|
«Համայնքների համախմբման և աջակցության կենտրոն» ՀԿ ղեկավար Օլեգ Դուլգարյանը ֆեյսբուքյան իր էջում գրել է. «Ինչպես բազմիցս նշել եմ, ՀՀ-ում հանքարդյունաբերության ոլորտին հարող ամբողջ օրենսդրությունը բխում է, գործում է միայն հանքարդյունաբերողի շահերից, ի վնաս համայնքի բնակչի։ Հիմա վիճակը էլ ավելի վատացավ։
|
Հայաստանյան բանկերում դոլարի առքի նվազագույն գինը 475 դրամ է, վաճառքինը՝ 482.50։ Դոլարի վաճառքի առավելագույն գինը 484 դրամ է։
Եվրոն բանկերում գնվում է նվազագույնը 534 դրամով, վաճառվում՝ 546 դրամով։ Եվրոյի վաճառքի առավելագույն գինը 554 դրամ է։
Ռուբլու առքի նվազագույն գինը 6.07 դրամ է, վաճառքինը՝ 6.31։ Ռուբլու վաճառքի առավելագույն գինը 6.43 դրամ է։
http://migfm.am/
Հիդրոօդերևութաբանության և մոնիթորինգի կենտրոնից հայտնում են, որ Երևան քաղաքում՝ փետրվարի 14-ի ցերեկը, 16-19-ին սպասվում է առանց տեղումների եղանակ: Փետրվարի 15-ի գիշերը և առավոտյան հնարավոր են թույլ տեղումներ:
Հանրապետության տարածքում`փետրվարի 14-ի ցերեկը, 15-ին առանձին շրջաններում սպասվում են տեղումներ և մառախուղ:
Փետրվարի 16-19-ին սպասվում է առանց տեղումների եղանակ: Քամին՝ հյուսիս-արևելյան 3-6 մ/վրկ, փետրվարի 18-19-ին առանձին շրջաններում սպասվում է քամու ուժգնացում՝ 15-18մ/վրկ:
Օդի ջերմաստիճանը 15-ի ցերեկը կնվազի 2-4, Լոռիում, Տավուշում Սյունիքում և Արցախում 8-10 աստիճանով, 17-19-ին նույնքանով կբարձրանա:
Սույն թվականի փետրվարի 14-ին, տեղական ժամանակով ժամը 21:03-ին (Գրինվիչի ժամանակով ժամը` 17:03-ին) ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 41.15⁰ և արևելյան երկայնության 43.96⁰ աշխարհագրական կոորդինատներով Հայաստան-Վրաստան սահմանային գոտի` Բավրա բնակավայրից 13 կմ հյուսիս-արևելք, օջախի 10 կմ խորությամբ, 3.0 մագնիտուդով երկրաշարժ:
Էպիկենտրոնային գոտում ստորգետնյա ցնցման ուժգնությունը կազմել է 4 բալ:
Երկրաշարժը զգացվել է Շիրակի մարզի Մեծ Սեպասար և Սարագյուղ գյուղերում` 3 բալ ուժգնությամբ:
Երեկ երեկոյան տեղի ունեցած ուժգին երկրաշարժի արդյունքում վնասվել է Մառնեուլիի շրջանի Աղքյորփի գյուղի դպրոցն ու մի քանի տուն։ Այս մասին «Ալիք մեդիայի» հետ զրույցում ասում է Մառնեուլիի սակրեբուլոյի մեծամասնական պատգամավոր Արսեն Հախվերդյանը։
Հախվերդյանի խոսքով՝ այս պահին Մառնեուլիի քաղաքապետի առաջին տեղակալ Ռոի Դեկանոիձեի գլխավորությամբ մի շարք պաշտոնյաներ արդեն գյուղում են և տեղում ծանոթանում են երկրաշարժի հետևանքերին։
Ինչպես պատգամավորն է «Ալիք մեդիային» ասում, հնարավոր է, որ Աղքյորփի գյուղի դպրոցը նորովի կառուցվի, քանի որ վնասները մեծ են:
Հախվերդյանի փոխանցմամբ, գյուղում վնասվել է նաև մոտավորապես 7-8 տուն, որոնց սեփականատերերը վնասի չափը պարզելուց հետո պետության կողմից կստանան փոխհատուցում։
Աղքյորփի գյուղի բնակիչ Մելսիկ Վարդումյանը, ում տունը ևս վնասվել է՝ «Ալիք մեդիայի» հետ զրույցում ասում է, որ արդեն պատկան մարմինների ներկայացուցիչները ծանոթացել են կիրակի օրը տեղի ունեցած երկրաշարժի վնասներին։
«Եկել են, նկարել են տունը, հարցրել են մեր որպիսությունից և վստահեցրել, որ անպայման փոխհատուցում կստանանք»,- ասում է Վարդումյանը։
Նրա խոսքով՝ վնասվել են տան երկու սենյակները, որտեղ առաջացած ճաքերը մոտ 10 սմ լայնության են.
«Այս պահին տանն ենք բնակվում», — ասում է Վարդումյանը՝ հավելելով, որ մասնագետներն ասել են, որ եթե երկրաշարժը 5 վայրկյան երկար տևեր՝ հնարավոր է ամբողջ պատերը փլուզվեին։
Հիշեցնենք, որ երեկ՝ փետրվարի 13-ին, Թբիլիսիի ժամանակով 22:25 -ին Սամեբայի մոտակայքում երկրաշարժ է արձանագրվել։ Վրաստանի սեյսմիկ մոնիտորինգի ազգային կենտրոնի վերջնական տվյալներով՝ երկրաշարժի ուժգնությունը կազմել է 6.2 մագնիտուդ։
Նոր փոփոխություն․ Դպրոցներում կիսամյակային գրավոր աշխատանքներ այլեւս չեն լինելու ՀՀ ԿԳՄՍ փոխնախարար Ժաննա Անդրեասյանը գրել է․ Դպրոցներին են ուղարկվել 2021-2022 ուսումնական տարվա երկրորդ կիսամյակում գնահատման նոր մեթոդական ցուցումները։
Քանի որ ծնողների հետաքրքրությունը մեծ էր, պարզաբանեմ, թե ինչ է փոխվել և ինչպես պետք է գործի միավորային գնահատումը՝ այս կիսամյակից սկսած։ Կիսամյակային գրավոր աշխատանքները դուրս են եկել, միավորային գնահատումն իրականացվելու է հետևյալ ձևերով. ● բանավոր հարցում, ● գործնական աշխատանք, ● նախագծային աշխատանք, ● թեմատիկ աշխատանքներ,
● ամփոփիչ աշխատանք (բացառիկ դեպքերում)։
Մեկ կիսամյակում բանավոր հարցման, գործնական, նախագծային և թեմատիկ աշխատանքների քանակը որոշում է ուսումնական հաստատությունը:
«Արվեստ», «Երաժշտություն», «Կերպարվեստ», «Ֆիզիկական կուլտուրա», «ՆԶՊ», «Տեխնոլոգիա» և «Հասարակագիտություն», «Գրականություն», «Պատմություն» առարկաների դեպքում թեմատիկ աշխատանքները կարող են իրականացվել նաև գործնական աշխատանքի կամ նախագծային աշխատանքի ձևով՝ հիմնվելով հաստատության առարկայական մասնախմբի եզրակացության վրա, մանկավարժական խորհրդի որոշմամբ։
Թեմատիկ աշխատանքները՝ գրավոր, իսկ «Արվեստ», «Երաժշտություն», «Կերպարվեստ», «Ֆիզիկական կուլտուրա», «ՆԶՊ», «Տեխնոլոգիա» և «Հասարակագիտություն», «Գրականություն», «Պատմություն» առարկաների դեպքում գրավոր և գործնական կամ նախագծային աշխատանքի ձևով իրականացնելու անհնարինության դեպքում թեմատիկ աշխատանքները իրականացվում են բանավոր՝ աշխատանքի ամբողջ ընթացքը տեսաձայնագրելու պայմանով:
Բնագիտական առարկաների լաբորատորիաների առկայության դեպքում բնագիտական առարկաների գործնական աշխատանքները կարող են ներառել նաև փորձարարական բաղադրիչ՝ հիմնվելով հաստատության առարկայական մասնախմբի եզրակացության վրա, մանկավարժական խորհրդի որոշմամբ։
Աշակերտի կիսամյակային գնահատականը բոլոր առարկաներից ձևավորվում է հետևյալ կերպ. 1. որոշվում է կիսամյակի ընթացքում միավորային գնահատման բոլոր տեսակներից աշակերտի ստացած գնահատականների միջին թվաբանականը և այն մոտարկվում է ամբողջ թվով:
2. Ստացված ամբողջ թիվը կլինի աշակերտի կիսամյակային գնահատականը: 3. Եթե 12-րդ դասարանում տվյալ ուսումնական առարկայի ուսումնասիրությունն ավարտվում է 1-ին կիսամյակում, ապա այդ առարկայի տարեկան գնահատական համարվում է առաջին կիսամյակի կիսամյակային գնահատականը:
4. Սովորողի տարեկան գնահատականը նրա ստացած երկու կիսամյակային գնահատականների միջին թվաբանականն է: Եթե ստացվածն ամբողջ թիվ չէ, ապա այն մոտարկվում է ամբողջ թվով։
Գործնական և թեմատիկ աշխատանքից բացակայած սովորողն այն կարող է հանձնել մինչև տվյալ կիսամյակի ամփոփումը: Այդ աշխատանքներից սովորողի բացակա լինելը նշելու համար գրվում է «բ» տառը։ Հանձնած աշխատանքի թվանշանը նշանակվում է հանձնման օրը:
Եթե աշակերտը չի հանձնել թեմատիկ և գործնական աշխատանքների առնվազն կեսը, ապա մինչ կիսամյակի ավարտը հանձնում է ամփոփիչ աշխատանք բաց թողած թեմաների մասով և նրա կիսամյակային գնահատականը ձևավորվում է գնահատման բոլոր տեսակներից ստացած գնահատականների միջին թվաբանականով, որը մոտարկվում է ամբողջ թվով:
Ամփոփիչ աշխատանքից բացակայելու դեպքում այն գնահատվում է «0» միավոր:
Լոռու ոստիկաններն ապօրինի ինքնաձիգ և թմրամիջոց են հայտնաբերել. Ոստիկանները խուզարկությամբ ինքնաձիգ, փամփուշտներ ու թմրամիջոցներ են հայտնաբերել…
Ծանուցում: Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Ալավերդիում շենքերից քարեր են թափվել. երկրաշարժը զգացվել է Արագածոտնի, Շիրակի, Լոռու մարզերում 4-5 բալ ուժգնությամբ, Երևանում` 3 բալ:
Սոցցանցերում մարդիկ շարունակում են լուսանկարներ տեղադրել: Հրաչյա Պապիկյանը մի քանի լուսանկար է տեղադրել Ալավերդի քաղաքից:
Փետրվարի 14-ից ԱԻՆ Սեյսմիկ Պաշտպանության մասնագիտական խմբերը հյուսիսային մարզերի բնակավայրերում կիրականացնեն մակրոսեյսմիկ հետազոտություններ՝ երկրաշարժի հնարավոր հետևանքները պարզելու համար։ Այս մասին տեղեկացնում է ՀՀ ԱԻՆ-ը:
