Ուկրաինայի նախագահ Վլադիմիր Զելենսկին հայտարարել է, որ նախաձեռնում է անվտանգության ապահովման Բուդապեշտի հուշագրի մասնակիցների բանակցությունները: Այն դեպքում, եթե մասնակից երկրները չտրամադրեն Ուկրաինայի անվտանգությունը, Կիևը կարող է չեղյալ համարել հուշագիրը։
«Ես կոնսուլտացիաներ եմ նախաձեռնում Բուդապեշտի հուշագրի շրջանակներում։ Դրանց գումարումը վստահվել է արտաքին գործերի նախարարին։ Եթե դրանք կրկին չկայանան կամ դրանց արդյունքներով մեր երկրի համար անվտանգության երաշխիքներ չլինեն, Ուկրաինան լիարժեք իրավունք կունենա կարծելու, որ Բուդապեշտի հուշագիրը չի աշխատում, և 1994 թվականի բոլոր փաթեթային որոշումները կասկածի տակ կդրվեն»,- հայտարարել է Զելենսկին Մյունխենի անվտանգության խորհրդաժողովում:
Հուշագրի համաձայն, որը ստորագրվել է 1994 թվականի դեկտեմբերին Ուկրաինայի, Մեծ Բրիտանիայի, ՌԴ-ի և ԱՄՆ-ի կողմից, Ուկրաինայի իշխանությունները երաշխավորել են միջուկային զենքի չտարածումը՝ ի պատասխան երկրի անվտանգության և ինքնիշխանության հարգանքի: Բացի այդ, մասնակից երկրները պարտավոր էին ձեռնպահ մնալ Ուկրաինայի նկատմամբ ուժի կիրառումից։
