Հայ բռնցքամարտիկները շարունակում են իրենց հաղթական ելույթները Բուլղարիայում ընթացող երիտասարդների Եվրոպայի առաջնությունում։ Նախ հաղթական օրվա մեկնարկը դրեց 67 կգ քաշային Արես Հակոբյանը, որը առավելության հասավ էստոնացի Մաքսիմ Մակառովի նկատմամբ։ Այնուհետև բացահայտ առավելությամբ մոլդովացի մրցակցին հաղթեց 80 կգ քաշային Համլետ Ադամյանը։ Հաղթանակներ տոնեցին նաև 51 կգ քաշային Արեն Ասլամազյանն ու 92 կգ քաշային Ավետիք Հովակիմյանը։ Ընդ որում Հովակիմյանը թուրք մրցակցին հաղթեց բացահայտ առավելությամբ։ Մրցակցի առողջությունից ելնելով մրցավարները 3- րդ ռաունդում դադարեցրին մենամարտն ու հաղթանակը շնորհեցին հայ մարզիկին։

Հայաստանի Բռնցքամարտի Ֆեդերացիա

«Region5+» հաղորդաշարի ուշադրության կենտրոնում Հայաստանի ճանապարհներն են: Ի՞նչ աշխատանք է արվել և ի՞նչ է նախատեսվում:

Ի՞նչ վիճակում են միջպետական, հանրապետական, տեղական նշանակության ճանապարհները:

Ի՞նչ իրավիճակ է Սյունիքում, երբ ադրբեջանցիները փակեցին Գորիս-Որոտան-Շուռնուխ ճանապարհը. այլընտրանքային ճանապարհը Իրանից եկող խոշոր բեռնատարների համար գրեթե անանցանելի է:

Սկանդալներով ընթացող ճանապարհաշինություն… «Հյուսիս-հարավի» հետքերով: Մոտ 13 տարի առաջ սկսված շինարարության ավարտը չի նշմարվում:

Վանաձոր-Ալավերդի-Բագրատաշեն. չորրորդ անգամ այս ճանապարհի վերակառուցումը հետաձգվել է:

Արմավիրի ճանապարհների եւ կամուրջների անմխիթար վիճակը փորձություն է դարձել վարորդների համար:

Գյումրիի ճանապարհները ե՞րբ կարգի կբերվեն. իրական վիճակն ու պատասխանատուների խոստումները:

Մեկ կամ երկու օր օդի ջերմաստիճանի նվազումը չի ենթադրում, որ ամբողջ ապրիլ ամիսը տաք չի լինելու: Կանխատեսումը, որն արվել էր ապրիլի սկզբին, 100 տոկոսով արդարացվել եւ արդարացվում է:

Այս մասին այսօր «Հայկական ժամանակ»-ի հետ զրույցում ասաց ՀՀ հիդրոօդերեւութաբանության եւ մոնիթորինգի կենտրոնի տնօրենի տեղակալ Գագիկ Սուրենյանը՝ անդրադառնալով Հայաստանում առաջիկայում սպասվող կլիմայական փոփոխություններին եւ վերջին օրերի եղանակային կանխատեսումներին:

«Ամսական կտրվածքով մեզ մոտ ապրիլին գերակշռելու են նորմայից բարձր ջերմային օրերը»,- վերահաստատեց Սուրենյանը:

Անդրադառնալով հանրապետության որոշ հատվածներում կլիմայական փոփոխություններին եւ ձյան տեսքով տեղումներին՝ վերջինս նկատեց՝ կլիմայական տեսանկյունից այդ հատվածների ձյունը համարվում է նորմալ երեւույթ:

«Տարվա այս ժամանակահատվածում նորմալ են տեղումներն այն բնակավայրերի համար, որոնք գտնվում են ծովի մակերեւույթից 2000 մետր բարձրության վրա: Այդտեղ ծառերի ծաղկումը, բողբոջումն ու փթթումը տեղի են ունենում մայիսի առաջին տասնօրյակում: Ըստ այդմ՝ Շիրակի մարզում տեղացած ձյունը չի կարող որեւէ ազդեցություն ունենալ այնտեղի պտղատուների կամ, առհասարակ, որեւէ ծառատեսակի վրա»,- վստահեցրեց Սուրենյանը:

Նրա փոխանցմամբ՝ առայժմ հանրապետությունում թափվել է տեղումների ընդամենը 10-30 տոկոսը: Այսօր եւ վաղը տեղումներ են սպասում, մայրաքաղաքում եւս հնարավոր է կարճատեւ անձրեւ, ապա մինչեւ ապրիլի 19-ը լինելու է առանց տեղումների եղանակ:

«Վաղը՝ կեսօրից հետո, օդի ջերմաստիճանը կրկին կսկսի բարձրանալ: Ընդհանուր առմամբ 14-ից մինչեւ 19-ը ընկած ժամանակահատվածում աստիճանաբար կբարձրանա օդի ջերմաստիճանը 8-10 աստիճանով: 19-20-ը հանրապետության հովտային գոտիներում, այդ թվում՝ մայրաքաղաքում, ջերմաստիճանը կգերազանցի ցերեկը պլյուս 20-ի շեմը»- եզրափակեց հիդրոօդերեւութաբանության եւ մոնիթորինգի կենտրոնի տնօրենի տեղակալը:

Գողության մասին հաղորդումը ոստիկանության Կոտայքի բաժնում ձմռանն էր ստացվել: Հունվարի 5-ին օպերատիվ կառավարման կենտրոնից ահազանգել էին, որ Առինջ գյուղի էլեկտրաենթակայանից տրանսֆորմատորի յուղ են գողացել:
Դեպքի վայր մեկնած օպերատիվ խումբը պարզել էր, որ հունվարի 4-ից 5-ը գողացել են չշահագործվող հոսանքի կայանի յուղն ու պղնձե դետալներ՝ ընկերությանը պատճառելով մոտ 309 միլիոն դրամի վնաս:
Գողության փաստով հարուցվեց քրեական գործ:
Ծավալուն հետախուզական միջոցառումներ ձեռնարկվեցին: Ոստիկանության Կոտայքի բաժնի ծառայողների բացահայտման աշխատանքներին միացան քրեական ոստիկանության գլխավոր վարչության գործընկերները։ Հետևողական միջոցառումների արդյունքում տեղեկություններ ստացվեցին, որ գողությունը հնարավոր է կատարած լինեն երեք տղամարդ, որոնցից մեկը՝ Նոր Խարբերդի, երկուսը՝ Երևանի բնակիչ:

Ապրիլի 11-ին քրեական ոստիկանության գլխավոր վարչության և Կոտայքի բաժնի ծառայողները համատեղ միջոցառումներով կասկածվողներին հայտնաբերեցին ու բերման ենթարկեցին Կոտայքի բաժին:
Նրանք տվել են խոստովանական բացատրություն: Պարզվել է, որ գողոնը վաճառել են Երևանի տարբեր թաղամասերում:
Բերման ենթարկված տղամարդիկ ներկայացվել են Աբովյանի քննչական բաժին:
Հանգամանքները պարզվում են:

Պետական եկամուտների կոմիտեն տեղեկացնում է, որ 2022թ. ապրիլի 15-ին Մոսկվայում  տեղի ունեցած ԵԱՏՄ հանձնաժողովի խորհրդի նիստի ընթացքում ընդունված որոշմամբ սահմանվել է ՀՀ ներմուծվող՝ ԱՏԳ ԱԱ 0405 10 1100 և 0405 10 1900 ծածկագրերին դասակարգվող բնական սերուցքային կարագի՝ 1500 տոննայի համար սակագնային արտոնություն։

Սակագնային արտոնությունը տրամադրվում է ՀՀ մաքսային մարմնի գյուղատնտեսության ոլորտի իրավասու մարմնի կողմից ներկայացվող համապատասխան փաստաթղթի հիման վրա։ Արտոնությունը կիրառելի է 28.03.2022 -30.09.2022 թթ. միջակայքում` մաքսային մարմինների կողմից գրանցված հայտարարագրերի նկատմամբ:

ՊԵԿ տեղեկատվության և հասարակայնության հետ կապերի բաժին

Կառավարությունն իր այսօրվա՝ ապրիլի 15-ի նիստում որոշում կայացրեց շարքային կազմի պարտադիր զինվորական ծառայության 2022 թվականի ամառային զորակոչ հայտարարելու և զորացրում կատարելու մասին:

Նախագծում ասվում է. «Հայտարարել 2022 թվականի ապրիլի 18-ից մինչև հուլիսի 31-ը ներառյալ Հայաստանի Հանրապետության արական սեռի այն քաղաքացիների շարքային կազմի պարտադիր զինվորական և այլընտրանքային ծառայությունների ամառային զորակոչը, որոնց 18 տարին լրանում է մինչև 2022 թվականի հունիսի 30-ը ներառյալ, ինչպես նաև այն քաղաքացիների, որոնց շարքային կազմի պարտադիր զինվորական ծառայության զորակոչից նախկինում տրված տարկետումը դադարում է մինչև 2022 թվականի հունիսի 30-ը ներառյալ:

2022 թվականի ամառային զորակոչի շրջանակներում մինչև 2022 թվականի օգոստոսի 30-ը ներառյալ զորացրել օրենքով սահմանված ժամկետում շարքային կազմի պարտադիր զինվորական կամ այլընտրանքային զինվորական ծառայություն անցած զինծառայողներին»:

Ժողովրդական սխալներ։ Մեր ժողովրդի մի մասի մոտ որոշ սխալ սովորույթներ կան. եթե տանը մինչև Սուրբ Զատիկ ընտանիքի անդամներից մեկը մահացած է լինում, ապա տանեցիները ձու չեն ներկում և փլավի մեջ չամիչ չեն գցում։

Սա անտեղյակ տրամաբանության արդյունք է, ըստ որի` կարմիրը տոնական գույն է, և սգի մեջ եղող մարդիկ չպետք է ուրախանան։ Սակայն սա հանգուցյալի նկատմամբ հարգանքի արտահայտություն չէ, քանի որ Զատկի ձուն Հարության, կյանքի հավերժության խորհրդանշան է, հետևաբար, պիտի ներկվի հենց ա՛յդ ընտանիքներում` իբրև հոգևոր մխիթարություն, ի նշան կորցրած հարազատի հոգու անմահության և Երկնքի Արքայության համար հարություն առնելու։

Իսկ զատկական փլավի մեջ բրնձի հատիկները խորհրդանշում են մարդկությունը, չամչի հատիկները` առաքյալներին, ովքեր Քրիստոսի Ավետարանի քարոզությամբ քաղցրություն բերեցին մարդկային կյանքում։ Սուրբ Զատկի տոնի հետ կապված նաև այլ նախապաշարումներ կան մեր ժողովրդի կենցաղում` օճառով ձեռքերը չեն լվանում, կար չեն անում և այլն։ Սակայն Եկեղեցին երբեք այսպիսի հրահանգներ չի տվել հավատացյալներին, և սրանք ևս համարվում են անտեղյակությունից ծագած ժողովրդական անիմաստ սնոտիապաշտություններ։ Այսպիսի անտեղյակության հետևանք են նաև ժողովրդի կողմից սխալ կերպով գործածվող փոքր և մեծ զատիկ արտահայտությունները։ Զատիկ բառը գործածվում է միայն Սուրբ Հարության տոնի համար, իսկ հունվարի 6-ը ոչ թե Հարության տոնին` Զատիկին նախորդող փոքր զատիկն է, այլ Տիրոջ Ծննդյան տոնը:

Պետք է նշել, որ գերեզմաններ գնալու օրը մեռելոցի օրն է և ոչ թե դրան նախորդող եկեղեցական մեծ տոնի օրը, անկախ նրանից, թե մարդը երբ է մահացել։ Մեռելոցի օրերը հիմնականում լինում են երկուշաբթի օրերը, բացի Սուրբ Ծննդյան մեռելոցից, որը հունվարի 7-ին է անկախ շաբաթվա օրից: Մեռելոցների նախորդ կիրակի օրը տերունական ցնծալի տոն է տոնվում, և տոնի օրը սխալ է գերեզման գնալը։ Մեզանից ոչ ոք չի թողնի իր սիրելի հարազատի հարսանիքը` նույնպես սիրելի, սակայն մահացած բարեկամի գերեզմանը գնալու համար։ Եվ եթե այսպես ենք վարվում մեր մարմնավոր հարազատների պարագային, ուրեմն որքան առավել ևս չպետք է Տիրոջը նվիրված ուրախությունն ու ցնծությունը թողնելով` գնանք գերեզմաններ։

Զատկական ձու։ Ավագ Շաբաթ երեկոյան ավարտվում է Մեծ Պահքը: Այդ երեկո սեղաններին արդեն լինում են բրնձով և չամիչով փլավ, ձուկ, ներկած ձու, գինի: Այս օրը զատկական ձվերը տարբեր գույնի են ներկում: Դա ցույց է տալիս ուրախ տրամադրությունը, ինչպես նաև գեղեցկության համար է: Սակայն հիմնականում զատկական ձուն պետք է կարմիր գույնի լինի: Ձու ներկելու խորհուրդը շատ լավ է բացատրում Սուրբ Գրիգոր Տաթևացին: Ձվի դեղնուցը խորհրդանշում է երկիրը, սպիտակուցը` ջրերը, թաղանթը խորհրդանշում է օդը, իսկ կեղևը` երկինքը: Կարմիր գույնը խորհրդանշում է Քրիստոսի արյունը, և կարմիր ներկված ձուն ցույց է տալիս, որ ողջ աշխարհը փրկվեց Քրիստոսի արյամբ:

Տեր Ադամ քհն․ Մակարյան

«Քրիստոնեության իսկությունը» գրքից