Եվրոպայի չեմպիոն, աշխարհի առաջնության բրոնզե մեդալակիր, աշխարհի անհատական Գավաթի խաղարկության հաղթող, Փարիզի Օլիմպիական խաղերի ուղեգիր նվաճած  Վազգեն Թևանյանը նվաճեց Խորվաթիայի մայրաքաղաք Զագրեբում անցկացվող Ըմբշամարտի միջազգային ֆեդերացիայի վարկանիշային մրցաշարի (ոչ օլիմպիական) հաղթողի կոչումը։

65 կգ քաշային կարգում Վազգեն Թեւանյանի մրցակիցը՝ 2022թ․ աշխարհի չեմպիոն, իրանցի Ռահման Մուսա Ամուզադխալիլին, վնասվածքի պատճառով հրաժարվեց պայքարից:

1/8 եզրափակիչում Թեւանյանը 12:1 հաշվով պարտության էր մատնել Ֆրանսիայի ներկայացուցիչ Խամզատ Արսամերզուեւին, քառորդ եզրափակիչում 5:2 հաշվով հաղթել էր ամերիկացի Ջո ՄաքՔեննային։

Կիսաեզրափակիչում Վազգեն Թեւանյանը 9:1 հաշվով հաղթել էր աշխարհի փոխչեմպիոն, պուերտոռիկացի Սեբաստիան Ռիվերային։

Վազգեն Թեւանյանը Հայաստանի միակ ներկայացուցիչն էր այս մրցաշարում։

Երեքշաբթի, հունվարի 9. «Ղրիմ 24». Ղրիմի Հանրապետությունում Անուշավան Աղաջանյանը նշանակվել է արդյունաբերական քաղաքականության նախարարի պաշտոնում։ Այս մասին ասված է Ղրիմի ղեկավար Սերգեյ Ակսենովի հրամանագրում։

«Назначить Агаджаняна Анушавана Араратовича на государственную должность Республики Крым, замещаемую на профессиональной основе, — министра промышленной политики Республики Крым на срок полномочий Главы Республики Крым», — говорится в тексте документа.

Агаджанян до этого занимал должность первого замминистра экономического развития Республики Крым.

ՀՀ Առողջապահության նախարարությունը տեղեկացնում է, որ գործատուին ՊՇՏ թեստ ներկայացնելու պահանջը հանվել է։

Հայաստանի Հանրապետությունում այժմ կորոնավիրուսային հիվանդությամբ (COVID-19) պայմանավորված համաճարակային իրավիճակը հարաբերականորեն կայուն է, ուստի ուժը կորցրել է աշխատողների աշխատավայր ներկայանալիս ՊՇՌ հետազոտության կամ պատվաստման սերտիֆիկատ յուրաքանչյուր 7 օրը մեկ ներկայացնելու պահանջը:

Բացի այդ, չեղարկվել են անձնակազմի կորոնավիրուսային հիվանդության (COVID-19) ախտորոշման ՊՇՌ հետազոտության վերաբերյալ, անձնակազմի կորոնավիրուսային հիվանդության (COVID-19) դեմ պատվաստումային կարգավիճակի և բժշկական հակացուցումների վերաբերյալ գրանցամատյանների Ձևերը:

Միաժամանակ, թույլատրվել է մի շարք հաստատություններում զանգվածային միջոցառումների (մանկական միջոցառումներ, ֆիլմերի դիտում, սպորտային միջոցառումներ, զվարճանքներ, բեմականացումներ), արտաուսումնական խմբակների իրականացումը՝ ապահովելով առնվազն 1.5 մետր սոցիալական հեռավորության և սանիտարահամաճարակային կանոնների պահպանումը։

Հրամանի փոփոխությունը հրապարակվել է այսօր. նշված փոփոխություններն ուժի մեջ կմտնեն պաշտոնական հրապարակմանը հաջորդող օրվանից։

Ոստիկանության Նաիրիի բաժնի անչափահասների գործերով և ընտանեկան բռնության կանխարգելման բաժանմունքի ծառայողները տեղեկություններ էին ստացել, որ Լոռու մարզի երկու բնակիչ Զովունիի մի կիսակառույց շինությունից գողություն են անում:

