Խորհրդարանը երկրորդ ընթերցմամբ ընդունեց «Քաղաքացիական պայմանագիր» խմբակցության պատգամավոր Հայկ Սարգսյանի հեղինակած նախագիծը, որի համաձայն պարտադիր զինծառայությունից կազատվեն մարտական գործողությունների ընթացքում զոհված զինծառայողների եղբայրները և որդիները։

Նախագծին կողմ է քվեարկել 68 պատգամավոր։ Ընդդիմադիր «Հայաստան» և «Պատիվ ունեմ» խմբակցությունները որոշում են կայացրել չմասնակցել ԱԺ քառօրյա նիստերին և կմեկնի ՀՀ սահմանամերձ գյուղեր ու Արցախ։

Նշենք, որ զոհված զինծառայողների եղբայրները կամ որդիները ցանկության դեպքում կարող են դիմում գրել ու մեկնել ծառայության:

Վիրուսաբանների հաղորդմամբ՝ նոր տարբերակը, որն արդեն հայտնաբերվել է մի քանի այլ երկրներում, նկատվել է Բելգիայի ֆրանկախոս մասում և ուսումնասիրվել Բրյուսելի ազատ համալսարանում։

Վիրուսաբան Վան Ռանստի խոսքով՝ վիրուսները մուտացիաներ են կուտակում, դա տեղի է ունենում մշտապես, նոր տարբերակներ դեռ ի հայտ կգան։

Վիրուսաբանը նշել է, որ օմիկրոնի նոր տարբերակների հայտնվելն ավելի լավ է, քան նոր շտամի ի հայտ գալը։

Ինչպես հայտնում է պարբերականը, օմիկրոնի BA.4 և BA.5 տարբերակներ արդեն հայտնաբերվել են Բոտսվանայում, Գերմանիայում, Դանիայում, Մեծ Բրիտանիայում և Հարավային Աֆրիկայում։

Բռնցքամարտի Հայաստանի երիտասարդական հավաքականի գլխավոր մարզիչ Վազգեն Բադալյանը հայտնել է Հայաստանի հավաքականի կամզը, որը ապրիլի 12-ից 21-ը կմասնակցի Բուլղարիայում կայանալիք Եվրոպայի առաջնությանը:

Մեր ընտրանին մրցավայր է մեկնել 13 մարզիկով: Եվրոպայի առաջնությունում 48 կգ քաշային կարգում մեր երկիրը կներկայացնի Թումաս Թումասյանը, 51-ում Արեն Ասլամազյանը, 54-ում Գոռ Ազիզյանը: 57 կգ քաշային կարգում ելույթ կունենա Եվրոպայի գործող փոխչեմպիոն Մանվել Պետրոսյանը, 60-ում բրոնզե մեդալակիր Էրիկ Իսրայելյանը: 63.5 կգ քաշային կարգում հանդես կգա Արթուր Մկրտչյանը, 67-ում Արես Հակոբյանը, 71-ում Գարիկ Անտանոսյանը, 75-ում Տարոն Սարգսյանը: 80 կգ քաշային կարգում Հայաստանի մարզական պատիվը կպաշտպանի Համլետ Ադամյանը, 86-ում Աղվան Ալեքսենյանը, 92-ում Ավետիք Հովակիմյանը, իսկ գերծանր քաշային կարգում Ալբերտ Հարությունյանը:

Գրեթե 15 տարի ուսուցչուհի Արմինե Աղաբեկյանը, հաղթահարելով քառասուն կիլոմետր ճանապարհ, Գորիսից մեկնում է Խոզնավար գյուղի դպրոց։

Ասում է, որ շատ հնարավորություններ է ունեցել քաղաքի դպրոցներում աշխատանքի անցնել, բայց ամեն անգամ հիշելով, որ հեռավոր գյուղում իրեն սպասում են աշակերտները, որոշումը վերանայել է։

Ֆրանսիայի Ներքին գործերի նախարարության վերջին ընդհանուր տվյալների համաձայն՝ արձանագրությունների 97 տոկոսի հաշվարկից հետո նախագահական ընտրություններում առաջատարը պահպանում է Ֆրանսիայի գործող նախագահ Էմանուել Մակրոնը՝ հավաքելով ձայների 27,6 տոկոսը։
Երկրորդ տեղում է աջակողմյան «Ազգային հանրահավաք» կուսակցության առաջնորդ Մարին Լը Պենը (23,41 տոկոս), իսկ ձախակողմյան «Ֆրանսիան անհնազանդ» կուսակցության առաջնորդ Ժան-Լյուկ Մելանշոնը երրորդն է (21,95 տոկոս):

Մինչդեռ Ֆրանսիայի մետրոպոլիայի մարզում Մելենշոնը, որն այլևս երկրորդ փուլի թեկնածու չէ, զբաղեցրել է առաջին տեղը (30,24 տոկոս ձայն), որին հաջորդում են Մակրոնը (30,19 տոկոս) և Լը Պենը (12,97 տոկոս): Այս տարածաշրջանում չորրորդ տեղում է ծայրահեղ աջ թեկնածու, Reconquest կուսակցության հիմնադիր Էրիկ Զեմմուրը (7,46 տոկոս)։ Աջ կենտրոնամետ հանրապետական ​​թեկնածու Վալերի Պեկրեսը զբաղեցրել է հինգերորդ տեղը՝ հավաքելով ձայների 6,19 տոկոսը։

Բուն Փարիզում իրավիճակն այլ է՝ Ֆրանսիայի մայրաքաղաքում Մակրոնը ստացել է 35,33 տոկոս, Մելանշոնը՝ 30,09 տոկոս, Զեմուրը՝ 8,16 տոկոս։ Մարին Լը Պենը զբաղեցրել է վեցերորդ տեղը՝ հավաքելով ձայների 5,54 տոկոսը։

Ֆրանսիայում նախագահական ընտրությունների երկրորդ փուլը տեղի կունենա ապրիլի 24-ին։

Այս տարվանից ատեստատներն ու հիմնական կրթության վկայականները կտրամադրվեն էլեկտրոնային եղանակով։

Այս մասին հիշեցնելով ֆեյսբուքյան իր էջում՝ ՀՀ ԿԳՄՍ նախարարի տեղակալ Ժաննա Անդրեասյանը հայտնել է, որ ատեստատը կունենա հետևայլ տեսքը։

Դրա հավաստիությունը հնարավոր կլինի ստուգել e-verify.am կայքում՝ հսկիչ համարը մուտքագրելով։

Ապրիլի 10-ի` ժամը 11:00-ի դրությամբ,

✓ 15 նոր դեպք

✓ 2355 թեստավորում

✓ 14 առողջացած

✓ 0 մահվան դեպք

Այսպիսով, հաստատվել է կորոնավիրուսային հիվանդության ընդհանուր 422677 դեպք, որոնցից 410324 առողջացած: Փաստացի բուժում է ստանում 2053 պացիենտ:

Ընդհանուր առմամբ, կորոնավիրուսը հետևանքով  մահվան 8620 դեպք է արձանագրվել:

Այլ հիվանդության պատճառով մահվան դեպքերի ընդհանուր թիվը 1680 է:

Ընդհանուր կատարվել է 2998412 թեստավորում։