Վանաձորի բժշկական կենտրոնի նորաբաց վերականգնողական բաժանմունքը միակն է տարածաշրջանում

355

Возможно, это изображение (6 человек и люди стоят)

Բաժանմունքի հիմնումն իրականացվել է «Ազնավուր» հիմնադրամի «Համակցված վերականգնողական բուժման ապահովում հետպատերազմյան Հայաստանում» ծրագրի շրջանակներում՝ Ֆրանսիայի արտաքին գործերի և եվրոպական հարցերի նախարարության ճգնաժամային աջակցության կենտրոնի մասնակցությամբ։ Ծրագրի իրականացման համար համագործակցություն է ծավալվել նաև ՀՀ առողջապահության նախարարության, Լոռու մարզպետարանի և Վանաձորի բժշկական կենտրոնի հետ։

Возможно, это изображение (4 человека, люди стоят и в помещении)Լոռու մարզպետը լրագրողների հետ զրույցում կարևորեց մարզում նման բաժանմունքի հիմնումը․

-Նման ծառայության կարիք ունեինք օդ ու ջրի պես՝ հատկապես արցախյան 44-օրյա պատերազմից հետո։ Այժմ արդեն բուժման կարիք ունեցողները ստիպված չեն լինի մեկնել մայրաքաղաք և կսպասարկվեն այստեղ,- ասաց նա։
Քրիստինա Ազնավուրի խոսքով՝ պատերազմից հետո լծվել են բնակչությանն աջակցություն ցուցաբերելու գործին։ Այսպիսով՝ որոշակիորեն կմեղմեն այն մարդկանց ցավը, ովքեր վիրավորվել են, կորցրել են հարազատներ, ծնողներ, որդիներ:
Возможно, это изображение (9 человек, люди сидят, люди стоят и в помещении)
Վերականգնողական բաժանմունքի նպատակն է թիրախավորել միանգամից մի քանի խնդիր՝ հոգեբանական և ֆիզիկական վերականգնողական բուժման հնարավորութուն ստեղծելով շահառուների լայն խմբի համար։ Կենտրոնից կարող են օգտվել բոլոր այն հիվանդներն, ովքեր ունեն վերականգնողական բուժման կարիք։ Ծառայությունների լավագույն որակի ապահովման նպատակով բաժանմունքին տրամադրվել է միջազգային բարձր ստանդարտներին համապատասխանող 12 միավոր վերականգնողական սարքավորում։ Վերապատրաստվել են տեղի 14 մասնագետները։
Վերապատրաստումներ իրականացնելու նպատակով բժիշկների ևս 2 խումբ Ֆրանիսայից Վանաձոր կժամանի մայիսին։

ԹՈՂՆԵԼ ՄԵԿՆԱԲԱՆՈՒԹՅՈՒՆ

Խնդրում ենք մուտքագրել Ձեր մեկնաբանությունը
Խնդրում ենք մուտքագրել ձեր անունը այստեղ