Ֆրանսիայի Ներքին գործերի նախարարության վերջին ընդհանուր տվյալների համաձայն՝ արձանագրությունների 97 տոկոսի հաշվարկից հետո նախագահական ընտրություններում առաջատարը պահպանում է Ֆրանսիայի գործող նախագահ Էմանուել Մակրոնը՝ հավաքելով ձայների 27,6 տոկոսը։
Երկրորդ տեղում է աջակողմյան «Ազգային հանրահավաք» կուսակցության առաջնորդ Մարին Լը Պենը (23,41 տոկոս), իսկ ձախակողմյան «Ֆրանսիան անհնազանդ» կուսակցության առաջնորդ Ժան-Լյուկ Մելանշոնը երրորդն է (21,95 տոկոս):

Մինչդեռ Ֆրանսիայի մետրոպոլիայի մարզում Մելենշոնը, որն այլևս երկրորդ փուլի թեկնածու չէ, զբաղեցրել է առաջին տեղը (30,24 տոկոս ձայն), որին հաջորդում են Մակրոնը (30,19 տոկոս) և Լը Պենը (12,97 տոկոս): Այս տարածաշրջանում չորրորդ տեղում է ծայրահեղ աջ թեկնածու, Reconquest կուսակցության հիմնադիր Էրիկ Զեմմուրը (7,46 տոկոս)։ Աջ կենտրոնամետ հանրապետական ​​թեկնածու Վալերի Պեկրեսը զբաղեցրել է հինգերորդ տեղը՝ հավաքելով ձայների 6,19 տոկոսը։

Բուն Փարիզում իրավիճակն այլ է՝ Ֆրանսիայի մայրաքաղաքում Մակրոնը ստացել է 35,33 տոկոս, Մելանշոնը՝ 30,09 տոկոս, Զեմուրը՝ 8,16 տոկոս։ Մարին Լը Պենը զբաղեցրել է վեցերորդ տեղը՝ հավաքելով ձայների 5,54 տոկոսը։

Ֆրանսիայում նախագահական ընտրությունների երկրորդ փուլը տեղի կունենա ապրիլի 24-ին։

Այս տարվանից ատեստատներն ու հիմնական կրթության վկայականները կտրամադրվեն էլեկտրոնային եղանակով։

Այս մասին հիշեցնելով ֆեյսբուքյան իր էջում՝ ՀՀ ԿԳՄՍ նախարարի տեղակալ Ժաննա Անդրեասյանը հայտնել է, որ ատեստատը կունենա հետևայլ տեսքը։

Դրա հավաստիությունը հնարավոր կլինի ստուգել e-verify.am կայքում՝ հսկիչ համարը մուտքագրելով։

Ապրիլի 10-ի` ժամը 11:00-ի դրությամբ,

✓ 15 նոր դեպք

✓ 2355 թեստավորում

✓ 14 առողջացած

✓ 0 մահվան դեպք

Այսպիսով, հաստատվել է կորոնավիրուսային հիվանդության ընդհանուր 422677 դեպք, որոնցից 410324 առողջացած: Փաստացի բուժում է ստանում 2053 պացիենտ:

Ընդհանուր առմամբ, կորոնավիրուսը հետևանքով  մահվան 8620 դեպք է արձանագրվել:

Այլ հիվանդության պատճառով մահվան դեպքերի ընդհանուր թիվը 1680 է:

Ընդհանուր կատարվել է 2998412 թեստավորում։

Երևան քաղաքում՝

Ապրիլի 09-ի ցերեկը, 10-11-ին, 12-13-ի գիշերը, 14-ին սպասվում է առանց տեղումների եղանակ: 12-13-ի ցերեկը սպասվում է անձրև: Ապրիլի 11-13-ին սպասվում է քամու ուժգնացում՝ 16-20 մ/վ արագությամբ:

Հանրապետության տարածքում`

Ապրիլի 09-ի ցերեկը, 12-ին առանձին շրջաններում, 13-ին առավոտյան և ցերեկը՝ շրջանների զգալի մասում սպասվում է անձրև, առանձին հատվածներում նաև ամպրոպ: Ապրիլի 10-11-ին, 13-իր գիշերը, 14-ին սպասվում է առանց տեղումների եղանակ:

Քամին՝ արևմտյան 3-6 մ/վրկ, ապրիլի 11-13-ին առանձին շրջաններում սպասվում է քամու ուժգնացում՝ 18-23մ/վ արագությամբ: Օդի ջերմաստիճանն 09-11-ի ցերեկը աստիճանաբար կբարձրանա 4-6 աստիճանով:

Հայաստանի Հանրապետության հողօգտագործողներին մատչելի գներով ազոտական, ֆոսֆորական և կալիումական պարարտանյութերի ձեռքբերման աջակցության ծրագիրն ընթանում է բնականոն հունով։ Տեղեկացնում է ՀՀ էկոնոմիկայի նախարարությունը։

Հայաստանի Հանրապետության հողօգտագործողներին մատչելի գներով ազոտական, ֆոսֆորական և կալիումական պարարտանյութերի ձեռքբերման աջակցության ծրագրի (այսուհետ՝ ծրագիր) նպատակը բուսաբուծության ճյուղում տնտեսավարողների կողմից գործունեություն իրականացնելու համար բավարար պայմանների ապահովումն է, մասնավորապես՝ հողօգտագործողների համար գնաճի աննախադեպ պայմաններում շուկայական գներից ավելի ցածր գներով պարարտանյութերի ձեռքբերման հնարավորության ստեղծումն է:

Պարարտանյութ կտրամադրվի առավելագույնը 3 հեկտար հողատարածքում մշակություն իրականացնելու համար, կսուբսիդավորվի կամ փոխհատուցվի մատակարարների կողմից շահառուներին վաճառվող պարարտանյութի վաճառքի գնի 50%-ը, բայց ոչ ավելի քան 50 կգ քաշով 1 պարկ պարարտանյութի հաշվով 9000 դրամը, մատակարարների կողմից պարարտանյութերի վաճառքը կիրականացվի մարտի 17-ից մինչև հունիսի 15-ը ներառյալ ընկած ժամանակահատվածում։

Ս․թ․ ապրիլի 9-ի դրությամբ ունեցած օպերատիվ տվյալների համաձայն՝ Հայաստանի Հանրապետություն է ներկրվել 5,400 տոննա և ՀՀ 8 մարզեր է մատակարարվել 2,550 տոննա պարարտանյութ (Արագածոտնի մարզ` 400 տոննա, Արմավիրի մարզ` 1,100 տոննա, Կոտայքի մարզ` 160 տոննա , Լոռու մարզ` 120 տոննա, Շիրակի մարզ` 340 տոննա, Վայոց ձոր` 80 տոննա, Սյունիքի մարզ` 300 տոննա, Տավուշի մարզ` 50 տոննա)։

🔴  20-ամյա աղջիկը՝ «Սև հովազ» ջոկատի անդամ. ծնողներից գաղտնի 44-օրյա պատերազմին նա կամավորագրվեց:

🔴  44-օրյա պատերազմին որդուն կորցրած կինը՝ սերժանտ Նարինե Բալայանը, շարունակում է սիրով կրել զինվորականի համազգեստը:

🔴  Պատերազմը շատ բան փոխեց: Ստեղծագործող կանայք հիմա այլ, ավելի մռայլ գույներ են ընտրում: Արվեստի մարդիկ՝ պատերազմի օրերին և դրանից հետո:

🔴  Կանանց ներգրավվածությունը ուժային կառույցների աշխատանքներում վաղուց նորություն չէ, բայց այնպես էլ չէ, որ ամեն քայլափոխի կարող ես կին հրշեջ-փրկարարի հանդիպել, ով չի վախենում և տղամարդկանց հետ պատրաստ է ամենաբարդ իրավիճակներում հայտնվել ու մարդկանց օգնել:

🔴  15 տարի Գորիսից Խոզնավար: Դպրոցի հանդեպ սերը հաղթում է բոլոր դժվարությունները: Սահմանապահ ուսուցչի՝ Արմինե Աղաբեկյանի օրը դասարանում, որտեղ սովորում է երեք աշակերտ:

🔴  Դժվար է լինել լրագրող և լուսաբանել այն արհավիրքը, որը տեղի է ունենում քո հողում: Քառօրյա, հետո նաև 44-օրյա պատերազմը լուսաբանած լրագրողները հիշում են իրենց մասնագիտական աշխատանքի ամենածանր օրերը:

«Region5+»-ի այսօրվա թողարկման առանցքում.

🔴  20-ամյա աղջիկը՝ «Սև հովազ» ջոկատի անդամ. ծնողներից գաղտնի 44-օրյա պատերազմին նա կամավորագրվեց:

🔴  44-օրյա պատերազմին որդուն կորցրած կինը՝ սերժանտ Նարինե Բալայանը, շարունակում է սիրով կրել զինվորականի համազգեստը:

🔴  Պատերազմը շատ բան փոխեց: Ստեղծագործող կանայք հիմա այլ, ավելի մռայլ գույներ են ընտրում: Արվեստի մարդիկ՝ պատերազմի օրերին և դրանից հետո:

🔴  Կանանց ներգրավվածությունը ուժային կառույցների աշխատանքներում վաղուց նորություն չէ, բայց այնպես էլ չէ, որ ամեն քայլափոխի կարող ես կին հրշեջ-փրկարարի հանդիպել, ով չի վախենում և տղամարդկանց հետ պատրաստ է ամենաբարդ իրավիճակներում հայտնվել ու մարդկանց օգնել:

🔴  15 տարի Գորիսից Խոզնավար: Դպրոցի հանդեպ սերը հաղթում է բոլոր դժվարությունները: Սահմանապահ ուսուցչի՝ Արմինե Աղաբեկյանի օրը դասարանում, որտեղ սովորում է երեք աշակերտ:

🔴  Դժվար է լինել լրագրող և լուսաբանել այն արհավիրքը, որը տեղի է ունենում քո հողում: Քառօրյա, հետո նաև 44-օրյա պատերազմը լուսաբանած լրագրողները հիշում են իրենց մասնագիտական աշխատանքի ամենածանր օրերը:

Թողարկումն այսօր՝ MIG TVR. ժամը 21:00-ին:

Ինչպես հայտնում է Արտակարգ իրավիճակների նախարարությունը, ապրիլի 7-ից 8-ը ԱԻՆ ՓԾ ճգնաժամային կառավարման ազգային կենտրոնում 8 ահազանգ է ստացվել հանրապետության տարբեր տարածքներում արգելափակված ավտոմեքենաների վերաբերյալ:

Մասնավորապես՝ Կոտայքի մարզի Հրազդան և Արագածոտնի մարզի Ապարան, Արմավիրի մարզի Էջմիածին քաղաքներում, Սյունիքի մարզի Բռնակոթ գյուղում, Գեղարքունիքի մարզի Շատվան-Ազատ ավտոճանապարհին։

Ինչպես հայտնում է Արտակարգ իրավիճակների նախարարությունը, դեպքի վայր ժամանած փրկարարներն արգելափակումից դուրս են բերել 9 ավտոմեքենա և 13 քաղաքացու ցուցաբերել համապատասխան օգնություն: