Հունվարի 16-ին, տեղական ժամանակով ժամը 07:25-ին (Գրինվիչի ժամանակով՝ 03:25-ին) ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 39.14⁰ և արևելյան երկայնության 46.52⁰ աշխարհագրական կոորդինատներով Ադրբեջան-Հայաստան սահմանային գոտի` Սյունիքի մարզի Կապան քաղաքից 12 կմ հարավ-արևելք, օջախի 10 կմ խորությամբ, 4․3 մագնիտուդով երկրաշարժ, հայտնում է ԱԻՆ-ը։

Էպիկենտրոնային գոտում ստորգետնյա ցնցման ուժգնությունը կազմել է 5-6 բալ:

Երկրաշարժը զգացվել է Սյունիքի մարզի Կապան քաղաքում և մի շարք գյուղերում՝  4-5 բալ ուժգնությամբ, Վայոց ձորի մարզի Վայք և Եղեգնաձոր քաղաքներում, Արցախի Հանրապետության Ստեփանակերտ քաղաքում` 3-4 բալ ուժգնությամբ:

Աշոտ Պողոսյանն ըստ մեղադրող կողմի 2020թ․ հուլիս18-ից մինչև օգոստոսի 6-ը «Հայանտառ» ՊՈԱԿ-ի «Կաթնաղբյուր» հանդամասից 30 սոճի է հատել: Նրան մեղադրյալ է առաջադրվել։

Նոյեմբերի 19-ին Լոռու մարզի առաջին ատյանի ընդհանուր իրավասության դատարանի Վանաձոր նստավայրում քննվում էր ապօրինի անտառհատման հեթական դեպքը:  Աշոտ Պողոսյանը ծառերը մասնատել է և որպես փայտանյութ մեքենայից կապել ու  հանել անտառի տարածքից: Ապօրինի հատած ծառերի վնասի հատուցման չափը կազմել է 1.297.500 ՀՀ դրամ:

Քանի որ ամբաստանյալի կրթությունը հունարենով է, շահերի պաշտպանը միջնորդությամբ հանդես եկավ, որպեսզի դատարանը կարողանա դատական նիստին ապահովել հունարենին տիրապետող մասնագետ: Աշոտ Պողոսյանը հասկանում է հայերեն, սակայն խնդիր ունի կարդալու և գրելու հետ կապված:

Դատական նիստի ժամանակ ամբաստանյալի շահերի պաշտպան Կրոմվել Գրիգորյանը հանդես եկավ նաև միջնորդությամբ այն մասին, որ ամբաստանյալի ընտանիքն այս պահին գտնվում է Ֆրանսիայում և ամբաստանյալը, թեև այս պահին գտնվում է ազատության մեջ, բայց ազատ տեղաշարժվելու սահմանափակումներ կան և չի կարողանում այցելել իր ընտանիքին։ Ամբաստանյալը 3 երեխաներից մեկը հաշմանդամություն ունի: Եվ չի կարող այլ երկիր տեղափոխվել, քանի որ գտնվում է բժիշկների հսկողության տակ: Հայրը ցանկանում է այցելել իր երեխաներին, սակայն  այս պահին զրկված է տևական ժամանակով տեսնել նրանց: Միջնորդությունն այն մասին էր որ դատարանն ամբաստանյալի ազատ տեղաշարժման սահմանափակումը վերացնի:

ՀՀ Լոռու մարզի դատախազության դատախազ Բարսեղ Մուրադյանը նշեց, որ ամբաստանյալի արարքը ՀՀ օրենքով հանդիսանում է ծանր հանցագործություն և միայն երեխաների փաստը քիչ է, որպեսզի դատարանը ստորագրությամբ չհեռանալու խափանման միջոցը վերացնի:

ՀՀ Լոռու մարզի առաջին ատյանի ընդհանուր իրավասության դատարանը՝ նախագահությամբ դատավոր Լուսինե Ալավերդյանի, մերժեց ստորագրությամբ ամբաստանյալի չհեռանալու խափանման միջոցը վերացնելու մասին միջնորդությունը:

Փաստաբան Կռոնվել Գրիգորյանը հանդես եկավ այլ միջնորդությամբ, խնդրելով, որ դատարանն իր պաշտպանյալի սահմանափակումը կարճ ժամանակով հանի, դրանով ամբաստանյալին հնարավորություն տա այցելելու իր ընտանիքին՝ պարտավորվելով վերադառնալ մինչև հաջորդ դատական նիստը:
Քանի որ մեղադրող կողմը չառարկեց այս միջնորդության դեմ, նախագահող դատավոր՝ Լուսինե Ալավերդյանը բավարարեց միջնորդությունը՝ հնարավորություն տալով Աշոտ Պողոսյանին այցելել իր ընտանիքին:
Հաջորդ դատական նիստը նշանակվեց 2022թ․ փետրվարի 1-ին:

Հոդվածը պատրաստել է «Մեդիաակումբ» ՔՀԶ ՀԿ-ն, «Աջակցություն դատաիրավական բարեփոխումներին»                
                                       ծրագրի շրջանակներում, որը իրականացնում է Եվրասիա համագործակցություն հիմնադրամը                                                                                       «Հելսինկյան ասոցիացիա» և «Իրավունքի ուժ»  հասարակական կազմակերպությունների հետ համատեղ:
                                    Հոդվածի բովանդակությունը և արտահայտված տեսակետները միմիայն «Մեդիաակումբ» ՔՀԶ ՀԿ-ին են
                      և կարող են չհամընկնել Եվրասիա համագործակցություն հիմնադրամի կամ «Հելսինկյան ասոցիացիա» և «Իրավունքի ուժ»                                                                                             հասարակական կազմակերպությունների տեսակետներին: 

«Իգոր Մուրադյանի քաղաքական և գիտական ժառանգության» հիմնադրամը ձեռնամուխ է եղել այս տարվանից Լոռու մարզի Օձուն և Տաշիր համայնքերում ներդնելու ինժեներական խմբակների ուսումնական ծրագրեր՝ շուրջ 450 երեխայի ուսուցանելով կոնստրուկտորական հմտություններ, տեխնիկական խնդիրների ինքնուրույն հայտնաբերման ունակություններ, սովորեցնելով կազմել մոդելների (արագընթաց, պիլոտաժային, օդային մարտ, ազատ թռչող)նախագծման և կառուցման անհատական նախագծեր:

Ծրագրի իրականացման ընթացքում հիմնադրամը կհամագործակցի Լոռու մարզպետարանի հետ, և այդ նպատակով այսօր հուշագիր կնքվեց Լոռու մարզպետ Արամ Խաչատրյանի և հիմնադրամի տնօրեն Ռաֆիկ Հովակիմյանի միջև:
Հուշագրի համաձայն, Լոռու մարզպետարանը նշված համայնքներում ինժեներական խմբակների ուսումնական ծրագրերի ներդրման, իրականացման հարցում հիմնադրամին կաջակցի մինչև մինչև 2027թ. ապրիլ ամիս:
Ողջունելով հիմնադրամի նախաձեռնությունը՝ մարզպետ Արամ Խաչատրյանը նշեց, որ Լոռու մարզում ակտիվ ծրագրեր են իրականացվում տեղեկատվական տեխնոլոգիաների զարգացման, պատանիների և աղջիկների շրջանում նոր հմտություններ զարգացնելու ուղղությամբ ու նոր նախաձեռնության իրագործումը կգա համալրելու և ամբողջացնելու իրականացվող ծրագրերը:

-Հուսով եմ, որ այս ծրագրով հիմնադրամը լրացուցիչ բովանդակություն կապահովի Տաշիր և Օձուն համայնքների դպրոցականների համար, իսկ հետագայում լավագույն փորձը կարող ենք տարածել մարզի այլ համայնքերում ևս,-ասաց Ա. Խաչատրյանը:
Ռ. Հովակիմյանն իր հերթին, շնորհակալություն հայտնելով համագործակցության պատրաստակամության համար, ընդգծեց մատաղ սերնդին ավիակոնստրուկտորային հմտություններ դասավանդելու կարևորությունը, այդ համատեքստում նաև ռազմահայրենասիրական ոգու բարձրացումը:
-Ինժեներական խմբակների ուսումնական ծրագրերի ներդրման նպատակն է ուժեղացնել Հայաստանում տեխնիկական կրթության բազան, նպաստել դպրոցականների մասնագիտական կողմնորոշմանը, ակտիվացնել և ընդլայնել նրանց ճանաչողական գործունեությունը, պատրաստել տեխնիկական կրթությամբ մասնագիտական աշխատուժ,-ասաց Ռ. Հովակիմյանը՝ միաժամանակ նշելով, որ ծրագրի իրականացման ընթացքում երեխաները ինտերակտիվ արտադասարանական դասընթացների, հետաքրքիր մրցույթների, ինովացիոն ճամբարների միջոցով կծանոթանան գիտությանը, տեխնոլոգիային, ինժեներությանը և մաթեմատիկային:

Ի գիտություն Վանաձոր համայնքի Գուգարք, Դարպաս և Շահումյան գյուղերի բնակիչների

Հայաստանի ազգային ագրարային համալսարանը Ռազմավարական զարգացման գործակալության հետ գործակցաբար իրականացվող «Հմտությունների եւ գիտելիքի զարգացում» պիլոտային ծրագրի շրջանակում կազմակերպում է «Թթու կաթնամթերքի եւ պանրագործության» թեմայով դասընթաց:

Դասընթացը բաղկացած կլինի ինտերակտիվ դասախոսություններից, որին զուգահեռ  կիրականացվեն արտադրական աշխատանքներ Հայաստանի ազգային ագրարային համալսարանի նորաբաց «ԲԱԼԱՀՈՎԻՏ» ուսունափորձնական տնտեսության Կաթնամթերքի վարպետաց դպրոցում: Վեցօրյա դասընթացի մասնակցության արժեքն է 80000 (ութսուն հազար) ՀՀ դրամ։ Արժեքը ներառում է գիշերակաց եւ սնունդ։

Զեղչեր կտրամադրվեն հետեւյալ խմբերի ներկայացուցիչներին՝ գործազուրկ եւ սոցիալապես անապահով կանայք եւ երիտասարդներ, հաշմանդամություն ունեցող անձինք, Արցախյան երկրորդ պատերազմի մասնակիցներ եւ Արցախից տեղահանված անձինք:

Դասընթացի ավարտին կտրամադրվի մասնակցության հավաստագիր:

Դասընթացը կմեկնարկի հունվարի 17-ին եւ կավարտվի հունվարի 22-ին։ Համալրվող խումբը բաղկացած է լինելու 14 մասնակիցներից։ Դասավանդող դասախոսները Ագրարային համալսարանի լավագույն մասնագետներն են։ Նորաբաց Վարպետաց դպրոցում ուսման, աշխատանքի եւ կեցության համար ստեղծված են լավագույն պայմանները։ Նախորդ երկու դասընթացների մասնակիցները նշում են դասընթացի արտակարգ բարձր մասնագիտական մակարդակն ու արդյունավետությունը։

Դասընթացին դիմելու եւ լրացուցիչ հարցերի դեպքում կարող  ենք զանգահարել՝

012 54 57 13,             095 59 20 03,             093 59 20 01 հեռախոսահամարներով:

Վանաձորի համայնքապետարան

Այսօր Նատալյա Ռոտենբերգը ստացավ Հայաստանի Հանրապետության քաղաքացիություն։ Այս մասին նա հայտնել է իր էջում տեղադրած տեսանյութում։

Նա Հայաստանի քաղաքացի դարձավ իր ծննդյան տարեդարձի օրը։

«Այսօր պատմական օր է։ Այսօրվանից սկսվում է Հայաստանի պատմությունը»,-տեսանյութում նշում է Ռոտենբերգը։

https://www.facebook.com/100008437574515/videos/350125749991387/

Անի Խուբլարյան, Ստեփանավան

Եթե ցանկանում եք սովորել եւ զբաղվել թթու կաթնամթերքի եւ պանրի արտադրությամբ, ձեռք բերել գիտելիքներ՝

• արտադրության սանիտարահիգիենիկ միջոցառումների,
• կաթի եւ կաթնամթերքների արտադրությունում օգտագործվող տեխնոլոգիական սարքավորումների, դրանց կառուցվածքի եւ նշանակության,
• կաթնամթերքի արտադրությունում անվտանգության կանոնների,
• հումքի ստացման եւ նախնական մշակման կանոնների եւ դրանց որակին ներկայացվող պահանջների,
• թթու կաթնամթերքների դասակարգման, արտադրության եղանակների առանձնահատկությունների, տեխնոլոգիական գործընթացների,
• թթու կաթնամթերքների արտադրությունում օգտագործվող մակարդների, հավելումների,
• թթու կաթնամթերքների արատների բացահայտման եւ կանխարգելման, ինչպես նաեւ ֆիզիկաքիմիական հատկությունների վերաբերյալ տեսական եւ գործնական կարողությունների եւ հմտությունների,
• պանրագործությունում օգտագործվող բաղադրիչների,
• պանիրների դասակարգման, արտադրության տեխնոլոգիական առանձնահատկությունների, գործընթացների,
• պանիրների արատների բացահայտման եւ կանխարգելման, ինչպես նաեւ ֆիզիկաքիմիաֆկան հատկությունների տեսական եւ գործնական կարողությունների եւ հմտությունների վերաբերյալ.

Հայաստանի ազգային ագրարային համալսարանը Ռազմավարական զարգացման գործակալության հետ գործակցաբար իրականացվող «Հմտությունների եւ գիտելիքի զարգացում» պիլոտային ծրագրի շրջանակում կազմակերպում է «Թթու կաթնամթերքի եւ պանրագործության» թեմայով դասընթաց:

Դասընթացին կարող են դիմել թթու կաթնամթերքի եւ պանրագործության ոլորտով հետաքրքրված, 18 տարին լրացած անձինք, ովքեր ցանկանում են կատարելագործել իրենց գիտելիքները եւ կարողությունները տվյալ բնագավառում, ունեն արտադրությունում աշխատելու փորձ, ինչպես նաեւ նրանք, ովքեր այս ոլորտում դեռեւս սկսնակ են, սակայն ցանկանում են սեփական արտադրություն հիմնել:

Դասընթացի շնորհիվ դուք կկարողանաք՝

• կատարել կաթնամթերքի արտադրությունում հիգիենիկ միջոցառումներ

– կիրառել անձնական հիգիենայի կանոնները

– տարբերակել լվացող եւ ախտահանող նյութերը

– կիրառել լվացող եւ ախտահանող նյութերն ըստ անհրաժեշտության եւ նշանակության

– կատարել սարքավորումների եւ գործիքների լվացում, ախտահանում

• ընտրել տվյալ արտադրական գործընթացի համար ճիշտ սարքավորում,
• իրականացնել կաթի կեղտամաքրում, սերզատում եւ նորմալացում,
• կատարել ջերմային ռեժիմների ճիշտ ընտրություն, կիրառել այն,
• կատարել պոմպերի շահագործում,
• կատարել կաթի նմուշառում, զգայորոշում,
• իրականացնել կաթի ընդունում՝ ըստ սահմանված կարգի,
• պատրաստել եւ մակարդել կաթնային խառնուրդ՝ ըստ մթերքի տեսակի,
• պատրաստել թթու կաթնամթերք,
• ընտրել պանրի արտադրությունում օգտագործվող փաթեթավորող նյութերը,
• կիրառել պանրի արտադրության համար նախատեսված օժանդակ նյութերը,
• պատրաստել եւ մակարդել կաթնային խառնուրդ՝ ըստ պանրի տեսակի,
• պատրաստել պանիր:

Դասընթացը բաղկացած կլինի ինտերակտիվ դասախոսություններից, որին զուգահեռ  կիրականացվեն արտադրական աշխատանքներ Հայաստանի ազգային ագրարային համալսարանի նորաբաց «ԲԱԼԱՀՈՎԻՏ» ուսունափորձնական տնտեսության Կաթնամթերքի վարպետաց դպրոցում: Վեցօրյա դասընթացի մասնակցության արժեքն է 80000 (ութսուն հազար) ՀՀ դրամ։ Արժեքը ներառում է գիշերակաց եւ սնունդ։

Զեղչեր կտրամադրվեն հետեւյալ խմբերի ներկայացուցիչներին՝ գործազուրկ եւ սոցիալապես անապահով կանայք եւ երիտասարդներ, հաշմանդամություն ունեցող անձինք, Արցախյան երկրորդ պատերազմի մասնակիցներ եւ Արցախից տեղահանված անձինք:

Դասընթացի ավարտին կտրամադրվի մասնակցության հավաստագիր:

Դասընթացը կմեկնարկի հունվարի 17-ին եւ կավարտվի հունվարի 22-ին։ Համալրվող խումբը բաղկացած է լինելու 14 մասնակիցներից։ Դասավանդող դասախոսները Ագրարային համալսարանի լավագույն մասնագետներն են։ Նորաբաց Վարպետաց դպրոցում ուսման, աշխատանքի եւ կեցության համար ստեղծված են լավագույն պայմանները։ Նախորդ երկու դասընթացների մասնակիցները նշում են դասընթացի արտակարգ բարձր մասնագիտական մակարդակն ու արդյունավետությունը։

Դասընթացին դիմելու եւ լրացուցիչ հարցերի դեպքում խնդրում ենք զանգահարել՝

012 54 57 13,             095 59 20 03,             093 59 20 01

7-14 տարեկան երեխաների համար անվճար ռուսերեն լեզվի դասընթացներ: Մանրամասների համար զանգահարել՝ +37494922260, Էլյա Սիմոնյան, Ստեփանավան

Հայաստանի Հանրապետության նախագահ Արմեն Սարգսյանն Արաբական Միացյալ Էմիրություններ աշխատանքային այցի շրջանակում հանդիպում է ունեցել ԱՄԷ առաջատար տեխնոլոգիաների և գիտության հարցերով պետական նախարար Սառա Ալ Ամիրիի հետ։ Նախարարը նաև ԱՄԷ տիեզերական գործակալության և ԱՄԷ գիտնականների խորհրդի նախագահն է, նա համակարգում է նաև ԱՄԷ տնտեսության զարգացման մեջ գիտության և առաջատար տեխնոլոգիաների ներդրման հարցերը:

Հանդիպմանը նախագահ Սարգսյանն ու նախարար Ալ Ամիրին քննարկել են գիտության, տեխնոլոգիաների, ինչպես նաև տիեզերագիտության ոլորտներում համագործակցության և համատեղ ծրագրերի իրականացման հնարավորությունները։ Նախարար Ալ Ամիրին ներկայացրել է հիմնարար գիտությունների, տիեզերագիտության ոլորտներում Միացյալ Էմիրությունների կողմից իրականացվող աշխատանքները, մասնավորապես անդրադարձել ԱՄԷ-ի «Հույսի զոնդ» արբանյակի պատմական ճանապարհորդությանը դեպի Մարս։

Զրուցակիցները համակարծիք են եղել, որ նման հավակնոտ ծրագրերը ներդրում են ոչ միայն հանուն ապագայի, այլև երիտասարդների համար գիտությամբ զբաղվելու ոգեշնչման աղբյուր են: Նախագահ Սարգսյանը ԱՄԷ պետնախարարին հրավիրել է մասնակցելու սեպտեմբերին Հայաստանում նախատեսվող՝ գիտության ու արվեստի միջազգային STARMUS 6-րդ փառատոնին, որի նպատակներից մեկը նույնպես երիտասարդներին դեպի գիտություն, նոր տեխնոլոգիաներ, դեպի ապագա ուղղորդելն է:

Նախագահ Սարգսյանը նշել է, որ Հայաստանը ևս մեծ նշանակություն է տալիս գիտության և տեխնոլոգիաների ոլորտներին՝ դրանք առաջնային համարելով մեր երկրի ապագայի տեսանկյունից։ Այս համատեքստում նախագահ Սարգսյանը խոսել է գիտատեխնոլոգիական զարգացմանն ուղղված՝ նախագահական ATOM (Advanced Tomorrow) նախաձեռնության և դրա շրջանակներում հնարավոր փոխգործակցության մասին։ Անդրադարձ է եղել նաև երիտասարդ գիտնականների փոխանակման ծրագրերի և համատեղ հետազոտությունների իրականացման հնարավորություններին։

Ավագանու նիստ անցկացնելու արգելքի վերացմանը միտված Վարչական դատարանի նիստը հետաձգվեց՝ ՀԱՍԿ կուսակցության (Արկադի Փելեշյան)՝ դատական նիստի մասին չծանուցվելու հիմնավորմամբ։ Այս մասին հայտնում են «Մամիկոն Ասլանյան» դաշինքից։

«Լուսավոր Հայաստան» կուսակցության՝ ընդդեմ Վանաձոր համայնքի ավագանու և Վանաձոր համայնքի աշխատակազմի, ներկայացրած հայցի (երրորդ անձինք՝ «Մամիկոն Ասլանյան» կուսակցությունների դաշինք, «Քաղաքացիական պայմանագիր» կուսակցություն, «Հայաստանի աշխատավորական սոցիալիստական» կուսակցություն, «Հայրենիք» կուսակցություն, «Ապրելու երկիր» կուսակցություն)՝ Վանաձոր համայնքի ավագանուն՝ Վանաձոր միավորված համայնքի ղեկավար ընտրելուն ուղղված գործողություններից ձեռնպահ մնալուն պարտավորեցնելու, այն է՝ համայնքի ղեկավար ընտրելու օրակարգով նիստ անցկացնելուց և/կամ համայնքի ղեկավար ընտրելուց և/կամ Վանաձոր համայնքի աշխատակազմի՝ Վանաձոր համայնքի ղեկավարի լիազորությունները դադարած հայտարարելու գործողությունը ոչ իրավաչափ ճանաչելու պահանջների մասին վարչական գործով հայցի ապահովման միջոցը վերացնելու վերաբերյալ միջնորդության քննարկման դատական նիստը հետաձգվել է ՀԱՍԿ կուսակցության (Արկադի Փելեշյան)՝ դատական նիստի մասին չծանուցվելու հիմնավորմամբ:

Հիշեցնենք, որ Վարչական դատարանի նիստը կայանալու էր այսօր՝ հունվարի 17-ին»,- հայտնում են դաշինքից:

Հիդրոօդերևութաբանության և մոնիթորինգի կենտրոնը տեղեկացնում է, որ Երևանում հունվարի 14-ի ցերեկը, 16-18-ին սպասվում է առանց տեղումների եղանակ: Հունվարի 15-ին՝ երեկոյան ժամերին, հնարավոր է թույլ ձյուն, 19-ին ևս սպասվում է ձյուն:

Հանրապետությունում Հունվարի 14-ի ցերեկը, 15-ի երեկոյան ժամերին, 16-ին առանձին շրջաններում, 19-ին շրջանների զգալի մասում սպասվում է ձյուն: Հունվարի 15-ի գիշերը, 17-18-ին սպասվում է առանց տեղումների եղանակ:

Քամին՝ հյուսիս-արևմտյան՝ 2-5 մ/վրկ: Օդի ջերմաստիճանը 14-17-ին աստիճանաբար կնվազի 10-12 աստիճանով: