Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար։
Վարորդներին խորհուրդ է տրվում երթևեկել բացառապես ձմեռային անվադողերով։
Մարմնավաճառներ, «փողերը գլխանց վերցնելու» պայմանավորվածություն՝ ավազակային հարձակման վերջաբանով…
Լոռու մարզպետ Արամ Խաչատրյանն այսօր շրջայցով Վանաձոր քաղաքի այն թաղամասերում էր, որտեղ ՀՀ կառավարության որոշմամբ, Լոռու մարզպետարանին հատկացված մարզի #հրատապ խնդիրների լուծման ծրագրի միջոցներով, իրականացվել են շենքերի վերելակների նորացման և նորոգման աշխատանքներ: Մարզի ղեկավարը Լոռու մարզպետարանի քաղաքաշինության վարչության պետ Դավիթ Մանուչարյանի, Վանաձորի համայնքապետարանի աշխատակազմի քարտուղարի պաշտոնակատար Դավիթ Հակոբյանի, մարզպետարանի, համայնքապետարանի և շինաշխատանքները կատարող ընկերության պատասխանատու պաշտոնյաների հետ հետևեց աշխատանքներին և տեղում քննարկեց ընթացիկ խնդիրները:
Ծրագրով նախատեսված էր վերելակների նորոգումն ավարտին հասցնել փետրվար ամսին, սակայն աշխատանքներն ավարտվել են սահմանված ժամկետից շուտ և շահագործման կհանձնվեն մոտ օրերս։
Հրատապ ծրագրի շրջանակներում Վանաձորում վերանորոգվել են
Ռուսթավի 8, Երևանյան խճուղի 147/2, Տիգրան Մեծի 44, Նարեկացի 3Ա շենքերի վերելակները, որոնց նորոգման համար հատկացվել է 12 միլիոն դրամ։
Ռուսթավի 8 շենքի բնակիչների խոսքով՝ արդեն մոտ 30 տարի շենքի վերելակը չէր աշխատում, այն կօգտագործեն խնամքով։
Մարզի ղեկավարը բնակիչներին վստահեցրեց, որ գործընթացը շարունակական է լինելու․
-Սա մեր պարտականությունն է, և անելու ենք հնարավորը ոչ միայն Վանաձոր համայնքի շենքերի վերելակների նորոգման համար, այլև ամբողջ մարզի,-ասաց նա։
Ա. Խաչատրյանը պատասխանատու անձանց հանձնարարեց անմիջական ուշադրության տակ պահել մարզում իրականացվող ծրագրի ընթացքը:
Հիշեցնենք, որ Լոռու մարզին հատկացվել է 𝟭𝟰𝟬 մլն դրամ մարզի մի շարք համայնքներում առաջնային կարևորության ծրագրեր իրականացնելու համար: Հատկացված միջոցներով մարզում նորոգվել են դպրոցներ, մշակութային օջախներ, բակեր, պուրակներ, խաղահրապարակներ, վերելակներ և այլն:
«Ես հրաժարականի մասին իմացել եմ հրապարակայնացումից ընդամենը ժամեր առաջ, մոտավորապես 3․5 ժամ առաջ։ Զանգահարել է ինձ, խոսել ենք այդ մասին։ Ես Հանրապետության նախագահին հարցրել եմ՝ ինքը ինձ հետ քննարկո՞ւմ է հարցը, թե՞ ինձ տեղեկացնում է, որ ինքը կայացրել է որոշում։ Փորձել եմ հասկանալ՝ այդ որոշումը քննարկման ենթակա՞ է, թե՞ քննարկման ենթակա չէ, որից հետո ինքն ասել է, որ կայացրել է որոշում»,- ասաց Փաշինյանը։
Մանրամասները՝ տեսանյութում
Նյութի աղբյուր` https://www.1lurer.am/
Հունվարի 24-ին, ժամը 15:27-ին Արագածոտնի մարզային ճգնաժամային կառավարման կենտրոն ահազանգ է ստացվել, որ Մելիքգյուղ–Ճարճակիս ավտոճանապարհին ավտոմեքենաներ են արգելափակվել ձյան մեջ. դուրս բերելու համար անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ ավտոմեքենաները արգելափակվել են Ճարճակիս գյուղի սկզբնամասում։
Փրկարարներն արգելափակումից դուրս են բերել 10 ավտոմեքենա։
Վարչական դատարանում Վանաձոր խոշորացված համայնքի ավագանու շահերը կներկայացնի փաստաբան Արտակ Ոսկանյանը։ 16 կողմ և 2 դեմ ձայներով որոշումն ընդունվել է այսօր կայացած Վանաձորի ավագանու արտահերթ նիստին:
Նիստին ներկա են եղել ավագանու «Մամիկոն Ասլանյան» դաշինքի, «Հայրենիք» կուսակցության և «Ապրելու երկիր» կուսակցության խմբակցությունների անդամները։
Օրակարգը միաձայն հաստատելուց հետո ավագանու անդամ, նիստը վարող Գայանե Քալանթարյանը ներկայացրել է ՀՀ վարչական դատարանի վարույթում գտնվող թիվ ՎԴ/13416/05/21 վարչական գործով պատասխանող Վանաձոր համայնքի ավագանու շահերը ներկայացնելու համար Վանաձոր համայնքի ավագանու ներկայացուցչին լիազորելու մասին որոշման նախգիծը։
Քննարկման արդյունքում ավագանին որոշեց ՀՀ վարչական դատարանում Վանաձոր համայնքի ավագանու շահերը ներկայացնելու համար լիազորել փաստաբան Արտակ Նորիկի Ոսկանյանին։
Նշենք, որ Վանաձոր համայնքի ավագանին, հիմք ընդունելով «Տեղական ինքանկառավարման մասին ՀՀ օրենքի 65-րդ հոդվածը, հանդես էր եկել 2022 թվականի հունվարի 24-ին, ժամը 11.00-ին Վանաձորի համայնքապետարանի նիստերի դահլիճում ավագանու արտահերթ նիստ գումարելու նախաձեռնությամբ։
Դեռ դեկտեմբերին 24-ին նախատեսված Վանաձորի նորընտիր ավագանու առաջին նիստը, որի օրակարգային հարցերից էր համայնքի ղեկավարի ընտրությունը, չկայացավ, քանի որ դատարանն արգելել էր Վանաձորի համայնքապետ ընտրելու հարցով ավագանու նիստ հրավիրել:
Նշենք, որ դեկտեմբերի 5–ին Վանաձորի ավագանու ՏԻՄ ընտրություններում 10 քաղաքական ուժից անցողիկ շեմը հաղթահարել էր 5–ը։ Առաջատար է «Մամիկոն Ասլանյան» կուսակցությունների դաշինքը»՝ 15 մանդատ, երկրորդ տեղում «Քաղաքացիական պայմանագիրն» է՝ 9 մանդատ, երրորդում` «Հայաստանի սոցիալիստական աշխատավորական» կուսակցությունը՝ 5 մանդատ, իսկ չորրորդ եւ հինգերրորդ տեղերը զբաղեցնում են «Հայրենիք» եւ «Ապրելու երկիր» կուսակցությունները 2-ական մանդատով:
Դեկտեմբերի 17-ին ՏԻՄ ընտրություններում առաջատար դաշինքի ղեկավար, Վանաձորի նախկին քաղաքապետ Մամիկոն Ասլանյանը հրավիրվել էր Քննչական կոմիտե, ապա՝ ձերբակալվել։ Նրան մեղադրանք է առաջադրվել պաշտոնեական լիազորությունները չարաշահելու, պաշտոնեական լիազորություններն անցնելու, պաշտոնեական կեղծիքի հատկանիշներով։ Մամիկոն Ասլանյանը մեղադրանքը չի ընդունում, ըստ նրա պաշտպանի՝ Ասլանյանի նկատմամբ քաղաքական հետապնդում է իրականացվում։
Այսօր՝ հունվարի 24-ին, Սպիտակի համայնքապետարանի նիստերի դահլիճում տեղի ունեցավ Սպիտակ համայնքի ավագանու Սպիտակ խոշորացված համայնքի 2022 թվականի բյուջեն հաստատելու մասին որոշման նախագծի հանրային քննարկում։ Քննարկմանը ներկա էին համայնքի ղեկավարի տեղակալ Արտակ Մաթոսյանը, աշխատակազմի քարտուղար Ազգանուշ Ֆրանգյանը, ֆինանսական և եկամուտների հավաքագրման բաժնի պետ Վարուժան Ապրեսյանը, քաղաքաշինության, հողօգտագործման, կոմունալ սպասարկման և տրանսպորտի բաժնի պետԷդգար Թորոսյանը, համայնքի ավագանու անդամներ, վարչական ղեկավարներ, համայնքային ոչ առևտրային կազմակերպությունների տնօրեններ, հասարակական կազմակերպությունների ներկայացուցիչներ և բնակիչներ:
Քննարկման սկզբում աշխատակազմի քարտուղար Ազգանուշ Ֆրանգյանը ներկայացրեց հանրային քննարկման մանրամասները, նպատակները, հիմնական մոտեցումներն ու առանձնահատկությունները։ Այնուհետև համայնքի ղեկավարի տեղակալ Արտակ Մաթոսյանը և համայնքապետարանի աշխատակազմի ֆինանսական և եկամուտների հավաքագրման բաժնի պետ Վարուժան Ապրեսյանը ներկայացրեցին 2022 թվականի բյուջեի նախագիծը՝ ըստ հոդվածների։ Քննարկման ժամանակ համայնքի բնակիչները հղեցին իրենց հուզող հարցերն ու ստացան սպառիչ պատասխաններ:
Հիշեցնենք, որ հանրային քննարկումներն իրականացվում են հրապարակայնության, մատչելիության, թափանցիկության և հանրային հաշվետվողականության սկզբունքների հիման վրա:
Հանրային քննարկումների արդյունքում քննարկման դրված հարցերի առնչությամբ ստացված յուրաքանչյուր առաջարկության (դիտողության) վերլուծության, ինչպես նաև դրանց ամփոփման արդյունքում հանրային քննարկում իրականացնող մարմինն ընդունված առաջարկների հիման վրա կատարում է նախագծի անհրաժեշտ լրամշակումներ:
