Արտակարգ. Վանաձորի խանութներից մեկում տեսագռվել են երկրաշաւժի ցնղումները. Տեսանյութ

Շինանյութի խանութ-սրահը, որը գտնվում է Լոռու մարզկենտրոն Վանաձորում, նույնպես գրանցել է երկրաշաւժի ժամանակ տեղի ունեցած ցնցումները.

Հիշեցնենք, որ սույն թվականի փետրվարի 14-ին, տեղական ժամանակով ժամը 21:03-ին (Գրինվիչի ժամանակով ժամը` 17:03-ին) ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 41.15⁰ և արևելյան երկայնության 43.96⁰ աշխարհագրական կոորդինատներով Հայաստան-Վրաստան սահմանային գոտի` Բավրա բնակավայրից 13 կմ հյուսիս-արևելք, օջախի 10 կմ խորությամբ, 3.0 մագնիտուդով երկրաշարժ: Էպիկենտրոնային գոտում ստորգետնյա ցնցման ուժգնությունը կազմել է 4 բալ: Երկրաշարժը զգացվել է Շիրակի մարզի Մեծ Սեպասար և Սարագյուղ գյուղերում` 3 բալ ուժգնությամբ:

Թշնամին հերթական անգամ կրակել է խաղաղ բնակիչների ուղղությամբ: Այս անգամ թիրախում հայտնվել են գյուղատնտեսական աշխատանքներ իրականացնողները՝ Ասկերանի շրջանում: Մեկ այլ դեպքում էլ՝ ադրբեջանական զինծառայողները զենքի սպառնալիքով, գյուղացիներին չեն թույլատրել գյուղամերձ այգիները մտնել: Արցախի հանրայինի ռեպորտաժը.

Քրեական ոստիկանության գլխավոր վարչության ծառայողները ձեռնարկած օպերատիվ-հետախուզական միջոցառումների շնորհիվ ձեռք բերված տեղեկությունները փետրվարի 16-ին իրացնելով՝ մայրաքաղաքի Կիևյան փողոցում հայտնաբերեցին ու քրեական ոստիկանություն բերման ենթարկեցին սպանության փորձի և ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելու, իրացնելու, պահելու, փոխադրելու կամ կրելու մեղադրանքով հետախուզվող 37-ամյա մի տղամարդու։

Հիշեցնենք, որ 2021 թվականի հունվարի 13-ին՝ ժամը 14-ի սահմաններում, Երևանի Դավիթ Բեկի փողոցի հարակից գերեզմանատան ավտոկայանատեղիում վիճաբանություն էր եղել, որի ընթացքում ինչ-որ մեկը կյանքից զրկելու դիտավորությամբ հրազենով կրակոցներ էր արձակել «Մերսեդես» մակնիշի երկու մեքենաներում նստած անձանց ուղղությամբ, բայց հանցագործությունն ավարտին չէր հասցրել. նրանց հաջողվել էր մեքենաներով հեռանալ։

«Մերսեդեսները», որոնց վրա կրակոցի հետքեր կային, հայտնաբերվել էին մայրաքաղաքի հյուրանոցային համալիրներից մեկի ավտոկայանատեղիում։

Իրավապահները նախաքննության ընթացքում տվյալներ էին ստացել, որ կրակոցներ արձակած անձը Երևանի 37-ամյա բնակիչ է։

Դեպքի առթիվ հարուցվել էր քրեական գործ, տղամարդը ներգրավվել էր որպես մեղադրյալ, նրա նկատմամբ հայտարարվել էր հետախուզում։

Մեղադրյալը կալանավորվել է։

Նախաքննությունը շարունակվում է։

2021թ․ Դեկտեմբերի 5-ին կայացած ՏԻՄ ընտրությունների արդյունքում Վանաձորը խոշորացավ՝ իր կազմի ընդունելով Շահումյան, Գուգարք և Դարպաս համայնքները։ Վանաձոր խոշորացված համայնքը, սակայն, մինչ օրս համայնքապետ չունի, միավորված համայնքներում էլ չկան վարչական ղեկավարներ։

Նորընտիր ավագանու անդամներից շատերն անհանգստացած են, գտնում են, որ յուրաքանչյուր օրվա բացթողումը շատ դժվարությամբ է հնարավոր լինելու վերականգնել։ Դեկտեմբերի 5-ի ՏԻՄ ընտրությունների արդյունքների հետ չհամաձայնելով՝ Լուսավոր Հայաստան կուսակցությունը դատական հայց էր ներկայացրել դատարան։ Հայցի պատճառով արգելանք էր դրվել նորընտիր ավագանու կողմից հրավիրվող նիստերի վրա, որի ընթացքում ավագանու կողմից համայնքապետ էր ընտրվելու։

Այստեղից էլ ծնունդ առան շղթայական խնդիրները․ Դատական գործընթացներին ընդառաջ ավագանին հունվարի 21-ին 1 օրակարգային հարցով արտահերթ նիստ հրավիրեց։ Ավագանու անդամների մեկ 3-րդի ձայներով փաստաբան ընտրեցին և նրան լիազորեցին դատական ատյաններում իրենց շահերը պաշտպանելու։ Սակայն, ստեղծված իրավիճակում կոնֆլիկտն իր գագաթնակետին էր հասել դեռևս դեկտեմբերի 16-ին, երբ կալանավորվեց ՏԻՄ ընտրություններում ամենաշատ ձայներ հավաքած Ասլանյան դաշինքի առաջին համարը, Վանաձորի նախկին քաղաքապետ՝ Մամիկոն Ասլանյանը։

Հաշվի առնելով ժամանակահատվածը՝ Մամիկոն Ասլանյանը դիտարկվում է որպես քաղբանտարկյալ․ Լոռու մարզպետը, որը ՏԻՄ ընտրություններում իշխող կուսակցության կողմից առաջադրված թեկնածուն էր, գտնում է, որ ընտրություններն ու պատասխանատվություն կրելը չպետք է իրար խառնել․ Իսկ քաղաքացիների կարծիքները հակասական են․․․

Ավագանու անդամ Գայանե Քալանթարյանն իր խոսքում նշեց, որ սա կարևորագույն իրավիճակ է, որը պետք է լինի իրավապաշտպանների, հասարակական կազմակերպությունների ու քաղաքացիների ուշադրության կիզակետում․ խնդիրը շուտափույթ լուծում է պահանջում․ Վանաձոր խոշորոցված համայնքում ստեղծված իրավիճակն անձի խնդիր չէ, այլ խոշորացված համայնքի արդեն ահագնացող խնդիր։

«Համայնքային համախմբման և աջակցության կենտրոն» ՀԿ-ն իրականացնում է «Հանուն Ախթալա խոշորացված համայնքի կանաչ և մաքուր զարգացման» ծրագիրը, «Կանաչ Արահետ» ՀԿ-ի ֆինանսական օժանդակությամբ, Եվրոպական միության EU4Youth ծրագրի աջակցությամբ Կովկասի բնապահպանական հասարակական կազմակերպությունների ցանցի (CENN) կողմից իրականացվող «Սոցիալական ձեռներեցության էկոհամակարգի զարգացում սահմանամերձ շրջաններում կանաչ առաջընթացի համար» ծրագրի շրջանակներում «Գրին Քեմփ» էկո-գյուղական և քաղաքացիական հասարակության տուրիզմի կենտրոնի տարածքում կառուցվել է արշավորդների տնակային ավան՝ բաղկացած 5 տնակներից, որոնք շուտով կհյուրընկալեն առաջին զբոսաշրջիկներին:

Ծրագրի շրջանակներում նախատեսվում է նաև կանաչապատել կենտրոնի ենթակառուցվածքների տարածքը տարբեր ծառատեսակներով:

«Գրին Քեմփ» էկո-գյուղական և քաղաքացիական հասարակության տուրիզմի կենտրոնը որպես սոցիալական ձեռնարկատիրություն ստեղծվել է «Համայնքային Համախմբման եւ Աջակցության Կենտրոն» ՀԿ-ի կողմից ՀՀ Լոռու մարզի Ախթալա խոշորացված համայնքի Փոքր Այրում գյուղում, մատուցում է էկո-գյուղական և քաղաքացիական հասարակության տուրիզմի ծառայություններ:

Կենտրոնում ընթանում են դասընթացներ, կոնֆերանսներ և այլ միջոցառումներ:
Կենտրոնը բաղկացած է քարե և փայտյա տնակներից և քոթեջներից, կոնֆերանս դահլիճից` համալրված անհրաժեշտ սարքավորումներով, ամառային և ձմեռային խոհանոցներից ու ճաշարաններից և այլ ենթակառուցվածքներից, որոնք այս պահին կառուցման ընթացքի մեջ են և շուտով լիարժեք կբացեն իրենց դռները զբոսաշրջիկների ու քաղաքացիական հասարակության կազմակերպություների ներկայացուցիչների առջև։

«Սինեմարթ» երիտասարդական ՀԿ-ն Հայաստանում մեկնարկել է «Պատրաստվի՛ր/պատվաստվիր» ենթադրամաշնորհային ծրագիրը, որը ֆինանսավորվում է Եվրոպական միության ֆինանսավորմամբ «COVID-19․ Քաղաքացիական հասարակության դիմակայունություն և կայունություն» ծրագրի շրջանակներում։

«Սինեմարթ»-ն արդեն վերապատրաստում է անցկացրել հինգ ակտիվիստների համար, ովքեր կներգրավվեն դաշտային աշխատանքներում։ Նրանք շրջելու են Լոռու մարզի բոլոր բնակավայրերով, հանդիպումներ են ունենալու տնտեսվարողների հետ, որոնց ժամանակ կտեղեկացնեն COVID-19-ի դեմ պատվաստանյութերի կարևորության մասին՝ որպես համավարակի դեմ պայքարի կարևոր կանխարգելիչ քայլ։

«COVID-19․ Քաղաքացիական հասարակության դիմակայունություն և կայունություն»-ը 48-ամսյա ծրագիր է, որն իրականացվում է հայաստանյան և միջազգային ՔՀԿ-ների կողմից՝ Եվրոպական միության ֆինանսավորմամբ։

Փետրուար 16ին, Արցախի Ազգային ժողովը, առաջին ընթերցմամբ, միաձայնութեամբ ընդունեց «Բռնազաւթուած տարածքների մասին» եւ «Քաղաքացիական օրէնսգրքում լրացում կատարելու մասին» օրէնքներու նախագիծերու փաթեթը, որուն թեր քուէարկեցին նիստին ներկայ բոլոր 31 պատգամաւորները:

Օրէնքի նախագիծը կը սահմանէ 1991-1994 եւ 2016 թուականներուն՝ Ատրպէյճանի եւ 2020 թուականին՝ Թուրքիոյ եւ օտար զինեալ ահաբեկիչներու անմիջական մասնակցութեամբ Ատրպէյճանի կողմէ Արցախի Հանրապետութեան դէմ իրականացուած ռազմական յարձակումին իբրեւ արդիւնք բռնագրաւուած տարածքներու իրաւական կարգավիճակի ու անոնց վրայ տարածուող իրաւական յատուկ վարչակարգի, պետական կառավարման եւ տեղական ինքնակառավարման մարմիններու, կազմակերպութիւններու գործունէութեան առանձնայատկութիւններու, մարդու եւ քաղաքացիի իրաւունքներու եւ ազատութիւններու, ինչպէս նաեւ իրաւաբանական անձանց իրաւունքներու եւ շահերու պահպանութեան ու պաշտպանութեան կապուած յարաբերութիւնները:

Օրէնքի նախագիծով, բռնագրաւուած տարածքներ կը նկատուին Ատրպէյճանի վերահսկողութեան տակ գտնուող` «Լեռնային Ղարաբաղի Հանրապետութեան վարչատարածքային բաժանման մասին» օրէնքին մէջ *-ով, **-ով եւ ***-ով նշուած շրջանները, համայնքները եւ բնակավայրերը, ինչպէս նաեւ այդ շրջաններու տարածքին մէջ ընդգրկուած հողերը եւ ջրային պաշարները:

*-ով նշուած բնակավայրերը բռնագրաւուած են Ատրպէյճանի կողմէ 1991-1994 թուականներու պատերազմական գործողութիւններուն իբրեւ արդիւնք, իսկ **-ով եւ ***-ով նշուած բնակավայրերը բռնազաւթուած են Ատրպէյճանի կողմէ 2020ի Սեպտեմբեր 27ին՝ Արցախի Հանրապետութեան դէմ սանձազերծուած պատերազմական գործողութիւններուն իբրեւ արդիւնք:

Նախագիծին մէջ կը նշուի, որ բռնագրաւուած տարածքներուն մէջ օտարերկրեայ անձանց մուտքը, ելքը եւ տեղաշարժը կը թոյլատրուի միայն Արցախի Հանրապետութեան օրէնսդրութեամբ սահմանուած կարգով: Այդ կարգի խախտումը կը յառաջացնէ Արցախի Հանրապետութեան օրէնսդրութեամբ սահմանուած պատասխանատուութիւն:

Բռնագրաւուած տարածքներուն մէջ տնտեսական որեւէ գործունէութիւն, ներառեալ արտօնագիր, թոյլտուութիւն, գրանցում պահանջող գործունէութիւն եւ ցանկացած շինարարութիւն կ՛իրականացուի Արցախի Հանրապետութեան օրէնսդրութեամբ սահմանուած կարգով: Այդ կարգի խախտում կը յառաջացնէ Արցախի Հանրապետութեան օրէնսդրութեամբ սահմանուած պատասխանատուութիւն:

Բռնագրաւուած տարածքներուն մէջ Արցախի Հանրապետութեան օրէնսդրութեան խախտմամբ իրականացուած տնտեսական որեւէ գործունէութենէ ստացուած եկամուտները, գոյքը եւ միջոցները, ինչպէս նաեւ շինարարութեան արդիւնքով կառուցուած շինութիւնները կը հանդիսանան անօրինական ուղիով ստացուած եւ կը յառաջացնեն Արցախի Հանրապետութեան օրէնսդրութեամբ սահմանուած հետեւանքներ:

Արցախի Ազգային ժողովի «Արդարութիւն» խմբակցութեան ղեկավար, օրինագիծի համահեղինակ Դաւիթ Գալստեան, խօսելով ընդունուած փաստաթուղթին կարեւորութեան մասին, յայտնեց, որ օրէնքի ընդունումը Արցախի Հանրապետութեան Ազգային ժողովին մէջ պատասխանն է այսպէս կոչուած «Շուշիի հռչակագիր»ին:

«Այս օրինագծի կարեւորութիւնը կայանում է նրանում, որ մենք առաջին հերթին փաստում ենք նախագծում նշուած տարածքների հայկական լինելը: Այս նախաձեռնութեամբ մենք ցոյց ենք տալիս, որ մենք տէր ենք մեր պատմամշակութային արժէքներին, որոնք այսօր ձեւափոխւում, քանդւում եւ ոչնչացւում են Ադրբեջանի կողմից», մեկնաբանեց պատգամաւորը:

Մինսկում կայացել է սամբոյի Եվրոպայի գավաթի բաց առաջնությունը, որում Հայաստանի ներկայացուցիչները 5 մեդալ են նվաճել՝ 1 ոսկե, 2 արծաթե և 2 բրոնզե:

Եվրոպայի գավաթի բաց առաջնությանը 11 երկրի ավելի քան 150 մարզիկ է մասնակցել: Հայաստանը մրցաշարում ներկայացրել է 7 մարզիկ:

Հատկանշական է՝ մարզական սամբոյի 58 կգ քաշային կարգում առաջատար եռյակը կազմել են հենց Հայաստանի ներկայացուցիչները:

Աշխարհի ու Եվրոպայի չեմպիոն Տիգրան Կիրակոսյանը, վիճակահանության արդյունքում բաց թողնելով առաջին գոտեմարտը, նախ հաղթել է Բելառուսի ներկայացուցիչ Իլյա Մայուռաուին, ապա՝ ղազախստանցի Նուրդաուլետ Աիմբեկովին և եզրափակիչում հանդիպել թիմակցին՝ արցախցի Դավիթ Հովսեփյանին:

Դավիթը մինչ այդ հաղթել է ղազախ Կայիրբերդի Այդինբային, մոլդովացի Լուլիան Առապանին, ապա՝ Հայաստանի ներկայացուցիչ Կարեն Սարգսյանին:

Տիգրան Կիրակոսյանի և Դավիթ Հովսեփյանի միջև եզրափակիչ գոտեմարտն անցել է բավականին լարված պայքարում և ավարտվել Կիրակոսյանի հաղթանակով: Դավիթ Հովսեփյանն արժանացել է արծաթե մեդալի:

Այս քաշային կարգում բրոնզե մեդալն էլ նվաճել է Կարեն Սարգսյանը:

Մարզական սամբոյի 71 կգ քաշային կարգում արծաթե մեդալ է նվաճել Կառլեն Մահինյանը, իսկ 88 կգ քաշային կարգում բրոնզե մեդալին արժանացել է Դավիթ Գրիգորյանը:

Հայաստանը ներկայացրել են նաև մարզական սամբոյի +98 կգ քաշային Արման Մանուկյանը և մարտական սամբոյի 58 կգ քաշային Արմեն Մնացականյանը, ովքեր անմասն են մնացել մեդալներից: