Այսօր՝ հունվարի 24-ին, Սպիտակի համայնքապետարանի նիստերի դահլիճում տեղի ունեցավ Սպիտակ համայնքի ավագանու Սպիտակ խոշորացված համայնքի 2022 թվականի բյուջեն հաստատելու մասին որոշման նախագծի հանրային քննարկում։ Քննարկմանը ներկա էին համայնքի ղեկավարի տեղակալ Արտակ Մաթոսյանը, աշխատակազմի քարտուղար Ազգանուշ Ֆրանգյանը, ֆինանսական և եկամուտների հավաքագրման բաժնի պետ Վարուժան Ապրեսյանը, քաղաքաշինության, հողօգտագործման, կոմունալ սպասարկման և տրանսպորտի բաժնի պետԷդգար Թորոսյանը, համայնքի ավագանու անդամներ, վարչական ղեկավարներ, համայնքային ոչ առևտրային կազմակերպությունների տնօրեններ, հասարակական կազմակերպությունների ներկայացուցիչներ և բնակիչներ:
Քննարկման սկզբում աշխատակազմի քարտուղար Ազգանուշ Ֆրանգյանը ներկայացրեց հանրային քննարկման մանրամասները, նպատակները, հիմնական մոտեցումներն ու առանձնահատկությունները։ Այնուհետև համայնքի ղեկավարի տեղակալ Արտակ Մաթոսյանը և համայնքապետարանի աշխատակազմի ֆինանսական և եկամուտների հավաքագրման բաժնի պետ Վարուժան Ապրեսյանը ներկայացրեցին 2022 թվականի բյուջեի նախագիծը՝ ըստ հոդվածների։ Քննարկման ժամանակ համայնքի բնակիչները հղեցին իրենց հուզող հարցերն ու ստացան սպառիչ պատասխաններ:
Հիշեցնենք, որ հանրային քննարկումներն իրականացվում են հրապարակայնության, մատչելիության, թափանցիկության և հանրային հաշվետվողականության սկզբունքների հիման վրա:
Հանրային քննարկումների արդյունքում քննարկման դրված հարցերի առնչությամբ ստացված յուրաքանչյուր առաջարկության (դիտողության) վերլուծության, ինչպես նաև դրանց ամփոփման արդյունքում հանրային քննարկում իրականացնող մարմինն ընդունված առաջարկների հիման վրա կատարում է նախագծի անհրաժեշտ լրամշակումներ:

Հունվարի 22-ին, ժամը 12.20-ին, հիվանդանոցից ոստիկանության Բազումի բաժնում հաղորդում էր ստացվել, որ կրծքավանդակի և նախաբազկի կտրած-ծակած վերքերով և գլխի քերծվածքներով բուժօգնության է դիմել 33-ամյա մի տղամարդ:

Ոստիկանության Բազումի բաժնի ծառայողների ձեռնարկած օպերատիվ-հետախուզական միջոցառումների արդյունքում պարզվել է, որ տղամարդուն մարմնական վնասվածքները պատճառել է 44-ամյա տղամարդը։ Նրա անձնական խուզարկությամբ հայտնաբերվել է ծալովի դանակ։

Ձեռնարկված միջոցառումների շնորհիվ պարզվել է, որ վիճաբանությանը ներկա է եղել 44-ամյա տղամարդու 21-ամյա որդին։

Դեպքի վայրում կատարված զննությամբ հայտնաբերվել են արնանման հետքեր և 20 սմ երկարությամբ խոհանոցային դանակ՝ շեղբին արնանման հետքերով:

Դանակը վերցվել է:

Ոստիկանների բացատրական աշխատանքի շնորհիվ հունվարի 23-ին մեղայականով բաժին է ներկայացել 21-ամյա երիտասարդ ու տվել խոստովանական բացատրություն, որ ինքն է դանակահարել 33-ամյա տղամարդուն, իսկ դանակը նետել է գետը:
Կատարվում է քննություն։

Աշխարհի ամենահին բաբելոնյան քարտեզը, մ.թ.ա. 6-րդ դար։
Բաբելոնյան այս կավե տախտակը աշխարհի առաջին հայտնի քարտեզն է: Քաղաքների կենտրոնները նշելու համար օգտագործվում էին շրջանագծեր, և այդ ժամանակվանից քարտեզագիրներն օգտագործում էին այս մեթոդը։ Քարտեզի վրա կա վեց երկիր և յոթ կղզի։ Այդ երկրներն են՝ Բաբելոնը, Ասորեստանը, Հաբբանը, Հայաստանը, Դերի, Բիթ Ջակինուն։ Արտեֆակտը պահվում է Լոնդոնի Բրիտանական թանգարանում։