Արցախի Հանրապետության ՄԻՊ Գեղամ Ստեփանյանը Ստեփանակերտի զինվորական հոսպիտալում ծանոթացել է մարտի 25-ին Ադրբեջանի կողմից իրականացված հանցավոր գործողությունների հետևանքով վիրավորում ստացած անձանց առողջական վիճակին։

Ստեփանյանի գրառման համաձայն՝ այս պահին, ճշտված տեղեկություններով, 14 անձ ստացել է տարբեր աստիճանի վիրավորումներ։ 10-ը անձանց վիճակը բժիշկների կողմից գնահատվում է թեթև, 1-ը՝ միջին ծանրության, 1-ը՝ ծանր, 2 անձանց վիճակը ծայրահեղ ծանր է։

Վիրավորների հետ ունեցած առանձնազրույցներից պարզվել է, որ վիրավորման գրեթե բոլոր դեպքերը արձանագրվել են Ադրբեջանի զինված ուժերի կողմից անօդաչու թռչող սարքերի կիրառման հետևանքով։

«Հրադադարի պայմաններում զինվորական անձնակազմի նկատմամբ նման գործողությունները ևս պետք է դիտարկվեն որպես հանցագործություններ և միջազգային մարդասիրական իրավունքի կոպտագույն խախտումներ, մանավանդ, որ վիրավորների հետ ունեցած առանձնազրույցրերից պարզ է դարձել, որ նրանցից ոմանք անօդաչու թռչող սարքերով դիտավորյալ թիրախավորվել են այն պահին, երբ փորձում էին առաջին օգնություն ցուցաբերել իրենց վիրավորված ընկերներին։

Սրանից եզրակացնում ենք, որ ադրբեջանական կողմը, ԱԹՍ-ներով անխոչընդոտ դիտարկելու հնարավորություն ունենալով հանդերձ, հարված է հասցրել այն պահին, երբ զինվորականների կողմից իրականացվում էր հումանիտար գործողություն։

Ադրբեջանի ռազմաքաղաքական ղեկավարության կողմից համակարգային կերպով իրականացվող էթնիկ զտման ու ցեղասպանական գործողությունների պայմաններում Արցախի պաշտպանության ուժերը անառարկելիորեն իրականացնում են միջազգային փաստաթղթերով ամրագրված ինքնապաշտպանություն՝ ապահովելու Արցախի ժողովրդի կյանքի և գոյության իրավունքը»,- ասված է ՄԻՊ-ի գրառման մեջ։

Հիշեցնենք՝ այսօր առավոտյան հայտնի դարձավ, որ Ադրբեջանը գիշերվա ընթացքում հարվածային ԱԹՍ է կիրառել, կրակ բացել հայկական ստորաբաժանումների վրա. փոխհրաձգության հետևանքով հայկական կողմում կար վիրավոր:

Կեսօրից սկսած՝ Ադրբեջանի ԶՈՒ ստորաբաժանումները, շարունակելով հրադադարի ռեժիմի կոպտագույն խախտումները, բացի հրաձգային զինատեսակներից, կիրառում են նաև հարվածային անօդաչու թռչող սարքեր, այդ թվում՝ «Bayraktar TB-2» տիպի:

Ֆրանսիան ափսոսանք է հայտնում Լեռնային Ղարաբաղի Փառուխ եւ Խրամորթ բնակավայրերի շրջանում տեղի ունեցած զինված միջադեպերի կապակցությամբ եւ Ադրբեջանի առաջ գնացած զորքերին կոչ է անում վերադառնալ 2020թ․ նոյեմբերի 9-ի կրակի դադարեցման մասին հայտարարության մեջ ամրագրված ելման դիրքեր։ Այս մասին հայտարարել է Ֆրանսիայի արտգործնախարարությունը։

Ֆրանսիայի ԱԳՆ-ն նաեւ մտահոգությամբ է հայտնել Լեռնային Ղարաբաղի բնակչության գազամատակարարման խափանման կապակցությամբ եւ կոչ է արել անհապաղ վերականգնել գազմատակարարումը։

«Եվրոպայի հարցերով եւ արտաքին գործերի նախարարը բարձրացրել է այդ հարցը իր հայ եւ ադրբեջանցի գործընկերների հետ վերջին հանդիպումների ժամանակ եւ կոչ արել հնարավորինս շուտ վերականգնել մատակարարումները, մինչդեռ եղանակային պայմանները մնում են դժվար այնտեղ ապրող մարդկանց համար»,- ասվում է հայտարարության մեջ։

Ֆրանսիան մշտական ​​կապի մեջ է Հայաստանի եւ Ադրբեջանի հետ՝ աջակցելու երկխոսությանն ու տարբեր քննարկվող հարցերի շուրջ առաջընթացին, ասվում է հայտարարության մեջ։

Ռուսաստանի Լիբերալ-դեմոկրատական կուսակցությունում
խոսեցին Ժիրինովսկու վիճակի մասին:

Ռուսաստանի Լիբերալ-դեմոկրատական կուսակցության հիմնադիր-ղեկավար Վլադիմիր Ժիրինովսկին աստիճանաբար ապաքինվում է և վերականգնման կարիք ունի: Այս մասին հայտնում է ՏԱՍՍ-ը՝ հղում անելով Դումայի խմբակցության մամուլի ծառայությանը։

Նրանք նաև ասացին, որ նրա բուժման միջոցների մասին բոլոր անանուն հաղորդագրությունները լուրեր են և չեն համապատասխանում իրականությանը։

«Մենք բազմիցս նշել ենք, որ Վլադիմիր Ժիրինովսկին աստիճանաբար ապաքինվում է, սակայն վերականգնման համար ժամանակ է պետք։ Բժիշկներն են որոշում, թե բուժման որ միջոցն օգտագործեն, մենք նման տվյալներ չենք տարածում», — նշել են մամուլի ծառայությունից։

Լիբերալ-դեմոկրատական ​​կուսակցության ղեկավար Վլադիմիր Ժիրինովսկին փետրվարի 2-ին հոսպիտալացվել է Մոսկվայի Կենտրոնական կլինիկական հիվանդանոց՝ կորոնավիրուսի թեստից դրական արդյունք ստանալուց հետո։ Վերլուծությունները ցույց են տվել, որ Ժիրինովսկին վարակվել է «օմիկրոնով»։ Կուսակցությունից վստահեցրել են, որ, չնայած իրենց ղեկավարի հիվանդությանը, շարունակում են աշխատել «սովորականի պես»։

Ավելի վաղ Լիբերալ-դեմոկրատական ​​կուսակցության մամուլի ծառայության ղեկավար Ալեքսանդր Դյուպինը հայտարարել էր, որ քաղաքական գործչի՝ օդափոխիչին միացնելու մասին տեղեկությունները չեն համապատասխանում իրականությանը, և Ժիրինովսկու վիճակը կայուն է։

Ինչպես ծանոթանալ սոցփաթեթի շրջանակում ծառայություններ մատուցող կազմակերպությունների ցանկին

Ինչպե՞ս ծանոթանալ այն կազմակերպությունների ցանկին, որոնք սոցփաթեթի շրջանակում տրամադրում են ստոմատոլոգիական, մարզաառողջարանային, զբոսաշրջային և այլ ծառայություններ.

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ. ԱՇԽԱՏԱՆՔԻ ԵՎ ՍՈՑԻԱԼԱԿԱՆ ՀԱՐՑԵՐԻ ՆԱԽԱՐԱՐՈՒԹՅՈՒՆ

Սոցիալական փաթեթի հատկացման կարգում իրականացված փոփոխությունների արդյունքում 2021 թվականի դեկտեմբերի 13-ից շահառուն կամ նրա ընտանիքի անմիջական անդամը կարող  են նաև օգտվել մարզա-առողջարանային, սպորտային համալիրների և այլ սպորտային կազմակերպությունների ծառայություններից։

Սոցփաթեթի շրջանակում ծառայություններ մատուցող մարզաառողջարանային հաստատությունների ցանկին կարող եք ծանոթանալ հետևյալ հղմամբ՝ https://bit.ly/3FwyzGt

Հիշեցնենք, որ սոցփաթեթի հատկացման կարգում կատարվել են նաև այլ փոփոխություններ, մասնավորապես՝

• հանվել է սոցփաթեթի ծառայություններից օգտվելու համար նույնականացման քարտը ներկայացնելու պարտադիր պահանջը,
• շահառուների համար նաև սահմանվել է երաշխիք, որոնցով սոցփաթեթի մեկ շահառու կազմակերպությունից մյուսը մեկամսյա ժամկետում աշխատանքի անցնելիս, կպահպանվի սոցփաթեթից օգտվելու իրենց իրավունքը,
• վերանայվել է սոցփաթեթի շահառուների ընտանիքի անմիջական անդամների շրջանակը, համաձայն որի՝ ընտանիքի անմիջական անդամ է համարվում նաև շահառուի ծնողը, որդեգրողը, որդեգրվածը, խնամակալության կամ հոգաբարձության տակ գտնվող անձը, տատը, պապը, թոռը, համատեղ բնակվող եղբայրը և քույրը։