Երևան քաղաքում՝

Ապրիլի 09-ի ցերեկը, 10-11-ին, 12-13-ի գիշերը, 14-ին սպասվում է առանց տեղումների եղանակ: 12-13-ի ցերեկը սպասվում է անձրև: Ապրիլի 11-13-ին սպասվում է քամու ուժգնացում՝ 16-20 մ/վ արագությամբ:

Հանրապետության տարածքում`

Ապրիլի 09-ի ցերեկը, 12-ին առանձին շրջաններում, 13-ին առավոտյան և ցերեկը՝ շրջանների զգալի մասում սպասվում է անձրև, առանձին հատվածներում նաև ամպրոպ: Ապրիլի 10-11-ին, 13-իր գիշերը, 14-ին սպասվում է առանց տեղումների եղանակ:

Քամին՝ արևմտյան 3-6 մ/վրկ, ապրիլի 11-13-ին առանձին շրջաններում սպասվում է քամու ուժգնացում՝ 18-23մ/վ արագությամբ: Օդի ջերմաստիճանն 09-11-ի ցերեկը աստիճանաբար կբարձրանա 4-6 աստիճանով:

Հայաստանի Հանրապետության հողօգտագործողներին մատչելի գներով ազոտական, ֆոսֆորական և կալիումական պարարտանյութերի ձեռքբերման աջակցության ծրագիրն ընթանում է բնականոն հունով։ Տեղեկացնում է ՀՀ էկոնոմիկայի նախարարությունը։

Հայաստանի Հանրապետության հողօգտագործողներին մատչելի գներով ազոտական, ֆոսֆորական և կալիումական պարարտանյութերի ձեռքբերման աջակցության ծրագրի (այսուհետ՝ ծրագիր) նպատակը բուսաբուծության ճյուղում տնտեսավարողների կողմից գործունեություն իրականացնելու համար բավարար պայմանների ապահովումն է, մասնավորապես՝ հողօգտագործողների համար գնաճի աննախադեպ պայմաններում շուկայական գներից ավելի ցածր գներով պարարտանյութերի ձեռքբերման հնարավորության ստեղծումն է:

Պարարտանյութ կտրամադրվի առավելագույնը 3 հեկտար հողատարածքում մշակություն իրականացնելու համար, կսուբսիդավորվի կամ փոխհատուցվի մատակարարների կողմից շահառուներին վաճառվող պարարտանյութի վաճառքի գնի 50%-ը, բայց ոչ ավելի քան 50 կգ քաշով 1 պարկ պարարտանյութի հաշվով 9000 դրամը, մատակարարների կողմից պարարտանյութերի վաճառքը կիրականացվի մարտի 17-ից մինչև հունիսի 15-ը ներառյալ ընկած ժամանակահատվածում։

Ս․թ․ ապրիլի 9-ի դրությամբ ունեցած օպերատիվ տվյալների համաձայն՝ Հայաստանի Հանրապետություն է ներկրվել 5,400 տոննա և ՀՀ 8 մարզեր է մատակարարվել 2,550 տոննա պարարտանյութ (Արագածոտնի մարզ` 400 տոննա, Արմավիրի մարզ` 1,100 տոննա, Կոտայքի մարզ` 160 տոննա , Լոռու մարզ` 120 տոննա, Շիրակի մարզ` 340 տոննա, Վայոց ձոր` 80 տոննա, Սյունիքի մարզ` 300 տոննա, Տավուշի մարզ` 50 տոննա)։

🔴  20-ամյա աղջիկը՝ «Սև հովազ» ջոկատի անդամ. ծնողներից գաղտնի 44-օրյա պատերազմին նա կամավորագրվեց:

🔴  44-օրյա պատերազմին որդուն կորցրած կինը՝ սերժանտ Նարինե Բալայանը, շարունակում է սիրով կրել զինվորականի համազգեստը:

