Լոռու մարզպետ Արամ Խաչատրյանն այսօր իր աշխատասենյակում ընդունեց և ծննդյան 70 ու աշխատանքային գործունեության 50-ամյա հոբելյանների առթիվ շնորհավորեց վաստակաշատ պարուսույց և մանկավարժ Լյովա Դերձյանին:
-Դուք գնահատելի ավանդ ունեք պարարվեստի զարգացման, պահպանման և տարածման գործում: Ձեր երկարամյա աշխատանքն ուղղված է ազգային արժեքների պահպանմանը, մատաղ սերնդի մեջ գեղագիտական ճաշակի դաստիրակմանը: Մաղթում եմ ձեզ քաջառողջություն, երկարակեցություն և նորանոր ձեռքբերումներ,- ասաց Ա. Խաչատրյանը:
Մարզպետն իր խոսքում կարևորեց մշակույթի մեծ դերը հատկապես ազգային արժեքների պահպանության գործում:
-Նաև ձեր նման նվիրյալների շնորհիվ է, որ մշակույթն ու մասնավորապես պարարվեստը հատկապես մեր մարզում զարգացման բարձր մակարդակի վրա է,-ասաց մարզի ղեկավարը:
Սիրելի պարուսույցին շնորհավորանքի խոսքեր հղեց նաև Լոռու մարզպետարանի կրթության, մշակույթի և սպորտի վարչության պետ Արամ Գրիգորյանը:
Լ. Դերձյանն իր հերթին մարզի ղեկավարին և մարզպետարանի աշխատակազմին շնորհակալություն հայտնեց գնահատանքի և ջերմ խոսքերի համար: