ՃՏՊ Վանաձոր-Ստեփանավան ավտոճանապարհին․ կան տուժածներ և մեկ զոհ
Հունիսի 23-ին, ժամը 18:53-ին Լոռու մարզային փրկարարական վարչության ճգնաժամային կառավարման կենտրոն8 ահազանգ է ստացվել, որ Վանաձոր-Ստեափանավան ավտոճանապարհին՝ Բազում գյուղի վերջնամասում, տեղի է ունեցել ՃՏՊ, կան տուժածներ․ անհրաժեշտ է փրկարարների օգնությունը։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ Վանաձոր-Ստեփանավան ավտոճանապարհի մոտ 12-րդ կմ-ին բախվել են «Opel» (վարորդ՝ Ա․ Ռ․, ծնված 1984 թ․) և «VAZ» (վարորդ՝ Դ․ Հ․, ծնված 1972 թ․) մակնիշների ավտոմեքենաները։
Մինչ փրկարարների կանչի վայր հասնելը՝ «Opel» մակնիշի ավտոմեքենայի ուղևորներ Ա․ Ա․-ն (ծնված 2001 թ․), Լ․ Գ․-ն (ծնված 2001 թ․), Գ․ Ա․-ն (ծնված 1963 թ․) և Ա․ Ա․-ն (ծնված 1957 թ․) տեղի ուժերով տեղափոխվել են բժշկական կենտրոններ, Ա․ Ն․-ն, Ա․Ռ․ն և «VAZ» մակնիշի ավտոմեքենայի վարորդը հոսպիտալացվել են բժշկական կենտրոն․ «VAZ» մակնիշի ավտոմեքենայի ուղևոր Մ․ Հ․-ն (ծնված 1966 թ․) տեղում մահացել է։

Փրկարարները «VAZ» մակնիշի ավտոմեքենայից դուրս են բերել ուղևոր Մ․ Հ․-ի արգելափակված դին և մոտեցրել դի տեղափոխող ավտոմեքենային։

Ապրիլի 16-ին, ժամը 09:05-ին Ճգնաժամային կառավարման ազգային կենտրոն տեղեկություն է ստացվել, որ Վանաձոր-Ալավերդի ավտոճանապարհի 23-րդ կմ-ին տեղի է ունեցել «Նովոսելցովո-Վանաձոր» մայրուղային ջրատարի վթար։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի օպերատիվ խումբը։

Փրկարարները հնարավոր քարաթափման վտանգ ներկայացնող տարածքում իրականացրել են սահմանազատում և հերթապահություն։ Ոստիկանության պարեկային ծառայության աշխատակիցներն իրականացնում են երթևեկության անվտանգության ապահովման աշխատանքներ։

«Վեոլիա Ջուր» ընկերության մասնագետները տեղում իրականացնում են վթարավերականգնողական աշխատանքներ։

Մարտի 16-ին, ժամը 10։14-ին Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Սպիտակի ոլորաններում տեղի է ունեցել ՃՏՊ, կան տուժածներ․ անհրաժեշտ է փրկարարների օգնությունը։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ Սպիտակ-Երևան ավտոճանապարհի 16-րդ կմ-ի մոտակայքում բախվել են «Opel» (վարորդ՝ Ս․ Ս․, ծնված 1979 թ․) և «Hyundai» (վարորդ՝ Ն․ Թ․, ծնված 1978 թ․) մակնիշների ավտոմեքենաները։

Մինչ փրկարարների կանչի վայր հասնելը՝ «Opel» մակնիշի ավտոմեքենայի վարորդը և ուղևորներ Ս․ Ս․-ն (ծնված 1987 թ.), Մ․ Ս․-ն (ծնված 2008 թ.) և Ս․ Ս․-ն (ծնված 2011 թ.) հոսպիտալացվել են բժշկական կենտրոն, որտեղ բժիշկները տուժածների առողջական վիճակը գնահատել են բավարար։

Փրկարարները հոսանքազրկել են ավտոմեքենաները, փակել գազի բալոնների փականները, «Hyundai» մակնիշի ավտոմեքենայի վարորդին դուրս բերել ավտոմեքենայից և մոտեցրել շտապօգնության ավտոմեքենային։ Տուժածը հոսպիտալացվել է բժշկական կենտրոն, որտեղ բժիշկները նրա առողջական վիճակը գնահատել են միջին ծանրության։

Լոռու մարզի Թեժ լեռան հովտում անցկացվել է «Լոռվա Ձմեռ-2024» ավանդական մարզատոնահանդեսը: Կեսդարյա պատմությամբ ձմեռային սիրված տոնն իր շուրջն է համախմբել մեծերին ու փոքրերին, որոնք մաքուր օդ են վայելել և ուժերը չափել ձմեռային սպորտաձևերում: Վանաձորի համայնքապետարանը պատվոգրեր ու մրցանակներ է սահմանել հաղթողների համար:

Սկզբում այն կոչվում էր «Կիրովականի ձմեռ»: Հետագայում վերանվանվեց «Լոռվա Ձմեռ», և արդեն կես դար Վանաձորի մերձակա Թեժ լեռան հովտում այն իր շուրջն է համախմբում հարյուրավոր մարդկանց: Բացառությամբ անձյուն ձմեռների, երբ տոնահանդեսը չէր անցկացվում, Թեժ լեռան հովիտ են գալիս ձմռան սիրահարները՝ ուժերը չափելու մի շարք մարզաձևերում՝ ասում է Վանաձորի համայնքապետարանի սպորտի բաժնի պետ Սասուն Բեգլարյանը.

«17 մարզաձև ա, ֆուտբոլ ա, կշռաքարի բարձրացում, ձնագնդի նետում , պարկակռիվ, բարձակռիվ, ձմեռային մի քանի ձև ա, լեռնադահուկ»:

«Լոռվա Ձմեռը» սիրված տոն է, որովհետև այն գունավորում է ձմեռային կյանքը,- արկածային ժամանցում մասնագիտացած «Նիգմա քվեստ» ակումբի համահիմնադիր Մանե Պապյանն է ասում: Այն միավորում է ուրախ ժամանցն ու ձմեռային մարզաձևերը: