«Առաջին Բիզնես Դպրոց»-ի հրավերով՝ հատուկ դասընթացի շրջանակում, Վիվա-ՄՏՍ-ի գլխավոր տնօրեն Ռալֆ Յիրիկյանն ուսանողներին ներկայացրել է իր փորձն ու գիտելիքները՝ գործարար առաջնորդության ու կառավարման ոլորտներում:

«Առաջին Բիզնես Դպրոցը», որը ՀՀ-ում գործում է 2014 թ.-ից, նպատակ է հետապնդում զարգացնել ՀՀ բիզնես միջավայրը՝ հատկապես որակյալ և մրցունակ կադրեր պատրաստելու և նոր ստարտափեր ստեղծելու միջոցով։

«Առաջին Բիզնես Դպրոց»-ի շրջանավարտներից շատերն արդեն զբաղվում են ձեռնարկատիրությամբ կամ աշխատում են մասնագիտական ոլորտում: Դա բանախոսին թույլ տվեց թեման ներկայացնել համակողմանիորեն, անդրադառնալ առաջնորդության ու կառավարման հմտությունների լայն շրջանակի, ինչպես նաև բերել կոնկրետ օրինակներ:

Ռալֆ Յիրիկյանն անդրադարձել է ժամանակակից ընկերությունների հաջողության հիմքում ընկած հիմնական մոտեցումներին և սկզբունքներին՝ Վիվա-ՄՏՍ-ի օրինակով: Դասախոսության ընթացքում Վիվա-ՄՏՍ-ի գլխավոր տնօրենը նաև անդրադարձել է մարքեթինգային ճկուն քաղաքականություն ունենալու կարևորությանն ու նորարարությանը՝ տեխնոլոգիաների ու կորպորատիվ կառավարման ոլորտներում:

«Վիվա-ՄՏՍ-ը մեծ ուշադրություն է դարձնում առաջարկվող ծառայությունների բազմազանությանը: Յուրաքանչյուր անհատ ու կազմակերպություն կարող է գտնել իր բյուջեին, պահանջներին, նախասիրություններին համապատասխանող սակագնային պլան կամ փաթեթ, որում կարող է համադրել ձայնային ու ինտերնետային այս կամ այն ծառայությունը, բազմապիսի հավելվածները: Սա գնահատվում է մեր բաժանորդների կողմից, ինչն ակնհայտ է դառնում բաժանորդի գոհունակության գնահատմանն ուղղված հետազոտությունների արդյունքում»,- ասել է Ռալֆ Յիրիկյանը:

Վիվա-ՄՏՍ-ի գլխավոր տնօրենը նաև անդրադարձել է Վիվա-ՄՏՍ-ի գործունեությունը՝ ներկայացնելով հեռահաղորդակցության ու թվային համալիր ծառայությունների զարգացմանն ուղղված աշխատանքները, հաջողված փորձն ու ձեռքբերումները:

«Մենք գնահատեցինք հնարավորություններն ու ռիսկերը և բռնեցինք թվային փոխակերպման ճանապարհը: Վիվա-ՄՏՍ-ը հետզհետե վերածվում է տեխնոլոգիական` ՏՀՏ ընկերության: Համաշխարհային միտումներին համահունչ՝ բջջային օպերատորը շարժվում է թվակերպման ուղղությամբ: Թվային փոխակերպումն այլևս անդառնալի գործընթաց է այն բանից հետո, երբ ընկերությունն ընտրություն կատարեց հօգուտ «smart pipe» (խելացի խողովակ), այլ ոչ՝ «dumb pipe» (կույր խողովակ) հայեցակարգի»:

ՀՀ հակակոռուպցիոն կոմիտեում քննված քրեական գործի նախաքննությամբ բացահայտվել են ՀՀ աշխատանքի և սոցիալական հարցերի նախարարության Տաշիրի տարածքային կենտրոնի ավագ սոցիալական աշխատող Ա. Իսրայելյանի կողմից անապահովության գնահատման համակարգում հաշվառված մի շարք քաղաքացիներից ապօրինի վարձատրություն ստանալու դեպքեր:

Քրեական գործով ձեռք բերված բավարար ապացույցների համակցությամբ հիմնավորվել է, որ Ա. Իսրայելյանը տարբեր անձանցից ապօրինի վարձատրություն ստանալու դիտավորությամբ իրեն ամրակցված տարածքում բնակվող և անապահովության գնահատման համակարգում ընտանեկան նպաստի իրավունքով հաշվառված 5 անձանց օգտին 2020-2021 թվականների ընթացքում կատարել է ակնհայտ ապօրինի գործողություններ:

Մասնավորապես` նրանց ընտանիքների անապահովության սահմանային մեծության միավորից բարձր միավոր ապահովելու նպատակով` նպաստառուների կողմից ներկայացված փաստաթղթերի և կատարված ուսումնասիրության արդյունքներով անտեսել է հերթական փաստագրման համար անհրաժեշտ հիմքերի բացակայության հանգամանքը, նպաստի գործերում և ընտանիքների սոցիալական անձնագրերում չի կատարել համապատասխան փոփոխություններ, հիշյալ ընտանիքներին ներառել անապահովության գնահատման համակարգում, ինչի արդյունքում վերջիններս անհիմն ստացել են ընտանեկան նպաստ: Դրա դիմաց Ա. Իսրայելյանը հիշյալ անձանցից յուրաքանչյուրից 2020-2021 թվականների ընթացքում ստացել է 5-20 հազար ՀՀ դրամի չափով ապօրինի վարձատրություն:

Վերը նշված հանցավոր արարքների կատարման համար Ա. Իսրայելյանին մեղադրանք է առաջադրվել ՀՀ քրեական օրենսգրքի 311.1-ին հոդվածի 2-րդ մասով:

Ա. Իսրայելյանի վերաբերյալ քրեական գործի նախաքննությունն ավարտվել է: Գործը մեղադրական եզրակացությամբ ուղարկվել է հսկողություն իրականացնող դատախազին` այն հաստատելու և դատարան ուղարկելու միջնորդությամբ:

Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: 

«Այդքան չզբաղված երիտասարդներ աշխատաշուկայում, դա լուրջ խնդիր է։ Առաջին կոմպոնենտներից մեկը կրթական ոլորտի անկատար լինելն է»։

ՄԱՀՀԻ ասոցացված անդամ, ժողովրդագրագետ Արտակ Մարկոսյանը «Ա1+»-ի հետ հարցազրույցում անդրադարձավ օրերս ՄԱԿ-ի բնակչության հիմնադրամի կողմից ներկայացված թվերին՝ ըստ որի Հայաստանը ոչնչով չզբաղվող երիտասարդների թվով աշխարհում առաջին տեղում է։

Փորձագետի խոսքով՝ կուտակված խնդիրները սկսել են ավելի ցայտուն դրսևորվել։

«Դրա համար մենք այսօրվանից պետք է պատրաստվենք։ Մեր միգրացիոն օրենսդրության քաղաքականությունը պետք է համապատասխանեցնենք ներկա իրավիճակին»,-ասում է Մարկոսյանը։

Խոսելով զորակոչիկների թվի մասին, Արտակ Մարկոսյանն ընդգծում է՝ զորակոչային տարիքի երիտասարդների թվի անկում այլևս չի լինի․ երկիրը ծնունդների ամենափոքր թվի շեմն արդեն անցել է։

Փորձագետը զգուշացնում է ՝պետք է որդեգրել այլ քաղաքականություն։ Ռուսաստանում ապրում է ամենամեծ հայկական սփյուռքը մոտ՝ 1մլն 130․000 հայ ազգաբնակչություն։ Սանկցիաները սկսելու են ազդել․ պետք է պատրաստ լինենք մեր հայրենակիցների վերադարձին։  Նա առաջիկա 30 տարիներին հնարավոր է համարում նաև Հայաստանում էթնիկ կազմի փոփոխություն։

Խոսելով 2022 թվականի հոկտեմբերի առաջին տասնօրյակում սպասվող մարդահամարի մասին, ժողովրդագրագետը նշում է, որ այն պատասխանելու է շատ հարցերին, քանի որ ներկայիս 2 մլն 963 հազար մշտական բնակության թիվը հասկանալի է, որ հնարավոր է չի համապատասխանում իրականությանը։ Վերջին 3-4 տարիներին ակտիվացել է ներքին միգրացիան՝ նշում է նա։

Ապրիլի 4-ի` ժամը 11:00-ի դրությամբ,
✓ 7 նոր դեպք
✓ 2048 թեստավորում
✓ 18 առողջացած
✓ մահվան դեպք չի արձանագրվել

Այսպիսով, հաստատվել է կորոնավիրուսային հիվանդության ընդհանուր
422581 դեպք, որոնցից 410124 առողջացած: Փաստացի բուժում է ստանում 2162
պացիենտ:

Ընդհանուր առմամբ, կորոնավիրուսի հետևանքով 8617 մահվան դեպք է արձանագրվել: Այլ հիվանդության պատճառով մահվան դեպքերի ընդհանուր թիվը 1678 է:

Ընդհանուր կատարվել է 2983263 թեստավորում:

Առողջապահության նախարարություն

Մայրաքաղաքում այսօր ցերեկը, ապրիլի 5-ին, 6-ի գիշերը, 9-ին սպասվում է առանց տեղումների եղանակ: Ապրիլի 6-ի ցերեկը, 7-ին, 8-ին սպասվում է անձրև։ Ապրիլի 4-6-ը, 8-ին սպասվում է քամու ուժգնացում՝ 15-18մ/վ արագությամբ:

Մարզերում այսօր ցերեկը, ապրիլի 5-ին, 6-ի գիշերը սպասվում է առանց տեղումների եղանակ: Ապրիլի 6-ի ցերեկը, 7-ին, 8-ի ցերեկը շրջանների զգալի մասում, 9-ին առանձին շրաջններում սպասվում է անձրև, առանձին հատվածներում նաև՝ ամպրոպ:

Քամին՝ հարավ-արևմտյան 2-5մ/վ, ապրիլի 4-6-ը, 8-ին առանձին շրջաններում սպասվում է քամու ուժգնացում՝ 18-23մ/վ արագությամբ: Օդի ջերմաստիճանն ապրիլի 4-8-ի ցերեկն աստիճանաբար կնվազի 6-8 աստիճանով:

Ապրիլից մեկնարկել են ՀՀ միջպետական և հանրապետական նշանակության ճանապարհների փոսային նորոգման և ճաքերի մշակման աշխատանքները։

Հետևյալ տարածաշրջաններում փոսային նորոգման և ճաքերի մշակման աշխատանքների ավարտման վերջնաժամկետ սահմանվել է 2022թ. մայիսի 1-ը՝

• Դիլիջանի տարածաշրջան
• Արմավիրի տարածաշրջան
• Վայքի տարածաշրջան
• Տավուշի տարածաշրջան
• Նաիրիի տարածաշրջան
•  Աշտարակի տարածաշրջան
•  Թալինի տարածաշրջան
• Արտաշատի տարածաշրջան
• Արարատի տարածաշրջան
• Էջմիածնի տարածաշրջան
• Իջևանի տարածաշրջան
• Եղեգնաձորի տարածաշրջան
• Թումանյանի տարածաշրջան
• Բաղրամյանի տարածաշրջան
• Նոյեմբերյանի տարածաշրջան
• Մասիսի տարածաշրջան
• Մեղրիի տարածաշրջան
• Կապանի տարածաշրջան
• Գուգարքի տարածաշրջան
• Աբովյանի տարածաշրջան

Ստորև նշված տարածաշրջաններում փոսային նորոգման և ճաքերի մշակման աշխատանքների ավարտման վերջնաժամկետ է սահմանվել 2022թ. հունիսի 1-ը՝

• Անիի տարածաշրջան
• Ապարանի տարածաշրջան
• Արթիկի տարածաշրջան
• Մարտունիի տարածաշրջան
• Սևանի տարածաշրջան
• Վարդենիսի տարածաշրջան
• Գավառի տարածաշրջան
• Սիսիանի տարածաշրջան
• Ամասիայի տարածաշրջան
•  Ճամբարակի տարածաշրջան
•  Սպիտակի տարածաշրջան
•  Հրազդանի տարածաշրջան
•  Ստեփանավանի տարածաշրջան
•  Տաշիրի տարածաշրջան
• Ախուրյանի տարածաշրջան
•  Աշոցքի տարածաշրջան
• Արագածի տարածաշրջան
• Գորիսի տարածաշրջան

Նշված գործընթացն իրականացվում է միջպետական և հանրապետական նշանակության ավտոմոբիլային ճանապարհների երթևեկելի մասի ընթացիկ ամառային պահպանման աշխատանքների շրջանակներում։

Հայաստանի Ազգային ժողովի նախագահ Ալեն Սիմոնյանն ապրիլի 3-ին ընդունել է Իտալիայի Հանրապետության արտաքին գործերի եւ միջազգային համագործակցության նախարար Լուիջի Դի Մայոյին:

Հանդիպմանը փոխադարձաբար կարեւորվել է Հայաստան-Եվրամիություն Համապարփակ եւ ընդլայնված գործընկերության համաձայնագրի ուժի մեջ մտնելը, որը կարող է նպաստել նաեւ երկկողմ տնտեսական հարաբերությունների զարգացմանն ու ամրապնդմանը:

Անդրադառնալով 44-օրյա պատերազմին եւ դրա հետեւանքներին՝ ՀՀ ԱԺ նախագահը նշել է, որ ԼՂ հիմնախնդրի վերջնական ու արդարացի լուծումը ԵԱՀԿ Մինսկի խմբի համանախագահության շրջանակում պետք է լինի: Խորհրդարանի ղեկավարն իտալացի նախարարին է փոխանցել իր երախտագիտությունն Արցախի եւ նրա ժողովրդի պաշտպանության համար Իտալիայի մոտ 50 շրջանային ու քաղաքային խորհուրդների ընդունած բանաձեւերի եւ հայտարարությունների համար: Այս համատեքստում Ալեն Սիմոնյանն առանձնացրել է 2021 թ. մարտի 2-ին Իտալիայի Պատգամավորների պալատի ընդունած բանաձեւը, որով Ադրբեջանին կոչ է արվում ազատ արձակել հայ ռազմագերիներին:

Կողմերն անդրադարձել են Հայաստան-Իտալիա բազմաբեւեռ համագործակցության անհրաժեշտությանը՝ այդ հարցում առանցքային համարելով խորհրդարանական դիվանագիտությունը: Ալեն Սիմոնյանը տպավորիչ է որակել այն հանգամանքը, որ Իտալիայի խորհրդարանում բացի Հայաստանի հետ բարեկամության խմբից Միջխորհրդարանական միության շրջանակում գործում է նաեւ Իտալիա-Հայաստան բարեկամության երկկողմ հարաբերությունների բաժինը:

Հանդիպման ավարտին ՀՀ ԱԺ նախագահը ողջույններ է փոխանցել իր իտալացի գործընկերոջը: Նա հույս է հայտնել, որ Իտալիայի Պատգամավորների պալատի նախագահ Ռոբերտո Ֆիկոյի՝ Հայաստան ծրագրված այցն առաջիկայում կլինի եւ հայ-իտալական միջխորհրդարանական աշխույժ ու բարեկամական հարաբերությունները կշարունակեն զարգանալ:

Մալխաս Ամոյանը Եվրոպայի չեմպիոն է…

Բուդապեշտում ընթացող հունահռnմեական ոճի ըմբշամարտի Եվրոպայի առաջնությունում հունահռոմեական ոճի ըմբիշ Մալխաս Ամոյանը 4-3 հաշվով հաղթեց թուրք ըմբիշին ու դարձավ Եվրոպայի չեմպիոն։

60 կգ քաշային Գևորգ Ղարիբյանը կպայքարի բրոնզի համար, իսկ 55 կգ քաշային Ռnւդիկ Մկրտչյանն արդեն նվաճել է բրոնզե մեդալ։

Ի՞նչ է ուզում Ադրբեջանը, և ի՞նչ է անում Հայաստանը. պատերազմ՝ խաղաղության սպասումով: ԱԺ տարբեր խմբակցությունների ներկայացուցիչները՝ պատերազմող երկրում խաղաղության դարաշրջան բացելու մասին: Հայաստանը սպասում է միջազգային հանրության գնահատականին և ռուսխաղաղապահների հնարավոր անգործության հետաքննությանը: Ինչպես 100 տարի առաջ, հիմա էլ Հայոց հարցը «զոհաբերվում է Եվրոպական դիվանագիտության զոհասեղանին»: Իսկ ի՞նչ են անում արցախցիները. ցավով նայում են ադրբեջանցիների՝ իրենց երբեմնի բնակարաններում արված տեսանյութերին: Դպրոցը թշնամու նշանառության տակ է. տեսանյութ Երասխից, որտեղ բոլորը՝ մեծից փոքր, սահմանապահ են: Ադրբեջանական դիրքերը՝ կոթեցիների աչքի առաջ: Կոթին Տավուշի մարզի այն գյուղերից է, որը գրեթե ամբողջությամբ գտնվում է հակառակորդի դիտակետերի տակ: Տեսանյութ՝ Սյունիքից, սահմանամերձ Խնածախ համայնքից: Սյունիքում անվտանգության խնդիրը շարունակում է մնալ առաջնահերթ։ Ի՞նչ է արվում սահմանամերձ բնակավայրերի պաշտպանության համար, որտեղ ապրող մարդիկ ևս պնդում են՝ պատրաստ են պաշտպանել իրենց տունն ու հայրենիքը: Թողարկումն ամբողջությամբ այսօր, ժամը 21:00 -ին: