Домой Блог Страница 3

Էմանուել Մակրոնը վերընտրվել է. Նախնական տվյալներով՝ գործող նախագահը ստացել է ձայների 58,2 տոկոսը

0

Էմանուել Մակրոնը Հայաստանում կլինի հոկտեմբերի 11-12-ը | ԱՐՄԵՆՊՐԵՍ Հայկական  լրատվական գործակալություն

Էմանուել Մակրոնը հաղթանակ է տանում նախագահական ընտրությունների երկրորդ փուլում: Նախնական տվյալներով՝ գործող նախագահը ստացել է ձայների 58,2 տոկոսը: Նրա մրցակից, «Ազգային միասնություն» կուսկացության առաջնորդ Մարին Լե Պենը ստացել է 41,8 տոկոս ձայն: Սա ամենաբարձր արդյունքն է ծայրահեղ աջակողմյան ուժերի համար, հայտնում է RFI-ն:

Աջակենտրոն ուժերը չեն անցել: Հասարակական կարծիքի հարցումները մինչեւ վերջին պահն էլ հուշում էին Մակրոնի հաղթանակի մասին, սակայն վտանգ կար, որ իշխանության կգա Մարին Լե Պենը:

Հաղթանակի դեպքում Մարին Լե Պենը մտադիր էր 13 ավտոբուսից կազմված շարասյունը ղեկավարող մեքենայով անցնել Փարիզով մեկ՝ անցնելով իր նախընտրական արշավի խորհրդանիշ դարձած երթուղով՝ Բուլոնյան անտառից մինչեւ Հանրապետության հրապարակ:

Նշվում է, որ ընտրությունների երկրորդ փուլն աչքի է ընկել մասնակցության ցածր հայտով:

1915 ԹՎԱԿԱՆԻ ՀԱՅՈՑ ՑԵՂԱՍՊԱՆՈՒԹՅԱՆ ԶՈՀԵՐԻ ՀԻՇԱՏԱԿԸ ՀԱՎԵՐԺԱՑՆՈՂ ՀՈՒՇԱՐՁԱՆԸ (պատմություն)

0

1967 թվականի նոյեմբերի 29-ին, Ծիծեռնակաբերդի բարձունքում հանդիսավոր արարողությամբ բացվեց Հայոց ցեղասպանության զոհերի հուշահամալիրը: Հայոց ցեղասպանության հուշահամալիրն արդարացիորեն համարվում է գլխավորն ու ամենատպավորիչը բազմաթիվ այլ համանման հուշարձանների շարքում: Ծիծեռնակաբերդի հուշահամալիրը հայ ազգին միավորող եզակի հուշարձան է:

Առաջին անգամ Խորհրդային Հայաստանում պարտադրված երկարատև լռությունից հետո պետական մակարդակով ցեղասպանության զոհերի հիշատակի օրը ոգեկոչվել է 1965 թվականին՝ Հայոց ցեղասպանության 50-ամյա տարելիցին: Ոգեկոչման միջոցառումների և հուշահամալիրի կառուցման գլխավոր նախաձեռնողներից էր ՀԿԿ Կենտկոմի առաջին քարտուղար Յակով Զարոբյանը (1908-1980): Դառնալով ՀԿԿ Կենտկոմի առաջին քարտուղար (1960թ.)՝ հայրենասեր պետական գործիչը, ոչ միայն տնտեսական բարձր ցուցանիշներ է ապահովում, այլև կուսակցական գաղափարաքաղաքական շղթաները զանց առնելով, սկսում է իր ժամանակի համար անհնարին թվացող համազգային ծրագրերի իրագործումը՝ Սփյուռքի հետ կապերի ամրագրում, Հայոց ցեղասպանության 50-ամյա տարելիցի միջոցառումների կազմակերպում, Հայոց ցեղասպանության զոհերի հուշահամալիրի կառուցում և այն:

Դեռևս 1964թ. նա հանդիպումներ և քննարկումներ ունեցավ ԽՍՀՄ բարձրաստիճան պաշտոնյաների՝ հայատյաց Մ. Սուսլովի, Ա. Գրոմիկոյի, Ն. Պոտգորնու, նաև Ն. Խրուշչովի, Լ. Բրեժնևի հետ՝ փորձելով նրանցից անձամբ ստանալ իր ծրագրերի իրագործման թույլտվությունը:

1964թ. դեկտեմբերի 13-ին Յա. Զարոբյանը ԽՄԿԿ Կենտկոմին ուղարկած «1915 թվականին հայերի զանգվածային բնաջնջման 50-ամյակի հետ կապված միջոցառումների մասին» նամակում նշում է, որ հայերի զանգվածային կոտորածը, տեղահանությունը «Թուրքիայի կառավարող հանցախմբի կողմից խոշոր մաշտաբներով ցեղասպանության մարդատյաց քաղաքականության իրականացնումն էր»:

Գիտակցելով ԽՍՀՄ բարիդրացիական հարաբերությունները Թուրքիայի հետ՝ Յա. Զարոբյանը ձևափոխում է հուշամալիրի անվանումը, այն ներկայացնելով Առաջին համաշխարհային պատերազմում զոհված հայ նահատակներին նվիրված կոթող (այդ կերպ դյուրացվեց Մոսկվայի՝ հուշահամալիրի կառուցման համար տրվող թույլտվությունը): Մինչդեռ 1965 թ. մարտի 16-ի ՀԽՍՀ Նախարարների խորհրդի կարգադրության մեջ հուշարձանը կոչվում է «1915 թվականի եղեռնի զոհերի հիշատակը հավերժացնող կոթող»:

1966 թ. փետրվարի 5-ին Զարոբյանը ազատվեց ՀԿԿ Կենտկոմի առաջին քարտուղարի պաշտոնից՝ այլ աշխատանքի անցնելու կապակցությամբ:

Յա. Զարոբյանի կողմից իրականացվող համահայկական միջոցառումները մեծապես խթանեցին Հայոց ցեղասպանության միջազգային ճանաչման և դատապարտման գործընթացի ծավալմանը:

1915 ԹՎԱԿԱՆԻ ՀԱՅՈՑ ՑԵՂԱՍՊԱՆՈՒԹՅԱՆ ԶՈՀԵՐԻ ՀԻՇԱՏԱԿԸ ՀԱՎԵՐԺԱՑՆՈՂ ՀՈՒՇԱՐՁԱՆԸ

Հիմք ընդունելով 1965 թ. մարտի 16-ի ՀԽՍՀ Նախարարների խորհրդի կարգադրությունը՝ թերթերում հրապարակվեցին Հայոց ցեղասպանության զոհերի հիշատակը հավերժացնող կոթողի կառուցման հանրապետական մրցույթի ծրագիրն ու պայմանները: Հուշարձանը պետք է ոգեկոչեր Ցեղասպանության զոհերի հիշատակը և միևնույն ժամանակ խորհրդանշեր հայ ժողովրդի վերածնունդը, նրա ներկան և պայծառ ապագան. սա մրցույթի գլխավոր պահանջն էր:

Մրցույթին ներկայացվեց 78 նախագիծ: 12 հոգուց բաղկացած հեղինակավոր հանձնաժողովը (նախագահ՝ Գ. Աղաբաբյան) ընտրեց «ՀԽՍՀ դրոշ» ծածկապատկերով նախագիծը (ճարտարապետներ՝ Ա. Թարխանյան, Ս. Քալաշյան): Հուշարձանի շինարարության համար հատկացվեց 776.800 ռուբլի, իսկ կապալառու կազմակեպություն ընտրվեց «Երքիմշին» տրեստը (կառավարիչ՝ Պետրոս Թումանյան, շինվարչության պետ Արշավիր Մինասյան, տեղամասի պետ Արտյուշա Օրդուխանյան):

Ճարտարապետների կողմից ընտրվեց հուշարձանի կառուցման եռատարր հորինվածքի սկզբունքը: Դրա համաձայն՝ դեպի հավերժության կրակը խոնարհված 12 բազալտե սրբատաշ մույթերը, կազմելով կոնաձև բաց ծավալով կառույց, խորհրդանշում են Մեծ եղեռնի զոհերի դամբարանը: Դեպի երկինք խոյացող հուշասյունը՝ հայ ժողովրդի վերածննդի խորհրդանիշն է: Կառույցն ամբողջացնում է հուշապատը, որի հակառակ կողմում 1996 թվականից ամփոփված են Հայոց ցեղասպանության դեմ բողոքի ձայն բարձրարցրած հասարակական-քաղաքական գործիչների և մտավորականների շիրիմներից բերված հողով սափորները: Հուշապատի վրա 2002թ. փորագրվեցին Օսմանյան կայսրության հայաբնակ առավել խոշոր բնակավայրերի անվանումները:

Հուշարձանի պաշտոնական բացումը տեղի ունեցավ 1967 թ. նոյեմբերի 29-ին, բայց ոչ ամբողջական ավարտուն տեսքով՝ առանց թեք մույթերն ավարտող գլխադիրների և առանց երկարաձիգ հուշապատի: Հուշարձանի անավարտ հատվածների շինարարական աշխատանքները շարունակվեցին մինչև 1968 թվականի աշուն: Այդ ընթացքում կյանքի կոչվեց 110 գծամետր երկարությամբ հուշապատը, ավարտվեցին հարակից տարածքի բարեկարգման և հետիոտն ճեմուղիների պատրաստման աշխատանքները: Նախապես որոշված էր հուշապատը քանդակապատել: Էսքիզային մշակումը հանձնարարվել էր նկարիչ մոնումենտալիստ Վանիկ Խաչատրյանին: Նա ներկայացեց որմանքանդակի միասնական զանգված ներկայացնող դրվագային ու տարամասշտաբ կերպարների համադրման իր տեսլականը: Համադրելով այն հուշարձանի զուսպ ու լակունիկ կերպարի հետ, ճարտարապետները չհամաձայնվեցին այդ առաջարկության հետ: «Հայպետնախծագիծ» ինստիտուտում վերջանական քննարկման ժամանակ Լևոն Ներսիսյանն առաջարկեց հուշապատը թողել ասկետիկ մերկությամբ, քանի որ որմանքանդակը գաղափարապես ավելորդություն է:

Հուշահամալիրը ունի տեխնիկական և ծառայողական շինություններ, որոնք չեն խաթարում շինության ընդհանուր տեսքը:

Հուշարձանի շինարարությունը, հիրավի, ունեցավ համազգային նշանակություն: Շատ հայորդիներ, ցանկանալով անմասն չմնալ, հանրապետության տարբեր գյուղերից ու քաղաքներից ավտոբուսներով շաբաթ, կիրակի օրերին գալիս էին շինհրապարակ և իրենց անհատույց օգնությունն առաջարկում շինարարներին:

Ի սկզբանե, հուշարձանի բացման պաշտոնական արարողությունը ծրագրված էր 1967թ. ապրիլի 24-ին, սակայն տեղափոխվեց Հայաստանի խորհրդայնացման օրը՝ նոյեմբերի 29-ին: Բացումը, որին ներկա էին հանրապետության բարձրաստիճան պաշտոնյաներ, մտավորականներ, հեռարձակվեց հանրապետական ռադիոյով և հեռուստատեսությամբ:

1968թ. հուշարձանը ներկայացվեց երիտասարդ ճարտարապետների համամիութենական ամենամյա ստուգատեսին և արժանացավ առաջին կարգի դիպլոմի:

ՃԱՐՏԱՐԱՊԵՏՆԵՐ

Արթուր Թարխանյան (1932-2006)— ՀԽՍՀ վաստակավոր (1972), ՀԽՍՀ ժողովրդական ճարտարապետ(1987): Պարգևատրվել է Անանիա Շիրակացու մեդալով (1998): Եղել է ՀԽՍՀ Գերագույն Խորհրդի պատգամավոր (1980-1989)։ Դասավանդել է Երևանի Ճարտարապետության և շինարարության համալսարանում (պրոֆեսոր՝ 1993 թվականից): Նա ավելի քան 20 հուշարձանների ճարտարապետն է, որոնցից են.

• Մեծ եղեռնի զոհերի հուշահամալիր (Երևան, 1967)
• Մարտիրոս Սարյանի հուշարձան (Երևան, 1986)
• Խորհրդային Հայաստանի 50-ամյակի հուշարձան(Դիլիջան, 1970)
• Շառլ Ազնաուրի արձան(Գյումրի, 2001)

Համահեղինակենրի հետ նրա նախագծով կառուցվել են.

• ՀՀ ԳԱԱ հասարակական գիտությունների ինստիտուտների մասնաշենքերը(1955-1972)
• «Ռոսիա» կինոթատրոնը (1970-1974, ԽՍՀՄ Նախարարների խորհրդի մրցանակ, 1979)
• Երիտասարդության պալատը (1970-1985, ՀամԼԿԵՄ մրցանակ, 1981)
• «Զվարթնոց» օդանավակայանը (1981, ՀԽԱՀ Պետական մրցանակ՝ 1985)
• Մարզահամերգային համալիրը (1984, ԽՍՀՄ Պետական մրցանակ՝ 1987)

Սաշուր Քալաշյան (1936)— ՀԽՍՀ վաստակավոր ճարտարապետ (1987): 1976-1994 թվականներին եղել է Գյումրիի գլխավոր ճարտարապետը: 1995-2000 թվականներին՝ Հայնախագիծ ինստիտուտի գլխավոր ճարտարապետ, 2000 թվականից՝ փոխտնօրեն:

Քալաշյանի համահեղինակությամբ կառուցվել են.

• Մեծ եղեռնի զոհերի հուշահամալիրը (Երևան, 1967)
• Հայոց ցեղասպանության թանգարան-ինստիտուտը (Երևան, 1995)
• «Կումայրի» պետական պատմաճարտարապետական արգելոց-թանգարանը, (Լենինական, այժմ՝ Գյումրի, 1980, ՀԽՍՀ պետական մրցանակ՝ 1985)

2011-2015 թթ. տեղի ունեցան Հայոց ցեղասպանության հուշահամալիրի հիմնանորոգման աշխատանքները, բարեկարգվեցին Ծիծեռնակաբերդի ճեմուղին և հարակից տարածքը:

1991 թ. Հայաստանի Հանրապետության անկախության հռչակումից հետո տարբեր երկրներից ժամանած պաշտոնական պատվիրակությունների այցը Հայոց ցեղասպանության հուշահամալիր դառնում է ավանդույթ, իսկ արդեն 2002 թ.մարտի 16-ից՝ ՀՀ պետական արարողակարգի ծառայության մասին օրենքով «Պետական արարողակարգի ծառայություն» գործակալությունը ստանձնում է այցելությունների կարգավորման պարտավորությունը: Հայոց ցեղասպանության հուշահամալիր այցելությունը դառնում է պետական արարողակարգի անքակտելի մաս՝ հիմնված կողմերի փոխհամաձայնության վրա:

ՀՀ պետական արարողակարգը ենթադրում է, որ պաշտոնական այցով Երևան ժամանած պատվիրակությունները հարգանքի տուրք են մատուցում Հայոց ցեղասպանության զոհերի հիշատակին՝ ծաղիկներ կամ ծաղկեպսակ են դնում հուշահամալիրում, շրջում են թանգարանում, ծառ տնկում:

Հայոց ցեղասպանության հուշահամալիր են այցելել Հայաստանի Հանրապետություն ժամանած հազարավոր պաշտոնական պատվիրակություններ՝ տարբեր երկրների նախագահներ, հոգևոր առաջնորդներ, աշխարհի տարբեր պետությունների խորհրդարանների նախագահներ, խոսնակներ, պատգամավորներ, կառավարության անդամներ, միջազգային կազմակերպությունների անդամներ, գիտնականներ, համաշխարհային հեղինակություն ունեցող մշակութային գործիչներ:

Նյութը կազմեցին՝
Գոհար Խանումյանը և Արևիկ Ավետիսյանը


Ապրիլքսանչորսյան ցույցի մասնակիցները Լենինի անվան հրապարակում, Երևան, 1965թ.
ՀՑԹԻ հավաքածու
Ապրիլքսանչորսյան ցույցի մասնակիցները Լենինի անվան հրապարակում, Երևան, 1965թ.
ՀՑԹԻ հավաքածու
Ապրիլքսանչորսյան ցույցի մասնակիցը ասմունքելիս, Երևան, 1965թ.
ՀՑԹԻ հավաքածու


Նախնական էսքիզ (ճարտարապետներ՝ Ա. Թարխանյան, Ս. Քալաշյան, Հ. Պողոսյան), Երևան, 1965 թ.
(Мемориал Егерн, редактор и автор текста Карен Бальян, Екатеринбург, 2015 г. 80 стр.)


Մրցույթի սկզբնական փուլում որոշված նախնական տարբերակի մանրակերտը (ճարտարապետներ՝ Ա. Թարխանյան, Ս. Քալաշյան, Հ. Պողոսյան, քանդակագործ՝ Վ. Խաչատրյան) Երևան, 1965 թ.
(Мемориал Егерн, редактор и автор текста Карен Бальян, Екатеринбург, 2015 г. 80 стр.)


Մրցութային տարբերակի մանրակերտը (ճարտարապետներ՝ Ա. Թարխանյան, Ս. Քալաշյան, Հ. Պողոսյան) Երևան, 1965 թ.
ՀՑԹԻ հավաքածու


Մրցույթից հետո փոփոխությունների ենթարկված մակետը (ճարտարապետներ՝ Ա. Թարխանյան, Ս. Քալաշյան, Հ. Պողոսյան) Երևան, 1965 թ.
ՀՑԹԻ հավաքածու


Հուշարձանի համաչափական կառուցվածքը
(Мемориал Егерн,редактор и автор текста Карен Бальян, Екатеринбург, 2015 г. 80 стр.)


Հուշարձանի համաչափական կառուցվածքը
(Мемориал Егерн,редактор и автор текста Карен Бальян, Екатеринбург, 2015 г. 80 стр.)


Հուշարձանը կառուցող շինարարները, Երևան, 1965/1966 թթ.
ՀՑԹԻ հավաքածու


Հուշարձանի շինարարության ընթացքը, Երևան, 1965/1966 թթ.
ՀՑԹԻ հավաքածու


Հուշարձանի շինարարության ընթացքը, Երևան, 1965/1966 թթ.
ՀՑԹԻ հավաքածու


Հուշարձանի շինարարության ընթացքը, Երևան, 1965/1966 թթ.
ՀՑԹԻ հավաքածու


Հուշարձանի շինարարության ընթացքը, Երևան, 1965/1966 թթ.
ՀՑԹԻ հավաքածու


Հուշարձանի շինարարության ընթացքը, Երևան, 1965/1966 թթ.
ՀՑԹԻ հավաքածու


Հուշարձանի շինարարության ընթացքը, Երևան, 1965/1966 թթ.
ՀՑԹԻ հավաքածու


Հայոց ցեղասպանության զոհերի հուշահամալիրի պաշտոնական բացումը, 29 նոյեմբերի, 1967թ. ՀԿԿ կենտկոմի առաջին քարտուղար Անտոն Քոչինյանը Երևանի Կիրովի անվան քիմիական կոմբինատի հնոցից բերված ջահով վառում է հավերժական կրակը: Նրա հետևում (ձախից աջ) կանգնած են ՀՍՍՀ մինիստրների խորհրդի առաջին տեղակալ Սուրեն Մովսեսյանը, ՀԿԿ Երևանի քաղկոմի առաջին քարտուղար Կարեն Դեմիրճյանը, ՀԽՍՀ Գերագույն Խորհրդի նախագահության նախագահ Նագուշ Հարությունյանը, անվանի բանաստեղծներ Պարույր Սևակը, Սիլվա Կապուտիկյանը և այլք:
ՀՑԹԻ հավաքածու


ՀԽՍՀ Կոմկուսի կենտկոմի առաջին քարտուղար Յա. Զարոբյանը իր աշխատասենյակում, Երևան, 1965 թ.
(Заробян Н. Я. Яков Заробян и его эпоха / Н. Я. Заробян, Ереван, 2008)


Արթուր Թարխանյան


Սաշուր Քալաշյան


Սաշուր Քալաշյանը և Արթուր Թարխանյանը սփյուռքահայ այցելուի հետ, 1968 թ.


Հիշատակման օր, ապրիլի 24


Հիշատակման օր, ապրիլի 24


Հիշատակման օր, ապրիլի 24


Հիշատակման օր, ապրիլի 24

Պատմական նոր հանգրվան. վտանգներ եւ հնարավորություններ. Հայոց ցեղասպանության 107-րդ տարելից…

0

Genocide Museum | The Armenian Genocide Museum-institute

Պատմական նոր հանգրվան. վտանգներ եւ հնարավորություններ «Region5+» հաղորդաշարի անդրադարձը Հայոց ցեղասպանության 107-րդ տարելիցին…

1965 թվականից սկսած ամեն ապրիլի 24-ի վաղ առավոտյան մարդկային հոսքերի հիմնական ուղղությունը Հրազդան կիրճի մոտ գտնվող Ծիծեռնակաբերդ բլուրն է, դեպի Հայոց ցեղասպանության զոհերի հիշատակին նվիրված 44-մետրանոց քարակոթողը, որտեղ անմար կրակի մոտ առավոտվանից սերնդեսերունդ ծաղիկներ են դնում Հայոց ցեղասպանության 1,5 միլիոն զոհերի՝ մեր նախնիների հիշատակին…

Այսօր Վանաձորի թիվ 1 համաբուժարանում իրականացվել է «Պատվաստումը հոգատարություն է» միջոցառումը

0

Возможно, это изображение 7 человек и люди стоят

«Պատվաստումը հոգատարություն է» արշավն իրականացվում է Հհ առողջապահության նախարարության և գործընկերների՝ Հիվանդությունների վերահսկման և կանխարգելման ազգային կենտրոնի, տեղական ինքնակառավարման մարմինների, Արաբկիր ԲԿ-ի և ԵԴԱԻ-ի, Հայկական արյունաբանական ասոցիացիայի, Իմունոլոգիայի հայկական ասոցիացիայի, Հայկական կարմիր խաչի ընկերության հետ համատեղ՝ «Եվրոպական միության և ԱՀԿ միասնական գործողությունների շրջանակներում՝ աջակցելու COVID-19-ի պատվաստանյութերի ներդրման և պատվաստումների իրականացմանը Արևելյան գործընկերության երկրներում, 2021-2024թ․թ.» ծրագրի շրջանակում։ Այն ուղղված է Հայաստանի մարզերում բնակվող 65 տարեկանից բարձր անձանց իրազեկմանը և պատվաստումները հասանելի դարձնելուն:
Возможно, это изображение 3 человека, люди стоят и в помещении
Միջոցառմանը ներկա էին Լոռու մարզպետի տեղակալ Հովհաննես Ավետիսյանը, ՀՀ առողջապահության նախարարի տեղակալ Արտակ Ջումայանը, մարզպետարանի առողջապահության և սոցիալական ապահովության վարչության պետ Ռուզաննա Պողոսյանը, ՀՎԿԱԿ «Լոռի» մասնաճյուղի տնօրեն Անժելա Հովհաննիսյանը, ԱՀԿ ներկայացուցիչ Լյուդմիլա Մինասյանը, բժիշկներ, ոլորտի պատասխանատուներ։
Возможно, это изображение 2 человека, люди сидят и люди стоят
Նրանք հետևեցին իրականացվող գործընթացին և հավաստեցին, որ հատկապես համայնքների հետ համագործակցելով՝ պետք է բարձրացնել քաղաքացիների իրազեկվածության մակարդակը ու անել առավելագույնը, որպեսզի մեր տարեց հայրենակիցները պատվաստվեն՝ պաշտպանվելով և պաշտպանելով նաև շրջապատող մարդկանց:
Պաշտոնյաները նաև շրջեցին համաբուժարանի տարածքում, ծանոթացան պատվաստումային գործընթացի կազմակերպման պայմաններին, զրուցեցին բուժաշխատողների հետ, հետաքրքրվեցին բնակչության ընդգրկվածության ցուցանիշներով:

Տեղի է ունեցել Կորոնավիրուսի տարածումը կանխարգելող աշխատանքները համակարգող միջգերատեսչական հանձնաժողովի հերթական նիստը

0

Փոխվարչապետ Համբարձում Մաթևոսյանի նախագահությամբ և շահագրգիռ պետական մարմինների ղեկավար կազմի ու պատգամավորների մասնակցությամբ ապրիլի 19-ին տեղի է ունեցել Հայաստանի Հանրապետությունում կորոնավիրուսի տարածումը կանխարգելող աշխատանքները համակարգող միջգերատեսչական հանձնաժողովի հերթական նիստը։

Առողջապահության նախարար Անահիտ Ավանեսյանը ներկայացրել է Երևան քաղաքում և  մարզերում կորոնավիրուսային հիվանդության ներկա համաճարակաբանական իրավիճակը, հիվանդության դեմ պատվաստումների գործընթացը և ընդգծել, որ թեև վերջին շրջանի արդյունքներով  դրական դինամիկա է արձանագրվում, այդուհանդերձ, ժամանակը պետք է օգտագործել և շարունակել պատվաստման գործընթացը՝ նոր ալիքի բռնկման դեպքում մահացության բարձր ցուցանիշներից զերծ մնալու համար։

Նիստի ընթացքում, ի թիվս այլ հարցերի, անդրադարձ է կատարվել նաև նախորդ նիստի ընթացքում փոխվարչապետ Մաթևոսյանի կողմից տրված հանձնարարականների կատարման ընթացքին։

Պուշկինի ոլորաններում բացվեց Ալեքսանդր Պուշկինի արձանը

0

Возможно, это изображение 4 человека, люди стоят, на открытом воздухе и памятник

Ապրիլի 22-ին Վանաձոր-Տաշիր ավտոճանապարհի Պուշկինի ոլորաններ կոչվող հատվածում ՀՀ ԱԺ նախագահի տեղակալ Հակոբ Արշակյանը մասնակցել է Ալեքսանդր Պուշկինի արձանի բացման հանդիսավոր արարողությանը:
Ներկա են եղել ՀՀ ԱԺ և ՌԴ ԴԺ միջև համագործակցության միջխորհրդարանական հանձնաժողովի անդամներ, երկու երկրների դիվանագիտական կորպուսները ներկայացնող դեսպաններ Վաղարշակ Հարությունյանը և Սերգեյ Կոպիրկինը, ԿԳՄՍ փոխնախարար Ժաննա Անդրեասյանը, Լոռու մարզպետի խորհրդական Արմեն Հարությունյանը, մարզպետարանի պաշտոնյաներ, ռուսական համայնքի ներկայացուցիչներ:
Возможно, это изображение 1 человек, стоит и на открытом воздухе
Այս տարի լրանում է Հայաստանի և Ռուսաստանի միջեւ դիվանագիտական հարաբերությունների հաստատման 30-ամյակը: Այդ հոբելյանի շրջանակում է անցկացվում Հայաստանի Հանրապետության Ազգային ժողովի և Ռուսաստանի Դաշնության Դաշնային ժողովի միջև համագործակցության միջխորհրդարանական հանձնաժողովի 34-րդ նիստը, որն այս անգամ տեղի է ունենում Ստեփանավանում:
ՀՀ ԱԺ նախագահի տեղակալ, հայ-ռուսական համագործակցության միջխորհրդարանական հանձնաժողովի համանախագահ Հակոբ Արշակյանը ողջույնի խոսքում ընդգծել է, որ արձանի բացումը վկայում է Հայաստանի և Ռուսաստանի մշակութային կապերի, հարուստ ավանդույթների եւ բարեկամական սերտ հարաբերությունների մասին: Նա համոզմունք է հայտնել, որ Պուշկինի ստեղծագործությունը համաշխարհային ժառանգություն է, նրա պատվին հուշարձաններ տեղադրված են աշխարհի շատ քաղաքներում: Հայաստանում հուշարձաններ են կանգնեցված Երեւանում, Գյումրիում, Ստեփանավանում: 1937թ. գործում է Պուշկինի անվան դպրոցը, մայրաքաղաքի կենտրոնական փողոցներից մեկը կրում է մեծ բանաստեղծի անունը:
Возможно, это изображение 8 человек, люди стоят, на открытом воздухе и памятник
«Մեծ է այսօր արձանի բացման նշանակությունը: Դա հաստատվում է Ռուսաստանի մեծ զավակի հանդեպ հարգանքով եւ վառ վկայությունն է բարեկամության ու փոխըմբռնման դարավոր ավանդույթների, որոնք ձեւավորվել են մեր ժողովուրդների միջեւ: Խորհրդանշական է, որ արձանը կանգնեցվում է մեր երկրների համար նշանակալից այս տարում»,- ընդգծել է Հակոբ Արշակյանը:
Բացման խոսքում ՌԴ ԴԺ Դաշնության խորհրդի պաշտպանության և անվտանգության հանձնաժողովի նախագահ Վիկտոր Բոնդարեւը խորհրդանշական է համարել արձանի բացումը՝ նշելով, որ այն երկու ժողովուրդների դարավոր բարեկամության եւս մեկ խոսուն վկան է:
Возможно, это изображение 6 человек, люди стоят, на открытом воздухе и дерево
Վերջին երեք տարիների ընթացքում հուշարձանի բացման անհրաժեշտության մասին բազմիցս բարձրաձայնել էր ՀՀ ԱԺ պատգամավոր, ռուսական համայնքի ներկայացուցիչ Ալեքսեյ Սանդիկովը: Նա երախտագիտություն է հայտնել հուշարձանի քանդակագործ 90-ամյա Շավարշ Հովհաննիսյանին ստեղծագործ մտքի և Պուշկինի կերպարի ճշգրիտ վերարտադրման համար:
Այնուհետև աշակերտներն արտասանել են նշանավոր բանաստեղծի ստեղծագործություններից, որից հետո ներկաները ծաղիկներ են խոնարհել մեծանուն բանաստեղծի հուշարձանի մոտ:
Ի նշան երկու ժողովուրդների բարեկամության՝ Հակոբ Արշակյանը և Վիկտոր Բոնդարեւը ծառ են տնկել հուշարձանին հարող տարածքում:

Վանաձոր-Ալավերդի-Բագրատաշեն. չորրորդ անգամ այս ճանապարհի վերակառուցումը հետաձգվել է (տեսանյութ)

0

Մ-6՝ Վանաձոր_Ալավերդի_Բագրատաշեն միջպետական նշանակության ճանապարհի շինարարության ավարտի վերջնաժամկետը կրկին երկարաձգվել է։
Սա արդեն չորրորդ ժամկետն է, որ պատասխանատուները սահմանում են մոտ 52 կիլոմետրանոց ճանապարհը հիմնանորոգելու համար։
Հաղորդումն ամբողջությամբ՝

Սերժանտ Նարինե Բալայանը, ով մեծ հպարտությամբ է 10 տարի շարունակ կրում զինվորականի համազգեստը, 3 երեխաների մայր է (տեսանյութ)

0

Վանաձորցի Նարինե Բալայանը գրեթե ամեն օր զինվորական համազգեստով է․ և այսպես՝ 10 տարուց ավելի։ Կոչումով սերժանտ է, հեռախոսակայանի պետ: Աշխատանքի ընդունվել է ոչ միայն կարիքից ելնելով՝ ընտանիքի միակ կերակրող ձեռքն էր, այլև սիրելով զինվորական կարգուկանոնը, իսկ տարիների ընթացքում այն դարձել է ապրելակերպ:

Հիշում է՝ կար ժամանակ, երբ զինվորական հագուստով կնոջը՝ հասարակությունն այլ աչքով էր նայում: Բայց ժամանակի հետ փոխվում են նաև մարդկանց հայացքները:

Նարինեն ՀՀ պաշտպանության նախարարության կողմից  անբասիր ծառայության համար պարգևատրվել է 1-ին աստիճանի մեդալով: Բայց նրա պարգևները 3 երեխաներն են, որոնցից ավագ տղան՝ Վազգենը 3 պատերազմի մասնակից է: Պարգևատրվել Է արիության մեդալով:

44-օրյա պատերազմի ժամանակ Նարինեի 2 որդիներն էլ Ջրականի բարձունքն են պաշտպանել, բայց՝ տարբեր ջոկատներում:

Կրտսեր որդու՝ Արթուր Շեկոյանի ծառայության ավարտին 4 ամիս էր մնում, երբ սկսվեց պատերազմը: Ջրական գնալու իրողությունը մորից թաքցրել էր: Նարինեն 44-օրյայում հերոսացած որդու ձայնը վերջին անգամ լսել է նոյեմբերի 5-ին: Ցավով է հիշում, որ տղայի վերջին զանգն անպատասխան է մնացել:

Արթուրը 6 ամիս անհետ կորած է համարվել, մոր համար այդ  6 ամիսները կյանքի դժվարագույն օրերն էին՝ լի բազում հիասթափություններով, բայց միաժամանակ՝ հույսի չնչին շողով: Քանի որ այդ ընթացքում տարբեր վարկածներ կային Արթուրի հետ կապված: Հույսը չէր կորցնում, սակայն գույժը, այնուամենայնիվ, հասավ:

Կյանքի դժվարագույն փուլում Նարինեն մինչև անգամ զինվորական հագուստ կրելն էր դժվարանում, սակայն իր մեջ ուժ գտնելով շարունակեց ծառայել հայրենիքին:

Աշխատանքից տուն վերադառնալուց հետո Նարինե Բալայանը, հանելով զինվորական համազգեստը դառնում է ընտանիքի մայր, ով որդու կորուստ է տեսել, բայց ապրում է հանուն այդ նույն որդու, ով կյանքը չխնայեց հայրենիքի համար: Միայն մի ցանկություն ունի, որ այլևս աշխարհում պատերազմներ չլինեն:

 

Բռնցքամարտի Եվրոպայի երիտասարդների առաջնությունը Հայաստանն ավարտեց 3 մեդալով

0

Возможно, это изображение 2 человека и в помещении

Բռնցքամարտի Եվրոպայի երիտասարդների առաջնությունը Հայաստանն ավարտեց 3 մեդալով:
Էրիկ Իսրայելյանը դարձավ ոսկե մեդալակիր, իսկ 67 կգ քաշային Արես Հակոբյանն ու 80 կգ քաշային Համլետ Ադամյանը դարձան արծաթե մեդալակիր:

Հայաստանի ազգային ագրարային համալսարանի Վանաձորի քոլեջի մասնաճյուղում բացվեց հողի անալիզի լաբորատորիա և քիմիայի լսարան

0

Возможно, это изображение 6 человек, люди стоят и в помещении

Լոռու մարզպետի տեղակալ Գոռ Ասրյանը, մարզպետարանի գյուղատնտեսության և բնապահպանության վարչության պետ Արուս Թումանյանը և մարզպետարանի այլ պաշտոնյաներ Հայաստանի ազգային ագրարային համալսարանի Վանաձորի քոլեջի մասնաճյուղում այսօր ներկա գտնվեցին հողի անալիզի լաբորատորիայի և քիմիայի լսարանի պաշտոնական բացման արարողությանը։ Միջոցառմանը ներկա էին նաև Ավստրիայի Հանրապետության դեսպանության Տեխնիկական համագործակցության համակարգող գրասենյակի ղեկավար Կլաուս Կապպերը, Հայաստանի ազգային ագրարային համալսարանի ռեկտոր Վարդան Ուռուտյանը, ոլորտի ներկայացուցիչներ, ֆերմերներ և ուսանողներ։
Գյուղատնտեսական և կրթական այս ծրագիրն իրականություն է դարձել Եվրոպական միության ֆինանսավորվմամբ, Ավստրիական զարգացման գործակալության (ԱԶԳ) կողմից իրականացվող «Կանաչ գյուղատնտեսության նախաձեռնություն Հայաստանում» (EU-GAIA) ծրագրի շրջանակներում։
Возможно, это изображение текст
Նորագույն ու ճշգրիտ սարքավորումներով հագեցած այս լաբորատորիան տարածաշրջանում եզակի կառույց է․ այն կարևոր նշանակություն կունենա ոչ միայն որպես զուտ համալսարանի համակարգում գործող ուսումնահետազոտական, այլև առհասարակ, մարզային մակարդակում ագրարային արտադրության և հետազոտությունների զարգացման կենտրոն։
Այստեղ կանցկացվեն հողի փորձաքննություններ, կորոշվի հողի միկրո և մակրոտարրերի հարաբերությունն ու ֆիզիկական վիճակը, ինչպես նաև կիրականացվեն բույսերի և ջրի բաղադրության հետ կապված տարբեր հետազոտություններ։
Հողի անալիզի լաբորատորիան՝ քիմիայի լսարանով հանդերձ, բացի մասնաճյուղի կրթական ծրագրերին օժանդակելուց, նաեւ ծառայություններ կմատուցի Լոռու մարզի ֆերմերներին եւ տեղի այլ տնտեսավարողների եւ կծառայի որպես մասնագիտական վերապատրաստման ժամանակակից ուսումնատվական կենտրոն։
Возможно, это изображение мебель и в помещении
Մարզպետի տեղակալ Գոռ Ասրյանը, ողջույնի խոսքում շնորհակալություն հայտնելով գործընկեր կազմակերպություններին, նշեց, որ լաբորատորիան այսօր անհրաժեշտություն է և՛ զարգացած կրթություն ունենալու, և՛ արդյունավետ գյուղատնտեսություն վարելու համար։
— Գյուղատնտեսության զարգացման համար հողի կառուցվածքը իմանալը կարևոր անհրաժեշտություն է, պետք է հասկանալ՝ ինչի կարիք ունի հողը։ Այսպիսով, մարզի հողօգտագործողներն այևս ստիպված չեն լինի անալիզի համար այլ քաղաքներ գնալ․ կխնայեն ժամանակ և միջոցներ,- ասաց փոխմարզպետը։
ՀԱԱՀ ռեկտոր Վարդան Ուռուտյանն էլ իր հերթին երախտագիտության խոսք ասաց համագործակցող կառույցներին՝ աջակցության համար։ Նա նշեց, որ այս նախաձեռնությունը միտված է աջակցելու առաջին հերթին գյուղատնտեսներին՝ օգնելով նրանց ունենալու բարձր բերքատվություն։
Ողջույնի խոսք ասաց նաև Կլաուս Կապպերը:
Հյուրերը շրջեցին տարածքով, ծանոթացան ստեղծված պայմաններին: