակիր, ՀՀ կրտսեր տարիքի պատանիների առաջնության հաղթող, «Վանաձորի բռնցքամարտի մանկապատանեկան մարզադպրոց» ՊՈԱԿ-ի սան Վազգեն Քարհանյանը, մարզիչ՝  հանրապետական կարգի մրցավար Արմեն Պապիկյան:

• 2021թ. Վանաձորի լավագույն մարզիչ է ճանաչվել ՀՀ վաստակավոր մարզիչ, միջազգային կարգի մրցավար Բագրատ Ավոյանը: ում է
• 2021թ. Վանաձորի լավագույն մարզական կազմակերպություն է ճանաչվել Օլիմպիական հերթափոխի մենապայքարային մարզաձևերի մարզադպրոցը, տնօրեն՝ ՀՀ սպորտի վաստակավոր վարպետ, ՀՀ վաստակավոր մարզիչ, Հովիկ Մանուկյան:
• 2021թ. հաշմանդամություն ունեցող լավագույն մարզիկ է ճանաչվել հաշմանդամություն ունեցող շախմատիստների աշխարհի 4-րդ առաջնությունում աշխարհի չեմպիոն, FIDE-ի վարպետ, Սարգիս Սարգսյանը, ով 9 հնարավորից վաստակել է 8.5 միավոր , մարզիչ` FIDE-ի մարզիչ Գառնիկ Ներսեսյան:
• 2021թ լավագույն թիմ է ճանաչվել Ալբերտ Ազարյանի անվան «Կենտրոն» համալիր մարզադպրոցի հանդբոլի թիմը՝ ՀՀ 2021թ․ մինչև 17 տարեկան պատանիների առաջնությունում առաջին տեղ գրավելու համար, մարզիչ՝ ՀՀ վաստակավոր աշխատող Արարատ Բարսեղյան:
• 

Շրջակա միջավայրի նախարարությունն իրազեկում է.

Անցած գարնանը՝ ապրիլին, Ազգային ժողովը փոփոխություն կատարեց «Առևտրի և ծառայությունների մասին» օրենքում։ Համաձայն փոփոխության, 2022 թ. հունվարի 1-ից առևտրի օբյեկտներում և առևտրի իրականացման վայրերում արգելվում է մինչև 50 միկրոն հաստությամբ պոլիէթիլենային տոպրակների վաճառքը։

Այն տնտեսավարողները, որոնք 2022թ․ հունվարի 1-ից կշարունակեն մինչև 50 միկրոն հաստությամբ պոլիէթիլենային տոպրակների օգտագործումը՝ բացառությամբ երկրորդային հումքից պատրաստված տոպրակների ու պարկերի, ինչպես նաև կշռափաթեթավորման համար նախատեսված պարկերի, կենթարկվեն վարչական տույժի՝ 30 հազար դրամի չափով։

2022թ փետրվարի 1-ից Հայաստանում հոսանքի գինը կբարձրանա։ Հանրային ծառայությունները կարգավորող հանձնաժողովում պարզել են, որ եթե էլեկտարէներգիայի սակագները անփոփոխ մնային, ապա հաջորդ տարի «Հայաստանի էլեկտրացանցեր» ընկերությունում 24 մլրդ  դրամ ֆինանսական ճեղքվածք կառաջանար։ Նաև հաշվարկել են՝ բնակիչ բաժանորդների համար ամսական ծախսը հոսանքի համար կավելանա 400-700 դրամով։ Եկող տարի կբարձրանա նաև ջրի սակագինը։ Գազի գինը սահմանին չի փոխվի, սակայն դեռ հստակ չէ, թե որքան կպահպանվեն գործող սակագները սպառողների  համար։

2021-ին ատոմակայանը երկար ժամանակով կանգ առավ, Հրազդանի ՋԷԿ-ի 5-րդ բլոկը չաշխատեց, Արցախից ներկրվող հոսանքի ծավալները կրճատվեցին։ Անցնող տարում, այսուհանդերձ, Հայաստանում էներգետիկ ճգնաժամ չգրանցվեց, բայց եկող տարում էլեկտրաէներգիան կթանկանա։ Փետրվարի 1–ից հոսանքի սակագինը կբարձրանա տարբերակված մոտեցմամբ։ Հանրային ծառայությունները կարգավորող հանձնաժողովի սակագնային քաղաքականության վարչության պետ Աշոտ Ուլիխանյան․

«Սոցիալապես անապահով ընտանիքների համար, որոնք կազմում են բնակիչ-բաժանորդների 11 տոկոսը, գործող սակագները կմնան անփոփոխ։ Մինչ 200 կվտ ժամ էլեկտարէներգիա սպառող բնակիչ-բաժանորդների համար սակագինը կբարձրանա 1․5 դրամով։ Նրանք կազմում են բաժանորդների 55 տոկոսը, 201-400 կվտ ժամ հոսանքի սպառման դեպքում սակագինը կբարձրանա 3․5 դրամով։ Այս բաժանորդները կազմում են ընդհանուր բաժանորդների 25 տոկոսը։ 401-ից ավելի կիլովատ ժամ սպառող ու մյուս բաժանորդների համար սակագինը բարձրացնել կբարձրանա 5․5 դրամով»։

Հանձնաժողովում պարզել են՝ եթե հոսանքի գինը չբարձրանա, ՀԷՑ-ում շուրջ 24 մլրդ դրամի ճեղքվածք կառաջանա, ավելին, 2022–ին էլեկտրաէներգիայի մատակարարման խնդիրներ կառաջանային։ ՀԾԿՀ նախագահ Գարեգին Բաղրամյանը հստակեցնում է․

«Բաժանորդներից 55 տոկոսի ամսական առավելագույն ծախսը կավելանա շուրջ 300 դրամով, 25 տոկոսի ծախսը կաճի մոտ 700 դրամով»։

Սակագների փոփոխության հարցում որոշիչ են եղել աշխատանքի դադարը ատոմակայանում և Հրազդանի ՋԷԿ-ի 5-րդ բլոկի չաշխատելը։ «Գազպրոմ Արմենիա» ընկերությանը պատկանող Հրազդանի ՋԷԿ-ի 5-րդ բլոկի խնդիրը լուծվել է։  Կառավարությունը  տասը տարի «Գազպրոմ Արմենիային» կվճարի տարեկան 31,8 մլն դոլար՝ 5-րդ էներգաբլոկը վերագործարկելու համար։

Մինչ դա՝ ինչո՞ւ է դադարեցվել բլոկի աշխատանքը։ Իրան-Հայաստան երրորդ էլեկտրահաղորդման գծի կառուցումն ավարտված չէ, դեպի Վրաստան էլ արտահանում չկա։ ՏԿԵ փոխնախարար Հակոբ Վարդանյանն արձանագրում է՝ գործող գծերի պայմաններում արտահանման շուկաներ գրեթե չեն եղել։ Հրազդանի ՋԷԿ-ի հինգերորդ բլոկը 2012 թվականից սկսած՝  միշտ աշխատել է թերբեռնված՝ 30 տոկոս ծանրաբեռնվածությամբ՝ ասում է «Ռադիոլուր»-ի զրուցակցը․

«Չի կարողացել սպասարկել կառուցման  նպատակով ներգրավված վարկերը։ Ըստ «Գազպրոմ Արմենիա» ընկերության՝ վերանորոգման համար նույնպես չեն կարողացել  համապատասխան միջոցներ կուտակել։ Այս տարվա համար նախատեսված ժամաքանակն ավարտվել է։ Չունեն բավարար միջոցներ՝ 16 մլն եվրո, որ կապիտալ վերանորոգում իրականացնեն»։

Էներգետիկ փորձագետ, էներգետիկայի նախկին փոխնախարար Էդուարդ Արզումանյանը կարծում է, որ սակագնի բարձրացումը, միևնույնն է, արդարացված չէ, ավելին, կառավարությունը չպետք է վճարի Հրազդան ՋԷԿ-ի 5-րդ էներգաբլոկի աշխատանքի համար, և եթե միայն ՀԱԷԿ–ի վարկի մարումը ներառված լիներ սակագնի մեջ, ապա սակագինն ավելի քիչ կբարձրանար․

«Եթե մենակ վարկը լիներ, ապա սակագինը կբարձրանար 1․5 դրամով միայն»։

Տարեկան 31,8 մլն դոլար «Գազպրոմ Արմենիային» վճարելու դեպքում տասը տարում հնարավոր կլինի հաստատուն պահել Հայաստան մատակարարվող գազի գինը՝ 165 դոլար՝ հազար խորանարդ մետրի համար։ Իսկ թե որքան կպահպանվեն գործող սակագները սպառողների համար, չի հստակեցվում։ Այս պահին հստակ է միայն, որ հունվարից 20 դրամով էլ կբարձրանա ջրի սակագինը։ Բացառությամբ անապահով ընտանիքների, հունվարից ջրի համար 180 դրամի փոխարեն կվճարենք 200 դրամ։ ՀԾԿՀ–ում հաշվարկել են, որ ջրի համար ընտանիքները հավելյալ կվճարեն մոտ 400 դրամ։

Վերջին օրերին տեղեկություններ են ստացվել այն մասին, որ որոշ քաղաքացիներ ներմուծվող ավտոմեքենաների հայտարարագրման հետ կապված գործառնությունները կատարելուց հետո ավարտին չեն հասցնում մաքսային ձևակերպման աշխատանքները, և առանց հաշվարկված մաքսային վճարները կատարելու, մեքենաները թողնում են մաքսատան տարածքում՝ հավանաբար ենթադրելով, թե միայն հայտարարագրումը բավարար է տվյալ ավտոմեքենայի դեպքում հետագայում 2019թ․-ին գործող դրույքաչափերը կիրառելու համար։

Պետական եկամուտների կոմիտեն տեղեկացնում է, որ նկարագրված դեպքերում, եթե հայտարարատուն ավտոմեքենայի համար հաշվարկված վճարումների և բացթողնման հետ կապված մաքսային գործառնությունների կատարման համար կներկայանա 2020թ-ի հունվարի 1-ից հետո, ապա տվյալ ավտոմեքենայի մաքսային վճարները կհաշվարկվեն 2020թ-ի հունվարի 1-ից գործող դրույքաչափերով:

Հաշվի առնելով նման իրավիճակները՝ ՊԵԿ-ը հորդորում է բոլոր այն քաղաքացիներին, ովքեր արդեն իսկ իրականացրել են ներմուծվող ավտոմեքենաների հայտարարագրման հետ կապված գործառնությունները, մինչև ընթացիկ տարվա վերջ կատարել նաև հաշվարկված մաքսային վճարումները, ներկայանալ մաքսատուն բացթողնման հետ կապված մաքսային գործառնությունները ավարտելու, և ավտոմեքենան ԱՏԳ տարածքից դուրս բերելու համար: