Գյումրիում վերջին 2-3 տարում փողոցաշինական աշխատանքներ կատարվում են, բայց շատ փողոցներ դեռ շարունակում են մնալ անանցանելի. փողոցային տնտեսությունը հնարավոր չի լինում բարեկարգ վիճակի բերել: Գյումրիի քաղաքապետարանի բնակկոմունալ բաժնի աշխատակիցները դարձյալ փոսային նորոգումներ են ձեռնարկել:
Տեղի է ունեցել Նիկոլ Փաշինյանի հեռախոսազրույցը ԵՄ խորհրդի նախագահ Շառլ Միշելի հետ
Այս մասին տեղեկացնում է ՀՀ վարչապետի աշխատակազմի տեղեկատվության և հասարակայնության հետ կապերի վարչությունը:
Զրուցակիցները մտքեր են փոխանակել ԵՄ խորհրդի նախագահի, Հայաստանի վարչապետի եւ Ադրբեջանի նախագահի ապրիլի 6-ին Բրյուսելում տեղի ունեցած հանդիպման ընթացքում ձեռք բերված պայմանավորվածությունների կատարման ընթացքի, տարածաշրջանում ստեղծված իրավիճակի, Հայաստան-ԵՄ հարաբերությունների օրակարգի մի շարք հարցերի մասին:
Փաշինյանը եւ Միշելը քննարկել են նաեւ ԵՄ-ի Արեւելյան գործընկերության տնտեսական եւ ներդրումային պլանի շրջանակներում Հայաստանին 2.6 միլիարդ դոլար հատկացնելու պայմանավորվածության կատարման ընթացքը, ընդգծել ներդրումային փաթեթով նախատեսված ծրագրերի արդյունավետ իրագործման կարեւորությունը:
Շառլ Միշելը վերահաստատել է Հայաստանի համար նախատեսված ներդրումային ծրագիրը լիարժեք կերպով իրականացնելու ԵՄ հանձնառությունը եւ ընդգծել ծրագրերի գործնական իրագործման փուլը հնարավորինս արագ սկսելու կարեւորությունը:
Ղրիմի պատվիրակությունը ժամանել է Երեւան եւ մտադիր է այցի շրջանակներում Հայաստանի բիզնեսին ցուցադրել թերակղզում առողջարանային բուժման եւ հանգստի ոլորտում, եռակցման սարքավորումների, գյուղատնտեսական արտադրություններում ներդրման առավելությունները: Ըստ ՏԱՍՍ-ի, այդ մասին հաղորդել են ռուսական տարածաշրջանի Տնտեսական զարգացման նախարարության մամուլի ծառայությունից։
Ղրիմի պատվիրակության կազմում են նախարարների խորհրդի նախագահի տեղակալ՝ Ղրիմի Հանրապետության ֆինանսների նախարար Իրինա Կիվիկոն, նախարարների խորհրդի նախագահի տեղակալ ՝ ՌԴ նախագահին առընթեր Ղրիմի մշտական ներկայացուցիչ Գեորգի Մուրադովը, տարածաշրջանի տնտեսական զարգացման նախարարի առաջին տեղակալ Անուշավան Աղաջանյանը, տարածաշրջանի գործարար համայնքի ներկայացուցիչներ:
Հայաստանում բացվել են Ղրիմի օրերը, որոնց ընթացքում նախատեսվում են բիզնեսի, հասարակայնության հանդիպումներ, կոնֆերանսներ եւ ստեղծագործական կոլեկտիվների ելույթներ: «Ղրիմի Հանրապետությունը մտադիր է ցույց տալ հանրապետության տնտեսության մեջ ներդրումների առավելությունները, Ղրիմում առողջարանային բուժման եւ հանգստի հնարավորությունները, եռակցման սարքավորումների արտադրությունը, գյուղատնտեսական արտադրությունները եւ այլ առաջնահերթություններ», — ասված է հաղորդագրության մեջ:
Նշվում է, որ այցի ընթացքում հանդիպումներ են նախատեսվում Հայաստանում Ռուսաստանիդեսպանի, Հայաստանում Ռուսաստանի առեւտրային ներկայացուցչի, Հայաստանի նախարարությունների եւ գերատեսչությունների ներկայացուցիչների հետ: Տեղի կունենա Ղրիմի եւ Հայաստանի զբոսաշրջային եւ հանգստի հնարավորությունների շնորհանդեսը զբոսաշրջության ոլորտի ներկայացուցիչների համար: Ղրիմի Հանրապետության պատվիրակությունը կմասնակցի նաեւ «Ղրիմի գարունը՝ միասին ընդմիշտ» ֆոտոցուցահանդեսի բացմանը, որը նվիրված է Ռուսաստանի հետ Ղրիմի վերամիավորման ութամյակին:
«Ղրիմի Հանրապետության պատվիրակությունը մասնակցում է Հայաստանում մեր հանրապետության օրերի անցկացմանը, ինչպես նաև կներկայացնի Ղրիմի ներդրումային և տնտեսական ներուժը ։ Տեղի կունենան գործարարների երկկողմ բիզնես-հանդիպումներ, որոնց ընթացքում կքննարկվեն ապրանքների և ծառայությունների մատակարարման հարցերը», — հաղորդել է Կիվիկոն։
Ադրբեջանի զինված ուժերը օգոստոսի վերջին երբ փակեցին Երևան_Մեղրի_Իրանի Իսլամական Հանրապետություն սահմանի միջպետական «M2» ճանապարհի Գորիս-Որոտան-Շուռնուխ-Կարմրաքար ճանապարհահատվածը, լրջագույն խնդիր առաջացավ ինչպես Սյունիքի բնակավայրերի հայկական մեքենաների տեղաշարժի, այնպես էլ Իրանի ու Հայաստանի միջև գործող միակ ճանապարհով իրանական բեռների՝ Հայաստան և հակառակ ուղղություններով տեղափոխման համար։
Ապրիլի 18-ին, ժամը 04:31-ին Լոռու մարզային ճգնաժամային կառավարման կենտրոն ահազանգ է ստացվել, որ Ալավերդի քաղաքից դեպի Քոբայր տանող ավտոճանապարհին տեղի է ունեցել ՃՏՊ՝ հրդեհի բռնկմամբ. տուժածներ չկան:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Ալավերդի-Վանաձոր ավտոճանապարհի 7-րդ կմ-ին «Nissan Tiida» (վարորդ՝ Ա. Կ., ծնված 1993 թ․) մակնիշի ավտոմեքենան բախվել է ճամփեզրի բետոնե արգելապատնեշին, ինչի հետևանքով ավտոմեքենայում հրդեհ է բռնկվել:
Հրդեհը մեկուսացվել է ժամը 05։02-ին, մարվել՝ 05։12-ին։ Այրվել է ավտոմեքենան։
Հայաստանի տարածքում ապրիլի 17-ի ցերեկը, 18-19-ը, 21-22-ն սպասվում է առանց տեղումների եղանակ: Ապրիլի 20-ի ցերեկը շրջանների զգալի մասում սպասվում է կարճատև անձրև և ամպրոպ: Այս մասին տեղեկացնում է ՀՀ արտակարգ իրավիճակների նախարարությունը։
«Քամին՝ հարավ-արևմտյան՝ 2-5 մ/վ, ապրիլի 20-ին սպասվում է քամու ուժգնացում՝ 18-23 մ/վ արագությամբ:
Օդի ջերմաստիճանն ապրիլի 17-19-ն աստիճանաբար կբարձրանա 3-6 աստիճանով»,- ասվում է հաղորդագրության մեջ։
Ըստ աղբյուրի՝ Երևան քաղաքում ապրիլի 17-ի ցերեկը, 18-19-ը, 21-22-ն սպասվում է առանց տեղումների եղանակ: Ապրիլի 20-ին սպասվում է կարճատև անձրև և ամպրոպ, քամու ուժգնացում մինչև 14-17 մ/վ արագություն:
Եվս երկու հաղթանակ Բուլղարիայում ընթացող բռնցքամարտի Եվրոպայի երիտասարդների առաջնությունում։ Այս անգամ հաղթանակ են տոնել 63,5 կգ քաշային Արթուր Մկրտչյանն ու 60 կգ քաշային էրիկ Իսրայելյանը, որոնց համար սա այս առաջնությունում արդեն երկրորդ հաղթանակն էր։ Իսրայելյանը հաղթել է ռումինացի Ֆլորին Քամինին, իսկ Մկրտչյանը իռլանդացի Անտուան Թոմաս Մքդոնալդին։
Այս մասին հայտնում է Հայաստանի Բռնցքամարտի Ֆեդերացիան։
ՍՈՒՐԲ ԶԱՏԻԿԸ….
Մենք նշում ենք մեր Տեր Հիսուս Քրիստոսի Հարության տոնը` Տիրոջ հաղթանակը, հաղթանակ ոչ միայն մահվան, այլև չարի նկատմամբ: Հաղթանակ, որն ինչպես Աստծունն է, այնպես էլ մեզանից յուրաքանչյուրինը, քանի որ Աստծո Որդին մարդացավ և որպես Մարդ մերժեց մեղքն ու չարիքը` Իր աստվածային զորությամբ: Աստված Իր մարդեղությամբ մեր մարդկային բնությունը ևս մասնակից ու հաղթող դարձրեց չարի դեմ պայքարում: Ամենքս անդամներն ենք Քրիստոսի մարմնի և կոչված ենք պայքարելու չարիքի, կործանումի ու մահվան դեմ:
Եկեղեցին Հիսուսի հրաշափառ Հարությունը տոնում է որպես Զատիկ, որովհետև նա է հավիտենական այն զոհը կամ պատարագը, որի միջոցով մարդն ստանում է մեղքերի թողություն, ապա` կյանք և հարություն:
«Զատիկ» նշանակում է զատում, բաժանում, հեռացում մեղքերից և իր վերջնական տեսքով` վերադարձ առ Աստված:
ՔՐԻՍՏՈՍ ՀԱՐՅԱՎ Ի ՄԵՌԵԼՈՑ….
ՕՐՀՆՅԱԼ Է ՀԱՐՈՒԹՅՈՒՆԸ ՔՐԻՍՏՈՍԻ…
Հայ բռնցքամարտիկները շարունակում են իրենց հաղթական ելույթները Բուլղարիայում ընթացող երիտասարդների Եվրոպայի առաջնությունում։ Նախ հաղթական օրվա մեկնարկը դրեց 67 կգ քաշային Արես Հակոբյանը, որը առավելության հասավ էստոնացի Մաքսիմ Մակառովի նկատմամբ։ Այնուհետև բացահայտ առավելությամբ մոլդովացի մրցակցին հաղթեց 80 կգ քաշային Համլետ Ադամյանը։ Հաղթանակներ տոնեցին նաև 51 կգ քաշային Արեն Ասլամազյանն ու 92 կգ քաշային Ավետիք Հովակիմյանը։ Ընդ որում Հովակիմյանը թուրք մրցակցին հաղթեց բացահայտ առավելությամբ։ Մրցակցի առողջությունից ելնելով մրցավարները 3- րդ ռաունդում դադարեցրին մենամարտն ու հաղթանակը շնորհեցին հայ մարզիկին։
Հայաստանի Բռնցքամարտի Ֆեդերացիա
«Region5+» հաղորդաշարի ուշադրության կենտրոնում Հայաստանի ճանապարհներն են: Ի՞նչ աշխատանք է արվել և ի՞նչ է նախատեսվում:
Ի՞նչ վիճակում են միջպետական, հանրապետական, տեղական նշանակության ճանապարհները:
Ի՞նչ իրավիճակ է Սյունիքում, երբ ադրբեջանցիները փակեցին Գորիս-Որոտան-Շուռնուխ ճանապարհը. այլընտրանքային ճանապարհը Իրանից եկող խոշոր բեռնատարների համար գրեթե անանցանելի է:
Սկանդալներով ընթացող ճանապարհաշինություն… «Հյուսիս-հարավի» հետքերով: Մոտ 13 տարի առաջ սկսված շինարարության ավարտը չի նշմարվում:
Վանաձոր-Ալավերդի-Բագրատաշեն. չորրորդ անգամ այս ճանապարհի վերակառուցումը հետաձգվել է:
Արմավիրի ճանապարհների եւ կամուրջների անմխիթար վիճակը փորձություն է դարձել վարորդների համար:
Գյումրիի ճանապարհները ե՞րբ կարգի կբերվեն. իրական վիճակն ու պատասխանատուների խոստումները:
