ՀՀ վարչապետը հարգանքի տուրք է մատուցել Շառլ Ազնավուրի հիշատակին
ՀՀ վարչապետը հարգանքի տուրք է մատուցել Շառլ Ազնավուրի հիշատակին
Ուշադրություն… Հայաստանը գտնվում է ակտիվ ցիկլոնի ազդեցության գոտում. բուք է լինելու
ՈՒՇԱԴՐՈՒԹՅՈՒՆ Հայաստանը գտնվում է ակտիվ ցիկլոնի ազդեցության գոտում։ Մարտի 9-ին` կեսօրից հետո, մարտի 9-ի լույս 10-ի գիշերը և առավոտյան Շիրակում, Լոռիում, Տավուշի նախալեռներում, Արագածոտնի, Կոտայքի, Վայոց ձորի, Արարատի լեռնային գոտիներում, Գեղարքունիքում սպասվում են ձյան առատ տեղումներ, առանձին հատվածներում` բուք, ցածր հորիզոնական տեսանելիություն։
Վարորդներին հորդորում ենք նշված հատվածներ երթևեկել միայն ձմեռային անվադողերով։
Ելիսեյան պալատում տեղի է ունեցել վարչապետ Փաշինյանի և նախագահ Մակրոնի հանդիպումը (տեսանյութ)
Վարչապետ Նիկոլ Փաշինյանը Ելիսեյան պալատում հանդիպում է ունեցել Ֆրանսիայի նախագահ Էմանուել Մակրոնի հետ: Առանձազրույցի ընթացքում զրուցակիցները կարևորել են Փարիզում «Հավակնություններ՝ Հայաստան-Ֆրանսիա» համաժողովի անցկացումը և համոզմունք հայտնել, որ այն նոր ազդակ կհաղորդի տնտեսության, ենթակառուցվածքների, զբոսաշրջության, առողջապահության, կրթության, գիտության և մշակույթի ոլորտներում երկկողմ համագործակցության զարգացմանն ու ընդլայնմանը:
Կողմերն ընդգծել են, որ փոխվստահության և բարեկամության վրա հիմնված հայ-ֆրանսիական փոխգործակցությունն առաջիկայում նոր թափով կզարգանա՝ համատեղ տարբեր նախագծերի քննարկմամբ ու իրականացմամբ: Վարչապետ Փաշինյանը նշել է, որ ՀՀ կառավարությունը շահագրգիռ է ֆրանսիական բիզնեսի՝ հայաստանյան շուկայում ներկայացվածության ընդլայնմամբ:
Կարևորվել է տնտեսության այնպիսի ճյուղերում փոխգործակցությունը, ինչպիսիք են՝ ենթակառուցվածքները, զբոսաշրջությունը, ջրամբարաշինությունը, գյուղատնտեսությունը և այլն: Էմանուել Մակրոնն իր հերթին ընդգծել է բարեկամ Հայաստանի հետ տնտեսական և հումանիտար ոլորտներում կապերը խորացնելու Ֆրանսիայի պատրաստակամությունն ու հետաքրքրվածությունը:
Հանդիպմանը զրուցակիցները քննարկել են նաև Լեռնային Ղարաբաղի շուրջ իրավիճակը: Վարչապետն անթույլատրելի է համարել իրավիճակը լարելու յուրաքանչյուր փորձ և նշել, որ ինչպես Արցախում, այնպես էլ հայ-ադրբեջանական սահմանին Ադրբեջանը շարունակում է սադրիչ գործողությունները, ինչի հետևանքով հայկական կողմը մարտի 7-ին ունեցել է մեկ զոհ և վիրավոր:
Զրուցակիցները կարևորել են ԼՂ հակամարտության համապարփակ կարգավորումը ԵԱՀԿ Մինսկի խմբի համանախագահության շրջանակում և 44-օրյա պատերազմից հետո ստորագրված եռակողմ հայտարարությունների իրականացումը: Նիկոլ Փաշինյանը և Էմանուել Մակրոնն անդրադարձել են նաև միջազգային ասպարեզում տեղի ունեցող գործընթացներին:
Մարզպետը ճանաչողական այցով եղավ «Ինստիգեյթ մոբայլ» ընկերության Վանաձորի մանաճյուղում
Ընկերության ղեկավար Սամվել Պետրոսյանի հրավերով՝ մարզպետ Արամ Խաչատրյանն այցելեց Վանաձորում ինժեներ-ծրագրավորման ոլորտում ավելի քան մեկ տասնամյակ գործունեություն ծավալող «Ինստիգեյթ մոբայլ» ընկերության մասնաճյուղում։
Մարզպետին ուղեկցում էր Լոռու մարզպետարանի զարգացման ծրագրերի, զբոսաշրջության և վերլուծության բաժնի պետ Հասմիկ Մկրտչյանը։ Նրանք շրջեցին գրասենյակում, ծանոթացան ընկերության աշխատանքներին։ 70 աշխատակցից կազմված թիմը տարբեր նախածրագրեր է իրականացնում ավելի քան 80 երկրում։ Հիմնական պատվիրատուներն ԱՄՆ-ից են, Եվրոպական երկրներից, Ռուսաստանի Դաշնությունից։ Աշխատում են նաև տեղական շուկայի համար։
