Հայաստանում արդեն քանի օր է առատ ձյուն է տեղում: Ըստ «Անկյուն+3» հեռուստաընկերության ռեպորտաժի, տեղացած առատ ձյունը վտանգավոր վթարային իրավիճակ է ստեղծել Վահագնիից- Սատանի Կամուրջ կոչված հատվածում: Բեռնատարների վարորդները ճանապարհին են մնացել գիշերվանից, ժամը 12:00-ի դրությամբ չէին կարողանում երթեւեկել նաեւ մարդատար ավտոմեքենաները ճանապարհի խցանման պատճառով: Խցանման մեջ հայտնված վարորդները նշել են , որ չկան ճանապարհի ձմեռային սպասարկում իրականացնող տեխնիկա եւ աշխատակիցներ: Վարորդներն ասում են` ճանապարհն անտերության է մատնված:

ՏԵՍԱՆՅՈՒԹ.

Հանրապետության տարածքում`

Մարտի 20-ի ցերեկը, 24-ին ժամանակ առ ժամանակ շրջանների զգալի մասում, 21-22-ը, 23-ի, 25-ի գիշերը և երեկոյան առանձին շրջաններում սպասվում են տեղումներ, լեռնային և նախալեռնային գոտում՝ ձյուն, 20-ին՝ ինտենսիվ: Լեռնային առանձին շրջաններում սպասվում է բուք, ցածր հորիզոնական տեսանելիություն։ Մարտի 23-ի և 25-ի ցերեկը սպասվում է առանց տեղումների եղանակ:

Քամին՝ հյուսիս-արևմտյան՝ 3-7 մ/վ, մարտի 20-ին առանձին շրջաններում սպասվում է քամու ուժգնացում՝ 15-20 մ/վ արագությամբ:

Օդի ջերմաստիճանը մարտի 20-ի ցերեկը կնվազի 5-6, 21-22-ի ցերեկը կբարձրանա 2-4 աստիճանով:

Երևան քաղաքում՝

Մարտի 20-ի ցերեկը, 21-ի գիշերը, 23-ի, 25-ի գիշերը և երեկոյան, 24-ին ժամանակ առ ժամանակ սպասվում են տեղումներ՝ ձյան և ձնախառն անձրևի տեսքով: Մարտի 21-ի ցերեկը, 22-ին, 23-ի և 25 ցերեկը սպասվում է առանց տեղումների եղանակ:

ՇՄՆ «Հիդրոօդերևութաբանության և մոնիտորինգի կենտրոն» ՊՈԱԿ

Սուրենյանը պարբերաբար Հայաստանի տարբեր հատվածներից լուսանկարներ է հրապարակում, որտեղ պատկերվում են գարնանային ձյան տեսարանները:

ՀՀ հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը «Ֆեյսբուք»-ի իր էջում լուսանկար է հրապարակել, որին կից գրել է.

«Լուռու մարզի Մարգահովիտ գյուղում ձյան ծածկը հասնում է 80սմ-ի»։

Օդի ջերմաստիճանը մարտի 20-ի ցերեկը հանրապետության ամբողջ տարածքում կնվազի 5-6 աստիճանով։ 

«Ճանապարհային դեպարտամենտ» հիմնադրամը տեղեկացնում է, որ մարտի 19-ին՝ ժամը 13։15-ի դրությամբ, սաստիկ բքի և տեսանելիության բացակայության պատճառով Աշոցքի տարածաշրջանի՝ Մ-1 միջպետական նշանակության Թորոս-Աշոցք-Բավրա ավտոճանապարհը, Ալագյազ-Մանթաշ ճանապարհահատվածը, Վարդենյաց լեռնանցքը, Գնդեվազ-Ջերմուկ, Թթուջուր-Նավուր, Վանաձոր-Դիլիջան ավտոճանապարհները փակ են բոլոր տեսակի տրանսպորտային միջոցների համար։

Երկու երկրների հարաբերությունների կարգավորման փորձերը 3 տասնամյակի պատմություն ունեն: Փորձեր եղել են 1991թ.-ից ի վեր, սակայն մի շարք պատմական և քաղաքական հարցերի պատճառով գործընթացները կասեցվել են. Հայոց ցեղասպանության ժխտում Թուրքիայի կողմից, այդ երկրի աջակցությունը Ադրբեջանին արցախյան հակամարտության հարցում և այլն:

Հնարավո՞ր է հայ-թուրքական հարաբերությունների կարգավորումն առանց Ադրբեջանին վերաբերող որևէ հարցի, կամ հակառակը՝ հայ-ադրբեջանականը՝ առանց Թուրքիայի։ Ի՞նչ սպասել սահմանների բացումից: Թողարկմանը փորձել ենք տալ այս հարցերի պատասխանները:

ՄԱԿ-ի գլխավոր քարտուղար Անտոնիո Գուտերեշը մարտի 19-ին հայտարարել է, որ Ուկրաինայում պատերազմը կարող է հանգեցնել համաշխարհային պարենային համակարգի փլուզմանը։

«Ուկրաինայում պատերազմն արդեն խաթարում է մատակարարման շղթաները և հանգեցնում վառելիքի, սննդի և տրանսպորտի գների բարձրացման: Մենք պետք է ամեն ինչ անենք, որպեսզի կանխենք սովի փոթորիկը և համաշխարհային պարենային համակարգի փլուզումը», — գրել է նա Twitter-ում:

The war in Ukraine is already disrupting supply chains and causing the prices of fuel, food and transport to skyrocket.

We must do everything possible to avert a hurricane of hunger and a meltdown of the global food system.

— António Guterres (@antonioguterres) March 19, 2022

Մարտի 18-ի երեկոյան ժամերին, մարտի 19-ին, 20-ին ժամանակ առ ժամանակ հանրապետության ամբողջ տարածքում սպասվում է ձյուն, լեռնային գոտիներում՝ բուք, ցածր հորիզոնական տեսանելիություն։ Այս մասին հայտնում են Հիդրոօդերևութաբանության և մոնիթորինգի կենտրոնը.

Արագածոտնի լեռնային գոտիներում, Լոռիում, Տավուշում, Վայոց ձորի լեռնային շրջաններում, Սյունիքի լեռնային և նախալեռնային գոտիներում ձյունը կլինի ինտենսիվ։

Բացառություն կկազմեն Արարատյան դաշտի ցածրադիր հատվածները, որտեղ սպասվող տեղումները կլինեն թաց ձյան տեսքով։
Օդի ջերմաստիճանը մարտի 20-ի ցերեկը հանրապետության ամբողջ տարածքում կնվազի 5-6 աստիճանով։

Վարորդներին հորդորում ենք երթևեկել բացառապես ձմեռային անվադողերով։

https://www.facebook.com/HydrometeorologyandMonitoringCenter/photos/a.727848980994781/1389689811477358/?type=3

Ապրիլից Շիրակում եւ Լոռիում պարեկային ծառայություն կներդրվի։ Այս մասին մարտի 18-ի մամուլի ասուլիսում տեղեկացրել է Հայաստանի ոստիկանապետի տեղակալ Արա Ֆիդանյանը։

Ֆիդանյանը նշել է, որ պարեկային ծառայության համալրման համար 2021թ. նոյեմբերից ոստիկանական ակադեմիայում հնգամսյա դասընթացներ են կազմակերպվում, որոնց մասնակցում է 541 թեկնածու՝ 68-ը Երեւանի, մյուսները՝ մարզերի համար։ Դասընթացն անցկացվում է միջազգային չափորոշիչներին համապատասխան։

Ընթանում են ավտոմեքենաների եւ կապի միջոցների գնման աշխատանքները։ 140 տրանսպորտային միջոցներից 40-ն արդեն Երեւանում է։ Հերթի մեջ է պարեկային ծառայության ներդրումը Կոտայքի, Գեղարքունիքի, Տավուշի, Արագածոտնի մարզերում։ Չնայած ամբողջ հանրապետությունում ծառայության ներդրման գործընթացը նախատեսվում է ավարտել 2024թ., գործնականում, հավանաբար, կհաջողվի այն ավարտել մինչեւ 2023թ.։

Ոստիկանապետի տեղակալը նշել է նաեւ զենքի մասին նոր օրենքի պատրաստման (ինչի առնչությամբ քննարկումներ են տեղի ունենում խորհրդարանական հանձնաժողովի հետ), ընտանեկան բռնության դեմ պայքարի, էլեկտրոնային «ապարանջանների» ներդրման աշխատանքները։