Վարչապետ Նիկոլ Փաշինյանն աշխատանքային այցով ժամանել է Ռուսաստանի Դաշնություն:
Կառավարության ղեկավարը Սանկտ Պետերբուրգում կմասնակցի ԱՊՀ մասնակից պետությունների ղեկավարների ոչ պաշտոնական հանդիպմանը:
Այս մասին հայտնում են ՀՀ կառավարության լրատվական ծառայությունից:
Հիշեցնենք՝ ՌԴ նախագահ Վլադիմիր Պուտինի նախաձեռնությամբ այսօր՝ դեկտեմբերի 28-ին, Սանկտ Պետերբուրգում տեղի կունենա Անկախ պետությունների համագործակցության (ԱՊՀ) անդամ երկրների ղեկավարների ավանդական ոչ պաշտոնական հանդիպումը։
