Վանաձորցի Նարինե Բալայանը գրեթե ամեն օր զինվորական համազգեստով է․ և այսպես՝ 10 տարուց ավելի։ Կոչումով սերժանտ է, հեռախոսակայանի պետ: Աշխատանքի ընդունվել է ոչ միայն կարիքից ելնելով՝ ընտանիքի միակ կերակրող ձեռքն էր, այլև սիրելով զինվորական կարգուկանոնը, իսկ տարիների ընթացքում այն դարձել է ապրելակերպ:

Հիշում է՝ կար ժամանակ, երբ զինվորական հագուստով կնոջը՝ հասարակությունն այլ աչքով էր նայում: Բայց ժամանակի հետ փոխվում են նաև մարդկանց հայացքները:

Նարինեն ՀՀ պաշտպանության նախարարության կողմից  անբասիր ծառայության համար պարգևատրվել է 1-ին աստիճանի մեդալով: Բայց նրա պարգևները 3 երեխաներն են, որոնցից ավագ տղան՝ Վազգենը 3 պատերազմի մասնակից է: Պարգևատրվել Է արիության մեդալով:

44-օրյա պատերազմի ժամանակ Նարինեի 2 որդիներն էլ Ջրականի բարձունքն են պաշտպանել, բայց՝ տարբեր ջոկատներում:

Կրտսեր որդու՝ Արթուր Շեկոյանի ծառայության ավարտին 4 ամիս էր մնում, երբ սկսվեց պատերազմը: Ջրական գնալու իրողությունը մորից թաքցրել էր: Նարինեն 44-օրյայում հերոսացած որդու ձայնը վերջին անգամ լսել է նոյեմբերի 5-ին: Ցավով է հիշում, որ տղայի վերջին զանգն անպատասխան է մնացել:

Արթուրը 6 ամիս անհետ կորած է համարվել, մոր համար այդ  6 ամիսները կյանքի դժվարագույն օրերն էին՝ լի բազում հիասթափություններով, բայց միաժամանակ՝ հույսի չնչին շողով: Քանի որ այդ ընթացքում տարբեր վարկածներ կային Արթուրի հետ կապված: Հույսը չէր կորցնում, սակայն գույժը, այնուամենայնիվ, հասավ:

Կյանքի դժվարագույն փուլում Նարինեն մինչև անգամ զինվորական հագուստ կրելն էր դժվարանում, սակայն իր մեջ ուժ գտնելով շարունակեց ծառայել հայրենիքին:

Աշխատանքից տուն վերադառնալուց հետո Նարինե Բալայանը, հանելով զինվորական համազգեստը դառնում է ընտանիքի մայր, ով որդու կորուստ է տեսել, բայց ապրում է հանուն այդ նույն որդու, ով կյանքը չխնայեց հայրենիքի համար: Միայն մի ցանկություն ունի, որ այլևս աշխարհում պատերազմներ չլինեն:

Հայաստանը չեմպիոն ունի բռնցքամարտի Եվրոպայի երիտասարդների առաջնությունում: Մեր մարզիկներից պատվո հարթակի ամենավերին աստիճանին է կանգնել 60 կգ քաշային Էրիկ Իսրայելյանը, որը պարզապես գերազանց մենամարտեր անցկացրեց :

5 շատ վստահ հաղթանակ, որից 3 նոկաուտով: Եզրափակիչում նա հաղթեց բուլղարացի Կիրիլ Բարիսովին: Եվրոպայի նորընծա չեմպիոնին պատվո հարթակին պարգևատրեց բռնցքամարտի Հայաստանի ֆեդերացիայի նախագահ Հովհաննես Հովսեփյանը: Հայաստանի հավաքականից 67 կգ քաշային Արես Հակոբյանը դարձավ արծաթե մեդալակիր, իսկ երեկոյան մրցահերթում ոսկե մեդալի համար կպայքարի 80 կգ քաշային Համլետ Ադամյանը:

https://www.youtube.com/watch?v=mH8OnDTX7EE

«Գազպրոմ Արմենիա» ՓԲԸ-ն տեղեկացնում է, որ վթարավերականգնման աշխատանքներ իրականացնելու նպատակով ապրիլի 21-ին՝ ժամը 09:30-ից մինչև 14:30-ը, դադարեցվել է Լոռու մարզի Նոր Խաչակապ, Արջահովիտ (Ղուրսալի), Քարաձոր գյուղերի, Սպիտակ քաղաքի «Փյունիկ» թաղամասի գազասպառողների գազամատակարարումը:

Ընկերությունը հայցում է գազասպառողների ներողամտությունը:

Բռնցքամարտի Եվրոպայի երիտասարդների առաջնությունում Հայաստանը նվաճեց 3-րդ եզրափակիչի ուղեգիրը: Մեր պատվիրակներից ոսկե մեդալի համար կպայքարի նաև 80 կգ քաշային Համլետ Ադամյանը: Կիսաեզրափակիչում մեր մարզիկը մեծ առավելությամբ հաղթեց սերբ Մարկո Պիզուրիցային: Մենամարտից հետո բոլոր 5 մրցավարները միաձայն հաղթանակը շնորհել են հայ մարզիկին: Այսպիսով կիսաեզրափակիչ դուրս եկած մեր բոլոր 3 մարզիկները եզրափակիչում են: Ադամյանից բացի ոսկե մեդալի համար կպայքարեն նաև 60 կգ քաշային Էրիկ Իսրայելյանը և 67 կգ քաշային Արես Հակոբյանը: Եզրափակիչները կկայանան ապրիլի 21-ին:

Ապրիլի 17-ին՝ ժամը 17:18-ին, Արագածոտնի մարզային ճգնաժամային կառավարման կենտրոն ահազանգ է ստացվել, որ Թալին-Մաստարա ավտոճանապարհին տեղի է ունեցել ՃՏՊ. անհրաժեշտ է փրկարարների օգնությունը:

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ Երևան-Գյումրի ավտոճանապարհի 74-րդ կմ-ին բախվել են «VAZ-2106», «VAZ-21015» (վարորդ՝ Տ. Ռ., ծնված 1976 թ.) և «Mercedes-Benz E320» (վարորդ՝ Հ. Պ., ծնված 1986 թ.) մակնիշների ավտոմեքենաները։

Մինչ փրկարարների կանչի վայր հասնելը՝ «Mercedes-Benz E320» մակնիշի ավտոմեքենայի երկու ուղևոր տեղափոխվել են «Աստղիկ» ԲԿ, իսկ մեկ այլ ուղևոր՝ հոսպիտալացվել Թալին քաղաքի ԲԿ: «VAZ-2106» մակնիշի ավտոմեքենայի վարորդը տեղում մահացել է:

Փրկարարները «VAZ-2106» մակնիշի ավտոմեքենայից դուրս են բերել արգելափակված ուղևորի և պատգարակով մոտեցրել շտապօգնության ավտոմեքենային։

Փրկարարները սահմանազատել են տարածքը, հոսանքազրկել ավտոմեքենաները և փակել «Mercedes-Benz E320» մակնիշի ավտոմեքենայի գազի բալոնի փականը:

Ինչպես տեղեկացնում «Արմենպրես»-ի թղթակիցը, ընդլայնված կազմով հանդիպմանը հայկական կողմից մասնակցում են նաև փոխվարչապետ Մհեր Գրիգորյանը, Անվտանգության խորհրդի քարտուղար Արմեն Գրիգորյանը, Ազգային ժողովի նախագահի տեղակալ Հակոբ Արշակյանը, Արդարադատության նախարար Կարեն Անդրեասյանը, Կրթության, գիտության, մշակույթի և սպորտի նախարար Վահրամ Դումանյանը և ՌԴ-ում ՀՀ դեսպան Վաղարշակ Հարությունյանը։

Նիկոլ Փաշինյանը Միխայիլ Միշուստինի հետ նաև առանձնազրույց կունենա։

Հիդրոօդերևութաբանության և մոնիթորինգի կենտրոնից տեղեկացնում են, որ Երևանում ապրիլի 20-ի ցերեկը շրջանների զգալի մասում, 21-ին առանձին շրջաններում սպասվում է կարճատև անձրև և ամպրոպ: Ապրիլի 22-25-ին սպասվում է առանց տեղումների եղանակ:

Քամին՝ արևմտյան 3-6 մ/վրկ, ամպրոպի ժամանակ սպասվում է քամու ուժգնացում՝ 18-23մ/վրկ արագությամբ: Օդի ջերմաստիճանն ապրիլի 21-24-ին աստիճանաբար կբարձրանա 2-4 աստիճանով:

Հանրապետության տարածքում ապրիլի 20-ի ցերեկը շրջանների զգալի մասում, 21-ին առանձին շրջաններում սպասվում է կարճատև անձրև և ամպրոպ: Ապրիլի 22-25-ին սպասվում է առանց տեղումների եղանակ: Քամին՝ արևմտյան 3-6 մ/վրկ, ամպրոպի ժամանակ սպասվում է քամու ուժգնացում՝ 18-23մ/վրկ արագությամբ: Օդի ջերմաստիճանն ապրիլի 21-24-ին աստիճանաբար կբարձրանա 2-4 աստիճանով:

Հայաստանը ևս մեկ կիսաեզրափակիչի մասնակից ունի բռնցքամարտի Եվրոպայի երիտասարդների առաջնությունում։ 1/4 եզրափակիչում իր մրցակցին հաղթեց ու հաջորդ փուլ դուրս եկավ 80 կգ քաշային Համլետ Ադամյանը, ով գեղեցիկ հաղթանակ տոնեց Լատվիան ներկայացնող Իլյա Յուրսենոկսի նկատմամբ։ Այսպիսով կիսաեզրափակիչում Հայաստանն ունի 3 մասնակից։ Մենք ապահովել ենք առնվազն 3 բրոնզե մեդալ։