Ապրիլի լույս 25-ի գիշերը նույն բաժանմունքի ծառայողները Զովունիում դարանակալել, իսկ կասկածվողների «ԲՄՎ» մակնիշի մեքենան նկատելուց հետո հետապնդել ու կանգնեցրել են մեքենան: Լոռեցի տղամարդիկ, մեքենայով հանդերձ, բերման են ենթարկվել ոստիկանության Նաիրիի բաժին:

Մեքենայում գողոն կար։ Պարզվել է, որ նրանք Զովունի գյուղից և Երևանի Դավիթաշեն թաղամասից շինարարական հենակներ են գողացել:

Բերման ենթարկված տղամարդիկ տվել են խոստովանական բացատրություն:
Տուժողներից ընդունվել է հաղորդում:
Հանգամանքները պարզվում են։

Ապրիլի 18-ից 25-ը մայրաքաղաքում իրականացված ծառայության ընթացքում պարեկային ծառայության Երևանի գնդի ոստիկանները հայտնաբերել են ճանապարհային երթևեկության կանոնների 1829 խախտում՝ պահպանվող հատուկ տարածք տեղափոխելով 214 տրանսպորտային միջոց։ Հայտնաբերվել է ոչ սթափ վիճակում մեքենա վարող՝ 100, առանց վարորդական իրավունքի վկայականի՝ 147 անձ։ 43 տրանսպորտային միջոց շահագործվել է հաշվառման համարանիշերը սահմանված տեղում չփակցված, 12-ը՝ ժամկետանց ժամանակավոր համարանիշերով, 4-ը՝ ստանդարտին չհամապատասխանող համարանիշերով, 2-ը՝ անընթեռնելի համարանիշերով, 122-ը՝ առանց ԱՊՊԱ պայմանագրի, 765-ը՝ տեխնիկական զննություն չանցած։ Բացի այդ, պարեկները ոստիկանության ԵՔՎ տարածքային ստորաբաժանումներ բերման են ենթարկել 40 անձի՝ բացահայտելով հանցագործության դեպքեր։
Նույն ժամանակահատվածում Շիրակի մարզի պարեկները հայտնաբերել են ճանապարհային երթևեկության 638 խախտում՝ պահպանվող հատուկ տարածքներ տեղափոխելով 63 տրանսպորտային միջոց։ Հայտնաբերվել է ոչ սթափ վիճակում մեքենա վարող՝ 19, առանց վարորդական իրավունքի վկայականի՝ 92 անձ։ 3 տրանսպորտային միջոց շահագործվել է հաշվառման համարանիշերը սահմանված տեղում չփակցված, 2-ը՝ ժամկետանց ժամանակավոր համարանիշերով, 3-ը՝ առանց համարանիշերի, 3-ը՝ անընթեռնելի համարանիշերով, 71-ը՝ առանց ԱՊՊԱ պայմանագրի, 206-ը՝ տեխնիկական զննություն չանցած։ Բացի այդ, պարեկները տարածքային ստորաբաժանումներ բերման են ենթարկել 4 անձի։
Նույն ժամանակահատվածում Լոռու մարզի պարեկները հայտնաբերել են ճանապարհային երթևեկության 887 խախտում՝ պահպանվող հատուկ տարածքներ տեղափոխելով 54 տրանսպորտային միջոց։ Հայտնաբերվել է ոչ սթափ վիճակում մեքենա վարող՝ 40, առանց վարորդական իրավունքի վկայականի՝ 78 անձ։ 5 տրանսպորտային միջոց շահագործվել է հաշվառման համարանիշերը սահմանված տեղում չփակցված, 1-ը՝ ժամկետանց ժամանակավոր համարանիշերով, 3-ը՝ առանց համարանիշերի, 1-ը՝ անընթեռնելի համարանիշերով, 74-ը՝ առանց ԱՊՊԱ պայմանագրի, 534-ը՝ տեխնիկական զննություն չանցած։ Բացի այդ, պարեկները տարածքային ստորաբաժանումներ բերման են ենթարկել 16 անձի՝ բացահայտելով ապօրինի ծառահատման դեպքեր։

Ապրիլի 27-ին արտակարգ իրավիճակների նախարարությունում տեղի է ունեցել Ճգնաժամային կառավարման պետական ակադեմիայի շրջանավարտների դիպլոմների հանձնման հանդիսավոր արարողությունը: Մինչ պարգևատրումը՝ ԱԻ նախարար Արմեն Փամբուխչյանը միջոցառման մասնակիցներին ու հյուրերին ներկայացրել է Ալավերդի քաղաքի բնակիչ Ժիրայր Պողոսյանին, ով օրեր առաջ սեփական կյանքը վտանգելով՝ Դեբեդ գետից դուրս էր բերել 2-ամյա փոքրիկին և տեղափոխել Ալավերդու բժշկական կենտրոն:

«Շատ խորհրդանշական եմ համարում հենց այս արարողության ժամանակ պարգևատրել ու շնորհակալություն հայտնել Ժիրայր Պողոսյանին: Այստեղ են ՃԿՊԱ ուսանողները, ովքեր ավարտում են Ակադեմիան և հնարավոր է ընտրեն փրկարարի մասնագիտությունը: Սա վառ օրինակ է, թե ինչպիսին պետք է լինի փրկարարը, ինչպիսի գիտակցում պետք է ունենա մարդը, որպեսզի կարողանա ցուցաբերել նման վարքագիծ»,- նշել է նախարարը:

Ճանապարհային շինարարությամբ զբաղվող Ժիրայր Պողոսյանը չի բացառում, որ գուցե ապագայում որոշում կայացնի համալրել փրկարար ծառայողների շարքերը: Հիմա մի բան է անհանգստացնում՝ երեխայի առողջական վիճակը:

«Գնացել եմ երեխային օգնելու նպատակով: Միակ բանը, որ մտածում էի՝ նրան փրկելն էր: Երբ արդեն գրկումս էր, ձեռքերս դողում էին, թե ինչպես եմ մեքենա վարել՝ չգիտեմ: Պարտք էր, որ կատարեցի: Հիմա միայն երեխայից լավ լուրի եմ սպասում. այսօր կամ վաղն անպայման կայցելեմ նրան»:

Արմեն Փամբուխչյանը տեղեկացրել է, որ երեխան այս պահին գտնվում է «Սուրբ Աստվածամայր» բժշկական կենտրոնում. կա դրական դինամիկա և երեխայի կյանքին վտանգ չի սպառնում:

ԱԻ նախարար Արմեն Փամբուխչյանի հրամանով` ցուցաբերած արիության, խիզախության, կյանքին սպառնացող վտանգի պայմաններում քաղաքացիական պարտքը կատարելու համար Ժիրայր Պողոսյանը պարգևատրվել է «Համագործակցություն հանուն փրկության» մեդալով, արժանացել՝ դրամական պարգևի:

Այսօր՝ ապրիլի 25-ին, ժամը 17։30-ի սահմաններում Ալավերդու Դեբեդ թաղամասի հատվածում գետն է ընկել երկու տարեկան երեխա։ ԱԻՆ հրշեջ-փրկարարական ծառայությունում դեպքը գրանցել են քաղաքացու ահազանգից հետո։

Վարարած գետը երեխային քշել-տարել է մոտ 2 կմ։ Այդ ընթացքում որոնողական աշխատանքները շարունակել են ինչպես փրկարարները, այնպես էլ սովորական քաղաքացիները։ Երեխային գտել և հիվանդանոց է հասցրել մի երիտասարդ։

Մանրամասները՝ Անկյուն+3 ՀԸ տեսանյութում.

ՀՀ ԱԺ «Քաղաքացիական պայմանագիր» խմբակցության անդամ Արեն Մկրտչյանը ֆեյսբուքյան էջում գրել է.

«Ինչպես արդեն հրապարակվել է, այսօր Ալավերդի քաղաքում 2-ամյա աղջիկն ընկել է Դեբեդ գետը։ Երեխայի ընկնելու վայրից մոտ 1,5 -2 կմ հեռավորության վրա Ալավերդի քաղաքի Փիրուզյան թաղամասի բնակիչ, 32-ամյա Ժիրայր Պողոսյանը նկատել է երեխային ու դուրս բերել գետից։

Քիչ առաջ Սանահին Սարահարթ թաղամասում այցելել եմ երեխայի ընտանիքին։ Մինչ այդ այցելել եմ Ալավերդու ԲԿ, որտեղից երեխային տեղափոխել են Վանաձորի ԲԿ։ Ըստ բժիշկների` երեխայի կյանքին վտանգ չի սպառնում։

Երեխան գիտակցության է եկել, սրտի աշխատանքը, սատուրացիան նորմալ է։ Այս պահին բժիշկները շարունակում են հետազոտությունը, Երևանից Վանաձոր է հասել շտապօգնության ևս մեկ բրիգադ։