Շիրակի մարզի հյուսիսի ամենահեռավոր գյուղ՝ Շաղիկ, ուղևորվելը ձմռանն էլ, ամռանն էլ հեշտ չէ: Մարզկենտրոն Գյումրիից ընդամենը 41 կմ է հեռու, բայց մեկուսացած է. ձմռանը տևական բքի ու առատ ձյան պատճառով, ամռանը՝ քարուքանդ ճանապարհների: Շաղիկը Կարսի մի մասնիկն է Հայաստանում: Այն Հայաստանին է մնացել 1920-21 թվականներին Կարսի մարզը Թուրքիային անցնելուց հետո: Բայց պատմական նշանակությանը հակառակ, այստեղ զարգացման հեռանկարներ չկան: Մոտ 30 մշտական բնակիչ ունի, դպրոցն էլ փակման վտանգի առջև է:
