Արդեն 20 տարի է՝ լոռեցի Բոգդան Հովհաննիսյանն ամեն առավոտ շտապում է իր արվեստանոց՝ իր մուսայի մոտ։ 66 ամյա Բոգդանը մասնագիտությամբ քանդակագործ է, և որքան էլ իրեն համոզում է «միայն դրանով զբաղվել», մինևնույն է՝ նկարչության, երաժտության և տրամաբանական խնդիրներ հորինելու համար ժամանակ միշտ գտնում է։
Ինչպես արդեն տեղեկացրել ենք, Վանաձորի նախկին քաղաքապետ Մամիկոն Ասլանյանը երկու ամսով կալանավորվել է: Նրան մեղադրանք է առաջադրվել ՀՀ քրեական օրենսգրքի 308-րդ հոդվածի 1-ին և 2-րդ մասերի (պաշտոնեական լիազորությունները չարաշահելը), 309-րդ հոդվածի 3-րդ մասի (պաշտոնեական լիազորություններն անցնելը, որն անզգուշությամբ առաջացրել է ծանր հետևանքներ), 314-րդ հոդվածի 1-ին մասի (պաշտոնեական կեղծիքը) հատկանիշներով։
ՀՀ քննչական կոմիտեի մամուլի խոսնակ Վարդան Թադևոսյանը «Հայկական ժամանակ»-ի հետ զրույցում հայտնեց, որ քրեական գործը հարուցվել է դեռևս այս տարվա սեպտեմբերի 14-ին:
«Վանաձոր քաղաքի Նարեկացի 1/1 և 1/1-6 հասցեներում գտնվող 0,94955 հա ընդհանուր մակերեսով հողամասերի նպատակային նշանակությունը փոխելու համար Վանաձորի քաղաքապետարանը 3 անգամ դիմել է Վարչապետի որոշմամբ ձևավորված միջգերատեսչական հանձնաժողով: Առաջին անգամ դիմել է 2020 թվականի մարտի 18-ին, այնուհետև 2021 թվականի փետրվարի 1-ին, իսկ երրորդ անգամ՝ 2021 թվականի մարտի 1-ին: Դիմել են դրական եզրակացություն ստանալու համար, սակայն ամեն անգամ հանձնաժողովը տվյալ փաթեթները հետ է վերադարձրել՝ լրամշակումներ անելու առաջարկություններով, քանի որ դիմումներում եղել են թերացումներ: Երրորդ գրությամբ դիմելուց հետո քաղաքապետարանից այլևս ոչ մի արձագանք չի լինում, և քաղաքապետը՝ Մամիկոն Ասլանյանը, ինքնուրույն, իր որոշմամբ, փոխում է հողի նպատակային նշանակությունը, ինչի իրավունքը չուներ: Դա ամրագրված է ՀՀ «Քաղաքաշինության մասին» ՀՀ օրենքով»:
Թադևոսյանի խոսքով՝ այդ հողատարածքներն ի սկզբանե եղել են հասարակական խառը կառուցապատման տարածք: Այդեղ նախատեսված են եղել կառուցել, օրինակ, խանութներ, սննդի կետեր, կրպակներ, իսկ դրանց նպատակային և գործառնական նշանակությունները այդ կերպ փոխելուց հետո արդեն նախատեսել են կառուցել գերեզմաններ:
«Սակայն այդ փոփոխությունը ևս չի համապատասխանում օրենսդրությամբ սահմանված չափանիշներին: Օրինակ՝ մասնավոր գերեզմանները 3 հեկտարից պակաս տարածք չպետք է ունենան, ավելին՝ բնակելի շինություններից, դպրոցներից պետք է լինեն 300 մետր հեռավորության վրա և այլն»,- ասաց Թադևոսյանը:
ՀՀ քննչական կոմիտեի խոսնակը, անդրադառնալով մեկ ուրիշ դրվագի, ընդգծեց, որ ՀՀ հողային օրենսգրքի 60-րդ հոդվածում նշվում են այն հողերի շրջանակը, որոնք քաղաքացիներին և իրավաբանական անձանց օտարման ենթակա չեն: Այդ հողերի ցանկում են նաև հասարակական կանաչ տարածքները, սակայն վանաձորյան այսօրինակ տարածքներում ևս առկա են խնդրահարույց դրսևորումներ:
«Դրանք հնարավոր է վաճառել միայն մեկ պարագայում, եթե դրանց նպատակային նշանակությունը միջգերատեսչական հանձնաժողովի կողմից ենթարկվել է փոփոխության և հաստատվել համայնքի ավագանու որոշմամբ: Հասարակական կանաչ տարածքներ են, օրինակ, այգիները, զբոսայգիները, պուրակները և այլն: Սակայն Վանաձորի քաղաքապետարանը, 2 այդպիսի հողատարածքի նպատակային նշանակություն չփոխելով, որպես սովորական հողակտոր վաճառել է Վանաձորի բնակիչներին՝ Վանաձորի քաղաքապետի որոշումով: Կազմել են նաև տեղեկանք, թե Ուսանողական փողոցի 14/1-9 և 14/1-10 հասցեներում գտնվող հողամասերն ընդգրկված չեն ՀՀ հողային օրենսգրքի 60-րդ հոդվածով սահմանված սահմանափակումների ցանկում, որը համայնքապետի որոշման հետ միասին ներկայացվել է ՀՀ կադաստրի կոմիտեի Վանաձորի տարածքային ստորաբաժանում, այսինքն՝ կատարվել է նաև կեղծիք:
Նաև կան անգամ տվյալներ՝ նախապես հայտնի գնորդին ասվել է, որ աճուրդին մեկից ավելի մասնակից ունենալու՝ աճուրդի կայացումն ապահովելու նկատառումներով գնորդն այդ գործընթացում որպես մասնակից ներգրավի իր ծանոթներից մեկին»:
Ավելին, նախաքննական մարմնի տեղեկացմամբ, Վանաձորի Նարեկացի 3/3 հասցեում գտնվող հողամասը քաղաքացիներից մեկը հասարակական կառուցապատման գործառնական նշանակությամբ օգտագործելու փոխարեն ծառայեցրել է այլ նպատակով՝ դրանցում հուղարկավորություններ են կատարել:
«2020 թվականի հունվարի 20-ին 14 գերեզմաններ են եղել այդտեղ կառուցված: Քաղաքացին այդ հողատարածքը ձեռք է բերել, հետո՝ այն նվիրաբերել իր մայրիկին: Տվյալներ են ստացվել, որ նվիրաբերողի ամուսինն է զբաղվել այդ հողատարածքների հարցերով, որը ժամանակին Լոռու մարզում եղել է բարձրաստիճան ոստիկան և մտերիմ է եղել Մամիկոն Ասլանյանի հետ: Այս գործով քաղաքապետարանը պարտավոր էր վարչական պատասխանատվության ենթարկել քաղաքացուն՝ ապօրինի շինարարության համար, սակայն 14 գերեզմանատների առկայության դեպքում քաղաքապետարանն այս անձին ընդամենը մեկ անգամ է վարչական պատասխանատվության ենթարկել: Ինչից հետո ևս շարունակվել են այդ տարածքում գերեզմանատների կառուցումը»,- ասաց կոմիտեի խոսնակը:
Դիտարկմանը, որ Ասլանյանի՝ դեկտեմբերի 5-ի Վանաձորի ՏԻՄ ընտրություններին հաղթանակ տանելուց հետո կալանավորումը խոսակցությունների տեղիք է տվել, որոշների պնդմամբ՝ սա քաղաքական հետապնդում է, Թադևոսյանը վստահեցրեց՝ ՀՀ քննչական կոմիտեն հեռու է քաղաքականությունից:
«Դեպքերից մեկը տեղի է ունեցել այս տարվա օգոստոսի 12-ին, իսկ քրեական գործը հարուցվել է սեպտեմբերի 14-ին: Այսինքն՝ ընդամենը վերջերս են տեղի ունեցել դեպքերը: Բնականաբար, այս ուղղությամբ պետք է քննություն ընթանար, մարդիկ հարցաքննվեին, դա մեկ օրվա աշխատանք չէ, և քննչական գործողություններն իրենց սահմանված ընթացակարգով հասել ու ընդամենը համընկել են տարվա այս ժամանակահատվածի հետ, առանց որևէ քաղաքական ուղղվածությունների:
Քննիչները եղել են Վանաձորում, կատարել քննչական և դատավարական մի շարք գործողություններ: Մենք քաղաքական հարցերով չենք զբաղվում, հեռու ենք դրանից: Քննչական կոմիտեն առաջնորդվում է միայն օրենքով: Եթե կան ապացույցներ, և դրանք բավարար են, ապա մենք կատարում ենք համապատասխան գործողություններ, այլ կերպ լինել չի կարող»,- վստահեցրեց Վարդան Թադևոսյանը:
Հարցին՝ նախաքննության արդյունքում այլ հանցագործությունների վերաբերյալ տվյալներ ի հայտ եկե՞լ են, նա նշեց, որ այս պահին դեռևս այսքանն է, ինչպես նաև հավելեց՝ ներկա պահին ևս մեկ այլ քրեական գործ կա հարուցված Վանաձորի համայնքապետարանի պաշտոնատար անձանց նկատմամբ:
«Չեմ ցանկանում դեռ չակերտները շատ բացել»,- եզրափակեց խոսնակը:
Անյուտա Աթանեսյան
Նյութի աղբյուր` https://www.armtimes.com/hy/article/227628
Դեկտեմբերի 17-ին Թագուհի Թովմասյանի նախագահությամբ ԱԺ մարդու իրավունքների պաշտպանության եւ հանրային հարցերի մշտական հանձնաժողովը գումարել է արտահերթ նիստ: Այս մասին իրազեկումէ ԱԺ կայքը:
Քննարկվել է Մարդու իրավունքների պաշտպանի պաշտոնում ԱԺ «Քաղաքացիական պայմանագիր» խմբակցության առաջադրած թեկնածության հարցը: Առաջադրված թեկնածուն Քրիստիննե Գրիգորյանն է:
ԱԺ «Քաղաքացիական պայմանագիր» խմբակցության անդամ Վլադիմիր Վարդանյանը ներկայացրել է թեկնածուի կենսագրական տվյալները՝ նշելով, որ նա ունի երկար տարիների մասնագիտական փորձառություն հատկապես այն ոլորտներում, որոնք վերաբերում են օմբուդսմենի ինստիտուտի գործունեությանը:
Քրիստիննե Գրիգորյանը, շնորհակալություն հայտնելով իր թեկնածությունն առաջադրելու համար, նշել է, որ մեր երկրում ՄԻՊ ինստիտուտը զարգացման տպավորիչ ճանապարհ է անցել եւ այսօր կայացած հաստատություններից է: Թեկնածուի խոսքով՝ այդ ինստիտուտի կայացման գործում իրենց անուրանալի ավանդն են ունեցել նախկին օմբուդսմեններ Լարիսա Ալավերդյանը, Արմեն Հարությունյանը, Կարեն Անդրեասյանը ու այժմ պաշտոնավարող ՄԻՊ Արման Թաթոյանը:
Քրիստիննե Գրիգորյանի կարծիքով՝ անվտանգային հարցերում անհրաժեշտ է ուժեղացնել մարդու իրավունքների ապահովման հիմնարար սկզբունքը՝ հետեւողականորեն առաջ մղելով սահմանամերձ գոտու ստեղծման ու խաղաղ բնակչության բնականոն կյանքի վերականգնման ու պահպանման գաղափարները:
Քրիստիննե Գրիգորյանի թեկնածության և Ազգային ժողովին այդ պաշտոնում թեկնածու առաջարկելու վերաբերյալ հարցերն արժանացել են հանձնաժողովի հավանությանը:
Վանաձորցին պահանջում է ազատ արձակել Մամիկոն Ասլանյանին. 16.12.2021
Վանաձորի Ա.Բակունցի անվան թիվ 7 դպրոցի 7 -րդ դասարանի աշակերտները ներկայացնում են հետաքրքիր փաստեր 2022 թ-ի մասին:
Տնօրեն՝ Լուսիկ Սարգսյան, դասղեկ՝ Մարինե Յարմալոյան
«Հետքովիդյան և հետպատերազմական տնտեսությունը Լոռու մարզում» հաղորդաշարի շրջանակներում խոսել ենք անշարժ գույքի շուկայի և բնակարանների վարձակալության ոլորտում նկատվող տենդենցների մասին։
Երբ տնտեսության բոլոր ճյուղերը Համաշխարհային պանդեմիայի և Արցախյան պատերազմի ժամանակաշրջանում հարկադիր պարապուրդի էին մատնված, առողջապահությունն աշխատում էր մի քանի անգամ իր ուժերը բազմապատկած:
ԵՐԵՎԱՆ, 16 դեկտեմբերի. Այսօր կառավարության նիստի ընթացքում որոշում է կայացվել 2022թ.–ի հունվարի 1–ից կենսաթոշակների ու նպաստների չափն ավելացնելու մասին։
Ինչպես նիստի ժամանակ նշեց ՀՀ աշխատանքի և սոցիալական հարցերի նախարար Նարեկ Մկրտչյանը, հունվարի 1-ից նվազագույն կենսաթոշակի չափը կսահմանվի 28 600 դրամ՝ 26 500 դրամի փոխարեն, պարտադիր զինվորական ծառայության շարքային կազմի զինծառայողի հաշմանդամության, զինվորական կենսաթոշակների չափերը ևս կավելանան։
«Առաջին խմբի հաշմանդամություն ունեցող անձի համար կսահմանվի 43 հազար դրամ՝ 40 հազարի փոխարեն, 2-րդ խմբի հաշմանդամություն ունեցողի համար՝ 33 հազար դրամ՝ 30 հազար դրամի փոխարեն և երրորդ խմբի հաշմանդամություն ունեցողի համար՝ 30 հազար դրամ՝ 27 հազար դրամի փոխարեն», – նշեց նախարարը։
Նրա խոսքով, պարտադիր ժամկետային զինվորական ծառայության շարքային կազմի մահացած կամ զոհված զինծառայողի ընտանիքի անդամի, կերակրողին կորցնելու դեպքում զինվորական կենսաթոշակի չափը կսահմանվի 30 հազ դրամ՝ 27 հազ դրամի փոխարեն։
Ծերության, հաշմանդամության և կերակրողին կորցնելու դեպքում նպաստների չափերը կսահմանվեն 28 600 դրամ՝ 26 500 դրամի փոխարեն, իսկ հաշմանդամ երեխա ճանաչված անձի համար՝ 37 հազար դրամ՝ 26 500 դրամի փոխարեն:
Մինչև երկու տարեկան երեխայի խնամքի նպաստը նույնպես կբարձրանա` դառնալով 28 հազար 600 դրամ, 26 հազար 600 դրամի փոխարեն:
«Երջանիկ չենք այն չափերից, որոնցով բարձրացնում ենք կենսաթոշակները, բայց երբ նայում ենք եղած բազայի վրա, դա տոկոսային բավականին շոշափելի աճ է», – ասաց վարչապետը:
Դեկտեմբերի 9-ին ոստիկանության Տարոնի բաժնում տեղեկություններ էին ստացվել, որ Վանաձորի 35-ամյա մի բնակիչ իր տանն ապօրինի պահում է զենք-զինամթերք: ՀՀ քրեական օրենսգրքի 235-րդ հոդվածի 1-ին մասի հատկանիշներով հարուցվել էր քրեական գործ (Ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը): Այս մասին տեղեկացնում է ՀՀ ոստիկանությունը: Դեկտեմբերի 11-ին, դատարանի որոշմամբ, ոստիկանության ծառայողները խուզարկել են Վանաձորի Բաղրամյան 1-ին փողոցի տներից մեկը։ Հայտնաբերվել ու առգրավվել են գործարանային համարով «Մակարով» ատրճանակ, որի պահունակի 8 փամփուշտով, «Perecta Mod. FBI 8000» գրառմամբ ատրճանակ, մեկփողանի հրացան, տարբեր տրամաչափի ու հրազենների փամփուշտներ։ Նշանակվել է դատաձգաբանական փորձաքննություն: Հարուցված քրեական գործի նախաքննությունը շարունակվում է։ Հանգամանքները պարզվում են։