Ծրագրեր են ստեղծում մոբայլ սարքերի, համակարգիչների համար, նախագծում են վեբ-կայքեր, կազմում արհեստական բանականության համար աշխատող ծրագրեր և այլն։
Ընկերությունը նաև ուսումնական կենտրոն ունի, կազմակերպում է ինժեներ-ծրագրավորման անվճար դասընթացներ և աշխատանքով ապահովում սկսնակ մասնագետներին։
Մարզպետին ներկայացվեց, որ թիմի աշխատակիցները հիմնականում լոռեցիներ են, և միջին աշխատավարձն ընկերությունում կազմում է 300․000 դրամ։
Ընկերության ղեկավարը տեղեկացրեց, որ աշխատակազմի ընդլայնման խնդիր ունեն, իսկ վարձակալած տարածքի հնարավորությունները թույլ չեն տալիս նոր նախագծեր մեկնարկել։ Արամ Խաչատրյանը վստահեցրեց, որ մարզպետարանն իր լիազորությունների շրջանակներում կաջակցի ընկերությանը։
Նա շնորհակալություն հայտնեց մասնաճյուղի աշխատակիցներին ներդրված ջանքերի համար՝ ընդգծելով, որ կայացած ընկերությունների և մասնագետների առկայությունը հնարավորություն է տալիս զարգացնելու տեխնոլոգիական ոլորտը և այն հասցնելու որակապես նոր մակարդակի Լոռու մարզում ու նրա սահմաններից դուրս:
Քննարկվեցին նաև հետագա համագործակցության են հետ կապված այլ հարցեր։
Discovery-ն դադարեցնում է հեռարձակումը Ռուսաստանում
Ամերիկյան Discovery ընկերությունը կդադարեցնի իր հեռուստաալիքների հեռարձակումը Ռուսաստանի տարածքում: Այս մասին հայտարարել է Reuters-ը՝ հղում անելով ընկերության տարածած հայտարարությանը:
Variety ամսագրի տվյալով՝ դադարեցվելու է 15 հեռուստաալիքի հեռարձակում, մասնավորապես HGTV, Animal Planet, TLC և Eurosport:
Ավելի վաղ ՌԴ տարածքում հեռարձակումը դադարեցնելու մասին էին հայտարարել ամերիկյան CNN-ը, գերմանական ARD-ը և ZDF-ը, իտալական պետական RAI-ն և մի շարք այլ օտարերկրյա ԶԼՄ-ներ:
Աշխատանքային խորհրդակցություն Լոռու մարզպետարանում
Լոռու մարզպետ Արամ Խաչատրյանը փոխմարզպետներ Գոռ Ասրյանի, Հովհաննես Ավետիսյանի, մարզպետարանի գլխավոր քարտուղար Կամո Աշրաֆյանի, կառուցվածքային ստորաբաժանումների ղեկավարների և այլ պատասխանատու պաշտոնյաների մասնակցությամբ անցկացրեց աշխատանքային խորհրդակցություն:
Մարզի ղեկավարը նախ ներկայացրեց մարզպետի նորանշանակ տեղակալ Հովհաննես Ավետիսյանին (http://lori.mtad.am/structure/bio/508/)՝ նրան մաղթելով աշխատանքային հաջողություններ՝ ի շահ Լոռու մարզի։
Հ․ Ավետիսյանն իր հերթին շնորհակալություն հայտնեց ՀՀ վարչապետ Նիկոլ Փաշինյանին, ՀՀ կառավարությանը և Լոռու մարզպետին՝ վստահության համար՝ հավաստիացնելով, որ ջանք չի խնայելու ուժերի ներածին չափով ծառայելու մարզին և մարզի բնակիչներին։ Ինչպես հայտնի է, ՀՀ Պաշտպանության նախարարի հրամանով ՀՀ պաշտպանության նախարարության հետ սերտ համագործակցության, բանակ-հասարակություն կապի ամրապնդման գործում ունեցած աջակցության համար Լոռու մարզպետարանի մի խումբ աշխատակիցներ (http://lori.mtad.am/news/item/2021/12/02/news3/) արժանացել էին պարգևների: Այսօր մեդալները նրանց փոխանցեց մարզի ղեկավարը՝ շնորհակալություն հայտնելով ծառայության ու թիկունքն ամուր պահելու համար։
Խորհարդակցության ընթաքում քննարկվեցին առանցքային հարցեր մարզում իրականացվող ներդրումային ծրագրերի, գյուղատնտեսական ցուցանիշների, քաղաքաշինության, կրթության, սոցիալական, առողջապահական, հողաշինության, համայնքների սեփական եկամուտների հավաքագրման, մարզում իրականացվող սուբվենցիոն ծրագրերի և 2022թ.-ի համար ներկայացված ծրագրային նախնական հայտերի, երեխաների իրավունքների պաշտպանության հետ կապված և այլն։
Մարզպետը նշեց, որ անհրաժեշտ է հետևողական լինել բոլոր ծրագրերի և գործընթացների հաջող ընթացքն ապահովելու հարցում, որպեսզի արդյունքներն ակնառու լինեն:
Քննարկվեցին ոլորտային այլ խնդիրներ, տրվեցին հանձնարարականներ:
Սպասվում է ձյուն, բուք, ցածր հորիզոնական տեսանելիություն
Հայաստանը գտնվում է ակտիվ ցիկլոնի ազդեցության գոտում։ Այս մասին հայտնում են Հիդրոօդերևութաբանության և մոնիթորինգի կենտրոնից։
Մարտի 9-ին` կեսօրից հետո, մարտի 9-ի լույս 10-ի գիշերը և առավոտյան Շիրակում, Լոռիում, Տավուշի նախալեռներում, Արագածոտնի, Կոտայքի, Վայոց ձորի, Արարատի լեռնային գոտիներում, Գեղարքունիքում սպասվում են ձյան առատ տեղումներ, առանձին հատվածներում` բուք, ցածր հորիզոնական տեսանելիություն։
«Վարորդներին հորդորում ենք նշված հատվածներ երթևեկել միայն ձմեռային անվադողերով»,-ասված է հաղորդագրության մեջ:
Կանանց իրավունքների պաշտպանության միջազգային օրը Վանաձորի տեխնոլոգիական կենտրոնում
Միջոցառումը նախաձեռնել էին ՄԱԿ-ի Բնակչության հիմնադրամը և ՀՀ աշխատանքի և սոցիալական հարցերի նախարարությունը՝ Հայաստանում ՄԱԿ-ի Մշտական համակարգողի գրասենյակի, ՎԻՆՆԵԹ Հայաստան կանանց ռեսուրս կենտրոնների ցանցի, Safe YOU հարթակի, «Ձեռնարկությունների ինկուբատոր» հիմնադրամի և Վանաձորի տեխնոլոգիական կենտրոնի հետ համատեղ։
Միջոցառումներն իրականացվեցին ԵՄ կողմից ֆինանսավորվող «Ապագան այսօր. Կանանց, երիտասարդների և երեխաների հզորացում հանուն Հայաստանում ժողովրդավարության ամրապնդման» ծրագրի շրջանակներում։
ՀՀ վարչապետ Նիկոլ Փաշինյանը ժամանել է Փարիզ
Վարչապետ Նիկոլ Փաշինյանն աշխատանքային այցով ժամանել է Ֆրանսիայի Հանրապետություն՝ Փարիզ: Այս մասին հայտնում են վարչապետի աշխատակազմից։
Վարչապետի գլխավորած կառավարական պատվիրակության կազմում են՝ Արտաքին գործերի նախարար Արարատ Միրզոյանը, Առողջապահության նախարար Անահիտ Ավանեսյանը, Տարածքային կառավարման և ենթակառուցվածքների նախարար Գնել Սանոսյանը, Կրթության, գիտության, մշակույթի և սպորտի նախարարի տեղակալներ՝ Արայիկ Խզմալյանը, Արթուր Մարտիրոսյանը և պաշտոնատար այլ անձինք: Այցի շրջանակում վարչապետը Ելիսեյան պալատում հանդիպում կունենա Ֆրանսիայի նախագահ Էմանուել Մակրոնի հետ: Այնուհետև երկու երկրների առաջնորդները Փարիզում կմասնակցեն «Հավակնություններ՝ Հայաստան- Ֆրանսիա» խորագրով համաժողովին:
Միջոցառման ընթացքում Հայաստանի ու Ֆրանսիայի կառավարությունների անդամները կքննարկեն տարբեր ոլորտներում փոխգործակցության զարգացմանն ու ընդլայնմանը վերաբերող հարցեր: Համաժողովին ելույթներ կունենան վարչապետ Փաշինյանը և նախագահ Մակրոնը:
Հռոմի պապը՝ Ուկրաինայում պատերազմի մասին. Կանգ առեք, աղաչում եմ, նայեք այս դաժանությանը
«Ուկրաինայում արյան եւ արցունքի գետեր են հոսում։ Սա պարզապես ռազմական գործողություն չէ, պատերազմ է, որը տարածում է մահ, ավերածություն եւ թշվառություն»,- այսօր Սուրբ Պետրոսի հրապարակում կիրակնօրյա քարոզի ժամանակ հայտարարել է Հռոմի Ֆրանցիսկոս պապը։ Նա ընդգծել է, որ օրեցօր ավելանում է զոհերի թիվը , ինչպես նաեւ փախստականների, որոնց մեծ մասը կանայք եւ երեխաներ են։
Կաթոլիկ եկեղեցու առաջնորդը հայտարարել է, որ պատրաստ է ամեն ինչ անելու խաղաղության համար։ Նա կոչ է արել ապահովել մարդասիրական միջանցքներ, երաշխավորել կենսական օգնության հասանելիությունը ռումբերի տակ մնացած քաղաքացիներին։
«Պատերազմը խելագարություն է։ Կանգ առեք, աղաչում եմ, նայեք այս դաժանությանը»,- ասել է նա։