Էդմոն Մարուքյանը նշանակվել է հատուկ հանձնարարություններով դեսպան:

Որոշմանը հետևեց Մարուքյանի ֆեյսբուքյան գրառումը, որում տեղեկացնում է. «Վարչապետ Նիկոլ Փաշինյանի առաջարկությամբ ներգրավվելու եմ Հայաստանի արտաքին քաղաքականության բնագավառում՝ ստանձնելով Հատուկ Հանձնարարություններով Դեսպանի կարգավիճակը…»:

Էդմոն Մարուքյանն իր ֆեյսբուքյան էջում գրել է.

Սիրելի՛ հայրենակիցներ,

Տեղեկացնում եմ, որ վարչապետ Նիկոլ Փաշինյանի առաջարկությամբ ներգրավվելու եմ Հայաստանի արտաքին քաղաքականության բնագավառում՝ ստանձնելով Հատուկ Հանձնարարություններով Դեսպանի կարգավիճակը:

Մեր պետության և տարածաշրջանի համար ստեղծված այս բարդ ժամանակաշրջանում բարձր պատասխանատվությամբ շարունակելու եմ ծառայել Հայաստանի Հանրապետությանը և սպասարկել ազգային-պետական շահերը:

Աստված պահապան Հայաստանի Հանրապետությանը:

Մարուքյանը «Լուսավոր Հայաստան» կուսակցության նախագահն է, նախկին պատգամավոր: Եղել է 2016-ին կազմավորված «Ելք» դաշինքի անդամ` կազմված ԼՀԿ-ից, Նիկոլ Փաշինյանի անդամակցած «Քաղաքացիական պայմանագիր» կուսակցությունից և Արամ Սարգսյանի առաջնորդած «Հանրապետությունից»:

Գարնան կեսին Հայաստանի ավտոճանապարհներին մերկասառույց է։ Հատկապես դժվարանցանելի են Վանաձոր-Ալավերդի, Վանաձոր-Ստեփանավան ավտոճանապարհները և Սպիտակի ոլորանները։
Ձյուն է տեղում նաև Հայաստանի այլ մարզերում։ 

Չնայած եղանակային անակնկալների մասին նախապես զգուշացրել էր ՀՀ ՇՄ նախարարության ‹‹Հիդրոօդերևութաբանության և մոնիթորինգի կենտրոն»-ը, այնուամենայնիվ ճանապարհը սպասարկող կազմակերպությունները անակնալի են եկել և ճանապարհների մաքրությամբ սկսել են զբաղվել կեսօրին մոտ։ Ֆեյսբուքյան օգտատերերը տարբեր ահազագեր են հնչեցրել սոցիալական հարթակում։ Ահազանգերը եղել են Վանաձորից, Վանաձոր-Ալավերդի մայրուղուց, Ստեփանավանից, Արագածոտնից։

Հիդրոօդերևութաբանները զգուշացնում են, որ ձյան տեսքով տեղումները շարունակվելու են մինչև մարտի 20-ը, կանխատեսվում է նաև օդի ջերմաստիճանի նվազում։

cvmedia.am

Ուկրաինական լրատվամիջոցները երկու օր է ակտիվ տեղեկություն են տարածում այն մասին, թե Ռուսաստանը Ուկրաինայի դեմ կռվելու համար զորք է բերում Սիրիայից, Սերբիայից, ինչպես նաև Լեռնային Ղարաբաղից։

Մասնավորապես The  Kyiv Independent-ը հղում անելով Ուկրաինայի Գլխավոր շտաբին գրում է, որ Ռուսաստանը համալրում է իր զորքերը հարձակման համար։

«Առաջին լրատվական»-ի հետ զրույցում Արցախի արտաքին գործեր նախարար Դավիթ Բաբայանը հերքեց  Լեռնային Ղարաբաղից  Ուկրաինայի դեմ կռվելու զորք ուղարկելու մասին տեղեկությունը։ Բաբայանը մասնավորապես նշեց․«Մենք մեր թվիթերյան էջում այդ մասին պաշտոնապես կգրենք, բայց բնական է, որ այդ տեղեկությունը  չի համապատասխանում իրականությանը։ Այն պարզապես կոպիտ դեզինֆորմացիա է։ Արցախից կամավոր չկան»։

Շարունակելով Բաբայանը նշեց․ «Այն, որ կամավորներ կան Սիրիայից, այն էլ Ուկրաինայի կողմից՝ Ռուսաստանի դեմ կռվող, միանշանակ է։ Թուրքիայից այդպիսի գրոհայիններ տեղափոխվել են, դա փաստ է և բոլորն այդ մասին գիտեն։ Բայրաքթարներն էլ են տանում ու չի բացառվում, որ Սիրիայից այնտեղ հենց ռուսական բանակի դեմ կռվողներ  լինեն։ Իսկ Արցախում Սիրիայից գրոհայիններ չկան, որտեղի՞ց լինեն»։

Դիտարկմանը, թե հրապարակումների մեջ կոնկրետ մատնանշվում է Լեռնային Ղարաբաղից զորք ուղարկելու տեղեկությունը, նշեց․«Այդպիսի բան գոյություն չունի»։