Խարկովի բնակիչները հայտնում են, որ գիշերը քաղաքում այրվել է Ուկրաինայի անվտանգության ծառայության շենքը:

***
Բայդենը հայտարարել է, որ ՄԱԿ-ի Գլխավոր ասամբլեայի բանաձեւը վկայում է Պուտինի «մեկուսացման» մասին:

***
Ճապոնիայի, ԱՄՆ-ի և Եվրոպայի բանկերը հակառուսական պատժամիջոցների և Ռուսաստանի կառավարության պատասխանի հնարավոր վնասը գնահատում են 150 միլիարդ դոլար:

***
ՌԴ պաշտպանության նախարարությունը պարզաբանել է, թե ինչ են նշանակում զինտեխնիկայի վրա նշված նշանները։
Z- հաղթանակի հետևից
V- առաջադրանքը կկատարվի / ուժը ճշմարտության մեջ է:

***
Ուկրաինային ուղղված Ռուսաստանի պահանջը չի կարելի կապիտուլյացիա համարել. Լավրով

***
Իսպանիան Ուկրաինա կուղարկի մահաբեր զենք՝ 1370 նռնականետ, 700 հազար փամփուշտ, ինչպես նաև թեթև գնդացիրներ, ասել է պաշտպանության նախարարը РИА новости

***
Զելենսկին հայտնել է Ուկրաինայում «հատուկ գործողության» մեկ շաբաթվա ընթացքում 9 հազար զոհված ռուսների մասին:

***
Ուկրաինական հետախուզության տվյալներով՝ Պուտինը մարտի 4-ից ռազմական դրություն կմտցնի Ռուսաստանի Դաշնությունում:

***

Ռումինիայի ռազմաօդային ուժերի MiG-21 Lancer-ը կործանվել է:

Ռադարից MiG 21 Lancer-ի անհետացումից 40 րոպե անց Ռումինիայի պաշտպանության նախարարությունը հայտնել է երկրորդ ինքնաթիռի կործանման մասին։

***
Պենտագոնը հայտարարել է, որ միջուկային պատերազմը հնարավոր չէ հաղթել և չպետք է սկսել։

***

Ով կփորձի խանգարել մեզ, առավել ևս՝ վտանգ ստեղծել մեր երկրի համար, թող իմանա, որ Ռուսաստանի պատասխանը կլինի ակնթարթային և ձեզ կտանի այնպիսի հետևանքների, որոնց երբեք չեք հանդիպել ձեր պատմության մեջ։ Մենք պատրաստ ենք իրադարձության ցանկացած զարգացման, բոլոր անհրաժեշտ որոշումներն ընդունված են. Պուտին

***
Շվեդիան պնդում է, որ չորս ռուսական կործանիչներ խախտել են իր օդային տարածքը:

***
Եվրոպայում գազի գինը թարմացրել է իր պատմական առավելագույնը՝ հազար խորանարդ մետրի դիմաց հասնելով 2181 դոլարի:

***
Հարավային Կորեայից սմարթֆոններ, լվացքի մեքենաներ, մեքենաներ և այլ սպառողական ապրանքներ կշարունակեն առաքվել Ռուսաստան՝ չնայած ԱՄՆ պատժամիջոցներին:

***
Ուկրաինայից փախստականների թիվը հասել է 1 միլիոնի:

Դեռևս 2019թ-ից սկիզբ է առել Խորեոգրաֆիայի պետական թատրոնի աշխատակազմի աշխատավարձերի չվճարման վեճով դատական գործը (ԵԴ/38173/02/19):

19.07.2021թ առաջին ատյանի դատարանը կայացրեց որոշում հօգուտ աշխատողների, մինչդեռ  ՀՀ Կրթության գիտության մշակույթի և սպորտի նախարարության կողմից դատական ակտը բողոքարկվեց վերաքննիչ դատարան:

Վերաքննիչ վարույթում գործի քննությունը կրկին լուծվեց հօգուտ աշխատողների և մերժվեց նախարարության բողոքը:

Իր որոշմամբ Վերաքննիչ դատարանը ընդգծել է, որ օրենսդիրը պարապուրդի առկայության դեպքում, երբ հիմնավորվում է աշխատողի պարապուրդի մատնված լինելու հանգամանքի մեջ մեղավորության բացակայությունը, գործատուի մեղավորությունը որևէ ձևով չի կարևորվում, քանի որ հակառակ դեպքում պաշտպանված չէր լինի աշխատողների՝ ոչ իրենց մեղքով առաջացած պարապուրդի դիմաց վարձատրություն ստանալու երաշխավորված իրավունքը:

Վերաքննիչ դատարանը հավելեց նաև, որ վիճելի իրավահարաբերության մեջ պարապուրդի առկայությունը ոչ աշխատողների մեղքով առաջացած լինելու փաստի առկայության պայմաններում, Գործատուի մեղքի առկայությունը որևէ էական նշանակություն ունենալ չի կարող, քանի որ իրավահարաբերությունը կարագավորող նյութաիրավական նորմի հիմքում Գործատուի մեղավորության առկայության կամ բացակայության հարցը առհասարկ չի կարևորվում, այլ կերպ ասած նյութաիրավական նորմի կիրառման համար բավարար է միայն պարապուրդի առկայությունը և դրա ոչ աշխատողի մեղքով առաջացած լինելու հանգամանքը:

«Խորեոգրաֆիայի պետական թատրոն» ՊՈԱԿ-ի բոլոր աշխատողների պաշտպանությունը  իրականացնում է «Արա Ղազարյան» իրավաբանական գրասենյակը:

https://m.facebook.com/Ara-Ghazaryan-law-office-108233324342862/

ՀՀ ազգային անվտանգության ծառայության Երևանի քաղաքային վարչության աշխատակիցների իրականացրած տարաբնույթ ու համակարգված օպերատիվ-հետախուզական միջոցառումների արդյունքում պարզվել է, որ առևտրային կազմակերպություն հանդիսացող՝ Երևանի Սուրբ Թերեզայի անվան բժշկական համալսարանի ծառայողները, օտարերկրյա քաղաքացիների օգտին գործողություն կատարելու, այն է՝ նրանց բարձրագույն ուսումնական հաստատության ավարտական դիպլոմներ տրամադրելու համար 2020-2021 թվականների ընթացքում անձամբ կամ միջնորդների միջոցով օտարերկրյա քաղաքացիներից յուրաքանչյուրից ապօրինաբար ստացել են շուրջ 1.450.000 ՀՀ դրամին համարժեք 3.000 ԱՄՆ դոլար կաշառք, որից հետո սահմանված կարգի խախտմամբ կազմակերպել են մի շարք ուսանողների տեղափոխությունը օտարերկրյա բարձրագույն ուսումնական հաստատությունների ավարտական կուրսերից Սուրբ Թերեզայի անվան բժշկական համալսարանի ավարտական կուրս, ապա իրացնելու նպատակով կեղծել և կաշառք տված Հնդկաստանի Հանրապետության հարյուր չորս քաղաքացիների և Բանգլադեշի Ժողովրդական Հանրապետության մեկ քաղաքացու իրացրել են իրավունք վերապահող ակնհայտ կեղծ պաշտոնական փաստաթղթեր՝ Երևանի Սուրբ Թերեզայի անվան բժշկական համալսարանում բարձրագույն կրթություն ստանալու փաստը հավաստող դիպլոմներ:

Առևտրային կաշառք տալու, ստանալու, ինչպես նաև իրացնելու նպատակով պաշտոնական փաստաթղթեր կեղծելու և իրացնելու առերևույթ դեպքերի առթիվ ՀՀ քրեական օրենսգրքի համապատասխան հոդվածներով հարուցվել է քրեական գործ, որը նախաքննություն կատարելու համար ուղարկվել է ՀՀ հակակոռուպցիոն կոմիտե:

Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով՝ դատարանի՝ օրինական ուժի մեջ մտած դատավճռով:

Հայաստանում Կnրnնավիրուսով պայմանավորված` համաճարակային իրավիճակը գնահատվում է կայուն:

Հաշվի առնելով իրավիճակային փոփոխությունը` առողջապահության նախարարությունը նախաձեռնել է սահմանափակումների մեղմացում:

Փակ տարածքներում դիմակ կրելու պարտադիր պահանջը հանվել է, բացառությամբ` բժշկական օգնություն և սպասարկում իրականացնող կազմակերպությունների: Այլ փակ տարածքներում խորհուրդ է տրվում կրել դիմակ՝ փոխելով այն 3-4 ժամը մեկ անգամ` ըստ անհրաժեշտության:

Փոփոխությունն ուժի մեջ է մտնում պաշտոնական հրապարակմանը հաջորդող օրվանից։

Նշենք, որ վերջին 14 օրվա ընթացքում արձանագրվել է հիվանդության 11775 դեպք, ինչը նախորդ նույն ժամանակահատվածի համեմատ (37459 դեպք) նվազել է 69%-ով: Թեստավորման դրական արդյունքների մասնաբաժինը վերջին 14 օրվա ընթացքում կազմել է 18.1%` նախորդ 37.9%-ի փոխարեն:

Հավելենք, որ սահմանափակումների վերաբերյալ առողջապահության նախարարության որոշումները բխում են համաճարակաբանական իրավիճակից և դրանով պայմանավորված` կրկին կարող են վերանայվել:

Գիշերը համեմատաբար հանգիստ է անցել, եթե կարող ենք այդպես ասել։ Այս մասին ArmDaily.am-ի հետ զրույցում ասաց Խարկովում ՀՀ հյուպատոսի օգնական Համլետ Հովհաննիսյանը։

Նա նշեց, որ մարդիկ աշխատում են հիմնականում ապաստարաններից դուրս չգալ, իրենց հետ նախապես մեծ քանակությամբ սնունդ ու անհրաժեշտ պարագաներ են վերցրել։

Հովհաննիսյանը նշեց, որ գիշերվան նախորդող օրը հզոր հարվածներ են հասցվել Խարկովին՝ քաղաքից գրեթե ոչինչ չի մնացել։ «Իրավիճակն անվերահսկելի վատ է, շատ վտանգավոր է ու կան մարդիկ, որ վախը սրտներում քաղաքից փորձում են դուրս գալ»,-ասաց Հովհաննիսյանը։

Նա նշեց, որ այնպիսի տպավորություն է, որ հիմա կռվում են բացառապես խաղաղ բնակչության դեմ։ Ինչ վերաբերում է այս պահին Խարկովում իրավիճակին՝ ՀՀ հյուպատոսի օգնականն ասաց, որ այս պահին խաղաղ է։ «Եթե լռություն է լինում, կարողանում ենք դուրս գալ, բարձրանալ տուն, բայց շատ կարճ ժամանակով։ Սնունդի խնդիր շատ-շատ մարդիկ ունեն, ովքեր մայրերի, երեխաների հետ, հիվանդների հետ են, չեն կարողանում դուրս գալ, ո՞վ պետք է իրենց սնունդ բերի, սննդի խնդիրը շատ սուղ է։ Թիրախն էլ հիմնականում բնակելի տներն են՝ տեսել ենք, թե գիշերն ինչ է կատարվել։ Թիրախում բնակելի շենքերն են, լիքը զոհեր, Խարկովն ուղղակի ավիրել են, բնակելի մի քանի շենքեր գիշերը խփել են»,- տեղեկացրեց ՀՀ հյուպատոսի օգնականը։

ArmDaily.am