Հայաստանի Հյուսիս-արևելյան սահմանին գտնվող Կոթի գյուղը շուրջ 38 կմ սահմանագծով սահմանակից է ադրբեջանական մի քանի գյուղերի: Գյուղն ամբողջությամբ գտնվում է ադրբեջանական դիտակետերի հսկողության տակ: Կոթիում գրեթե միշտ կրակոցներ են եղել: Կոթեցիները անվտանգ չեն նաև իրենց տներում: Արցախաադրբեջանական սահմանին անընհատ կրակոցներն ու անհանգիստ վիճակն իրենց համար էլ անհանգստացնող է, ինչպես բոլորիս համար, բայց լրացուցիչ անհանգստություն չունեն, իրենք անսասան են հայրենի հողում։

Ապրիլի 3-ից 5-ը ԱԻՆ ՓԾ ճգնաժամային կառավարման ազգային կենտրոնում 11 ահազանգ է ստացվել հանրապետության տարբեր տարածքներում արգելափակված ավտոմեքենաների վերաբերյալ:

Մասնավորապես՝ Արագածոտնի մարզի Ապարան և Լոռու մարզի Վանաձոր, Սպիտակ, Տավուշի մարզի Իջևան, Կոտայքի մարզի Հրազդան, Գեղարքունիքի մարզի Մարտունի քաղաքներում, Ազատ, Շիրակի մարզի Զույգաղբյուր գյուղերում, Սյունիքի մարզի Կապան-Տաթև ավտոճանապարհին։

Արտակարգ իրավիճակների նախարարության փոխանցմամբ՝ դեպքի վայր ժամանած փրկարարներն արգելափակումից դուրս են բերել 12 ավտոմեքենա և 15 քաղաքացու ցուցաբերել համապատասխան օգնություն։

Շուկայի ազատականացման և էլեկտրաէներգիայի առևտրի ծրագրի շնորհանդեսին բացման խոսքով հանդես եկավ ՏԿԵ նախարար Գնել Սանոսյանը։

Նախարարը կարևորեց էներգետիկ շուկայի ազատականացման ուղղությամբ տարվող աշխատանքները և շնորհակալություն հայտնեց նման նախաձեռնության համար։

Հանրային ծառայությունները կարգավորող հանձնաժողովի նախագահ Գարեգին Բաղրամյանն էլ պահը պատմական համարեց՝ էներգետիկական շուկայի ազատականացման համատեքստում և շնորհակալություն հայտնեց բարեփոխումների ընթացքում ներդրում ունեցած միջազգային գործընկերներին։

Գարեգին Բաղրամյանը տեղեկացրեց, որ էներգետիկական շուկայում արդեն իսկ հայտնվել են 6 ընկերություննր, որոնք կապահովեն մրցակցային դաշտ։

ԱՄՆ ՄԶԳ հայաստանյան առաքելությության տնօրեն Ջոն Ալլերլոյի խոսքով՝ Հայաստանը էներգետիկ շուկան կայուն է և իրենք շահագրգռված են աջակցել այս գործին։

«Առաջին անգամ է, որ շուկայի մասնակիցները ապահովելու են շուկայի ազատականացումը։ ԱՄՆ-ը սատարում է Հայաստանում երկարաժամկետ էներգետիկ կայուն շուկայի մեկնարկը՝ ավելացնելով նաև էներգետիկ անվտանգությունը։ ԱՄՆ կառավարությունը և մենք ակնկալում ենք, որ նոր ծրագիր կներդնենք»,-ասաց Ջոն Ալլելոն և շնորհակալություն հայտնեց ՀՀ կառավարությանը, ՏԿԵ նախարարին և ՀԾԿՀ-ին համատեղ աշխատանքի համար։

Ելույթով հանդես եկավ նաև Էլեկտրաէներգետիկական շուկայի օպերատորի գլխավոր տնօրեն Մեսրոպ Մեսրոպյանը, ով ևս կարևորեց շուկայի ազատականացումը։

Մեսրոպ Մեսրոպյանը հիշեցրեց, որ այն բաժանորդները, ովքեր տարեկան 1 միլիոն կիլովատ ժամ էլեկտրաէներգիա են օգտագործում,  պետք է օգտվեն այլ մատակարարից, հակառակ դեպքում՝ պետք է վճարեն ՀԷՑ-ի ամենաթանկ սակագինը։

Մեսրոպ Մեսրոպյանն իր խոսքում անդրադարձավ ոլորտի խնդիրներներին և կրկին շնորհակալություն հայտնեց ներկաներին ԱՄՆ ՄԶՇ շուկայի ազատականացման և էլեկտրաէներգիայի առևտրի ծրագրի ղեկավարը պրեզենտացիա ներկայացրեց։

Հայաստանում ԱՄՆ դեսպան Լին Թրեյսին հանդիպել է 2020 և 2021թթ․ գերեվարված հայ զինծառայողների ազգականներին․ հանդիպմանը ներկա են եղել և՛ անհայտ կորածների, և՛ Ադրբեջանում երկարատև ազատազրկման դատապարտված զինծառայողների ազգականներ։

ԱՄՆ դեսպանության էջը հայտնում է, որ քննարկման առանցքում մարդու իրավունքների հարցերն էին, այդ թվում՝ հրադադարի մասին 2020թ․ նոյեմբերին Հայաստանի, Ադրբեջանի և Ռուսաստանի եռակողմ հայտարարության 8-րդ կետը՝ ռազմագերիների, պատանդների և պահվող այլ անձանց ու մահացածների մարմինների փոխանակման մասին, և Ժնևյան կոնվենցիան։

«Մենք կոչ ենք անում ազատ արձակել բոլոր բանտարկյալներին և, հաշվի առնելով հարազատների գտնվելու վայրի ու ճակատագրի մասին տեղեկություններ չունեցող ընտանիքների ցավը, մեծացնել ջանքերը՝ միտված անհայտ կորած զինծառայողների մասին (այդ թվում՝ 1990-ականներից) տեղեկություններ ձեռք բերելուն»,-նշված է դեսպանության էջում:

ՄԱԿ-ի Անվտանգության խորհրդի նիստը, որը հրավիրվել է ինչպես Ռուսաստանի, այնպես էլ Ուկրաինայի խնդրանքին համապատասխան, նախատեսված է երեքշաբթի՝ ապրիլի 5-ին, ժամը 10:00-ին (ՀՀ ժամանակով 18:00-ին): Համապատասխան տեղեկատվությունը ներկայացված է ՄԱԿ-ի Անվտանգության խորհրդի աշխատանքային ծրագրում։

Ավելի վաղ Ռուսաստանը Ուկրաինայի Բուչա քաղաքում տիրող իրավիճակի հարցով առանձին հանդիպում էր խնդրել երկուշաբթի օրը՝ ապրիլի 4-ին, ժամը 15:00-ին (ՀՀ ժամանակով 23:00-ին):  Ուկրաինայի՝ ավելի վաղ ուղարկված  խնդրանքով էլ հանդիպումը նախատեսված էր ապրիլի 5-ին։

Անվտանգության խորհրդի աշխատանքային ծրագրի վերաբերյալ վերջնական որոշումը նախագահը կայացնում է ամեն  ամիս՝ ըստ հարցերի հրատապության։ Ապրիլից այս պաշտոնը զբաղեցնում է Մեծ Բրիտանիան։

Մեծ Բրիտանիայի մշտական ներկայացուցիչը հայտարարել է, որ Բուչայի հարցով ՄԱԿ-ի Անվտանգության խորհրդի նիստը տեղի կունենա ապրիլի 5-ին՝ լրացուցիչ տեղեկություններ ստանալու և գլխավոր քարտուղարին լսելու նպատակով։

«Որոշման մի մասն ընդունվել է, քանի որ կներգրավվի գլխավոր քարտուղարը, կլինեն նաև ՄԱԿ-ի այլ բարձրաստիճան ներկայացուցիչներ, այդ թվում՝ հումանիտար հարցերով գլխավոր քարտուղարի տեղակալ Մարտին Գրիֆիթսը, ով մեկնում է Կիև, ուստի, կարծում եմ, մենք կունենանք շատ ավելի տեղեկատվական հանդիպում վաղը, որը ռուսական ապատեղեկատվությանը հակազդելու հիմնական միջոցն է»,- ասել է  նա։

Նշենք, որ Ուկրաինայի իշխանություններն ու լրատվամիջոցները հրապարակել են տեսանյութ և լուսանկարներ, որոնք արվել են Կիևի մարզի Բուչա քաղաքում, որտեղ մահացած տասնյակ մարդկանց դիերն ուղղակիորեն ընկած են ճանապարհի տարբեր կողմերում։ Ե՛վ Ուկրաինան, և՛ Ռուսաստանը պահանջել են ՄԱԿ-ի Անվտանգության խորհրդի արտահերթ նիստ հրավիրել՝ քննարկելու Բուչայի իրադարձությունները, որոնք նրանք տարբեր կերպ են նկարագրում։

ՄԱԿ-ի գլխավոր քարտուղար Անտոնիո Գուտերեշը՝ սարսափազդու որակելով հրապարակված կադրերը, հայտարարել է, որ նկարներում քաղաքացիական անձանց դիեր են, ռուսական կողմն էլ լուսանկարները շինծու , տեսարանն էլ՝ բեմադրված է որակել ու մեկ անգամ ևս հայտարարել, որ ՌԴ զինված ուժերը քաղաքացիների ու քաղաքացիական օբյեկտների չեն թիրախավորում: