Լոռու մարզի Ֆիոլետովո համայնքի գյուղապետ Ալեքսեյ Նովիկովն էստաֆետը հանձնում է երիտասարդ սերնդին:

Նա 1996թ. գյուղի համայնքնապետն է եղել, իր գործի շարնակությունը թողնում է առավել երիտասարդ սերնդին, որովհետև արդեն 75 տարեկան է: Համայնքի երկարատև պատմության մեջ առաջին անգամն է, որ համայնքի ղեկավարի համար առաջադրվել էին 3 թեկնածուներ: Մինչ այդ այստեղ միշտ պարզ են եղել ընտրությունների արդյունքները:Գործող գյուղապետը հոկտեմբերի 17-ի ՏԻՄ ընտրություններին իր քաղաքացիական պարտքը կատարելու եկավ օրվա երկրորդ կեսին՝ բարձր տրամադրությամբ, մեծ հույսերով ու լավատեսությամբ:
Առաջադրված 3 թեկնածուներից 2-ը՝  Ալեքսեյ Չիչյովը և Վալերի Նազարովը ընտրության եկել էին անմիջապես իրենց կիրակնօրյա աղոթքից հետո: Նրանք Ֆիոլետովոյում տեղակայված 24/1 ընտրատեղամասում էին 08:25-ին:

Ուղիղ 20։00-ին ընտրատեղամասի դռները փակվեցին։

Թիվ 24/1 ընտրատեղամասում այժմ ձայների հաշվարկման փուլն է:

Նարինե Մաթեւոսյան

Լոռու մարզի առաջին ատյանի ընդհանուր իրավասության դատարանի Վանաձոր նստավայրում 2021թ․ հոկտեմբերի 12-ին կայացավ Կ. Գալստյանի գործով հերթական դատական նիստը:

Կ. Գալստյանի դեմ իրավապահներին բողոք է ներկայացրել կինը՝ Լ. Խաչատրյանը։ Նա ամուսնուն մեղադրում էր իր հանդեպ բռնություն կիրառելու մեջ։  Լ. Խաչատրյանըպատմել էր, որ 2020թ. հուլիսի 16-ին հերթական վեճի ժամանակ՝ իրենց տանը,  Կ. Գալստյանը բազմաթիվ հարվածներ է հասցրել իրեն։

Ամբաստանյալի շահերի պաշտպան Գագիգ Նալբանդյանը միջնորդություն ներկայացրեց դատարան այն մասին, որ գործում այլևս տուժող կողմ չկա: Կ. Գալստյանը և Լ. Խաչատրյանը համաձայնության են եկել և հաշտվել են: Փաստաբանը առաջարկեց, որ օրենքի համաձայն, եթե կողմերն այլևս իրարից որևէ պահանջ չունեն, ապա գործի վարույթը ենթակա է կարճման:

Նախագահող դատավոր Լուսինե Ալավերդյանը փորձեց նաև ճշտել, արդյոք կողմերի միջև հաշտությունը կամավոր է, հիմնաված է երկկողմանի համաձայնության վրա և չի եղել արդյոք որևէ սպառնալիք: Ապա լսեց նաև մեղադրող կողմի կարծիքը:
Լոռու մարզի դատախազ՝ Բարսեղ Մուրադյանը դեմ չէր շահերի պաշտպանի կողմից ներկայացված միջնորդությանը:

ՀՀ Լոռու մարզի առաջին ատյանի ընդհանուր իրավասության դատարանը,  նախագահությամբ դատավոր Լուսինե Ալավերդյանի, որոշում կայացրեց՝ կարճել գործի վարույթը՝ հաշտեցման հիմքով:

Հոդվածը պատրաստել է «Մեդիաակումբ» ՔՀԶ ՀԿ-ն, «Աջակցություն դատաիրավական բարեփոխումներին»   ծրագրի շրջանակներում, որը իրականացնում է Եվրասիա համագործակցություն հիմնադրամը  «Հելսինկյան ասոցիացիա» և «Իրավունքի ուժ»  հասարակական կազմակերպությունների հետ համատեղ:
Հոդվածի բովանդակությունը և արտահայտված տեսակետները միմիայն «Մեդիաակումբ» ՔՀԶ ՀԿ-ին են և կարող են չհամընկնել Եվրասիա համագործակցություն հիմնադրամի կամ «Հելսինկյան ասոցիացիա» և «Իրավունքի ուժ» հասարակական կազմակերպությունների տեսակետներին:

Նարինե Մաթեւոսյան

Վանաձորի Նարեկացի թաղամասում(3-րդ մաս),հոկտեմբերի 3-ին հանդիսավորությամբ բացվեց 44 օրյա պատերազմի  ժամանակ, թաղամասի մարտիրոսաված հերոսների անմահ հիշատակը հավերժացնող` խաչքար հուշաղբյուր:Նախաձեռնությամբ նույն թաղամասի բնակիչներ` Արեն Անանյանի և Կարեն Մաճկալյանի:

https://www.youtube.com/watch?v=wJY4IMqwYA0

Հայաստանի հունահռոմեական ոճի ըմբիշ Մալխաս Ամոյանը ոսկե մեդալ նվաճեց Օսլոյում ընթացող ըմբշամարտի աշխարհի առաջնությունում:

Մալխաս Ամոյանը պայքարը սկսել էր 1/8 եզրափակիչից, որտեղ հաղթել էր նորվեգացի Հաավարդ Յորգենսենին (8-0), քառորդ եզրափակիչում՝ Լիտվայի ներկայացուցիչ Կրիստուպաս Շլեյվային (5-0), իսկ կիսաեզրափակիչում 10-6 հաշվով պայքարի դուրս էր թողել Իրանի ներկայացուցիչ Մոհամմադ Ռեզա Հոջատոլահ Մոխթարինին:

‘Մեր 72 կգ քաշային մարզիկը եզրափակիչ մրցամարտում 3:1 հաշվով մեծ դժվարությամբ հաղթեց ռուսաստանցի Սերգեյ Կուտուզովին և առաջին անգամ հռչակվեց աշխարհի չեմպիոն:

Լոռու մարզի առաջին ատյանի ընդհանուր իրավասության դատարանի Վանաձոր նստավայրում 2021թ․ սեպտեմբերի 29-ին քննվում էր Նաիրա Այվազյանի գործը:
Նա մեղադրվում է զրպարտության մեջ։

Վերարտադրողական առողջության, պերինատոլոգիայի, մանկաբարձության և

գինեկոլոգիայի հանրապետական ինստիտուտը և հիշյալ հիվանդանոցի փոխտնօրեն Արշակ Ջերջերյանը դատարան են դիմել։ Նրանք պահանջում են, որ դատարանը պարտավորեցնի Նաիրա Այվազյանին, հրապարակայնորեն ներողություն խնդրել Արշակ Ջերջերյանից,
ԶԼՄ-ների միջոցով հերքել վերը նշված ընկերության հաշվին  տարածած զրպատությունները։  Հայցվորները պահանջում են նաև, որ պատասխանող կողմն իրենց հասցված վիրավորանքի և զրպարտության համար, որպես փոխհատուցում յուրաքանչյուրին վճարի
1 մլն․ ՀՀ դրամ:Քաղաքացիական գործով դատական նիստին ներկա էր Վերարտադրողական առողջության, պերինատոլոգիայի, մանկաբարձության և գինեկոլոգիայի հանրապետական ինստիտուտի փաստաբան՝ Սևակ Մարաբյանը, հայցվոր՝ Արշակ Ջերջերյանը և հայցվորի փաստաբան՝ Թեհմինե Հովսեփյանը:
Դատական նիստին ներկա չէր պատասխանող կողմը:
Հանրապետական Ինստիտուտի փաստաբան Սևակ Մարաբյանը դատարանին խնդրեց, որ նիստը շարունակվի առանց պատասխանող կողմի:
Նախագահող դատավոր Ալֆրեդ Վարդանյանը բավարարեց խնդրանքը, քանի որ պատասխանող կողմից նիստը հետաձգելու ոչ մի պահանջ չէր եղել:

Դատական գործընթացը դատաքննության փուլում է և, քանի որ  հայցվորների պահանջները տարբեր էին, նրանք պատասխանող կողմից իրենց պահանջներն առանձին-առանձին ներկայացրեցին դատարանին:
Վերարտադրողական առողջության, պերինատոլոգիայի, մանկաբարձության և գինեկոլոգիայի հանրապետական ինստիտուտի փաստաբանը նշեց, որ Նաիրա Այվազյանը Հանրապետական հիվանդանոցին զրպարտել է ասելով, որ հիշյալ հիվանդանոցում զբաղվում են երեխաների վաճառքով, և իր երեխան չի մահացել: Այդ հայտարարությունները արվել են տարբեր լրատվամիջոցներով, ինչպես նաև ավելացրեց, որ ԴՆԹ անալիզի միջոցով բացահայտվել է, որ երեխայի դին պատկանում է Նարինե Այվազյանին և ապացուցվել է, որ հիվանդանոցի անձնակազմը ոչ մի հանցավոր գործունեություն չի իրականացրել: Փաստաբանը պահանջեց, որ պատասխանողը լրատվամիջոցներով հերքի բոլոր մեղադրանքները: Եվ որպես փոխհատուցում վճարի 1մլն․ ՀՀ դրամ:

Իսկ Արշակ Ջերջերյանի Փաստաբան Թեհմինե Հովսեփյանը, նշեց որ Նաիրա Այվազյանը տված հարցազրույցում անդրադարձել է նաև Վերարտադրողական առողջության, պերինատոլոգիայի, մանկաբարձության և գինեկոլոգիայի հանրապետական ինստիտուտի փոխտնօրեն Արշակ Ջերջերյանին, նրա հաշվին իրականությանը չհամապատասխանող տվյալներ է տարածել, որոնք արվել են նրան զրպարտելու, նսեմացնելու պատիվն ու արժանապատվությունը, գործարար հեղինակությունը վարկաբեկելու համար: Նաիրա Այվազյանն իր հարցազրույցում նշել է, որ իր երեխան չի մահացել այլ վաճառվել է ինստիտուտի և Արշակ Ջերջերյանի կողմից, քանի որ դատաբժշկական գիտահետազոտական կենտրոնի տվյալներում երեխայի դիակի չափսերը չեն համապատասխանել հիվանդանոցի կողմից ներկայացրած չափսերին, որից էլ մայրը ենթադրել է, որ իր երեխային փոխել են՝ առողջ երեխայի փոխարեն տվել են այլ՝ հիվանդ երեխայի դի:
Փաստաբան Թեհմինե Հովսեփյանը նշեց, նաև որ դիակի չափսերը կարող էր փոփոխվել ժամանակի ընթացքում և դատագենետիկական փորձաքննությունը ցույց է տվել, որ երեխայի դին պատկանում է Նաիրա Այվազյանին: Փաստաբանը նշեց նաև, որ մյուս կանանց երեխաների մասով ևս բոլոր հնչած մեղադրանքները չեն համապատասխանում իրականությանը և դեռևս կան գործեր, որոնք քննման փուլում են, փաստաբանն ավելացրեց, որ դրանք ևս զրպարտանք են, վերջիններիս երեխաները նույնպես մահացել են: Եվ ոչ մի ապացույց չկա որ հանրապետական ինստիտուտի անձնակազմը հանցավոր գործունեություն է իրականացրել: Եվ քանի որ այդ տեսանյութը դիտել են բազմաթիվ մարդիկ և հարցազրույցից ելնելով բացասական մեկնաբանություններ են գրել ինստիտուտի և փոխտնօրենի հասցեին, պահանջում են, որ սրա համար ևս Նաիրա Այվազյանը լրատվամիջոցներով ներողություն խնդրի Արշակ Ջերջերյանից և որպես փոխհատուցում վճարի 1մլն․ ՀՀ դրամ:

Վերարտադրողական առողջության, պերինատոլոգիայի, մանկաբարձության և գինեկոլոգիայի հանրապետական ինստիտուտի փոխտնօրենը պնդում է, որ Նաիրա Այվազյանը հստակ իմանալով, որ իր երեխան մահացել է, դիտավորությամբ զրպարտել է թե հիվանդանոցին, և թե իրեն՝ բոլոր հարցազրույցներում շահարկելով իր անունը:

Դատարանը լսելով հայցվորների պահանջներն անցավ ապացույցների հետազոտման փուլին: Կարևոր ապացույցներից էր պատասխանողի բոլոր հարցազրույցները լրատվամիջոցներով: Որը դատարանը կարողացավ մանրամասն տեսնել դատական պրոցեսի ընթացքում: Եվ, հարց ու պատասխանի միջոցով, դատավոր Ալֆրեդ Վարդանյանը փորձեց հասկանալ, թե որ արտահայտություններն են հատկապես հայցվորները համարում զրպարտանք, և որը՝ վիրավորանք: Կային փաստաթղթեր նաև այն մասին, որ քրեական  գործի վարույթը  կարճվել է, և ապացուցվել է Վերարտադրողական առողջության, պերինատոլոգիայի, մանկաբարձության և գինեկոլոգիայի հանրապետական ինստիտուտի անմեղությունը, կային ինստիտուտի անմեղությունն ապացուցող այլ փաստաթղթեր ևս:

ՀՀ Լոռու մարզի առաջին ատյանի ընդհանուր իրավասության դատարանը, նախագահությամբ դատավոր Ալֆրեդ Վարդանյանի, դատական գործով վճիռը կհրապարակի սույն թվականի հոկտեմբերի 14-ին՝ դատական իշխանության պաշտոնական կայքում:

Հոդվածը պատրաստել է «Մեդիաակումբ» ՔՀԶ ՀԿ-ն, «Աջակցություն դատաիրավական բարեփոխումներին» ծրագրի շրջանակներում, որը իրականացնում է Եվրասիա համագործակցություն հիմնադրամը «Հելսինկյան ասոցիացիա» և «Իրավունքի ուժ»  հասարակական կազմակերպությունների հետ համատեղ: Հոդվածի բովանդակությունը և արտահայտված տեսակետները միմիայն «Մեդիաակումբ» ՔՀԶ ՀԿ-ին են և կարող են չհամընկնել Եվրասիա համագործակցություն հիմնադրամի կամ «Հելսինկյան ասոցիացիա» և «Իրավունքի ուժ» հասարակական կազմակերպությունների տեսակետներին:

Նարինե Մաթեւոսյան

Գուգարք գյուղ. հուշարձանի բացում

Վանաձոր, խոշոր քաղաքային համայնք Հայաստանի Հանրապետության հյուսիսում գտնվող Լոռու մարզում։ Այն հանդիսանում է Հայաստանի Հանրապետության երրորդ խոշորագույն քաղաքը՝ մայրաքաղաք Երևանից և Գյումրուց հետո և Լոռու մարզի սոցիալ-տնտեսական, քաղաքական կենտրոնը։ Վանաձորում է գտնվում Հայ առաքելական եկեղեցու Գուգարաց թեմի առաջնորդարանը։ Աշխարհագրական դիրքի առումով տեղակայված է Փամբակի և Բազումի լեռնաշղթաների միջև ընկած նեղ ու երկարավուն գոգավորությունում՝ Փամբակ և Տանձուտ գետերի միախառնման վայրում։ Քաղաքի զբաղեցրած մակերեսի հիմնական մասը ծովի մակերևույթից բարձր է ավելի քան 1353 մետր։ Ըստ 2020 թվականի տվյալների՝ Վանաձորի բնակչությունը կազմում է 77,2 հազար մարդ։ Ի համեմատություն, 2017 թվականին բնակչության թիվը փոքր-ինչ գերազանցում էր 90 հազարը։

Նախկինում՝ որոշ ժամանակահատված, քաղաքը կոչվել է Ղարաքիլիսա, խորհրդային կարգերի հաստատումից հետո՝ Կիրովական, իսկ «Վանաձոր» անվանումը բնակավայրին տրվել է Հայաստանի անկախացումից հետո՝ 1992 թվականին։ Քաղաքի միջնադարյան պատմության մասին վկայող կարևորագույն վկայությունը Վանաձորի կիրճում գտնվող Պապանի գյուղի մասին է, որը գտնվել է Մեծ Հայքի Այրարատ նահանգի Նիգ գավառում։ Վանաձորն առաջին անգամ օտարահունչ Ղարաքիլիսա անվամբ հիշատակվել է Սանահին գյուղի վանահայր Սահակի ձեռագիր Ավետարանի էջին արված գրառումներից մեկում, որտեղ խոսք է գնում 1713 թվականի օգոստոսի 18-ին տեղի ունեցած երկրաշարժի մասին։ Ենթադրվում է, որ նախկին Ղարաքիլիսա (սև եկեղեցի) անվանումը թաթարական է և քաղաքին տրվել է 13-րդ դարի սկզբին ներկայիս Վանաձորի հյուսիսային բլրի վրա գտնվող սև քարե եկեղեցու անունով։ Խաչատուր Աբովյանի վկայությամբ՝ տեղացիները գաղթել են Երևանից։

Հայոց ցեղասպանությունից փրվելով՝ Վանաձորում բնակություն են հաստատել Արևմտյան Հայաստանի Կարս, Արդահան, Բայազետ, Էրզրում քաղաքներից գաղթած բազմաթիվ ընտանիքներ։ 1918 թվականին տեղի բնակիչները՝ գեներալ Թովմաս Նազարբեկյանի գլխավորությամբ, կազմակերպել են Ղարաքիլիսայի ինքնապաշտպանությունը, որը նշանավորվել է որպես հայ ժողովրդի մայիսյան հերոսամարտերից մեկը։ Վանաձորը քաղաքային բնակավայրի կարգավիճակ է ստացել 1924 թվականին՝ Հայաստանի խորհրդայնացումից հետո։ Քաղաքի ձևավորմանն ու զարգացմանը նպաստել է Թիֆլիս-Կիրովական-Լենինական երկաթուղու կայարանի, փոստատան և իջևանատների կառուցումը։

Խորհրդային տարիներին Վանաձորը եղել է արդյունաբերական և զբոսաշրջային քաղաք։ Ներկայումս համարվում է Հայաստանի արդյունաբերական կենտրոններից մեկը։

Վանաձորի տեսարժան վայրերի թվին են պատկանում քաղաքի կենտրոնական Հայքի հրապարակը, Սուրբ Մարիամ Աստվածածին եկեղեցին, Թայիրովի ամառանոցը, Շառլ Ազնավուրի անվան մշակույթի պալատը, Վանաձորի դրամատիկական թատրոնը, կերպարվեստի թանգարանը և Ստեփան Զորյանի տուն-թանգարանը։

Լոռու մարզի առաջին ատյանի ընդհանուր իրավասության դատարանի Վանաձոր նստավայրում 2021թ․ սեպտեմբերի 17-ին քննվում էր Վ. Քոչարյանի գործը:

Վ. Քոչարյանը մեղադրվում է «Բաղերի գլուխ» կոչվող հանդամասից ապօրինի ծառ հատելու մեջ: «Բաղերի գլուխ» հանդամասը

գտնվում է «Հայանտառ» ՊՈԱԿ-ի «Դսեղի անտառտնտեսության» 2-րդ պահաբաժնում:
Ըստ մեղադրող կողմի Վ. Քոչարյանը դեկտեմբերի 23-ին  անհայտ անձի հետ նշված հանդամասում կտրել է 2 բոխի և 1 հաճարենի: Նրան տեսել է անտառապահը, նկատելով դա, Վ․ Քոչարյանը փախուստի է դիմել: Այս մասին նա պատմել է ընկերոջը՝ Արմեն Ռասոյանին, դեպքի մանրամասներն իմանալուց հետո, նրանք համաձայնության են եկել և վերջինս, ընկերոջը փրկելու համար ծառահատումներն իր վրա է վերցրել։ Ծառերի ապօրինի հատման հետևանքով բուսական և կենդանական աշխարհին պատճառած վնասի հատուցման չափը կազմել է 171.000 ՀՀ դրամ:

Դատական նիստի քարտուղար Մարիամ Մարտիրոսյանը զեկուցեց, որ Լոռու մարզի դատախազի հրամանով քրեական գործի դատախազ՝ Արմեն Շիրմանյանի փոխարեն գործի վարույթը շարունակելու է ՀՀ Լոռու մարզի դատախազի տեղակալ Վահե Դոլմազյանը, ով և ներկայացել էր նիստին։ Նիստին ներկա չէր ամբաստանյալ՝ Վ. Քոչարյանը։ Նա այժմ Վանաձոր քրեակատարողական հիմնարկում գտնվում է կալանքի տակ՝ սակայն այլ քրեական գործով: Դատարանը ամբաստանյալի ներկայությունն ապահովելու համար դիմել է համապատասխան վարչություն, սակայն չի հաջողվել ամբաստանյալի ներկայությունն ապահովել: Նիստին ներկա չէր նաև ամբաստանյալի շահերի պաշտպան՝ Աշոտ Ղազարյանը, ինչպես նաև տուժողի ներկայացուցիչ Արթուր Մամաջանյանը: Վերջինս գրություն էր ուղարկել դատարան, որ աշխատանքի ծանրաբեռնվածության պատճառով չի կարող մասնակցել դատական նիստին, և գործի քննությունը կարող են իրականացվնել առանց իր ներկայության:

Դատարանը, դատավոր Լուսինե Ալավերդյանի նախագահությամբ,  որոշում կայացրեց, որ դատական նիստին կարևոր է ամբաստանյալ՝ Վ. Քոչարյանի ներկայությունը և հանձնարարեց համապատասխան գրություն ուղարկել քննչական կոմիտե որպեսզի հաջորդ նիստին, որը նշանակվեց հոկտեմբերի 4-ին, ապահովեն ամբաստանյալի ներկայությունը:

                                 Հոդվածը պատրաստել է «Մեդիաակումբ» ՔՀԶ ՀԿ-ն, «Աջակցություն դատաիրավական բարեփոխումներին»
ծրագրի շրջանակներում, որը իրականացնում է Եվրասիա համագործակցություն հիմնադրամը
«Հելսինկյան ասոցիացիա» և «Իրավունքի ուժ»  հասարակական կազմակերպությունների հետ համատեղ:
Հոդվածի բովանդակությունը և արտահայտված տեսակետները միմիայն «Մեդիաակումբ» ՔՀԶ ՀԿ-ին են
և կարող են չհամընկնել Եվրասիա համագործակցություն հիմնադրամի կամ «Հելսինկյան ասոցիացիա» և «Իրավունքի ուժ»
հասարակական կազմակերպությունների տեսակետներին:

Նարինե Մաթեւոսյան

Խոսքը բոլորին հայտնի ուրցի մասին է: Այն օժտված է  հակшնեխիչ, սպազմոլիտիկ հատկությшմբ, համարվում է բնшկան հակաբիոտիկ,  ունի խորխшբեր ազդեցություն:  Ուրցը ոչնչացնում է ախտшծին միկրոբները, խթանում է օրգանիզմի պшշտպանшկան  ուժերը, մաքրում է օրգանիզմը խшրամներից, բարձրացնում է ինֆեկցիաների նկшտմամբ կայունությունը,  խթшնում է լեյկոցիտների ձևավորումը:

Ուրցը ունակ է ոչնչшցնել նաև  ստաֆիլոկոկը:  Բակտերիաները ոչնչшցնելու և հականեխիչ шզեցությունը ուրցը դարձնում է  կարևոր բաղшդրիչ  ինչպես ժողովրդական բժշկության, шյնպես էլ գիտական բժշկությшն մեջ:  Ուրցից ստացվող եթերային յուղը  համшրվում է  այն հազվшգյուտներից մեկը, որը ընդամենը 3 ժամում կшրող է ոչնչացնել ախտածին միկրոբները:

Ուրցը կիրшռվում է  շնչառակшն ինֆեկցիաների բուժման համшր: Շшտ օգտակար է  հազի,  բրոնխիտի,  կոկորի բորբոքմшն, ասթմատիկ երևույթների,  քիթըմպшնի ինֆեկցիոն պաթոլոգիաների դեպքում:  Ուրցի եթերшյուղերը ջրիկացնում են խորխը,  և օգնում են դուրս բերել այն:

Ուրցի անուշ բույրը հшնգստացնում է նյարդшյին համակшրգը,  հանում է հոգնածությունը, բարձրացնում է կենտրոնшցումը,  վերականգնում է ուժերը հիվանդությունից հետո, լшվшցնում է հիշողությունը,  կшրգավորում է արյան ցшծր ճնշումը:

Ուրցը՝

կիրառվում է եղունգների սնկի դեմ

Ոչնչացնում է մակшբույծներին

Ախտահանում է ձեռքերը

Ազատում է միզուղիների հшմակարգի բորբոքումը

Օգնում է միջшտների խայթոցի դեպքում

Լավшցնում է մաշկի ու մազերի վիճшկը

Ուրցով տաք թրջոցները  հանում են մկանшյին ցավը, օգտակшր են ռադիկուլիտի, արթրիտի դեպքում:

Որցի հոտը վшխեցնում է միջատներին: