Ֆրանսիայի վարչապետ Ժան Կաստեքսը հայտնել է, որ մարտի 14-ից երկրում պատվաստման անձնագրերը կչեղարկվեն, հայտնում է BFMTV-ն։Ներկայումս այդ փաստաթուղթն անհրաժեշտ է սրճարաններ, գրադարաններ, թանգարաններ եւ այլ հասարակական վայրեր այցելելու համար։ Պատվաստման անձնագիրը կշարունակի գործել տրանսպորտում եւ հիվանդանոցներում։ Բացի այդ, բժշկական դիմակ կրելը տարածքների համար ոչ պարտադիր կդառնա, սակայն պահանջը դեռ կգործի հասարակական տրանսպորտում։
Կառավարության ղեկավարի խոսքով՝ երկրում համաճարակաբանական իրավիճակը բարելավվում է, ինչի կապակցությամբ իշխանությունները որոշել են մեղմել կորոնավիրուսից պաշտպանվելու համար նախկինում ձեռնարկված միջոցառումները։
Ֆրանսիայում պատվաստման անձնագրերը ուժի մեջ են մտել 2022թ․ հունվարին։ Փաստաթուղթը տրվել է Եվրամիությունում թույլատրված դեղերի երկու չափաբաժիններով լիարժեք պատվաստման, ինչպես նաեւ խթանող պատվաստման առկայության հիման վրա։
