Մոտ 20 երկիր կոչ է արել իրենց քաղաքացիների լքել Ուկրաինան

266

Около 20 стран за сутки призвали своих граждан покинуть Украину —  Рамблер/новости

Մասնավորապես, Ուկրաինայից հեռանալու կոչով հանդես են եկել Ավստրալիայի, Մեծ Բրիտանիայի, Լատվիայի, Իսրայելի, Կանադայի, Հունաստանի, Նոր Զելանդիայի, Նիդեռլանդների, Նորվեգիայի, ԱՄՆ-ի, ինչպես նաև Հյուսիսային Մակեդոնիայի, Ֆինլանդիայի, Չեռնոգորիայի, Էստոնիայի, Հարավային Կորեայի, Ճապոնիայի, Բելգիայի, Գերմանիայի և Լիտվայի  իշխանությունները։

Նախօրեին ԱՄՆ նախագահ Ջո Բայդենը փետրվարի 16-ը հայտարարեց Ուկրաինա ռուսական ներխուժման մեկնարկի օր։ Այս ամսաթիվը նա նշել է արեւմտյան երկրների, Եվրամիության եւ ՆԱՏՕ-ի ղեկավարների հետ բանակցությունների ժամանակ։

Սակայն Բայդենի մասին լուրերին գրեթե միաժամանակ Bloomberg գործակալության կայքում հոդված է հրապարակվել, որում ենթադրյալ ներխուժման մեկնարկի ամսաթիվը փետրվարի 15-ն է։ Ըստ «գործին ծանոթ» անանուն աղբյուրների՝ Ռուսաստանի գործողությունները կարող են ներառել սադրանք Դոնբասում կամ հարձակում Կիևի վրա։

Ներխուժման թեմայով խոսել է նաև Միացյալ Նահանգների նախագահի ազգային անվտանգության գծով օգնական Ջեյք Սալիվանը։ Նա վստահություն է հայտնել, որ Ռուսաստանը կարող է ագրեսիվ քայլեր ձեռնարկել Ուկրաինայի դեմ Պեկինի Օլիմպիական խաղերի ժամանակ։ Միաժամանակ նախագահի օգնականն ընդգծել է, որ ԱՄՆ-ը չի պնդում, թե Ռուսաստանը վերջնական որոշում է կայացրել Ուկրաինայի դեմ ուժի կիրառման վերաբերյալ։

Lenta.ru

ԹՈՂՆԵԼ ՄԵԿՆԱԲԱՆՈՒԹՅՈՒՆ

Խնդրում ենք մուտքագրել Ձեր մեկնաբանությունը
Խնդրում ենք մուտքագրել ձեր անունը այստեղ