🔴  Պատերազմը շատ բան փոխեց: Ստեղծագործող կանայք հիմա այլ, ավելի մռայլ գույներ են ընտրում: Արվեստի մարդիկ՝ պատերազմի օրերին և դրանից հետո:

🔴  Կանանց ներգրավվածությունը ուժային կառույցների աշխատանքներում վաղուց նորություն չէ, բայց այնպես էլ չէ, որ ամեն քայլափոխի կարող ես կին հրշեջ-փրկարարի հանդիպել, ով չի վախենում և տղամարդկանց հետ պատրաստ է ամենաբարդ իրավիճակներում հայտնվել ու մարդկանց օգնել:

🔴  15 տարի Գորիսից Խոզնավար: Դպրոցի հանդեպ սերը հաղթում է բոլոր դժվարությունները: Սահմանապահ ուսուցչի՝ Արմինե Աղաբեկյանի օրը դասարանում, որտեղ սովորում է երեք աշակերտ:

🔴  Դժվար է լինել լրագրող և լուսաբանել այն արհավիրքը, որը տեղի է ունենում քո հողում: Քառօրյա, հետո նաև 44-օրյա պատերազմը լուսաբանած լրագրողները հիշում են իրենց մասնագիտական աշխատանքի ամենածանր օրերը:

«Region5+»-ի այսօրվա թողարկման առանցքում.

🔴  20-ամյա աղջիկը՝ «Սև հովազ» ջոկատի անդամ. ծնողներից գաղտնի 44-օրյա պատերազմին նա կամավորագրվեց:

🔴  44-օրյա պատերազմին որդուն կորցրած կինը՝ սերժանտ Նարինե Բալայանը, շարունակում է սիրով կրել զինվորականի համազգեստը:

🔴  Պատերազմը շատ բան փոխեց: Ստեղծագործող կանայք հիմա այլ, ավելի մռայլ գույներ են ընտրում: Արվեստի մարդիկ՝ պատերազմի օրերին և դրանից հետո:

🔴  Կանանց ներգրավվածությունը ուժային կառույցների աշխատանքներում վաղուց նորություն չէ, բայց այնպես էլ չէ, որ ամեն քայլափոխի կարող ես կին հրշեջ-փրկարարի հանդիպել, ով չի վախենում և տղամարդկանց հետ պատրաստ է ամենաբարդ իրավիճակներում հայտնվել ու մարդկանց օգնել:

🔴  15 տարի Գորիսից Խոզնավար: Դպրոցի հանդեպ սերը հաղթում է բոլոր դժվարությունները: Սահմանապահ ուսուցչի՝ Արմինե Աղաբեկյանի օրը դասարանում, որտեղ սովորում է երեք աշակերտ:

🔴  Դժվար է լինել լրագրող և լուսաբանել այն արհավիրքը, որը տեղի է ունենում քո հողում: Քառօրյա, հետո նաև 44-օրյա պատերազմը լուսաբանած լրագրողները հիշում են իրենց մասնագիտական աշխատանքի ամենածանր օրերը:

Թողարկումն այսօր՝ MIG TVR. ժամը 21:00-ին:

Ինչպես հայտնում է Արտակարգ իրավիճակների նախարարությունը, ապրիլի 7-ից 8-ը ԱԻՆ ՓԾ ճգնաժամային կառավարման ազգային կենտրոնում 8 ահազանգ է ստացվել հանրապետության տարբեր տարածքներում արգելափակված ավտոմեքենաների վերաբերյալ:

Մասնավորապես՝ Կոտայքի մարզի Հրազդան և Արագածոտնի մարզի Ապարան, Արմավիրի մարզի Էջմիածին քաղաքներում, Սյունիքի մարզի Բռնակոթ գյուղում, Գեղարքունիքի մարզի Շատվան-Ազատ ավտոճանապարհին։

Ինչպես հայտնում է Արտակարգ իրավիճակների նախարարությունը, դեպքի վայր ժամանած փրկարարներն արգելափակումից դուրս են բերել 9 ավտոմեքենա և 13 քաղաքացու ցուցաբերել համապատասխան օգնություն:

Խոշոր չափերով կաշառք ստանալու և դրան օժանադակելու կասկածանքով ձերբակալվել են «Վանաձորի սպասարկում» ՀՈԱԿ-ի տնօրենն ու աշխատակիցները, հաղորդում է Հակակոռուպցիոն կոմիտեն:

Վանաձորի քաղաքապետարանի ենթակայությամբ գործող ՀՈԱԿ-ի տնօրենը, նույն կառույցի երկու աշխատակիցների օժանդակությամբ, ըստ հաղորդագրության, քաղաքի գերեզմանատանը մի խումբ անձանց նախընտրած վայրերում տարածքներ տրամադրելու համար 2021 թվականի հոկտեմբերից դեկտեմբերն ընկած ժամանակահատվածում նրանցից պահանջել և ստացել է խոշոր չափերով կաշառք:

Նրանք ձերբակալվել են: Տնօրենին մեղադրանք է առաջադրվել խոշոր չափերով կաշառք ստանալու համար: Քննիչի կողմից միջնորդություն է ներկայացվել Երևանի ընդհանուր իրավասության դատարան` նրա նկատմամբ կալանավորումը որպես խափանման միջոց ընտրելու համար:

Նախաքննությունը շարունակվում է:

Համայնքային գերեզմանատներում մեկ գերեզմանի համար 2.5, իսկ ընտանեկան գերեզմանի համար մինչև 12.5 քառակուսի մետր հողատարածքները տրամադրվում են բացառապես անվճար հիմունքներով:

Բռնցքամարտի Հայաստանի երիտասարդական հավաքականի գլխավոր մարզիչ Վազգեն Բադալյանը հայտնել է Հայաստանի հավաքականի կամզը, որը ապրիլի 12-ից 21-ը կմասնակցի Բուլղարիայում կայանալիք Եվրոպայի առաջնությանը: Մեր ընտրանին մրցավայր է մեկնելու 13 մարզիկով:

Եվրոպայի առաջնությունում 48 կգ քաշային կարգում մեր երկիրը կներկայացնի Թումաս Թումասյանը, 51-ում Արեն Ասլամազյանը, 54-ում Գոռ Ազիզյանը: 57 կգ քաշային կարգում ելույթ կունենա Եվրոպայի գործող փոխչեմպիոն Մանվել Պետրոսյանը, 60-ում բրոնզե մեդալակիր Էրիկ Իսրայելյանը: 63.5 կգ քաշային կարգում հանդես կգա Արթուր Մկրտչյանը, 67-ում Արես Հակոբյանը, 71-ում Գարիկ Անտանոսյանը, 75-ում Տարոն Սարգսյանը: 80 կգ քաշային կարգում Հայաստանի մարզական պատիվը կպաշտպանի Համլետ Ադամյանը, 86-ում Աղվան Ալեքսենյանը, 92-ում Ավետիք Հովակիմյանը, իսկ գերծանր քաշային կարգում Ալբերտ Հարությունյանը:

Հայաստանում անցած մեկ օրում կորոնավիրուսի դեպքերի թիվն աճել է 19-ով՝ հասնելով 422 հազար 629-ի, հիվանդությունից մահվան դեպք չի գրանցվել:

Այսօր ժամը 11-ի սահմաններում նախարարության հրապարակած տվյալների համաձայն՝ հիվանդությունից բուժվածների թիվն ավելացել է 18-ով և հասել 410 հազար 270-ի:

Ըստ նույն աղբյուրի, իրականացվել է 2 հազար 683 թեստավորում, ընդհանուր թիվը հասավ 2 միլիոն 991 հազար 158-ի:

Կորոնավիրուսային հիվանդությունից մահացածների ընդհանուր թիվը 8 հազար 619 է:

Այսպիսով, Կովիդ-19-ից տվյալ պահին Հայաստանում բուժվում է 2 հազար 61 մարդ։