Մարմնավաճառներ, «փողերը գլխանց վերցնելու» պայմանավորվածություն՝ ավազակային հարձակման վերջաբանով. (Տեսանյութ)
Մարմնավաճառներ, «փողերը գլխանց վերցնելու» պայմանավորվածություն՝ ավազակային հարձակման վերջաբանով…
Լոռու մարզպետ Արամ Խաչատրյանը ծանոթացավ Վանաձոր համայնքի շենքերի վերելակների նորոգման ավարտական աշխատանքներին
Լոռու մարզպետ Արամ Խաչատրյանն այսօր շրջայցով Վանաձոր քաղաքի այն թաղամասերում էր, որտեղ ՀՀ կառավարության որոշմամբ, Լոռու մարզպետարանին հատկացված մարզի #հրատապ խնդիրների լուծման ծրագրի միջոցներով, իրականացվել են շենքերի վերելակների նորացման և նորոգման աշխատանքներ: Մարզի ղեկավարը Լոռու մարզպետարանի քաղաքաշինության վարչության պետ Դավիթ Մանուչարյանի, Վանաձորի համայնքապետարանի աշխատակազմի քարտուղարի պաշտոնակատար Դավիթ Հակոբյանի, մարզպետարանի, համայնքապետարանի և շինաշխատանքները կատարող ընկերության պատասխանատու պաշտոնյաների հետ հետևեց աշխատանքներին և տեղում քննարկեց ընթացիկ խնդիրները:
Ծրագրով նախատեսված էր վերելակների նորոգումն ավարտին հասցնել փետրվար ամսին, սակայն աշխատանքներն ավարտվել են սահմանված ժամկետից շուտ և շահագործման կհանձնվեն մոտ օրերս։
Հրատապ ծրագրի շրջանակներում Վանաձորում վերանորոգվել են
Ռուսթավի 8, Երևանյան խճուղի 147/2, Տիգրան Մեծի 44, Նարեկացի 3Ա շենքերի վերելակները, որոնց նորոգման համար հատկացվել է 12 միլիոն դրամ։
Ռուսթավի 8 շենքի բնակիչների խոսքով՝ արդեն մոտ 30 տարի շենքի վերելակը չէր աշխատում, այն կօգտագործեն խնամքով։
Մարզի ղեկավարը բնակիչներին վստահեցրեց, որ գործընթացը շարունակական է լինելու․
-Սա մեր պարտականությունն է, և անելու ենք հնարավորը ոչ միայն Վանաձոր համայնքի շենքերի վերելակների նորոգման համար, այլև ամբողջ մարզի,-ասաց նա։
Ա. Խաչատրյանը պատասխանատու անձանց հանձնարարեց անմիջական ուշադրության տակ պահել մարզում իրականացվող ծրագրի ընթացքը:
Հիշեցնենք, որ Լոռու մարզին հատկացվել է 𝟭𝟰𝟬 մլն դրամ մարզի մի շարք համայնքներում առաջնային կարևորության ծրագրեր իրականացնելու համար: Հատկացված միջոցներով մարզում նորոգվել են դպրոցներ, մշակութային օջախներ, բակեր, պուրակներ, խաղահրապարակներ, վերելակներ և այլն:
Նիկոլ Փաշինյան. Արմեն Սարգսյանի հրաժարականի մասին իմացել եմ հրապարակայնացումից ժամեր առաջ․ (Տեսանյութ)
«Ես հրաժարականի մասին իմացել եմ հրապարակայնացումից ընդամենը ժամեր առաջ, մոտավորապես 3․5 ժամ առաջ։ Զանգահարել է ինձ, խոսել ենք այդ մասին։ Ես Հանրապետության նախագահին հարցրել եմ՝ ինքը ինձ հետ քննարկո՞ւմ է հարցը, թե՞ ինձ տեղեկացնում է, որ ինքը կայացրել է որոշում։ Փորձել եմ հասկանալ՝ այդ որոշումը քննարկման ենթակա՞ է, թե՞ քննարկման ենթակա չէ, որից հետո ինքն ասել է, որ կայացրել է որոշում»,- ասաց Փաշինյանը։
Մանրամասները՝ տեսանյութում
Նյութի աղբյուր` https://www.1lurer.am/
Փրկարարներն արգելափակումից դուրս են բերել 10 ավտոմեքենա
Հունվարի 24-ին, ժամը 15:27-ին Արագածոտնի մարզային ճգնաժամային կառավարման կենտրոն ահազանգ է ստացվել, որ Մելիքգյուղ–Ճարճակիս ավտոճանապարհին ավտոմեքենաներ են արգելափակվել ձյան մեջ. դուրս բերելու համար անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ ավտոմեքենաները արգելափակվել են Ճարճակիս գյուղի սկզբնամասում։
Փրկարարներն արգելափակումից դուրս են բերել 10 ավտոմեքենա։
Վանաձորի բնակչուհի Եվգին Աբրահամյանին ծննդյան 100-ամյա հոբելյանի կապակցությամբ հյուրընկալվել էր Լոռու մարզպետ Արամ Խաչատրյանը
Վանաձորի բնակչուհի Եվգին Աբրահամյանին այսօր ծննդյան 100-ամյա հոբելյանի կապակցությամբ հյուրընկալվել էր Լոռու մարզպետ Արամ Խաչատրյանը՝ մարզպետարանի կրթության, մշակույթի և սպորտի բաժնի պետ Արամ Գրիգորյանի և օգնական Էրիկ Կոստանյանի ուղեկցությամբ: Մեկ դարը բոլորած տատիկը ծնունդով մարցեցի է, ապրել, աշխատել ու ընտանիք է կազմել հայրենի գյուղում, մեծացրել 5 զավակ, ունի 9 թոռ, 15 ծոռ: Վերջին 5 տարիներին, սակայն, բնակվում է Վանաձորում. դստեր խնամքին է:
Ա. Խաչատրյանը ջերմորեն շնորհավորեց Եվգին տատիկին՝ մաղթելով քաջառողջություն և սիրով լեցուն երջանիկ ծերություն:
— Հայ կնոջ համբերատար տեսակով և օրինակով Դուք սերունդներին եք ավանդում չերկնչելու, ամուր լինելու և հավատով ապրելու կարևոր գաղափարները,- ասաց նա: Մարզի ղեկավարը շնորհավորագիր և դրամական պարգև հանձնեց տատիկի դստերը:
